كلنا ليلى السنه الرابعة

كلنا ليلى

كلنا ليلي هي مبادرة على الساحة التدوينية تدعو لإعادة النظر في القيم والأفكار السائدة المتعلقة بالأنثى التي يمارسها المجتمع يوميا دون اعتبار لتأثيرها على النساء أنفسهن

والدعوة ليست للترويج لثقافة أو قيم بعينها، ولكنها دعوة لنقد ومراجعة سلوكاتنا اليومية برغبة حقيقية في تغييرها وتنقيتها

لذا فالمشاركة متاحة ومفتوحة للجميع من مصر ومن الدول العربية نساء ورجال مدونين أو مواطنين يتم نقل أصواتهم للإنترنت

بدأت الفكرة فى سنة 2006 بمصر، ومنذ ذلك الحين شارك فيها العديد من المدونين والناشطين

وفي عامنا الرابع، نسعي لتوسيع التجربة لتشمل أكبر عدد ممكن من الدول العربية إيمانا مننا بأن الواقع الإجتماعي في الوطن العربى متشابه لدرجة التطابق فى بعض الأحيان؛ لهذا ندعوكم للمساعدة فى تنظيم الفعاليات لهذا العام والتى ستبدأ فى 24 من ديسمبر وتنتهى فى 30 من الشهر ذاته

انطلقتْ فكرة "كلنا ليلى" عام 2006 بمبادرة مدوِّنة مصرية باسم "لستُ أدري" بالإضافة الى العديد من المدوّنين في العالم العربي

و تتلخص فكرتها في دعوة المدونين العرب إلى التعبير عن آرائهم ومشاهداتهم فيما يتعلق بوضع المرأة العربية بكل حرية وصراحة، خاصة في ظل التأثير المتصاعد للإعلام الجديد على مجتمعاتنا متمثلاً في المدونات، وقد رأينا ذلك الأثر في الأعوام الماضية حيث اهتمت صحف ووسائل إعلامية عدة بالمبادرة منها الجزيرة والبي بي سي وصحيفة المصري اليوم والدستور وغيرهم

المشاركة متاحة ومفتوحة للجميع نساءاً ورجالاً، وللجميع مطلق الحرية في إبداء الرأي بأي من وسائل التعبير المتاحة: مقال، فكرة، صورة، تصميم، قصة ، أو أي شكل آخر. ويمكنك كذلك أن تختار بين النشر في مدونتك الخاصة أو النشر في المدونة الرئيسية للحملة

ليست هناك أية قيود سواء على الموضوعات أو الأفكار المطروحة، أو اللغة المستخدمة (رغم تفضيلنا للغة العربية لتكون اللغة الرسمية للمبادرة)، كما يمكن للمشاركة أن تكون مكتوبة أو مسموعة أو مرئية. كل ذلك مرحبٌ به ما دام صاحبه مؤمناً به ومسئولاً بشكل شخصي عن الدفاع عن آرائه أمام وجهات النظر المضادة ومستعداً كذلك لتغييرها إن اقتنع بأوجه القصور فيه

متى وكيف ؟

وفي عامها الرابع ستنطلق المبادرة يوم 24ديسمبروتستمر أسبوعاً فتنتهي يوم31 ديسمبر، كما أنها وعلى عكس الأعوام الماضية ستشمل دولاً عربية مختلفة – عدا عن مصر – كفلسطين وسوريا والأردن والمغرب وغيرها

جربت مرة ما تخافش من السعادة

مش عارفة ليه دايما الناس لما بتفرح بتخاف

يمكن بتخاف للحظات السعادة دى تنتهى بسرعة وللأسف هما بكده بيضيعوها بمزاجهم فى تفكيرهم فى الخوف وبيفوقوا بعد ما بتخلص اللحظات دى وبعدها لو حصل أى حاجة لا قدرالله يقولوا للى حواليهم شوفوا مش قلت لكم أنا كان قلبى حاسس وخايف وأحساسى طلع صح

أحساس إيه بقى اللى طلع صح

هو مش المفروض أننا بشر وعايشين فى دنيا فيها الحلو والوحش والسعادة والحزن يعنى أكيد هنمر بلحظات سعادة ولحظات حزن وحاجات كويسة وحاجات وحشة

يبقى مش غريب لو مثلا حصلت حاجة وفرحتنا قوى وبعدها بيوم ولا يومين حصل أى حاجة وحشة لأننا عايشين فى دنيا مش فى جنه

ولكن للأسف أحنا اللى بنضيع لحظات السعادة والفرح وبنقتلها بسبب خوفنا من اللى جاى ويا سلام بقى بنعيش لحظات الحزن بدقة وأخلاص قوى وكل واحد كده يبص جوه نفسه لما بتحصل حاجة تزعله هتلاقيه بيعيش الجو الحزين قوى ويتمادى فى حزنه ولكن لما تحصل حاجة تفرحه يادوب شوية كده يفرح وبعدين يفضل خايف من اللى جاى

تقريبا ماعندناش ثقافة الأستمتاع بالسعادة

أحنا لية بنتسعجل الحاجات الوحشة

عايزة الناس تقولى هل فعلا بتخافوا من لحظات السعادة والفرح ولا بتحاولوا تعيشوها صح ؟

وليه أصلا بتخافوا منها وبتضيعوها بالخوف ده ؟

شعور بالأحتياج

عندما تجد نفسك تحتاج أشخاص بعينها فى حياتك وتكون فى قمة أحتياجك لهم وللحديث معهم ولا تجدهم فمن الأفضل أن تصمت وأن تحترف الصمت بدلا من شعور الأحتياج الذى يعذبك
فكلنا بشر ونحتاج فى أوقات معينة للكلام والبوح ولكن ليس مع أى شخص سوف نتكلم فكل شخص منا حوله الملايين من الأشخاص ولكن الذى تريد الكلام معهم والخروج من صمتك ليسوا كثيرون ولكن عندما تريدهم لم تجدهم ليس تقصيرا منهم ولكن لظروف كثيرة يمر بها كلا منهم
ويظل أحساسك بالأحتياج يعذبك وتجبر نفسك على التزام الصمت حتى لا تجرح نفسك أكثر من اللازم وحتى تشعر بأنهم يشعرون بما داخلك ويحاولون أخراجك من صمتك فلا تتردد وأخرج ما بداخلك فهذا ما كنت تتمناه
ولكن لو حدث ولم يشعروا ويهتموا بك فألزم الصمت وأتركهم لحالهم وما هم به فمن المؤكد أن لديهم الكثير والكثير الذى يجعلهم لا يشعرون بك وعليك أن تلتمس لهم الأعذار ولا تغضب حتى تعرف سبب بعدهم عنك
ولكن لو شعرت بأن بعدهم عنك ليس الا عدم أهتمام منهم فعليك الأبتعاد عنهم وعدم اللجوء لهم مرة آخرى وتركهم لحالهم حتى لا تكون متطفل وتزعجهم بتطفلك وحتى لا تتعذب بأحساس المتطفل
وكفى شعور الأحتياج الذى يزعجك ولا تجد من يشاركك حتى تتخلص من هذا الشعور

ولكن كل ما أشعر به الآن هو شعور رهيب بالأحتياج لأشخاص بعينها وما يؤلمنى أكثر أنى حتى الآن لا أستطيع الحديث معهم لسوء الحظ الذى يحالفنى كلما أردت الحديث معهم
ولكن كل ما أعلمه أنهم على علم بما داخلى ولكن أحساس التطفل الذى شعرت به عند طلبى الحديث معهم يعذبنى خاصة أنى لم أصل لهم ولم أستطع الحديث معهم وأجبرت نفسى الآن على أحتراف الصمت حتى أصل لنتيجة ما

أما أن ينتهى شعور الأحتياج هذا

أو أجدهم يحدثونى

أو أتخلص من أحساس التطفل

أو كل هذا مرة واحدة

حوارى مع موظف التعداد

رن جرس الباب الصبح وجريت أبص من العين السحرية لاقيت واحد ومعاه دفاتر وورق كتير فكرت شوية أفتح ولا لا وفى النهاية فتحت شراع الباب بس لأنى كنت لوحدى فى البيت
وبعدها عرفنى بنفسه وبأنه من التعداد وجاى يأكد على البيانات اللى جت بنات قبل كده خدتها مننا وأعتذر عن الأزعاج اللى هو حسه وده لأنه لاقانى فتحت الشراع مش الباب وعرف أنى لوحدى وده سبب له أحراج

ما علينا المهم بدأت الأسئلة

الشاب / الأسرة كام فرد
أنا / أحنا خمسة بس أخواتى الأتنين حاليا برة مصر مش هنا
الشاب / يعنى كام واحد مقيمين فى الشقة
أنا / فى بالى أممممممممم ما أنا لسة قايلة أننا خمسة وأخواتى الأتنين مش هنا يبقى الباقى أكيد ثلاثة المهم قلت له ثلاثة
الشاب / أيوة المقيمين بس هنا ثلاثة
أنا / قلت له أيوة ثلاثة
الشاب / يعنى اللى عايشين هنا ثلاثة
أنا / من جوايا أتخنقت بصراحة وكنت هفقد أعصابى قلت له أيوة ثلاثة اللى مقيمين حاليا هنا أنا وبابا وماما
الشاب / مين بقى الثلاثة دول
أنا / فى سرى آه يا دماغى هو أنا بتكلم هيروغليفى
الثلاثة أنا وبابا وماما
الشاب / أه الوالد اللى هو الأستاذ عبدالباسط وكمل باقى الأسم طيب عنده كام سنه
أنا / 58 سنه
الشاب / طيب والوالدة أسمها إيه وكام سنه
أنا / وبعد ما قلت له فاجأنى بسؤال كان هيغمن عليااااااااااااااا
الشاب / وأنتى بقى المدام أسمك إيه وكام سنه
أنا / بعد صدمة الكلمة الغريبة العجيبة ولأنى من شوية بقول له البيت فيه أنا وبابا وماما وكمان قلت له سن بابا يعنى مش معقول هبقى المدام المهم قلت له لا أنا بنتهم وأسمى كذا وسنى كذا
وفى سرى صبرنى يارب
الشاب / طيب مؤهلات بابا وماما إيه وبيشتغلوا إيه
أنا / بعد ما قلت له قالى سؤال أكتر مفاجأة وأتحدى لو حد يعرفه عن أهله
الشاب / طيب هما شغالين من كام سنه
أنا / بعد نظرة كلها أستغراب قلت له مش عارفة الصراحة بس تقريبا هما شغالين من يوم ما أتخرجوا بس كام بالظبط معرفش
الشاب / يعنى مثلا بابا بقاله 30 سنه
أنا / اه ممكن مع أنى بعدها لما حاولت أحسبها لاقيتهم أكتر ولأنه فاضل له سنتين ويطلع معاش ههههههههههههههههههههههههههههههه
الشاب / طيب ماما شغالة من كام سنه
أنا / قلت له برضة مش عارفة ممكن 30 برضة وفى بالى هيا البيانات دى مش معقول حد يعرفها عن أهله والمفروض يسأل الأهل نفسهم عااااااااااااااااااا
الشاب / طيب إنتى مؤهلك إيه وكام سنه
أنا / ليسانس آداب فلسفة و26 سنه
الشاب / بتشتغلى
أنا / لا
الشاب / أتصدم وأستغرب كأنى شتمتة مثلا وقالى ما أشتغلتيش خالص
أنا / لا أشتغلت قبل كده فى مدرسة بعقد وسبتها
الشاب / بنفس نظرة الأستغراب والصدمة اللى مش فهماها طيب وسبتى الشغل من أمتى
أنا / من حوالى سنه ونص
الشاب / طيب ما أشتغلتيش تانى لية
أنا / هو فيه شغل وأنا قلت لا
الشاب / لية هو مفيش
أنا / وكنت فعلا هفقد أعصابى عليه إيه الكلام المستفز ده قلت له طبعا مفيش هو فين الشغل ده وفى سرى إيه علاقة الكلام ده بالتعداد نفسى أعرف
الشاب / قام سألنى تانى مؤهلك إيه مع أنى لسة قايلاه له من شوية وقام كتبه مع شوية كلام بعد الكام سؤال دول وبعدين فجأة قالى تانى سنك كام مع أنى لسة قايلاه
أنا / 26 سنه وفى سرى صبرنى يارب أنا إيه اللى صحانى بدرى النهاردة عااااااااااااا
الشاب / بعد ما سمع السن للمرة المليون قالى إنتى مقيمة هنا
أنا / كنت فعلا هعمل كذا حاجة يا هقفل الشراع فى وشه يا هصرخ من غيظى يا هضربه يا هعمل أى حاجة تطلع الغيظ اللى أنا فيه
قلت له أيوه مقيمة هنا
الشاب / أستغرب قوى وسألنى وقالى 26 سنه
أنا / قلت له أيوه
الشاب / ومقيمة هنا على طول
أنا / فى سرى يارب
أيوة مقيمة هنا على طول وفى سرى أمال على العرض هههههههههههههه
ومش عارفة هو أستغرب لية من أنى 26 سنه ولسة مقيمة مع أهلى هو الواحد المفروض من سن كام يطفش ويسيب أهله هههههههههههههههههههههههههههههههههههه
ولا هو المفروض يستقل بنفسه بقى بعد سن معين ولا فيه إيه فى اليوم ده ولا الواد ده أخره إيه أنا أتخنقت
الشاب / قعد يقلب شوية فى الورق وفى الحاجات اللى كتبها وفى النهاية قالى فيه رقم تليفون بيت
أنا / أيوة
الشاب / طيب ياريت أخده
أنا / أديته له
الشاب / طيب ماشى شكرا وأسف على الأزعاج والسلام عليكم
أنا / العفو وعليكم السلام وقفلت الشراع وكان هاين عليا أكسر الباب من الغيييييييييييظ

وكنت فعلا هموت وأعرف إيه كمية الأستغراب اللى هو أستغربهم لما عرف أنى ما بشتغلش وأنى قلت له أنه مفيش شغل كأنى قلت شىء غريب أو مش موجود
وكمان لما عرف سنى وأنى لسة مقيمة هنا أمال عايزنى أقيم فييييييييييييييييين
وكمان البيانات اللى كل شوية أقولها وينساها كأنى بكلم نفسى مع العلم أن كل كلمة بيكتبها يعنى حتى لو نسى هيلاقيها مكتوبة

وساعتها أفتكرت أغنية ما شربتش من نيلها ما أستغربتش من كلامها طيب بطلت تستغرب ولا لسة

عيد الحب السنجلاوى

لا أعلم تحديدا منذ متى وأنا أعرف بأمر هذا العيد سواء العيد المحلى 4 نوفمبر أو العالمى 14 فبراير ولكن كل ما أعلمه أننى أرى أن الحب يجب أن يكون موجود طوال العام ولا مانع من يوم أو أثنان نزيد فيها جرعة الحب والهدايا وخلافه ولكن كل ما كنت أمانع فيه هو أن الناس طوال العام فى شجار ونزاع ونكد وفجأة يهبط الحب والحنان والهدايا

أين كان هذا الحب طوال العام ولماذا ننساه ونتذكره يوم واحد فقط ؟

ولكن دعونا من هذا ولكنى طوال عمرى والست وعشرون سنه التى قضيتها على وجه الأرض وأنا أحتفل بهذا العيد بمفردى ومع أصدقائى وأقاربى ونتبادل التهنئة والعبارات الجميلة وكنت أرى الشوارع مليئة بكل شىء لونه أحمر مثل الدباديب والورود وغيرها وأرى كل ولد وبنت يسيران فى حالة هيام وغرام غير طبيعية وخاصة عندما كنت فى المرحلة الجامعية كان هذا اليوم نادرا ما تجد فتاه أو شابا يسير بمفرده ومع أنهم طوال العام فى شجار ولكن فجأة يهبط الحب والسلام وعندما ينتهى اليوم يعود الشجار والنكد الى قواعده سالما
ولكنى لم أحتفل بهذا العيد مطلقا مع طرف آخر بمعنى أدق مع شاب وهذا لأننى غير مرتبطة

ولا أخفى عليكم سرا أننى مثل باقى البشر وبداخلى مشاعر وأحاسيس وأتمنى أن يأتى اليوم وأجد من يقدم لى وردة أو يتذكرنى بكلمة طيبة ولكن حتى ذلك اليوم سوف نحتفل بهذا العيد السنجل وسوف أسمية عيد الحب السنجلاوى نسبة الى كل السناجل الموجودة والتى أعرف منهم الكثيرون

واذا كنت عزيزى القارىء من زوى السناجل مثلى تماما فعليك الأحتفال هكذا

أولا أن تتذكر كل من تعرفهم ومرتبطين وتحاول تذكرتهم بأمر هذا العيد لعل وعسى يكون أحدهم فى عالم آخر ونسى هذا الأمر فتكون فعلت شىء جيد جداااااااااااا مثلما فعلت أنا وذكرت أخى بأمر العيد ليحتفل به مع خطيبته

ثانيا أن تتذكر كل الخلافات والشجار الذى يحدث بين أى شخصين مرتبطين وأنت تعرفهم جيدا لتحمد الله على أنك مازلت سنجل

ثالثا أن تشترى دبدوب أحمر كبير ووردة حمراء وتسير بها فى الشارع مثل باقى البشر ليتخيلوا أن أحدهم أهداها لك وأنك مثلهم تماما وعندما تصل الى منزلك ضع الدبدوب فى علبه الهدايا والوردة داخل كتابك المفضل وأنتظر اليوم الذى سوف تكون مرتبط فيه وأهدى الدبدوب للطرف الآخر وأخرج الوردة وقل له أنك كنت تحتفظ بها وتنتظره ليراها

رابعا أرسل بالتهانى ورسائل ورنات الموبايل لأصدقائك ولأهلك ولأنه يجب أن يكون عيد حب لكل الناس

خامسا عيش وأحلم وأكثر من دعائك الى الله أن يوفقك وتصل لنصفك الثانى

سادسا أخرج وسر فى الشوارع وأفعل كل ما تريد وتذكر أنك بمفردك وأن للسنجل مميزات كثيرة فلن تجد شخص يعطيك موعد ويتأخر ولا تجد أولاد فى البيت وتود الا تعود الى منزلك حتى ترتاح من صراخهم طوال اليوم وأنك قادر على الخروج والسفر بمفردك فى أى وقت بدون مشاكل

سابعا أعلم تمام العلم أن نصفك الثانى بأنتظارك ولكن عليك أن تلتفت حولك حتى تجده وتجده بعناية

ثامنا أفعل مثلى وأنسى كل شىء وأى شىء وسافر الى أى مكان وحبذا لو كان مكان ريفى وأستمتع بالخضرة وكل شىء جميل وأنسى المدينة بصخبها وكل مشاكلها وأذهب لترتاح قليلا من نفسك ومن كل شىء


وأخيرا كل عيد حب سنجل وجميعكم بخير متمنين لكم فى العيد القادم فى شهر فبراير أن لا تكونوا سناجل
مع تحيات شركة السناجل المتحدة

سنجل وأفتخر

يمكن اللى هقوله كلام أتقال كتير قبل كده وهيبقى كلام متعاد ولكن كل مرة بحاول أكتب فيها موضوع خاص بالبنات بحاول أكتبه بصيغة الجمع يعنى بتكلم عن كل البنات مش عنى أنا
ولكن المرة دى حسيت أنى عايزة أتكلم عنى ويمكن لما هقول اللى جوايا واللى حاسة بيه الموضوع هيوصل أكتر
فى مجتمعنا دايما بتلاقى البنت فى كل مرحلة من عمرها ليها مسمى ولكن فيه مسمى بيبقى جارح قوى وبيسيب علامة مش كويسة جوه أى بنت وهو عاااااااااااااااااااااااااانس
يمكن أنا عن نفسى مش مقتنعة بالموضوع ده ومش فارقة معايا أى سن ولا شايفة أن الجواز والأرتباط لازم يكونوا فى سن معين وبعد كده نبدأ نتهم البنت ونرمى عليها كلام وشوية ونقول خلاص القطر فاتها بقى ومحدش يفكر يقرب لها ولأن ديننا كمان محددش سن للجواز وقال أن بعد كده خلاص ما ينفعش ولكن مجتمعنا هو اللى عمل كده
ولأن الحكاية مش حكاية جواز وخلاص ما هو فيه ملايين الناس متجوزة ولكن هل هما عايشين صح ؟ هل هما مبسوطين ؟ هل هما حاسين بأى حاجة حلوة فى الدنيا ؟ ولا كل يوم يلعنوا فى الجواز وسنينه
مش قادرة أقول لكم كم الأذى اللى بحس بيه لما بحس أن حد بيعتبرنى خلاص القطر فاتنى وعليا أنى أقبل بقى بأى حد وخلاص والا ما ألومش الا نفسى
ويمكن أنا فى المكان اللى عايشة فيه الموضوع مش كبير قوى أو مش كل الناس شايفين كده ولكن لأنى من بلد ريفى فالموضوع بقى واخد شكل تانى ويمكن مش بالنسبة لكل الناس ولكن الأغلب عندهم أن البنت لما توصل ل 20 سنه من غير أرتباط تبقى دخلت فى سن الخطر وأول ما تخلص جامعة عند سن 21 تقريبا ومفيش حاجة بقى يبدأ الكلام والهمس ويا سلااااااااااااااااااام بقى لما توصل لسن 25 ولسة مفيش خطوبة ولا جواز كده تبقى كارثة بكل المقاييس
ولأنى خلاص عديت ال 25 سنه فالموضوع بقى واخد خط مش لطيف أبدا مع ناس كتيرة ويمكن بتحط فى مواقف تخلى الحجر ينطق وخاصة فى الأفراح اللى أنا بصمم أحضرها زى أى بنى أدم طبيعى ولأن مفيش فيا حاجة تخلينى أهرب من الناس ولكن للأسف الناس هيا اللى مريضة بمرض أسمه الجواز والعنوسة وخلافه
ويمكن قبل كده كانت كلمة عقبالك بتتقال ليا عادى مع أبتسامة أو ضحكة أو هزار من أى حد ولكن دلوقتى الوضع أختلف تماما بقيت بسمع كلمة عقبالك بنظرة كلها حزن ويأس وحسرة عليا وعلى عمرى
بالأضافة الى كم الدعوات اللى بسمعها بودنى وببقى نفسى فى اللحظة دى أفقد سمعى علشان ما يحصلش ليا حاجة من الكلام ده
عارفين كده لما واحد يبقى بيشحت ومصمم أنك تديلة حاجة ويفضل يدعيلك بطريقة مستفزة جداااااااااااااااااا
هو ده بالظبط اللى بقى بيحصل دعوات بأن ربنا يكرمنى وياريت الكلمة تتقال مرة واحدة لا دى بتتقال مليون مرة مع طبطبة على الكتف وشوية وهياخدونى فى حضنهم ويعيطوا ويكون نفسهم أعيط معاهم علشان الدعوة تجيب أثر
وطبعا أنا فى المواقف دى بتجيلى حالة هستيرية من الضحك وبتبدأ بأبتسامة بلهاء ورد بأن اللى ربنا عايزة هيكون وبأن محدش هيموت من عدم الجواز وبأنى مش مستعجلة ولا عايزة أسيب أهلى ولا أهلى أشتكوا منى ولأن الموقف ده فعلا بيبقى مهين وجارح جدا ومش أى حد هيحس بيه الا بنت وتكون مرت بواحد زيه
تخيلى نفسك كده رايحة مثلا خطوبة بنت عمك وهيا أصغر منك بحوالى خمس سنين وانتى مبسوطة ليها جدااااااااااااااااااااااا وعايزة تطيرى من الفرحة ليها وفجأة أول ما توصلى وتسلمى عليها وتاخديها فى حضنك وتباركى ليها وتبدأى فى السلام على باقى الناس تحسى أنك واقفة فى جامع والكل عمال يدعى ليكى بطريقة مستفزة وياريت الكلمة تتقال مرة واحدة لا لا أزاى لازم تتقال مليون مرة وكل شوية تلاقى حد جاى وراكى ويكمل دعاء ويملس عليكى قال يعنى علشان الدعاء يبقى صح ويتحقق وكمان شوية وتحسى أنهم هيشحتوا عليكى عريس
ولا لما تحسى أن الناس خايفة أنك تحسدى قرايبك البنات اللى أصغر منك وأتخطبوا أو أتجوزوا وبيبصوا ليكى بصات مش كويسة ومعناها أنهم خايفين من عينك ومن حسدك
فعلا هو أحساس وشعور بشع وموقف سخيف وبايخ جدااااااااااا وبيجرح بنات كتير قوووووووووووى وبيعلم جواهم
ولكن أحسن حاجة أن كل واحدة تبقى واثقة فى نفسها جدا وما تحاولش تتأثر بالكلام ده بالعكس ده تحاول تبقى طبيعية جدا وعادية مع الناس وترد عليهم بكلام يخليهم يكسفوا من نفسهم ومن أفكارهم الغريبة دى
وتعيشى حياتك عادى جدا وما تقبليش بأى واحد علشان تخلصى من كلام الناس لا طبعا ده غلط ولأنه ممكن يؤدى لمشاكل ولا قدر الله لطلاق بعد كده يبقى إيه الأحسن جوازة فاشلة ولا طلاق ولا تبقى عانس زى ما الناس عايزة
أنا عن نفسى هفضل سنجل وعااااااااااااااااانس زى ما الناس عايزة لحد ما ألاقى اللى أنا عايزاه وغير كده يبقى بيت أهلى أولى بيا وحياتى ومستقبلى أهم لأن الموضوع مش جواز وخلاص ولا بيعه وشروه وصفقة هنعملها ده عمر وحياه وحاجات كتيرة مهمة لازم تبقى موجودة
مش عارفة لية حاسة أن عمرى ما هعيش لليوم اللى هشوف التفكير ده أتغير ناحية البنت وحتى لو ما أتغيرش وأنا لسة عايشة بتمنى يجى يوم ويتغير وبيتهيألى التغيير هيجى مننا أحنا يعنى أحنا دلوقتى سواء كنا بنات ولا ولاد أكيد فاهمين الكلام ده وبقينا شايفين أنه فيه موروثات وتقاليد غلط جدا وطالما عارفين كده يبقى نبدأ نغيرها ونعمل الصح
بالأضافة الى أننا نعلم ولادنا الصح ونغرس جواهم المفاهيم الصح مش الموروثات الغلط اللى عمالة تدمر فينا

وعلشان كده أنا برجح أفضل سنجل وبناشد كل البنات تفضل سنجل لحد ما يلاقوا نصهم التانى بس يلاقوه صح مش أى كلااااااااااااام

صدور العدد السادس وأفتتاح دار نشر ميكانو ومهرجان ميكانو الأول

تم بحمد الله صدور العدد السادس من مجلة ميكانو

لمشاهدة العدد كاملا

http://www.mikanoo.com

بالأضافة الى مفاجأتنا المتعددة منها

افتتاح دار ميكانو للنشر الإلكترونى

لمن يرغب فى نشر مدونته يرجى الارسال عبر الايميل التالى

info@mikanoo.com

------------------------------------------

قريباً مهرجان ميكانو الأول فى تاريخ مصر لأدب المدونات

ونتيجة مسابقة مدونات ميكانو

انتظروناااااااااااااا

أعشق تمردى

نعم أعشق تمردى ولا أرى فيه شىء خطأ مع أن الكثيرون يرون أن التمرد يتمثل فى الصوت المرتفع والتعدى على كل شىء صحيح وفعل الكثير من الأشياء الخاطئة
لكن تمردى أنا تمرد من نوع خاص لا يرتبط أبدا بالصوت المرتفع بالعكس فتمردى يرتبط كثيرا بالصمت والرفض المستميت لأى شىء لا أرغب فيه
فقد أحترفت الصمت منذ الصغر وصارت عندى موهبه فيه وصار الصمت فن أتقنه بشده ونادرا ما يفهمنى أحد أو يعلم ما بداخلى ولكن المقربين منى فقط يعرفون كل ما بداخلى فمجرد نظرة منى كفيلة بإيصال ما أود قوله ولكن يوجد كثيرون لا يفهمون لغة العيون ولكن من لا يفهمها لا يهمنى فى شىء فيكفينى فهم أقرب الناس لى ولأنى أتخذت من صمتى خطا دفاعيا عن كل شىء يمر بى ولأن الكلام كثيرا لا يصل لنتيجة وينتهى الأمر بالجدال فقط والمعارضة والنقد لمجرد النقد والمعارضة ليس الا
أحببت خجلى وأنطوائيتى الزائدة وأنا صغيرة التى جعلتنى صامتة رغما عنى نسبة لكم الخجل والأنطوائية التى كنت بها ولكن عندما كبرت وتخلصت من هذه الأنطوائية وأصبحت أجتماعية نوعا ما أخترت الصمت طريقا لى بدلا من الجدل الذى ينتهى الى جدل ومشاكل لا نهاية لها
فكثيرا ما نتكلم ونقول ونقول وينتهى الكلام بلا شىء ولا نتيجة ففى هذا الوقت يكون الصمت أصلح حل وتكون لغة العيون هى طريقى لإيصال ما أريد
وقلمى وورقى هما الطريق الثانى وبهذا أخرج ما بداخلى
أعشق تمردى على العادات والتقاليد والموروثات الخاطئة والتى لا ترتبط بالحلال والحرام ولكنها أشياء موروثة فى عقولنا فلا داعى من خجلى أو تصريحى من تمردى عليها
أعشق تمردى على الخوف والفشل والأحباط واليأس وكل شىء يأخذنى للخلف
وأريد أعلانها بأعلى صوت بأنى بشر وأريد أن أعيش مثل أى بشر وأنى مللت وحدتى التى يغلفها الصمت والبرود والجمود والأحتياج فبداخلى بركان ثائر يود أن يخرج ويصيح بأعلى صوت ويصرح بأنه بشر ويود أن يعيش مثل باقى البشر
بداخلى بركان مشاعر يود أن يصيح بعلو صوته ويخرج من صمته وهدوئه ويصبح كالفيضان يملأ الكون كله ويعلن ما بداخله بكل قوه وبدون خوف
مازلت أتمرد حتى على نفسى ولا أعلم نتيجة هذا التمرد الا أنى أعشق تمردى بشدة

الى أغلى صديقة عندى

بالفعل الصداقة كنز لا يفنى وأعتقد أن هذه الكلمة لا أستطيع أطلاقها الا على أغلى صديقة فى حياتى وتعرفين جيدا مدى حبى لك ومهما حدث ويحدث فلن يؤثر هذا على صداقتنا بالعكس سوف يزيدنا أرتباطا ببعضنا وحبا أكثر من السابق
أعلم أننا فى الفترة الأخيرة مررنا بالكثير من الظروف والمتغيرات التى جعلتنا مشتتين فى كل شىء
أعلم أن تأخرى عنك أو تأخرك عنى ليس تقصيرا من أى واحدة مننا ولكنه بفعل أشياء وظروف كثيرة
أعلم أننا متشابهين فى أشياء كثيرة جدا ومنها طبع الكتمان وعدم البوح بما بداخلنا الا لأقرب الناس فقط حتى أقرب الناس أوقاتا كثيرة يغلبنا طبعنا ولا نتكلم ولا يعلم أحد بما داخلنا
ولكن أنا وأنتى نشعر ببعضنا مهما حاولنا الكتمان فأنا أشعر بما داخلك حتى لو كنتى تخفيه وتضعى فوقه أكبر أبتسامة وأنتى بالطبع تفهمينى بدون أن أتكلم تشعرى بى
أتذكر جيدا منذ فترة عندما كنت أحدثك هاتفيا ونتحدث فى عملنا وأنا أحاول أخفاء ما بى فقلتى لى ماذا بك أشعر فى صوتك نبرة يأس وأحباط ماذا حدث ولم أنطق أو أقول لكى شىء ولكن بالفعل يوجد الكثير والكثير عندى وبداخلى ولكن لا أريد رمى الكثير من الأحمال على عاتقك ولأنى أشعر بأن داخلك أكثر منه ولا تودى الحديث عنه لنفس الأسباب
ولكن نحن نعلم جيدا أننا لا نستريح فى الكلام أو البوح الا مع بعضنا فكفى ما حدث ويحدث وكفى كتمانا فبداخلنا جبال من الأحاديث التى لو خرجت لأرتحت أنا وأرتاحتى معى
أخرجى ما بداخلك وساعدينى أخرج ما بداخلى فأنا أحترفت الصمت ومتعبة من هذا الأحتراف وانتى تعلمى جيدا مدى أحتياجى للكلام والبوح ولكنى لن أتكلم مع أى شخص ولأنك تعرفين عزة نفسى التى تمنعنى الآن من مجرد طلب أنصات أى شخص أيا كان لى
فمن لم يشعر بى لا يجدى كلامى أو طلبى للبوح معه ولكنك أنتى الوحيدة التى تريحينى بكلماتك ولكنى لم أنطق بكلمة حتى أعرف ما بك وبداخلك ويجعلك متغيرة منذ فترة طويلة
لا أعلم ماذا حدث لى ولك ولكن كل ما أعلمه أننا نمر بمرحلة خطيرة فى حياتنا ويحدث لنا الكثير من التقلبات التى جعلتنا نفقد صوابنا أحيانا
ولكن الشىء الوحيد الباقى هو حبنا ورباط صداقتنا الذى سوف يستمر الى أخر يوم فى عمرى
فأنا لا أستطيع تخيل حياتى بدونك ولا بدون وجودك معى فى كل شىء أفعله فأنتى أغلى شىء فى دنيتى هذه
وشريكتى فى كل آحلامى وطموحى وبدونك لن أفعل شىء لأننا بدأنا كل شىء سويا ولا يوجد لشىء طعم بدونك
أرجوكى لا تقولى أن كل شىء ذهب ورحل فمازال أمامنا الكثير والكثير لفعله فى حياتنا
أنسى كل شىء وتعالى نفتح صفحة جديدة وننسى ما حدث وكان وننظر لحياتنا القادمة ولمستقبلنا وأهم شىء صداقتنا التى تقوينا أكثر وأكثر

الدنيا برد وعم خليل بيسقى الورد

ناس كتيرة بتستغرب قوى لما بتسمعنى أقول أنى بحب الشتاء والبرد وخصوصا المطر وبكون فى قمة سعادتى ونشاطى فى فصل الشتاء مع أنه فيه ناس بتشوف العكس وأن نشاطها بيقل بسبب البرد والمطر والحاجات دى لكن أنا لاااااااااااااااااااااااااااا بعيش أحلى أيام حياتى فى الشتااااااااااء وخاصة المطر وبيبقى نفسى قوى أخرج أمشى تحت المطر وخاصة بقى على الكورنيش لأن الجو بيبقى تحفة

وبما أننا خلاص أوشكنا على فصل الشتاء والنهاردة بدأت علاماته وخير اللهم أجعله خير وكعادتى من فترة وبعد لخبطة ساعتى البيلوجية اللى بتخلينى أفضل صاحية للصبح وأحيانا للضهر وبعد كده أناااااام
النهاردة بقى الساعة جت 7 قلت لنفسى أقوم بقى أنام ويادوب زى كل يوم بلمح ماما قايمة علشان تروح شغلها وأنا بستعد علشان أنام وفى الوقت اللى هيا بتصحى فيه زى الناس الطبيعية تلاقينى عمالة أتنطط فى البيت وأخبط وأرزع معرفش فى إيه وبعدين أقوم داخلة أوضتى علشان أنام ويمكن لأنها عارفه أنى مجنونة والبرج اللى فاضل فى عقلى طار ما بقتش بتعلق على تصرفات الجنان دى وأخرها أمبارح لما قامت لاقت المطبخ مقلوب رأسا على عقب وبقالى ساعة عمالة أخبط وأرزع وكل ده لأنى كنت جعانة وماليش نفس لحاجة تقليدية قمت أخترعت شوية فى المطبخ وده كان الساعة 6 الصبح وعما خلصت أختراعات وبهدلة وخبط ورزع وكلت كانت الساعة بقت 7 وقلت أخد نفسى وأدخل جرى على السرير قبل ما تقوم وتشوف اللى عملته ههههههههههههههههه ولأنها هتكتشف لوحدها اللى حصل وهبقى أحكيلكم أخترعت إيه

ما عليييييييييييييينا النهاردة لسة يادوب بتحايل على ساعتى البيلوجية وبقول لها والنبى يا ست بيلوجية انتى اتظبطى بقى عايزة أنام وياريت ترجعينى زى الناس الطبيعية دى عااااااااااااااا ودى حالفة ما تتظبط طيب عايزة أنام ودى تطلعلى لسانها وبعد شوية سمعت صوت ميه ولأن الشباك فوق دماغى عدل فتأكدت أنه مطر وبعدين نمت وكل ما أقلق ولأنى بيلوجيتى بتخلينى أقلق بمعدل مليون أتنين مليون مرة فى الساعة الواحدة أسمع صوت شتاء وبرق ورعد وميه جامدة نازلة على الأرض وأنا أفرح قوى لما أسمع صوت المطر

ولكن لأنى بشك فى قوايا العقلية تخيلت لكذا مرة أنى بحلم وأنه مفيش شتاء ولا حاجة ولأنها حصلت كذا مرة والاقى نفسى قايمة جرى من النوم بقول لماما هيا الدنيا كانت بتشتى وأنتوا مش هنا فى البيت وأنا نايمة لوحدى تقولى لا تلاقيكى كنتى بتحلمى
ولكن النهاردة ماكانش حلم وكان حقيقة ويمكن بسبب الحقيقة دى تحسنت حالتى النفسوية بنسبة كبيرة جداااااااااااااااااااا وحاسة بحالة النشاط الشتوى رجعتلى من تاااااااااااااااااااانى
وكمان بتفكرنى بالأغنية بتاعت زماااااااان اللى كنا بنغنيها وأحنا صغيرين الدنيا برد الدنيا برد وعم خليل بيسقى الورد ياااااااااااااااااااااااااه ذكريات حلوة قوى
نفسى بقى فى حاجة كمان الجو يبرد علشان البس الهدوم الشتوى لأنى بحبها قووووووووووووووووووووووووووووووى

والمرة الجاية بقى لما أسمع الدنيا بتمطر هاخد نفسى وأخرج جرى أمشى على الكورنيش اللى متلقح قدام بيتنا تحت المطر علشان بعدها على طول أهلى ما يترددوش ياخدونى على العباسية
وكل شتاء وانتوا طيبين

حادث الجاموسة منتهى الأهمال والسخرية من حوادثنا

حادث بشع يحدث كما تحدث ملايين الحوادث بسبب الإهمال وثقافة اللامبالاة وعدم تحمل المسئولية لدى الناس
السيناريو بسيط جدا قطار متجه من محافظة الجيزة الى محافظة الفيوم وفى أثناء سيره صادف مرور جاموسة وصدمها القطار ولكن سائق القطار كما تروى الروايات الأولية أنه قام بإيقاف القطار للتحدث مع الأهالى بعد أصطدامه بالجاموسة ولم يبلغ أى مسئول عن توقفه حتى يقوموا بأبلاغ باقى القطارات بالتوقف حتى تحل المشكلة ولكن ما حدث أنه لم يفعل شىء ووقف ليتحدث مع الأهالى ويحاول أخراج الجاموسة من تحت القطار الى أن وصل قطار قادم من محافظة الجيزة الى محافظة أسيوط ولم يلاحظ توقف القطار الأول ولم تأتى له أى أشارة بتوقف أى قطار فأصطدم بالقطار الأول وحدثت الكارثة

وكالمعتاد قتلى وجرحى وفى النهاية من المسئول ؟

هل السائق الذى وقف ولم يقوم بأرسال أى أشارة بتوقفه أم شخص أخر لم نعلمه أم الجاموسة التى لم يلاحظها صاحبها وتركها تسير أمام القطار أم صاحب الجاموسة

الى متى ستظل ثقافة اللامبالاه وعدم تحمل المسئولية السمة المميزة للكثيرين حتى فى أهم شىء وهو أرواح الناس والى متى سوف نظل نسمع كلمات ووعود براقة وتصريحات لا فائدة لها

http://mikanoo.com/do.php?id=1373

الإستفادة من التجارب

تعلمت كيفية أستخدام كل شىء لصالحى وكيفية تحويل كل تجربة حتى لو كانت سيئة الى تجربة ناجحة أستفيد من كل شىء فيها وأفعل الكثير والكثير حتى فى أكثر الأوقات التى أكون منغلقة فيها على نفسى وأعانى من نفسية سيئة
فلا تتركوا شىء يضيع عليكم حياتكم وأجعلوا كل شىء سيىء يتحول الى أشياء كثيرة جيدة بالأرادة والتفكير الصحيح
فبداخل كل منا طاقة كبيرة حتى فى أوقات حزنه ويأسه ولو فكر دقيقة لوجد أنه من الممكن الإستفادة من هذه الطاقة وفعل الكثير والكثير
فمن يعانى مثلا من شىء يجعله دائما فى حالة عزلة وبعد عن الناس من الممكن أن يفعل أشياء كثيرة منها القراءة أو الكتابة أو فعل أى هواية يحبها فى الوقت الطويل الذى يقضيه بمفرده وبعد مرور وقت سوف يعرف الفرق وأنه فعل الكثير ولم يترك الأيام تضيع بدون فائدة بدعوى أنه يمر بتجربة سيئة أو حالة نفسية تؤثر على حياته

حالة من اللاحالة

عندما أردت كتابة ما أشعر به من حالاتى التى توصف بأنها لا حالة وجدت نفسى كتبت أشياء كثيرة وغالبا لا أود نشرها لأسباب خاصة جدا ووجدتنى أنغمس أكثر فى هذه اللاحالة

عجبا لأمر الحب

عجبا لأمر الحب !!! ؟
فبه تفرح قلوب وبه تحزن قلوب
وبه تعيش أحلى حياه وبه تموت وأنت على قيد الحياه
عجبا لأمر الحب !!! ؟
فهو الضيف الوحيد الذى يزورك بدون أستئذان بل ويدخل ويسكن قلبك ويعيش فيه رغما عنك وتظل تتسائل من هذا الزائر الغريب الذى بيده فرحك وحزنك
عجبا لأمر الحب !! ؟
الذى يجعل عينيك فى لحظة واحدة مليئة بالدموع وفى خلال هذه اللحظة تتبدل الدموع بلمعان من كثرة سعادتك به
عجبا لأمر الحب !! ؟
الذى يبدل حالك فسوف تجد نفسك تكتب كثيرا وتبدع حقا حتى لو كانت هذه هى أول مرة تكتب فيها أو تضيع منك الحروف والكلمات ولا تستطيع كتابة كلمة واحدة
عجبا لأمر الحب !! ؟
فقد يجعلك تحب كل شىء يحبه حبيبك وترى كل شىء يفعله جميلا
عجبا لأمر الحب !! ؟
فقد قيل فيه الكثير والكثير ومازال يقال فيه ولن تتوقف الكلمات ولا الحروف التى تقال على الحب فحرفان من حروف اللغة يحيران العالم بأكمله
حقا عجبا لأمر الحب !!!!!!!!!!!!!!!!!!!!!؟؟

ضل راجل ولا ضل حيطة

تحقيق ليا أنا وبدرية طه فى عدد أكتوبر من جريدة أسرار الغد

أضغطوا على الصورة علشان تشوفوا الموضوع كويس

العدد الأول ( الثانى بعد العدد التجريبى) من جريدة أسرار الغد

عدد أكتوبر من جريدة أسرار الغد الآن مع الباعة فى كل محافظات الجمهورية

بجد العدد ده جامد جدا ومختلف وفيه مواضيع وتحقيقات جامده أنصحكم تشوفوه عما أرفع ليكم المواضيع

هتلاقوا فيه

ميكانو قنبلة التدوين
الفيس بوك القاتل
صالون المدونين لأحمد الصباغ
بقلم بسمه عبدالباسط اللى هيا أنا هههههههههههههه

ضل راجل ولا ضل حيطة تحقيق بسمه عبدالباسط وبدرية طه

الجميلة أم المثقفة بقلم بسمه عبدالباسط

كى لا ننسى /هو / مفهوم حواء عن التنازلات بقلم رشا نعمان

تسول نيولوك / زواج المواصلات موضة جديدة / السحر بين المعالجة الشرعية والضحك على ذقون المساكين / عجبا لهذا الرجل بقلم شيرين بكر

شطرنج النساء بقلم إيناس لطفى

مخاطر الدردشة فى غرف الأنترنت / 3 ساعات مع أطفال الشوارع /رحلة مع سواق ميكروباص بقلم آيه عفيفى

امشى جمب الحيطة هتقع عليك /الطيب أحسن يا ست السيد بقلم هاجر حمدى

مافيا الأدوية يحطمون آمال مرض فيروس سى تحقيق هاجر حمدى و هدير أحمد

بيزنس المعاقين /دار الكتب ومهرجان لا تسجن معرفتك بقلم نيرمين سعد الدين

معايا ولا ضدى /المرأة والرجل فى مجتمع الصعيد بقلم سمية كمال الدين

وغيرها من التحقيقات والمواضيع الآخرى فى مختلف التخصصات

-------------------------------------------

جروب جريدة أسرار الغدhttp://www.facebook.com/group.php?gid=114445492651

صفحة أسرار النت والتدوين جريدة أسرار الغدhttp://www.facebook.com/group.php?gid=148760816306

تفاحة أدم

http://www.facebook.com/group.php?gid=183072018032

وليد وهبه

قيس وليلى ، روميو وجوليت ، عنتر وعبله وأخيرا وليد وهبه
أيوووووووووووووووووووووووووة وليد وهبه ولا تقولى قيس وليلى ولا روميو وجوليت ولا عنتر وعبله ولا ديانا ودودى ولا كل الكلام ده
أصلكم لو عرفتوا وليد وهبه زى ما أنا عرفتهم هتصدقوا كلامى وليد وهبه مش مجرد أتنين متجوزين ولا بيضربوا المثل فى الحياه الزوجية المثالية وبس لا دول بيضربوا المثل فى أحلى قصة حب واقعية بدأت ولسة موجودة وإن شاء الله تفضل موجودة للأبد

هما مين بقى وليد وهبه
كانت بداية معرفتى بيهم عن طريق المدونة بعد ما عملت مدونتى بكام شهر عرفت مدونة وليد جودة كنج توت بالصدفة من مدونة صديقة ليا ودخلت مدونتة ولاقيت مدونة غاية فى الروعة سواء كانت مواضيعة ولا أشعاره ولا أى حرف بيكتبه وشوية ولاقيت كلام عن واحدة بيحبها وأنه قبل ما يعرفها كان ناوى يهاجر ويسيب مصر ولكن بعد ما عرفها وحبها قرر أنه يفضل وما يسافرش وشوية وبقيت بتابع مدونة هبه القاضى وماكنتش متخيلة أن الحب اللى بينهم زى ما باين أنا قلت عادى أتنين بيحبوا بعض زى أى أتنين وعادى هيتجوزوا بقى وخلاص وكل شىء يروح لحاله زى ما بيحصل
ولكن شوية والقدر خلانى أعرف وليد أكتر وأشتغل معاه هو وهبه فى مجلة على صوتك وكانوا ساعتها أتجوزوا وكنت فرحانة جدا ليهم وبيهم

شوية والعلاقة أتعمقت أكتر ووليد وهبه ومجموعة من فريق عمل مجلة على صوتك شرفونى بالزيارة فى بيتى وكانت أول مرة أشوفهم بعد شغل كذا شهر عن طريق الميل والتليفون وعلاقة مدونات وتعليقات وكده
وفى اليوم ده حسيت فعلا أن وليد وهبه مش أى حد وبأنهم حد مميز ومختلف وحسيت بأنى أعرفهم من زماااااااان بالأضافة الى أن بابا وماما أستريحوا ليهم جداااااااا هما وباقى الناس

وقد كان وأتعمقت علاقتى بيهم أكتر ومش قادرة أقول لكم كانوا معايا أزاى أكتر من الأخوات والأصحاب عمرهم ما اتأخروا عنى فى أى حاجة ولا بخلوا عليا بأى نصيحة فى أى حاجة
مقدرش أنسى أن وليد أدانى نصايح كتير بخصوص الكتابة وأستفدت منها جداااااااااااا ومش بس فى الشغل لا ده فى كل جوانب الحياه كنت بلاقى أخ أكبر وعزيز جدا
وهبه كانت أكتر من أختى وصديقتى بجد وعلى الرغم أن عمر صداقتنا ماكانش كبير لكن أول ما أحتجتها فى مشكلة عندى لاقيتها معايا وجمبى وكنت بتصل بيها وأكلمها فى أى وقت وكانت على طول معايا
وطول الفترة دى وأنا شايفة قدامى أتنين بيحبوا بعض بطريقة مش طبيعية حتى بعد الجواز وبعد ما بقى عندهم عمر الجميل حبهم ما راحش ولا ضاع بالعكس ده زاد أكتر من الأول بكتير ومش زى ما ناس كتيرة بتقول أن الحب بينتهى بعد الجواز
وكل يوم بيمر بصدق فعلا أنه فيه حاجة أسمها حب وأنها ما بتنتهيش بعد الجواز بالعكس دة بتزيد أكتر وأكتر
وبصراحة هما الأتنين اللى دايما بيدونى أمل أنى ممكن أعيش قصة حب تستمر لنهاية حياتى

فعلا وليد وهبه وتصرفاتهم وعلاقتهم ببعض مختلفة ومميزة عن أى حد وأى ناس شفتها أو أتعاملت معاها
ويمكن حتى بعد ما شغل وليد خلاه يسافر هو وهبه برة مصر لفترة عمرهم ما نسيونى ولا بعدوا عنى وكانوا دايما يعرفونى أرقامهم وعلى أتصال معايا وفعلا مفيش حد بيعمل زيهم كده كل واحد بيدور على مصلحته وخلاص ومحدش بيفكر فى صاحب ولا زميل ولا أى حاجة خاصة لما تضطره ظروفة أنه يسافر برة مصر ويتغرب
والحمدلله رجعوا من تاااااااااااانى ورجعت أسمع صوتهم وأعرف أخبارهم من تانى والأهم المواضيع اللى بشوفها فى مدونتهم فعلا بتدينى أمل فى بكرة

بجد قصة حبكم دى يضرب بيها المثل ولو بإيدى أديكم وسام وسام الحب والأخلاص
وأديكم أغلى جايزة فى الدنيا لأنكم أديتونى وأديتوا ناس كتيرة أمل بأنه لسة فيه حاجة أسمها حب حقيقى وصادق وبيعيش ويكبر مش بيموت
أنا خايفة عليكم تتحسدوا بجد بس مقدرتش أعبر عن سعادتى وفرحتى بيكم الا بالكلمات اللى شيفاها قليلة قوى عليكم
وبتمنى من كل قلبى ربنا يوفقكم ويسعدكم ويخلى ليكم عمر الجميل ويرزقكم ولاد وبنات كتير زى ما أنتوا بتحلموا
وبتمنى أشوفكم قريب وحشتوووووووونى قوى
وبتمنى كمان ربنا يرزقنى وأعيش قصة مش هقول زى قصتكم ولكن على الأقل نص اللى عندكم وفيكم لأنه هيكون كتير عليا قوى
بجد بحبكم قووووووووووى ربنا يحميكم ويخليكم

ومش قادرة أنسى ولا هقدر أنسى طول عمرى أنكم بزيارتكم ليا فى البيت كنتوا السبب فى تغيير مسار حياتى وفى كل الحاجات اللى بقيت بعملها ولسة ناوية أعملها

السادس من أكتوبر وتاريخنا اللى ضاع

أيوة فعلا بكرة 6 أكتوبر بس ياترى كام واحد وواحدة عارفين يعنى إيه 6 أكتوبر وخصوصا الأجيال الجديدة كل الناس بتسأل هو أجازة ولا لا وكل اللى بيربطهم باليوم أنه أجازة والناس هترتاح من شغلها والطلاب من الجامعات والمدارس

اللى خلانى أتكلم فى الموضوع ده أمبارح ماما بتقولى بعد بكرة 6 أكتوبر مش هتكتبى عنه قلت لها لا مش هكتب قالتلى لية أمال أنتى بتشتغلى إيه مش المفروض برضة تفكروا الناس بتاريخهم قلت لها مش النظرية أنا بس ما بحبش أكتب فى الأتجاه ده مبعرفش أكتب فى المواضيع دى ما بلاقيش نفسى فيها ولا بعرف أعبر عن اللى جوايا
قالتلى يعنى المجلات ولا الجرنان اللى بتكتبى فيه مفيش حد خالص هيكتب عنهم قلت لها أكيد فيه ناس هتكتب لكن أنا مبعرفش أكتب فى الحاجات دى وبعدين أساسا محدش بقى عارف حاجة عن 6 أكتوبر غير أنه أجازة وبس ردت وقالتلى هو فعلا كل الناس بتدور على يوم الأجازة بس أكيد برضة لازم يكونوا عارفين هو حصل إيه فى اليوم ده
قلت لها يا ماما خلاص الموضوع ده أنتهى كان على أيامنا زمان وفى جيلى أنا وأخواتى اللى هو جيل التمانينات وما قبلة هما بس اللى عارفين معلومات عن 6 أكتوبر وكنا زمان لازم نعمل موضوع تعبير عنه وكمان مدرس الرسم كان يخلينا نرسم عنه وكانوا بيعملوا أحتفال فى المدرسة ونلاقى فيه كلمات ومواضيع وحاجات عن 6 أكتوبر ولكن خلاص أعتقد الأجيال اللى بعد كده الوضع أختلف معاها تماما ومابقاش فيه حاجة أسمها موضوع تعبير ولا حصة رسم ولا حفلة ولا كلمة فى الاذاعة الصبح عن 6 أكتوبر أحنا أتربينا على الحاجات دى وعرفناها مش من تاريخنا ومادة التاريخ وبس ولكن كل حاجة حوالينا كانت بتحكيها حتى التليفزيون نفسه كان فيه مسلسلات وأفلام زمان لما كنا صغيرين بتحكى التاريخ غير البرامج وغير أنى سمعت من بابا ذكرياته مع الحرب ولكن خلاص دلوقتى ما أعتقدش أنه فيه حد بقى عارف حاجة كل اللى يعرفوه أنه يوم أجازة وبس
وأنتهى الحوار مع ماما ولكن لاقيت نفسى جريت وبرضة عايزة أكتب عن الموضوع وذكرياتى معاه من زمااااااااااااااااان

أنا فاكرة فعلا لما كنت صغيرة أنا وأخواتى أننا كنا عارفين مناسبات وحاجات كتيرة تاريخية وكنا بنلاقى حد فى المدارس يحكيلنا عن التاريخ والحرب وحاجات كتيرة وحتى لما كنت لسة فى أبتدائى وأنطلب منى موضوع تعبير ورسم عن 6 أكتوبر جريت على بابا اسأله ولاقيتة حكالى وكتبلى موضوع عن الحرب واللى شافه واللى حصل وبعدها أنا قريت وفهمت وكتبت ورسمت وساعدنى فى الرسم وكمان كان بيحكيلنا عن اللى بيحصل وحصل

عارفين زمان شبابنا كان بيحصل معاهم إيه كان ممكن الواحد يدخل الجيش ويقعد 7 سنين وما يبقاش عارف هيخرج أمتى ولا هينزل أجازة أمتى
أنا بابا قعد فعلا حوالى 7 سنين فى الجيش لحد الحرب ما خلصت وماكانش فيه زى دلوقتى موبايلات ولا تليفونات تقدر تطمن على أهلك ولا هما يطمنوا عليك وكان ممكن تقعد بالشهور محدش يعرف عنك حاجة وأهلك يفتكروا أنك مت خلاص لأنه مفيش أى أخبار وكل شوية يسمعوا أن فلان مات أو مصاب

ولا واحد يكون خاطب واحدة وبقاله كام سنه فى الجيش مش عارف ينزل وياخد أجازة 24 ساعة ولا 48 وينزل يعمل الفرح ويتجوز ويرجع الجيش وما يرجعش تانى لعروستة لأنه أستشهد
متخيلين مشاعر الناس وقتها كانت عاملة أزاى

بابا كان بينقل ذخيرة فى عربية من مكان لمكان وبيقولى كان ممكن نبقى لسة نازلين من العربية وبنحط الذخيرة فى مكان ونلاقى العربية أنضربت
أو يادوب لسة هنخرج من الخندق نلاقى الضرب يمين وشمال

أحنا الجيل بتاعنا جيل التمانينات وجيل السبعينات كان محظوظ شوية يعنى حتى اللى ماكانش عنده حد فى الجيش وحكاله عن اللى حصل كان فيه مدارس وحاجات تانية بتنقل لنا اللى حصل

ولكن جيل التسعينات وما بعد أنتهى خلاص الموضوع ده لا بقى فيه أهل بتحكى حاجة ولا المدارس بتعلم حاجة والتليفزيون حاله زى ما الكل عارف كل سنه اللى بيحصل فيلم ولا أتنين عن الحرب وده مش كل حاجة طبعا وده على القنوات المحلية واللى ما بقاش حد بيتابعها أصلا

وما فاضلش غير النت والجرايد والمجلات ياترى هيكتبوا إيه بقى
المتوقع أنهم هيعملوا مقارنة بين زمان ودلوقتى وهنلاقى أغانى ومواضيع عن أول ضربة جوية فتحت باب الحرية وكمان خناقات عن مين كان أحسن فى الرؤساء وأى عصر أحسن وكلام متقال ومتعاد مليون مرة

بالأضافة الى أننا هنلاقى كمان أخبار عن الأستعداد لعيد ميلاد عمرو دياب ومشكلة نور الشريف ومشكلة أيناس الدغيدى والماتش النهاردة حصل فيه إيه
ومش ده اللى عايزين نسمعه لأننا زهقنا منه

بس مش عارفة تقريبا أنا بحلم لأنه خلاص اللى أحنا عرفناه عن تاريخنا وأتعلمناه ومحفور فى عقلنا صعب أنه يتحفر فى عقول الأجيال الجديدة لأنه خلاص مفيش أهل عندهم وقت يحكوا حاجة والمدارس ما أعتقدش حد هيعمل زى زمان والتليفزيون راحت أيامه وده على أعتبار أن حد لسة متابعه والنت فى وادى تانى
والجرايد والمجلات وغيره زى العاده وزى ما قلت

طيب إيه الحل بقى أعتقد أننا كمان كام سنه مش هنعرف 6 أكتوبر ده كان علشان إيه هنفتكرها أجازة عادية وخلاص زى أى أجازة وتاريخنا يتمحى وكل سنه وأنت طيب وسلملى على حضارة اللى مش عارفة كام سنه وتاريخنا اللى ضاع وعمال يضيع

صفحة أسرار النت والتدوين جريدة أسرار الغد

أسرار النت والتدوين صفحة عن النت والتدوين فى جريدة أسرار الغد

صفحة عن كل حاجة تهمكم فى النت

بتستخدم النت ؟

عندك مدونة ؟

تعرف إيه عن التدوين ؟

بتحضر لقاءات المدونين وحفلات توقيعهم ؟

طيب عايز تلاقى تغطية لكل حاجة بيعملوها ؟

بتدخل على الفيس بوك ؟

بتدخل على مواقع كتيرة وعديدة ؟

بتعمل شات سواء من المواقع اللى بتقدمه أو من خلال الميل ؟

بتقضى وقت طويل على النت وبتعمل حاجات كتيرة ؟

عايز تعرف كل أسرار النت والتدوين ؟

عايز تكتب معانا ؟ عندك فكرة عايز تقولها ؟ أى حاجة نفسك تقولها أبعتلنا فورااااااااااا

الصفحة دى مش لينا لوحدنا دى ليكم كلكم ومنتظرين مشاركاتكم معانا على الميل ده

basmaabdelbaset@gmail.com

--------------------------

---------------------------

جريدة أسرار الغد

رئيس مجلس الادارة / أيمن رفعت

صفحة أسرار النت والتدوين أشراف بسمه عبدالباسط

-------------------------------

-------------------------------

جروب الصفحة على الفيس بوك

http://www.facebook.com/group.php?gid=148760816306

أكتئاب تغيير الفصول

تنتابنى دائما حالة أكتئاب وتغير مزاجى فظيع فى الفاصل بين فصول السنه ولا أعلم سبب لهذا كل ما أعرفه وأتذكره أننى كل عام فى وقت التغيير بين الفصول سواء من شتاء الى صيف أو العكس تأتينى حالة أكتئاب غريب ويتغير مزاجى بشكل بشع وأحيانا كثيرة ينخفض ضغطى
ويظهر هذا واضحا بسبب تغير مزاجى بشكل كبير وسريع وأيضا الرغبة فى النوم الكثير وعدم الأستيقاظ والنهوض من الفراش حتى لو كنت غير نائمة ويقل نشاطى وحماسى لأى شىء
ولأنى فى هذا الوقت بدأ الأكتئاب فى غزوى وأحاول قدر الأمكان أبعاده عنى لأسباب كثيرة وعديدة منها التزامى بأعمال كثيرة وعديدة تتطلب منى الخروج وبذل المزيد من الجهد لأتمام هذه الأعمال
وأيضا لأسباب شخصية جدا لا أريد الأنخراط فى هذا الأكتئاب ولأنى أعلم مسبقا وفورا هجومه أنى على وشك الدخول فى دور أكتئاب والذى يسمونه أكتئاب موسمى وأيا كان أسمه فأنا أحاول قدر الإمكان عدم الدخول فيه ولكن هل توجد أشياء تساعد الأنسان على عدم الأكتئاب أو الأنخراط فيه
وأعتقد أن أهم شىء هو الأرادة وتغيير الجو بشكل كبير والخروج كثيرا والحركة وممارسة أشياء كثيرة تلهى الأنسان عن كسله وعن تغير مزاجه بشكل كبير
ولكن من الممكن أن أحاول السيطرة على كل شىء وفعل كل ما ذكرته الا شىء واحد وهو السيطرة على التقلب المزاجى البشع الذى يجعلنى فى يوم واحد أمر بكل الحالات المزاجية التى من الممكن أن يمر بها كل البشر
وأيضا لأنى أحب فصل الشتاء جدااااااااااااااا وأكون فى قمة سعادتى ونشاطى فيه وهذا أيضا يدعونى لهزيمة هذا الأكتئاب
وعلى إيه الحال أذا عرف السبب بطل العجب ولأننى أعرف ما سوف يأتينى وأستعد له فأنا واثقة بأنى إن شاء الله سوف أهزم هذا الأكتئاب وأسحقة سحقا

ولا أعلم من منكم يشترك معى فى هذه الحالة وهل يوجد أشياء بداخل أى شخص تجعله يصاب بهذا الأكتئاب أم أنه أمر عادى
عليك اللعنة هههههههههههههههههههه

راسين فى الحلال

راسين فى الحلال دلوقتى فى ميكانو هتلاقوها هنا

http://www.mikanoo.com/do.php?id=1339

هل تقبلي أن تكوني السيدة الثانية في مملكتك

http://www.mikanoo.com/do.php?id=1341

ست بيت ولكن

http://www.mikanoo.com/do.php?id=1338

الــتــهــمـــة عــــانـــــس

http://www.mikanoo.com/do.php?id=1337

زنان قرفان مضايق

http://www.mikanoo.com/do.php?id=1336

بالأضافة الى مواضيع تانية كتير فى العدد الخامس من مجلة ميكانو

http://www.mikanoo.com

أحنا مش كمالة عدد

كتير قوى وغالبا بتتعرض البنت لأنتقادات وهجوم من كل اللى حواليها لمجرد أنها عايزة تعمل حاجة لمجرد أنها عايزة تثبت نفسها وعايزة تعمل ليها كيان
غالبا بتتعرض البنت لأنتقادات وهجوم لمجرد أنها بنت وعلشان بنت ما يصحش تعمل كده حتى لو كان كده ده حاجة كويسة ومفيدة ومهمة ولكن علشان هيا بنت لازم تسكت وتفضل قاعدة حاطة أيدها على خدها مستنية عريس العدل اللى يجى ويشيل الشيلة ويكمل تحكمات وكبت ليها ولشخصيتها ويكمل تحكم وهجوم ونقد ليها لكونها الست وهو الراجل
وكتير قوى بتكون الأم اللى هيا ست وكانت فى يوم من الأيام بنت وليها آحلام وطموح وحاجات نفسها تحققها السبب فى الهجوم والأنتقادات اللى بتتوجه للبنت لأنها بتكون أول واحدة تحاول تكبت طموح وآحلام بنتها وبتساعد للأسف باقى الناس على كده بداية من والدها وأخواتها نهاية للراجل اللى هتتجوزة
بجد بيصعب عليا قوى أشوف مشاكل كتيرة بتمر بيها البنات سببها ستات وغالبا بيكونوا أمهات
وكتير بنشوف آحلام وطموح بيتكسر ويتهد علشان أنتى بنت ولأنك بنت مش لازم تعملى كده ولا تحلمى ولا يكون ليكى طموح
ولكنى عايزة أقول أننا مش كمالة عدد مش مخلوقين علشان نفضل قاعدين ساكتين ونكتم آحلامنا وطموحنا اللى لو سبتونا نعمله ممكن يجيب نتايج حلوة قوى وأنتوا أول ناس هتفرحوا بيها
بقولها بصوت عالى أنا مش كمالة عدد ومش لازم تكون أى بنت كمالة عدد ولازم تحاول وتحاول تحقق آحلامها وطموحها مهما كلفها ده
وياريت كل واحدة تردد الكلمة دى بعلو صوتها وتقول أنا مش كمالة عدد وما تسيبش حد يسرق حياتها وطموحها
فى النهاية أحنا مش كمالة عدد

موضوع من مواضيع الجزء الأول من كتاب البنات عايزة إيه

أرحموا بنات مصر لا للمنتج الصينى الجديد

تفاجئنا الصين هذه الأيام بأعلانها عن منتج جديد جدا ولكنه مختلف عن أى منتج آخر فهو ليس غسالة ولا ثلاجة ولا تليفزيون 20 بوصة ولا فانوس ولا أى شىء من المنتجات التى أغرقت السوق المصرى ولكن هذا المنتج الذى سوف تجدونه قريبا فى الأسواق وبعد العيد مباشرة ما هو الا وصمة عار جديدة لكل المصريين ولو تجاهلنا ما يحدث ووقفنا نشاهد من بعيد بدون كلام رافعين شعار ( وأحنا مالنا ) لم يتبقى لنا شىء بعد ذلك نخاف عليه أو نتكلم عنه لأن كل شىء ممكن السكوت عنه الا الحديث عن الشرف فهو أغلى من كل شىء

وبعيدا عن شعارات البعد عن التخلف والجهل وأن شرف البنت لا يتمثل فى وجود هذا الشىء من عدمه فأنا أقولها لكم بعلو صوتى أن شرف البنت بالفعل لا يمكن أن يكون متكامل بدون هذا الشىء
فلا الدين ولا العادات ولا التقاليد ولا أى شىء أخر يتقبل كل هذا الهراء

وأذا وضعنا الدين جانبا وتكلمنا تبعا لتفكير الرجل الشرقى بغض النظر عن ديانته فأنا أقولها لكم لا يوجد رجل شرقى أيا كان يستطيع قبول أى امرأة فقدت عذريتها قبل زواجه بها سواء أكتشف هذا الأمر قبل الزواج أو بعده
وكما يقال أن الأمر ليس فى بعض نقط الدم المنساله لأنه فى حالات كثيرة ومتعددة وشرحها الأطباء كثيرا بأنه لا يحدث نزول دم لأسباب متعددة ولكن أى طبيب يستطيع معرفة هذا بكل سهولة وهل عدم نزول الدم سببه فقدها لعذريتها أم لأى سبب آخر سوف أقوم بنقله لكم من مواقع طبية كثيرة

فدعونا نتحدث بكل صراحة وواقعية وأنقل لكم آراء الرجال والشرقيون خاصة

الرجال لا يمكن أن يقبلوا فتاه فقدت عذريتها وأصبحت بدون هذا الشىء التى تروجه لنا الصين قريبا

النساء والفتيات أغلبهم يرون أن شرفهم أغلى شىء يملكونة فى هذه الدنيا ويحتقرون أى فتاه تفرط فى نفسها وفى شرفها بغض النظر عن أى حادثة أو شىء جعلها تفقده رغما عنها

وكل أم منذ ولادة بنتها وهى تحاول بكل الطرق توصيل لأبنتها فكرة ممنوع أقتراب أى شخص منك وخاصة هذه المنطقة ولأنها فى السن الصغير لا يمكن أن تفهم شرح الأم ولكن أى أم تحاول بقدر الأمكان توصيل المعلومة للبنت بطريقة بسيطة جدا ( وهى أنه عيب أى حد يلمسك فى أى حته فى جسمك خصوصا لو كان ولد وخصوصا المنطقة دى ) وتحاول بكل الطرق غرس الفكرة داخل عقلها حتى تكبر وتفهم أكثر وتستطيعوا سؤال أى أم عن كلامى هذا

وليس معنى وجود عدد من الفتيات ليس عندهم أخلاق أو شرف أن كل البنات هكذا وبغض النظر عن أى شىء فمجتمعنا بكل طبقاتة وطوائفه يرفض هذا المنتج الغريب وعلينا جميعا رفض دخول هذا المنتج بأى طريقة وعلى حكومتنا الدور الأكبر فى هذا

وأخيرا أنا كفتاه مثل ملايين الفتيات حاولت قدر الامكان منع نفسى من العصبية وأنا أكتب هذا الكلام دفاعا عنى وعن شرف بنات مصر ولى كلمة بسيطة أريد أن أوجهها لكل الناس أنه ليس بهذا المنتج أو غيره سوف تنحرف الفتيات أو تترك أخلاقها لأن الفتيات التى بداخلها فكرة الأنحراف والتفريط فى الشرف ليسوا أى فتيات ولا يوجد شىء يمنعهم من هذا ولا يهمهم هذا المنتج من غيره ويوجد عوامل كثيرة تدفعهم لذلك منها عوامل نفسية وأسرية وبيئية
فالفتاه المحترمة مهما حدث حولها لا يمكن أن تتخلى عن أخلاقها ولا عن شرفها فمهما فعلتوا فستظل فتيات مصر أشرف فتيات على وجه الأرض
وليس معنى كلامى أننا نسمح بدخول هذا المنتج لأن المسألة مسألة مبدأ ولأن مصر ليست وكرا لكل ما هو فاسد وغريب وغير أخلاقى وضد ديننا وعاداتنا وتقاليدنا

--------------------------

الصين تروج لأغشية بكارة صناعية فى مصر

http://www.youm7.com/News.asp?NewsID=136135

"الصحة"و"الصيادلة"يرفضان غشاء البكارة الصينى

http://www.youm7.com/News.asp?NewsID=136371

غشاء البكارة الصينى يثير جدلاً.. مواطنون: سيزيد العنوسة ويحبس البنات فى البيوت.. أطباء: يسبب العقم ويفتح باب الانحراف.. حقوقيون: إهانة بالغة لا يمكن أن نتجاوزها

http://www.youm7.com/News.asp?NewsID=136364

بكام الغشاء إنهاردة ؟

http://www.facebook.com/note.php?note_id=158810973956&ref=nf

هو كله شغل شغل مفيش أجازة

كل يوم اللى نصحى فيه ننام فيه وياريتنا بنعرف ننام ده أول ما نحط راسنا على المخدة تجيلنا مليون فكرة وفكرة ويا أما نقوم نكتبهم ولو ماكناش قادرين نمسك الموبايل ونسجل عليه عناوين الأفكار علشان لما نصحى نشوفهم ونكتبهم وده على أعتبار أننا بننام أصلا هو تقريبا الجيل ده حد باصص له فى النوم بقينا جيل بلا نوم هناخد الرقم القياسى فى قلة النوم والأرق الكتير

جدول حياتنا كل يوم زى التانى زى الثالث زى الرابع وبيكون كالآتى
كذا فكرة جداد هنكتبهم وكذا مجلة على كذا جرنان على كام موقع هنلف فيهم نعرف أخر أخبار الدنيا
ونشوف النوتس الجديدة عند الناس ونلف على المدونات
والجروب ده عايزين نكبره شوية وده جروب جديد فكرته حلوة
شوفتى الموضوع الفلانى عند فلان رااااائع خدى اللينك شوفيه
طيب شفت الجروب الجديد بتاع فلانه جامد جدا يالا أدخل وعايزين نظبطه فى الدعايا
شفت الواد عباس عمل إيه ولا البت سوسو يا خرب عقولهم أتخطبوا ولاد الإيه ولا كان باين عليهم يالا ربنا يتمم ليهم على خير وتكمل الجوازة ويرزقهم ربنا بالذرية الصالحة
يا خبر شفتى فوزية صاحبتى مش فسخت خطوبتها للمرة العاشرة
وشفتى بقى أعلان الشغل الجديد ده قدمت فيه بس تقريبا زى العادة ولا حد هيعبرنى

أنا عندى فكرة لكتاب لا لا دول فكرتين ثلاثة لكذا كتاب طيب ابدأ بأى واحد فيهم وعايز حد يساعدنى فى الأفكار وتظبيط الفكرة طيب أعمل الكتاب مع أى دار نشر دول كلهم نصابين والواحد خلاص جاب أخره مفيش حاجة عدله
طيب خلاص هنكتب الكتاب لحد ما نشوف أكتر دار نصبا يوووووووه قصدى أكتر دار كويسة ومناسبة نعمل فيها الكتاب
وأنا لسة عايز أكمل دراسة وأتعلم وعايز أخد دورات فى حاجات كتيرة وأتعلم وأتعلم وأشتغل فى حاجات تانية وجديدة وعايز أعمل حاجات كتيرة

ويعدى الشهر ويجرى ويفوت واللى يحصل واللى يكون جديد والحدث السعيد نزول أعداد المجلات أو الجرايد اللى بنكتب فيها ولوووولوووولى مبروك العدد الجديد نزل يالا نغرق الناس بلينكات المواضيع والأعداد ونخنقهم لحد ما يزهقوا مننا ولو مادخلوش بالذوق هندخلهم بالعافية أمال إيه هنشتغل على الفاضى مش كفاية بنشتغل ببلاش كمان مش هنلاقى حد يشوف شغلنا

ويعدى شهر ورا شهر وكل يوم زى التانى والأفكار بتزيد ومفيش جديد وحياتنا بقت مملة وممكن على مدار كام شهر نلاقى حفلة ولا ندوة نحضرهم ونقول هيييييييه عملنا حاجة جديدة
وتفضل حياتنا شغل فى شغل لحد ما بيجى علينا وقت بنمل ونزهق ونتخنق بطريقة مش طبيعية مفيش تجديد مفيش خروج مفيش فسح مفيش تغيير والأنسان محتاج كل فترة والتانية للتغيير ولكن رتم الحياه السريع اللى بقينا فيه وظروف وحاجات تانية كتيرة ممكن تكون عائق للأنسان بأنه يخرج أو يسافر أو يتفسح أو يعمل شىء جديد ولكن الموضوع ده مهم قوى ولأن الواحد لو فضل شغل فى شغل شغل يا هيتجنن يا هيجيله أكتئاب يا هتحصل له أى حاجة وخلاص

ولكن أبشرك لو كنت من محبى الكتابة بطريقة مش طبيعية ودايما عندك أفكار كتيرة ومش لاحق تكتبها ودماغك شغالة تفكير وتحليل وتأمل وتدقيق مليون ساعة فى ال 24 ساعة أبشر أنت فى بداية طريق المورستان واللسعان وعلشان تعرف أنك على بداية طريق اللسعان أو المورستان شوف النقط اللى جاية

أولا لو كانت دماغك شغاله وما بتبطلش تفكير ولا لحظة وفى اللحظة الواحدة بتفكر فى مليون حاجة يبقى أنت خلاص على حافة اللسعان

ثانيا لو كنت قاعد فى أمان الله بتكتب أو بتفكر فى حاجة وجه حد يكلمك وأنت أنتبهت له علشان تسمعه وفى خلال لحظة رجعت تانى تفكر فى اللى بتعمله وتكتب وبعد شوية تقول للى بيكلمك بعد ما خلص كلامه هو أنت كنت بتقول إيه يبقى أنت أكيد أكيد وصلت

ثالثا لو كنت بتابع كل اللى بيحصل حواليك وبتدقق وتاخد بالك من كل كلمة وحرف وحدث وتفضل تحلل فيهم أبشر فاضلك خطوة وتبقى لاسع لاسع يعنى

رابعا لو كنت لسة مخلص شغل وكتابة وخلاص هتقوم تنام وأول ما تحط دماغك على المخدة تجيلك مليون فكرة وتقول يااااه ده أنا نسيت أكتب الموضوع الفلانى ونسيت أعلق على الكلام الفلانى وعندى فكرة دلوقتى عايز أكتبها وبكرة هعمل كذا وكذا وكذا وغالبا بتلاقى نفسك قمت تانى تكمل كتابة أو أقل حاجة تمسك موبايلك تسجل عليه الأفكار لحد ما تصحى

خامسا لو لاقيت نفسك صاحى من النوم وحاسس أن دماغك ما بطلتش تفكير حتى وأنت نايم وتلاقى أخر مليون حاجة كنت بتفكر فيهم قبل ما تنام هما اللى بتفكر فيهم أول ما صحيت يبقى خلاص بقى ربنا معاك

سادسا لما تلاقى نفسك قاعد فى وسط الناس وبيتكلموا فى موضوع وأنت سرحت فى حاجة جديدة وفكرة عايز تنفذها

سابعا لو كنت خارج وماشى فى الشارع ونفسك تكلم بتاعت الترمس وبتاع التين الشوكى وتعمل معاهم حوار وتبقى هتموت وتكلمهم ولكن بتخاف ليضربوك بحاجة فى دماغك

ثامنا لما تلاقى نفسك ماشى وعايز تصور أى حاجة وكل حاجة فى أى مكان وأى موقف وتطلع عليهم مليون تحقيق ومليون كلمة

تاسعا لما تلاقى نفسك نسيت كل الدنيا ونسيت نفسك والعمر عمال يجرى وأنت مقضيها شغل فى شغل وكل اللى يكلمك يقولك مش هنفرح بيك بقى ترد عليهم بأبتسامة بلهاء وبرد معناه أنك لسة ما لاقتش اللى بتحلم بيه ما هو طبيعى هتلاقية أزاى فى وسط كل اللى بتفكر فيه ومين أصلا هيستحمل كل الكركبة اللى فى حياتك دى الا أذا كان زيك وفيه حاجات كتيرة مشتركة بينكم ساعتها ربنا يوفقكم بقى ويتمم ليكوا على خير وساعتها ممكن تروحوا المورستان مع بعض وبالمرة تبقوا عزوة هناك

عاشرا لما تكون قاعد على الكمبيوتر وبتكتب موضوع وفى نفس الوقت فاتح مدونات الناس بتقرأ فيهم وكمان فاتح الميل بتكلم صحابك وموبايلك بيرن وأنت بترد عليه وفاتح الفيس بوك وكذا موقع لجرايد ومجلات وكل ده بتعمله فى نفس اللحظة أعرف أنك فعلا فعلا وصلت

حادى عشر لما تكون مقضيها شاى على قهوة على نسكافية وفى نفس الوقت ممكن تعمل كل الحاجات دى وتشربها

ثانى عشر لما يبقى عندك آحلام كتيرة وطموح فوق الوصف وعايز تعمل مليون حاجة وحاجة وكل ما بتعمل حاجة تلاقى نفسك عايز تعمل غيرها وغيرها والآحلام والأفكار ما بتنتهيش يبقى أنت أكيد أكيد لسعت

وبعد كل الحاجات دى وحاجات أكتر منها بكتير بنعملها كلنا أعرفوا أننا خلاص لسعنا أكيد وفاضل لنا خطوة على المورستان وكفاية كده لأنى حاسة أنى لسعت بجد

:)))

قدر الله وما شاء فعل

ساعات الواحد بيبقى بيتمنى حاجات كتيرة قووووووووى ونفسه يعملها ولكن تحصل شوية أسباب علشان فى الآخر الحاجات دى ما تحصلش زى ما حصل معايا كده بالظبط كنت بتمنى أعمل شىء مهم قوى ليا فى مستقبلى ولكن حصلت شوية حاجات أجلت الموضوع وفى النهاية لاقيت أنه خلاص الوقت عدى وفات

يمكن أول ما عرفت لاقيت نفسى عمالة أقول الحمدلله وقدر الله وما شاء فعل وما أنكرش أنى زعلت ولسة زعلانة لحد دلوقتى ولكن عندى يقين أن ربنا مقدر ليا حاجة تانية أحسن من اللى راحت بس طبيعة الأنسان أنه ما بيبقاش عارف مصلحته وأنه بيبقى حاطط أمال كبيرة على حاجة ولما بتروح بيزعل علشانها ويمكن يكون ربنا شايل له حاجة أحسن من كده بكتير بس لسة ماجاش أوانها

وبرضة الحمدلله على كل شىء

وقدر الله وما شاء فعل

أين أنت من قيمــــة الإقبال على العـلم؟ هام جداااااااااااا

أين أنت من قيمــــة الإقبال على العـلم؟

حب المعرفة من أولويات حياتى ؟

( نعم ) ............................... ( لا )

أبذل الكثير من وقتى وجهدى ومالى لتحصيل العلم والمعارف ؟

( نعم ) ............................... ( لا )

لم أعد أعتقد فى قيمة العلم فالنجاح يحتاج حظ وانتباه للفرص؟

( نعم ) ............................... ( لا )

أسعى إلى أن أعرف ولو بعض الأشياء فى كل العلوم ؟

( نعم ) ............................... ( لا )

العصر الذى نعيشه يتطلب ارتحال وحركة ولكنه ليس بحاجة لعلم ؟

( نعم ) ............................... ( لا )

ثقافة الشعوب وعلمها يوضح القدر الذى ستشغله هذه الشعوب وما ستحققه من نجاح؟

( نعم ) ............................... ( لا )

يكفى أن يحفظ الشخص مواده الدراسية للحصول على شهادة ليكون شخصا ناجحا؟

( نعم ) ............................... ( لا )

تحصيل العلم تضييع للوقت والمال والأفضل أن نعمل أطول وقت ممكن ؟

( نعم ) ............................... ( لا )

أرى أن عزة الإسلام فى مدى العلم الذى يحصله المسلمين ليرفعوا رايته على أسس علمية؟

( نعم ) ............................... ( لا )

لم يعد هناك تقدير للعلم والعلماء وبالتالى من غير المنطقى الإلتفات لتحصيله؟

( نعم ) ............................... ( لا )

لا أجد تحصيل العلم من الأمور التى تجذبنى ؟

( نعم ) ............................... ( لا )

سيظل أصحاب العلم أصحاب فضل على البشرية بأكملها وهذا ما جعلهم يوصفون بأنهم ورثة الأنبياء ؟

( نعم ) ............................... ( لا )

يمر عليَ عام بأكمله ولم أقرأ كتاب بأكمله؟

( نعم ) ............................... ( لا )

أسعى دائما لأن يكون لغذاء العقل لديَ قدر من الوقت والإهتمام ولا يتوقف الأمر عند غذاء الجسم؟

( نعم ) ............................... ( لا )

أنا غير مهتم بما يدور حولى ولا أتابع الأحداث ؟

( نعم ) ............................... ( لا )

العلم أمر ينتقل للبشرية بأكملها ، فإذا ما حصله شخص أو دولة كفى الأخرين فإذا ماكانت هناك دول تسعى للعلم فلا داعى أن نسعى نحن أيضاً ؟

( نعم ) ............................... ( لا )

لديَ نشاط علمى بمقدرا ثابت فى حياتى ؟

( نعم ) ............................... ( لا )

لا أتلقى المعلومات بشكل سلبى ولكنى دائما ما أجتهد لتنقيحها وفهمها ووضعها موضع اختبار؟

( نعم ) ............................... ( لا )

الكتب من الهدايا التى تسعدنى ؟

( نعم ) ............................... ( لا )

لا يمكن أن أحضر جلسة علم وأشعر بسرور أو سعادة ؟

( نعم ) ............................... ( لا )

أعتقد أن العلم وأصوله سيظل حكراً على دول بعينها وسنظل متأخرين فلا فائدة من البداية لأنها متأخرة مهما سعينا؟

( نعم ) ............................... ( لا )

أُمرنا بتلقى العلم للدرجة التى أعتقد فيها أنه عبادة ؟

( نعم ) ............................... ( لا )

حساب الدرجة : تحصل كل عبارة على درجة واحدة .. مع الأخذ فى الإعتبار أن بعض الفقرات تأخذ درجة إذا كانت الإجابة بـ ( لا ) ، وذلك على النحو التالى :

العبارات التى تحصل فيها على الدرجة إذا كانت الإجابة بـ ( نعم ) هى أرقام : 1، 2 ، 4 ، 6 ، 9 ، 12 ، 14 ، 17 ، 18 ، 19 ، 22

العبارات التى تحصل فيها على الدرجة إذا كانت الإجابة بـ ( لا ) هى أرقام : 3 ، 5 ، 7 ، 8 ، 10 ، 11 ، 13 ، 15 ، 16 ، 20 ، 21

مستويات الدرجة :

إذا حصلت على درجة كلية تساوى من 1- 10 فإن قيمة الإقبال العلم لديك قيمة منخفضة.

إذا حصلت على درجة كلية تساوى من 11- 16 فإن قيمة الإقبال على العلم لديك قيمة متوسطة

إذا حصلت على درجة كلية تساوى من 17 - 22 قيمة الإقبال على العلم لديك قيمة مرتفعة

وضع هذا الاستقصاء الخبيرة النفـسيـة دالـيـا الشيـمـي - المنـتـدب لـلتـدريــس بـقسـم علـى الـنفــس ومدير مركز (عـينٌ عـلى بُـكـرَة) للمـسانـدة النفسية والتنمية الأسرية.

http://amrkhaled.net/articles/articles3690.html

خلاص مااااااااااشى

ياااااااااااه خلاص رمضان قرب يخلص خلاص ودخلنا على العشر الأواخر يااااااااااااه الواحد محسش بالأيام ولاقاها بتجرى قوى ويمكن هو كده الأيام الحلوة بتجرى بسرعة

يالا بقى نلحق نفسنا فى العشر الأواخر ونشد حيلنا فى الصلاه والقرأن والدعاء وإن شاء الله ربنا يبلغنا ليلة القدر وننول ثوابها كلنا إن شاء الله وما تنسونيش من دعائكم بقى

اللهم بلغنا ليلة القدر وأغفر لنا ذنوبنا وأعتقنا من النار

آمييييييييين يارب العالمين

عالج أمراض قلبك

فى الحلقة ال 17 من برنامج قصص القرآن أتكلم عمرو خالد عن أمراض القلب وفعلا هيا أمراض خطيرة جدا وياريت نراجع نفسنا كلنا واللى يلاقى حاجة منهم فيه يحاول يعالجها ويتخلص منها

وزى ما مكتوب فى موقع عمرو خالد

أمراض القلوب كثيرة ومنها الحقد والحسد والغل والكراهية والكبر والعجب والأنا،،، وكلها تؤدي إلى الهلاك وسوء الخاتمة إن لم يسع الانسان لعلاج نفسه وتخليصها من هذه الامراض التي تفتك اول ما تفتك بصاحبها. فلنبحث في قلوبنا ونطهرها كما نهتم باجسادنا ليل نهار. أما الجسد ففان، وأما القلوب فتأتي يوم القيامة بما كان داخلها في الدنيا ثم تحاسب عليه...."إلا من اتى الله بقلب سليم

وده اللينك لو عايزين تقروا أكتر

http://amrkhaled.net/articles/articles3663.html

زيارة أطفال معهد الأورام القديم

دخلنا على النصف الثانى من رمضان واحنا لسه حاسين اننا معملناش حاجة!!يمكن لاننا شايفين ان الفرص كتير ويمكن تعوضها

بفضل الله الخير بيزيد فى رمضان وناس كتير بتزور المرضى وتفطر معاهم وتخفف عنهم الآلم وبعد رمضان قل ما تذكرنهم

طيب ايه رأيكوا لو نعمل الخير فى رمضان ويستمر كمان بعد رمضان؟؟؟

كمل بس وانت تعرف هنعمل ده ازاى

المعهد فيه 100 طفل فكرنا نجيب لهم حاجات تفيدهم مش وجبات ولا أي حاجه تانيه لازم يحسوا أنهم مش ناقصهم حاجه علشان كده وبمناسبه قرب العام الدراسي هنوزع عليهم شنطه مدرسيه فيها

-شنطة مدرسية فيها أداوات مدرسية

نص كيلو عسل نحل لانه علاج ليهم

عدد 2 لعبه أطفال

عدد 2علبه عصير

----------------------------------

طرق المشاركة..مش شرط مشاركة مادية

-----------------------------------

هنتقابل عند معهد الاورام القديم يوم الاربع الساعه 3.30وندخل نوزع الحاجات اللي هتكون جاهزة معانا بالفعل المشاركات مش شرط مادية انت ممكن تشارك معانا بالزيارة وتوزيع الشنط على الأطفال وتحسسهم ان فى حد مهتم بيهم

ولو تحب تساهم ماديا سعر الشنطة الواحدة 40جنيه بمحتوياتها

لو مصمم انك تتبرع ماديا

ممكن تتصل برقم الموبيل المكتوب وتتفق على الميعاد والمكان اللى يناسبك علشان تديله الفلوس

0111600295

او "لو مش معاك رصيد" ممكن تبعت لمحمد مفيد رسالة على الفيس بوك وتعرفنا هتشارك بكام شنطة ويوم الزياره تجيب معاك التبرع وتشوف فرحة الاطفال بزيارتك بنفسك

وده الأيفنت اللى ممكن تبعت منه لمحمد مفيد

http://www.facebook.com/event.php?eid=157794283297

الخيييييييييييييير جاى لحد عندك...فى رمضان...حرام الفرصة دى تضيع ومتنساش ((ما زار مسلم أخاه المسلم في الله ولله إلا ناداه الله عز وجل أيها الزائر طبت وطابت لك الجنة))

غير انك هتشوف ناس يهمها تسعد الاطفال دى وممكن بعد كدة نفطر مع بعض في أي مكان أو اللي حابب يفطر فى بيته يفطر

------------------------

هاتجلنا المعهد ازاى

معهد الاورام القديم بجوار القصر العيني علي الكورنيش

طريق الوصول للمعهد أقرب محطه مترو هي محطه مترو السيده زينب بعد الخروج من المحطه تمشي في الشارع المقابل للمحطه للاخر حوالي 3 دقايق هتلاقي القصر العيني . المعهد بجواره

اوالقادم من التحرير ممكن يركب اي ميكروباص رايح حلوان او المعادي من موقف عبدالمنعم رياض ويقوله انزل عند المعهدحوالي 3دقايق برضه من التحرير

------------------------------

يالا يا شباب مستنينكم يوم الاربعاء ان شاء الله مش مهم تكون متبرع المهم تحاول ترسم بسمه علي وجه طفل بجد محتاح يحس أنه عايش معانا

-----------------------------

وربنا يجعله سبب فى عتقنا من النار هذا العام

-----------------------------

اضعف الايمان تعمل انفيت لاصحابك علشان يعرفوا بالايفنت ده وده لينك الأينفت

http://www.facebook.com/event.php?eid=157676859837&ref=mf

وممكن تنقل الموضوع فى مدونتك

حلال المشاكل

مين فينا ماعندوش مشكلة ومش عارف يعمل فيها إيه

مين فينا مش لاقى حد يحكيله عن مشاكله وياخد رأيه فيها

الفكرة بدأت بسيطة جدا بمدونة للمشاكل كنت عملاها مع صديقة ليا من سنين عبارة عن فضفضة بينا وبين الناس ولكن المفاجأة أنه بقى بيجيلنا مشاكل كتيرة وبقينا بنرد عليها وكلامنا بقى بيعجب الناس وبياخدوا بيه

حلال المشاكل قسم فى مجلة وسط البلد لـ بسمه عبدالباسط

www.wostelbalad.com

جروب حلال المشاكل على الفيس بوك

http://www.facebook.com/group.php?gid=107625166126&ref=mf

-----------------------------------

على قد ما بقدر بحاول أقدم أى نصيحة بشوفها مناسبة والحمدلله جاتلى مشاكل كتير ومع أن الواحد ساعات ما بيقدرش يحل مشاكله هو شخصيا بس ببقى فى قمة سعادتى وأنا بساعد أى حد فى حل مشكلتة وعلشان كده عايزة الموضوع يكبر قوى علشان أحس أنى عملت حاجة يمكن أعوض حاجات كتيرة مش عارفة أعملها لنفسى بالموضوع ده وتقريبا موضوع الدبلومة اللى عايزة أعملها مرتبط بالموضوع ده أدعولى بقى أعملها على خير وربنا يوفقنى فيها

وأكيد مش كل المشاكل بنشرها على الجروب أو المجلة باخد أذن صحابها الأول ولو ماعندهمش مانع بنشرها ولو مش موافقين ما بنشرهاش طبعا

------------------------------------

لو عجبكوا الكلام بتاعى وعايزين تتكلموا وتفضفضوا أبعتولى على

hallalmashakel@gmail.com

-----------------------

ودى مجموعة من المشاكل فى مجلة وسط البلد

http://www.wostelbalad.com/index.php?option=com_content&view=category&layout=blog&id=55&Itemid=81

لا ميلى ولا تليفونى وأرحمونا بقى

بجد ياريت ترحمونا وكل واحد يخليه فى حاله أعتبرونى بلا ميل ولا تليفون محدش يطلب ميلى ولا يطلب رقمى
ميلى مخصص بس لأهلى ولقرايبى ولأصدقائى وللشغل وبس
وتليفونى لأهلى ولقرايبى وأصدقائى المقربين جدا ومش كل زمايل الشغل معاهم تليفونى ما بديهوش الا لناس معينة وبس
يعنى من الآخر محدش يطلب منى الميل ولا التليفون
معلش أسفة جدا ولكنى كده ودماغى كده كل علاقتى بالناس هنا وعلى الفيس بوك تعليقات ووجهات نظر بنعرضها على مواضيعنا مش أكتر من كده
ويمكن تمتد لرسايل خاصة على الفيس بوك أو رسايل تجيلى على ميل جوجل لأى حاجة عامة أو خاصة بشغلى ولكن غير كده أسفة معنديش

فى الفترة الأخيرة أنا فتحت التعليقات الغير معرفة وطبعا ما بنشرش تعليق الا لما يجيلى على الميل ومع أنه فيه تعليقات كتيرة محترمة جدا من ناس من غير أسم وتعليقات من ناس من الواضح أنى أعرفهم ولكنهم مش عايزين يظهروا عندى
ظهرت شوية تعليقات غير معرفة مستفزة جدا لحد عامل نفسه يعرفنى وكل شوية ينطلى أنا مفيش عندى مشكلة أن حد يتابع مدونتى ويعلق على كل مواضيعى وهرد عليه بكل هدوء وذوق ولكن أن حد يتكلم كأنه عارفنى شخصيا وأنا كمان عرفاه ومحسسنى أنى مستنية تعليقاتة وكمان شوية ويحطلى الميل علشان أكلمه عليه طيب منين هبقى عارفاه زى ما بيحاول يبين فى تعليقاتة ومنين مش هبقى عارفة ميله
أرجوكم بلاش الحركات دى بقى كفاية زهقتونا بجد
وأنا لا بكلم حد على الميل ولا باخد ميل حد مفيش علاقة بينى وبينه سواء كانت شغل أو قرابة أو أيا كانت العلاقة واللى أنا من وجهه نظرى أشوف أنه مفيش مشكلة أنى أدى الحد ده ميلى أو تليفونى ولكن غير كده مابديش لحد ميلاتى ولا تليفوناتى

وكفاية بقى أستفزاز وراعوا ربنا شوية
أنا نشرت معظم التعليقات الغير معرفة وكنت فى الأول برد بذوق ولكن لما الأمر زاد عن حده بقيت برد برخامة
اللى عايز يعلق بذوق سواء غير معرف أو لا أهلا وسهلا بيه وهشيله على دماغى واللى هيحاول يعمل أى تصرفات مش مقبولة مش هنشر تعليقاتة أو هنشرها وهرد عليها بقله ذوق طالما هما حابين كده

قادر أكون وهكون

قادر أكون وهكون وهتحدى كل الكون ونحلم على كيفنا نهزم عذاب خوفنا وإن شاء الله نحقق آحلامنا

:)))))))

الخلطة الذكية لجواز البنات

أبتكارات وأختراعات وحاجات كتيرة بتضايق البنات تعالوا نشوف بقى إيه هيا الخلطة الذكية لجواز البنات

http://mikanoo.com/do.php?id=1310

نفسى أطير بعيييييييييييد

نفسى أطير بعييييييييييد وألف كل الدنيا بس مش لوحدى

لما تلاقى طريقك مسدود تعمل إيه

فيه كتير مننا لما بيتعرضوا لمشاكل أو لعقبات فى حياتهم بيقفلوا على نفسهم وبيجيلهم أحباط ويأس وساعات أكتئاب كمان وممكن حياتهم تدمر كمان ويحسوا أن الطريق مسدود وخلاص مفيش أمل

ولكن لا مفيش حاجة أسمها طريق مسدود

إيه يعنى لو فشلت مرة ولا أتنين

إيه يعنى لو ضاعت منك حاجة بتحبها قوى

إيه يعنى لو أنجرحت من ناس قريبة منك قوى

إيه يعنى لو نفسك تقرب من حد قوى والحد ده مش حاسس بيك

إيه يعنى لو مشروعك فشل مرة

إيه يعنى لو ماجبتش درجة كويسة فى الأمتحان

إيه يعنى لمليون حاجة وحاجة بتحصل لنا وبتقابلنا وعلشان كده بقول لكل الناس وأولهم أنا بلاش أستسلام ويأس وعيشوا حياتكم وكملوا وجربوا وأدعوا ربنا كتير بس الأهم أنكم تكونوا بتسعوا لأى حاجة عايزينها مش بتدعو ربنا وانتوا قاعدين فى بيوتكم ما بتعملوش حاجة

فيه شوية قرارات مهمة خدتها فى حياتى وهبدأ فى تنفيذها قريب قوووووى إن شاء الله

أولا هرمى كل شىء ورا ضهرى اللى راح راح واللى ممكن يروح يروح مش هبكى على أى حاجة

نويت أكمل دراستى وأعمل دبلومة قريب قوى

نويت أخفف من شغلى على النت لأسباب كتيرة قوى

نويت ما أقعدش هنا كتير ومش هتشوفونى كتير لأنى بقيت بتعب وما بقدرش أدخل زى الأول وأكيد ده هيبان على مدونتى وعلى الحاجات الكتيرة اللى كنت بعملها

ولأنى عايزة أظبط حياتى شوية ولأن صحتى أهم مليون مرة من النت ومن المدونة ومن أى حاجة ولازم أبعد علشان أقدر أحدد حاجات كتيرة

يالا أشوفكم على خير قريب بقى لأنى مش عارفة هدخل تانى أمتى وهقدر أدخل أمتى

سلااااااااااااام

عندما يطوووووول الطريق

لا نملك وقتها الا الدعاء الى الله

يارب

عيد ميلاد النونة

طبعا النهاردة ليلة عيد ميلادى ال26 يعنى بعد الساعة 12 هبقى دخلت سنه جديدة ويارب تبقى سنه جميلة وسعيدة عليا وعلى كل الناس وطبعا طبعا بما أنى طفلة جبت بالونات وقعدت أنفخ فيها لحد ما نفسى أتقطع وجبت فلفل حبيبى اللى هو فى الصورة ده وبالمناسبة أخويا الكبير هو اللى مسمية فلفل وأنا مقدرش أكسر له كلمه فلفل يبقى فلفل المهم جبت فلفل وحطيت معاه البالونات وقعدت أصور فيه بس طبعا فيه بالونات طارت بعيد وبالونات مالحقتش أنفخها نفسى أتقطع خلاص هههههههههه وصورت فلفل كتير أوووووووى وهو بياكل الشيكولاتة وهو نايم وهو بيشم الورد حاجة أخر جنان كده لدرجة أن ماما بتقولى هو عيد ميلادك ولا عيد ميلاد فلفل قلت لها لأ عيد ميلاد فلفل وبكده هيا اتأكدت أن بنتها خلاص فاضل لها خطوة على المورستان ههههههههههههههههههههههههههه

ندخل بقى على الجد

عيد ميلاد الليلة مين عيد ميلاد النونة أيووووووووووون أنا حاسة أنى لسة نونة وبتصرف بطفولة وجوايا طفولة مش طبيعية ده حتى شكلى زى ما بيقولوا ليا ناس كتير طفولى أوووووووووووووى
ده أنا كمان قلت لماما تجيبلى بالونات وصورايخ العب بيهم مع نفسى كده وجابتلى فعلا بالونات هههههه
يااااااااااااه 26 سنه بحالهم ده أنا كبرت بقى وأنا مش واخدة بالى
وطبعا بالمناسبة دى جيت أكتب ذكرياتى من أول ما أتولدت لحد دلوقتى وأفتكرت أنها هتبقى حاجة بسيطة كده فوجئت بأنها كبيرة أوى وممكن أنشرها على كذا مرة ولأصحاب القلوب الضعيفة والنفس القصير خدوا بالكم قبل ما تقروها هههههههههه

بوسبوس البنوتة اللى جواها متناقضات كتيرة أوووووووووووى أوووووووووووووى كبرت يا ولاد وهتولع 26 شمعه يااااااااااااه ده حتى التورتة مش هتكفى إيه ده خلاص مش هولع شمع خالص وهكتفى باللعب بالبالونات وبعد كده هعلقهم فى المروحة نيييييييييياها

ياااااااه شريط ذكريات بيعدى من يوم ما وعيت على الدنيا لحد دلوقتى بجد حاسة بمشاعر كتيرة أوى مش قادرة فعلا أوصفها ولا أحكيها
وشوية حاجات كتيرة كده وصلتنى لأنى أكون بوسبوس اللى قدامكم دى مع كل المتناقضات اللى فى شخصيتها بس هى برضة بوسبوس الطفلة
هو يمكن السنه اللى فاتت كان فيها شوية تقلبات كتيرة أوى فى حياتى وفى نفسيتى وكنت نكد معظم الوقت بس الحمدلله بوسبوس رجعت تانى للحياه وبقت زى ما هيا بتضحك ومبسوطة ومهما قابلها بترمى ورا ضهرها وتفضل أبتسامتها ماركة مسجلة أسم على مسمى بقى
وشعارى حاليا زى ماكان زماااااااااان طنش خااااااااالص خالص يعنى وكبر دماغك وأضحك على طووووووووووووووووول بس مش لدرجة البلادة بقى ههههههههههههه

أنا هيا أنا
الأجتماعية جدا والأنطوائية جدا
الطيبة والهادية جدا والعصبية جدا والشريرة أحيانا
البريئة والرقيقة جدا والعنيدة والمتمردة جداااااا
الطفلة الصغيرة والشابة الكبيرة
وأهم حاجة الطفلة دى لأنى فعلا طفلة طفلة بجد لدرجة أنى بستنى ماما وهيا راجعة من شغلها تجيبلى معاها الشيبسى والشيكولاتة ههههههههههه وبيتهيألى الطفلة اللى جوايا لو طلعت مش هبقى أنا
الخجولة قووووووى والجريئة قوووووووى
الحساسة جداااااااا جداااااااا بس ما بكونش عكس كده يمكن الحساسية بتقل أو بتختلف على حسب أختلاف الشخص ولكنها ما بتختفيش
ويااااااااااه حاجات كتيرة جوايا وعكسها كمان موجود ومعرفش ده حلو ولا وحش بس اللى أعرفه أنى كده والناس اللى تعرفنى بجد تعرف أنى كده وعارفين يتعاملوا معايا كويس قوووووووى
يعنى أهلى وقرايبى وأصحابى المقربين ليا جدا عارفين أزاى يتعاملوا مع بوسبوس الشقية الطيبة العصبية الاجتماعية الانطوائية واللى فيها كل الحاجات اللى فوق دى وأزاى يمتصوا غضبها وما يشوفوش عصبيتها ولا حساسيتها اللى أصلا ما بيشوفوهاش ولا بتتعامل معاهم بيها ويمكن لأنهم فاهمينها قوى بيعرفوا يتعاملوا معاها كويس أوووووووووى
وبخصوص تناقض الشخصية ده هتكلم فيه بعدين مش وقته بقى دلوقتى

بجد بجد بتمنى حاجات كتير أووووى تتحقق فى السنه الجديدة وبدعى ربنا بيها كتييييييييييييير يارب تتحقق
وزى كل سنه ما بعملش عيد ميلاد ولا غيره ولكن أهم شىء عندى ألاقى الناس القريبة منى فاكرينى وبيقولوا ليا كل سنه وانتى طيبة يااااااااااااااه عندى بالدنيا بجد
كان نفسى يكون معايا فى عيد ميلادى ده وكنت هعمله بجد أخواتى طبعا وناس معينة وقريبة من قلبى أوووى ولكن ........... يالا خيييييييير
وأخواتى وصلتنى تهنئتهم من بدرى
والناس القريبة دول وصلتنى برضة تهنئتهم من كام ساعة ويمكن مش قادرة أرد على كلامهم الجميل أووووى والكتير أووووووووووووى عليا وقلت لهم يسيبونى لحد ما أعرف أرد بقى بس أنا رديت أهو وبقولهم ربنا يخليكم ليا ونقضى كل أعيادنا مع بعض إن شاء الله وعلى فكرة تهنئتكم أحلى تهنئة وصلتنى هااااااااا كده ردى وصلكم ؟؟؟

وبجد كل تهنئة وكل كلمة جاتلى من ناس كنت متوقعة منهم كده أو من ناس ماكنتش متوقعة منهم أسعدتنى وفرحتنى بشكل غير طبيعى وفعلا ده يعتبر أحلى عيد ميلاد مر عليا وأكيد هو أحلى بكل الناس الحلوة اللى فى حياتى

وكل سنه وأنا بوسبوس وأفضل بوسبوس زى ما أنا بقى علشان معرفش أكون حد غير نفسى

وكل سنه وكلكم طيبين وبكل خير

ذكريات مدونتى مع عيد ميلادى

وأنا عمالة أكتب فى ذكريات وحاجات كتيرة قوى حصلت ليا من يوم ما أتولدت لحد دلوقتى وناوية أنزلها بعد بكرة بعد عيد ميلادى ال 26 لاقيتنى بقلب فى المدونة وأشوف السنتين اللى فاتوا كتبت إيه فى عيد ميلادى وكانت حياتى شكلها إيه وبقى شكلها إيه وياااااااااااه رجعت لذكريات وحاجات أكيد منها الجميل ومنها برضة الجميل هههههه وحبيت أوريكم كنت بقول إيه فى الأعياد اللى فاتت وهقول إيه السنه دى

عيد ميلادى الرابع والعشرون كتبت موضوع بعنوان

عيد ميلادى ولكن

عيد ميلادى الخامس والعشرون كتبت موضوع بعنوان

أيام وأيام وعيد ميلاد ورمضان كريم

عيد ميلادى السادس والعشرون كتبت موضوع بعنوان عن ال 26 عام أحدثكم

إيه بتدوروا على إيه لسة لسة لما أتم ال 26 بعد نص الليل بكرة هنزله

:)))

بس فعلا كتبت ذكريات وكلام أول مرة ناس كتيرة تعرفه عنى وفيه حاجات مضحكة وحاجات غريبة وهتشوفوا بوسبوس بجد وهنزله على حلقات أصله كبير قوووووووى أصلهم 26 سنه مش أى كلام برضة

:)))

واللى فرحنى قوى التعليقات اللى كانت موجودة على المواضيع بتوع السنتين اللى فاتوا من ناس كتيرة وفيه منهم كتير لسة أعرفهم لحد دلوقتى وعلاقتى بقت جامده بيهم قووووووى وفيه ناس مختفين من فترة مش عارفة هما فين بس الجميل أنى قررت أدور عليهم تانى وأعرف مختفين ليه

شخابيط حلمى

ولسة برضة بحلم بأكتمال الصورة

مجرد رسائل

ليس كل ما نتمناه نصل له فما أصعب الأمانى عندما تكون مستحيلة ونصر نحن على الوصول لها مع أنها بعيدة جدااااا بعد السماء والأرض ووقتها لا يوجد أمامنا سوى الدعاء الى الله راجين منه تحقيق أمانينا ونظل نحلم بها فى نومنا وحتى ونحن مستيقظين

فهكذا هى الأمانى والآحلام المستحيلة دائما ما نذهب لها ومثلما يقال الممنوع مرغوب

الأنتظار هل تعلمون ما هو الأنتظار ؟

هل تتذكرون مسرحية فى أنتظار جودو ؟ عندما كان كل من فى المسرحية ينتظر جودو وضاعت حياتهم وهم مازالوا منتظرون

هل سأكون مثلهم أنتظر جودو كثيرا ؟

سؤال لم أعرف له أجابة حتى الآن ولكنى مازلت منتظرة ولكن أنتظارى مع أمل وعمل ودعاء الى الله وليس أنتظار سلبى وأتمنى من الله أن ينتهى الأنتظار قريبا ويحدث ما أتمناه

تمر الأيام سريعا وتمر حياتنا ونأتى لذكرى يوم مولدنا ونحتفل به ولكن هل نستعيد وقتها شريط حياتنا لنقف عند كل شىء ونرى ماذا فعلنا وماذا يجب علينا فعله وما الأخطاء التى لا يجب أن نكررها؟

هل حاولنا تقييم حياتنا فى كل عام ونحن نطفىء شموع أعياد ميلادنا ؟

محتاجين محررين ومحررات ضرورى جداااااااا

محتاجين لجريدة أسرار الغد محررين ومحررات من جميع المحافظات للتحقيقات والأخبار وخاصة خط القناه بورسعيد - الاسماعيلية – السويس

ومحتاجين مندوبين أعلانات من كل المحافظات بعمولة كبيرة

الرجاء الأتصال على الأرقام التالية

0128618485

0111608464

أو أرسال البيانات ووسائل الأتصال على

asrarelghd@gmail.com

جروب جريدة أسرار الغد على الفيس بوك

http://www.facebook.com/group.php?gid=114445492651&ref=mf

الحمدلله

الحمدلله على كل شىء بجد الحمدلله مليون مرة

عن القهر أتحدث

قدرنا أن نخلق بنات فى مجتمعات تتبع القهر أسلوبا فى حياتها فمنذ ولادة البنت ويكون القهر رفيقا لها فى حياتها حتى مماتها
فالقهر لا يعرف الفرق بين أسرة غنية أو فقيرة ، بين أسرة مستواها الأجتماعى عالى أو لا ، بين أسرة مثقفة أو لا ولكن القهر أسلوب حياه وتفكير وثقافة مجتمعات للأسف
منهج يتبعه الكبير والصغير وتتبعه أيضا النساء على بناتها وأى بنات تكون تحت سلطتها مع أن هؤلاء السيدات من الممكن أن يكونوا ذاقوا القهر كثيرا فى حياتهم ولكنهم لا يتعلموا أبدا مما حدث
فالقهر غير قاصر على الرجال ولكن على الرجال والنساء فكلهم يمارسون القهر على البنت أيا كانت صلتها بهم
بداية من أختيار دراستها وطريقة كلامها وأسلوبها فى الحياة وصولا الى أختيار عملها والتحكم فى طموحها وآحلامها وأخيرا التحكم فى أختيار شريك حياتها
ومع أنه يوجد فتيات أخذت حقها فى أختيار كل شىء يخصها بدون تدخل من أى شخص طالما ما تفعله صحيح وغير متعارض مع العادات والتقاليد ولا مع تعاليم ديننا نجد أيضا بنات تموت من القهر والظلم وعدم قدرتها على أختيار أبسط الأشياء فى حياتها

فهذه فتاه تجبر على دراسة شىء لا تحبه ويجبرها أهلها على الدخول الى القسم الأدبى فى الثانوية العامة مع أن ميولها علمية وهذا لأنهم يرون أنه لا فائدة من دخولها القسم العلمى فماذا سوف تفعل حتى لو حصلت على أعلى الدرجات فهى بنت ونهايتها بيت زوجها !! ؟

وآخرى تجبر على الدخول الى كلية لا تحبها ولا تريدها لأن رأى الآخرين أن باقى الكليات من تخصص الرجال وأنها لا تستطيع أن تدرس أو تتعلم هذه الأشياء !!؟

وآخرى تجبر على الجلوس فى المنزل بعد أنتهاء دراستها لأنها هكذا عملت ما يجب عليها عمله وعليها انتظار الزوج المنتظر !!؟

وآخرى يبحث لها أهلها على أى عمل لا تحبه ولا تريده ويجبروها على العمل به لأنه سهل على البنات ولأنهم لهم علاقات بناس كثيرة فيه وينسون ما تتمنى أو تطمح أو تحلم به مع أن عندها طموح وآحلام فى أتجاه آخر وناجحة فيه ولكنهم يريدون محو شخصيتها وطموحها وآحلامها وأجبارها على العمل فى شىء من وجهه نظرهم مناسب لها بغض النظر عن وجهه نظرها !!؟

وآخرى يجبرها أهلها على الزواج من أى شخص حتى لو كان غير مناسب لها حتى لا يفوتها قطر الزواج ولأن فلانة وفلانة وفلانة تزوجن وأصبح عندهم أطفال والنتيجة لهذا القهر حياه زوجيه تعيسة فاشلة أو طلاق !!؟

وآخرى أهلها يمنعوها من الخروج من المنزل تماما ولا السفر ولا فعل أى شىء بمفردها حتى لو كان الخروج والسفر نهارا وحتى لو كانت ما تود فعله صحيح وليس خطأ ولكن لا حياه لمن تنادى !!؟

وغيره وغيره من القهر فى كل شىء وأى شىء يخص أى بنت

واليكم نتيجة هذا القهر
نفسية مدمرة لأى بنت
عقدة تظل معها طوال حياتها ومن الممكن أن تؤثر عليها بعد ذلك فى تربية أبنائها

ومازال القهر موجود كثيرا وفى أماكن كثيرة جدا وتتعرض له البنات فى كل مكان لذلك يجب علينا فهم طبيعة الحياه والتعامل مع الفتيات فالقهر ليس وسيلة للتعامل ولأنها كائن مثلها مثل الرجل ولها عقل وطموح وآحلام وشخصية لماذا يريد الآخرين محوها ولأن نتيجة هذا القهر غير مرضية لأى شخص أيا كان وخصوصا أذا كانت ما تريده أى بنت شىء جيد وغير متعارض مع العادات والتقاليد ولا التعاليم الدينية فلماذا التحكم فيها وفى رغباتها بحجة أنها بنت ويجب الحفاظ عليها ولا يجب تركها تفعل ما تريد وتشاء !!؟

( موضوع جديد من الجزء الثانى من كتاب البنات عايزة إيه )

منتظرة رسايل من بنات وسيدات تعرضوا للقهر فى حياتهم لنشرها مع الموضوع فى الكتاب بدون ذكر بياناتهم لو كانوا مش عايزين كده
ومنتظرة كمان رسايل من ولاد وشباب ورجال يقولوا ليا ليه بيحصل كده ولية المجتمع والناس بتعمل كده وإيه هيا وجهه نظرهم فى الموضوع ده

راسلونى على
elbanatayzaea@gmail.com

إيه الجديد عندنا

عندنا حاجات كتيرة قوى جديدة فى مجلة ميكانو وهتعجبكم جدا جدا جدا

http://www.mikanoo.com/

أول حاجة مدونات ميكانو ومسابقة أحسن مدونة لمعرفة التفاصيل والأشتراك وضم مدونتك لمجمع مدونات ميكانو أدخل هنا

http://dir.mikanoo.com/

وكمان قريبا معانا صاويات وباب خاص للفنان خالد الصاوى انتظرونا

وأخيرا مطبخ ميكانو وخدمة جديدة فى قسم ألطف الكائنات هتلاقوها هنا وانتظروا دايما أكلات جديدة

http://www.mikanoo.com/modules3.php?id=39

وانتظروا كل جديد معانا دايما فى مجلة ميكانو

وصفات وحاجات ومحتاجات

الكشرى المصرى والكشرى الأصفر والأرز المعمر والكفتة والكباب والمكرونة بالبشاميل والجلاش طرق الحاجات دى كلها نزلتها فى ميكانو والصور الحقيقية من مطبخنا بجد هيا بتاعت الأرز المعمر والطرق دى جربتها مليون مرة قبل كده وحلوة قوى فعلاااااااااا ومش لازم من أول مرة هتطلع حلوة معاكم مرة مع التانية بقى وربنا معاكم ويارب تعجبكم

وبالهنا والشفا مقدما

الكشرى المصرى

الكشرى الأصفر

الأرز المعمر

الكفتة والكباب

المكرونة بالبشاميل

الجلاش

الكنز المفقود

حلقات برنامج الكنز المفقود لمصطفى حسنى البرنامج اللى كان بيجى السنه اللى فاتت دلوقتى موجودة على موقعه وممكن تنزلوها كلها

الكنز المفقود- الكنز الأول

الكنز المفقود- الكنز الثاني

الكنز المفقود- الكنز الثالث

الكنز المفقود- الكنز الرابع

الكنز المفقود- الكنز الخامس

الكنز المفقود- الكنز السادس

الكنز المفقود- الكنز السابع

الكنز المفقود- الكنز الثامن

الكنز المفقود- الكنز التاسع

الكنز المفقود- الكنز العاشر

الكنز المفقود- الكنز الحادي عشر

الكنز المفقود- الكنز الثاني عشر

الكنز الثالث عشر- الجزء الأول

الكنز الثالث عشر- الجزء الثاني

الكنز المفقود- الكنز الرابع عشر

الكنز المفقود- الكنز الخامس عشر

الكنز المفقود- الكنز السادس عشر

الكنز المفقود- الكنز السابع عشر

الكنز المفقود- الكنز الثامن عشر

الكنز المفقود- الكنز التاسع عشر

الكنز المفقود- الكنز العشرون

الكنز المفقود- الكنز الواحد والعشرون

الكنز المفقود- الكنز الثاني والعشرون

الكنز المفقود- الكنز الثالث والعشرون

الكنز المفقود- الكنز الرابع والعشرون

الكنز المفقود- الكنز الخامس والعشرون

الكنز المفقود- الكنز السادس والعشرون

الكنز المفقود- الكنز السابع والعشرون

الكنز المفقود- الكنز الثامن والعشرون

محتاجه له قوووووووى

أيوة فعلا محتاجة له قوى محتاجة لربنا قوى يرضى عنى ويقوينى ويصبرنى ويعينى على كل حاجة فى حياتى لأنى من غير رضا ربنا عليا هبقى ولا حاجة وكل حياتى هتضيع

محتاجة ربنا يصبرنى ويصبر قلبى ويقوية على حاجات كتيرة قوى فوق طاقتى ومش قادرة أتحملها ومش هقدر الا بأرادة ربنا وبمشيئتة

محتاجة ربنا يغفرلى ذنوبى ويقوينى على البعد عن أى معاصى أيا كانت كبيرة أو صغيرة لأن حتى الحاجات اللى بنشوفها صغيرة بنفضل نعمل فيها كتير ومرة مع مرة هتبقى حاجات كبيرة قووووووووووووى

يارب قوينى وصبرنى معرفش لية الأيام دى قلبى واجعنى قوى من تذكر حاجات مش عايزة أفتكرها

قلبى واجعنى قوى من بعد أخواتى عنى وهموت وأشوفهم بس يوم واحد وأخدهم فى حضنى وأتكلم وأضحك ونشكى لبعض ونعمل كل حاجة مع بعض بجد محتاجة ليهم جدا ومحتاجة لناس تانية مهمه عندى قوى ولكن ما باليد حيله

قلبى واجعنى من اللى جواه ومناه فى حاجات مش بأيدى ولا قادرة أعملها ومغلبة قلبى معايا ومش عارفة أريح نفسى أزاى ومفيش غير ربنا قادر أنه يريحنى ويهدينى للصح

يارب ماليش غيرك بكتب كلامى ده ودموعى على خدى وعمالة أدعيلك تريحنى وتغفرلى ذنوبى وتعتقنى من النار

وتصبرنى وتعينى على كل حاجة فى حياتى

وتقدرنى على المسؤلية اللى المفروض أشيلها وأنا مش قادرة عليها لحد دلوقتى يارب قدرنى عليها يارب

يارب تخلى ليا أمى وتديها الصحة وتقويها يارب أنا معرفش أعيش من غيرها لحظة واحدة يارب أديها الصحة وخليها ليا

يارب قلبى يرتاح لأنه تعبان قوى ومش عارفة أعمل له إيه ومفيش غيرك عارف اللى فى قلبى يارب ريحنى وأهدينى للصح

يارب ماليش غيرك

دعوة للتصالح مع النفس ومع الغير

دى دعوة منى أنا مش من أى حد ولا من أى داعية ده كلامى أنا اللى بوجهه للناس سواء كانوا يعرفونى ولا لا سواء كانوا بيحبونى ولا لا سواء كان بينى وبينهم حاجة حلوة أو وحشة ولا لا

ياريت ياريت مليون مرة والكلام ده بقوله لنفسى قبل أى حد ياريت نتصالح مع نفسنا شوية وكمان نتصالح مع كل الناس

ياريت نبطل نكره بعض ونقف لبعض على الواحدة سواء كنا موافقين بعض فى كلامنا وآرائنا ولا لا لية ما نختلفش بهدوء ونعرض وجهات نظرنا بهدوء ومن غير ما نكره ونعادى بعض

وكمان فى حياتنا العادية وعلاقاتنا الأنسانية بكل الناس بلاش نتخانق بلاش نكره بعض بلاش نزعل بعض بلاش نقف لبعض على الواحدة ونبقى مستنين غلطة لبعض علشان ننتقم من بعض لية بس كده

أحنا بنى آدمين وأكيد مفيش حد مننا ما غلطش وما أتنرفزش وما زعلش ناس منه ولكن لية ما نحاولش نصلح نفسنا ونصلح علاقاتنا مع الناس لية ما بننساش الغلط لبعض لييييييييييييييييه

ياريت كلنا نتصالح مع نفسنا الأول لأننا ساعتها هنقدر نتصالح مع غيرنا وياريت كل واحد زعل حد ولا عمل فيه حاجة يصالحه أو حتى يعمل أى فعل يدل أنه نسى اللى حصل

ياريت بلاش لما تنتهى علاقات فى حياتنا ننتقم من بعض بعدها ونقف مستنين غلطات بعض علشان نشمت ونبهدل بعض

ياريت بلاش نكره بعض لأنه مفيش حاجة تستاهل

ياريت نتسامح أكتر من كده

ياريت ما ندخلش ونشتم فى بعض ونقول كلام مالوش لازمة وهنتحاسب عليه بعد كده

بالله عليكم أتصالحوا مع نفسكم ومع الناس الحياه مش مستاهلة كل ده وبكرة تفتكروا كلامى كويس

حلقات مهمة جداااااااا

السلام عليكم أخباركم إيه وأحنا فى ثالث يوم رمضان يارب تكونوا بخير وكل شىء ماشى تمام وربنا يعينكم على الصيام والطاعات كلها

دلوقتى فيه برنامجين حلوين قوى برنامج قصص القرآن لعمرو خالد وقصة حب لمصطفى حسنى وساعات بيكون فيه مننا ناس مش فاضية وقت اذاعة البرنامج أنا هنزل هنا لينكات الحلقات اللى نزلت خلاص فى المواقع بتاعتهم ودايما هحدث الموضوع بالحلقات الجديدة اللى هتنزل وهكتب على اليمين فى المدونة لينك الموضوع ده علشان تعرفوا توصلوا له بسهولة بعد كده

------------------------------

برنامج عمرو خالد قصص القرآن الجزء الثانى

الحلقة الأولى

الحلقة الثانية

الحلقة الثالثة

الحلقة الرابعة

الحلقة الخامسة

الحلقة السادسة

---------------------------------

برنامج مصطفى حسنى قصة حب

الحلقة الأولى

الحلقة الثانية

الحلقة الثالثة

الحلقة الرابعة

الحلقة الخامسة

----------------------------------

وفيه على يمين المدونة لينكات للقيم المستخلصة من برنامج عمرو خالد مكتوبة على موقعه والقيم كلها هامة جدا وكل واحدة تقريبا 10 سطور بس حلوة قوى وهحدثهم دايما إن شاء الله

أيام مهمة قوى

رغم أنى متعودة من ساعة ما عملت المدونة أنى ما أنزلش فى رمضان أى مواضيع شخصية أو حتى عن أى حاجة غير عن رمضان ولكن ساعات بضطر أغير العادة دى معلش سامحونى

ولأن فيه حاجات جوايا عايزة أقولها ومش قادرة أكتمها أكتر من كده

شهر أغسطس ده بيعتبر من الشهور المهمة قوى فى حياتى والمؤثرة بشكل كبير فيها يعنى فيه تواريخ مهمة جدا لأحداث ولحاجات حصلت ليا وفى حياتى وأثرت فيها بشكل كبير

بداية من يوم 1 أغسطس اللى هو عيد ميلاد بابا وصولا ليوم 31 اللى هو عيد ميلادى ويمكن ده بيبقى مهم ليا أنا خاصة حتى لو مش مهم عند أى حد

وغير كده الشهر ده مليان أعياد ميلاد لناس أصحابى وغاليين عليا جدا

يوم 1 عيد ميلاد بابا

يوم 3 عيد ميلاد بنت خالتى وصديقة عمرى

يوم 16 عيد ميلاد أعز صديقة عندى

يوم 22 السنه دى الذكرى الخامسة لوفاه عمى الله يرحمه أغلى عم عندى

يوم 26 عيد ميلاد صديقتى من الأبتدائى وبالمناسبة أسمها بسمه برضة

وعيد ميلاد ناس تانية غاليين عليا جدا ويمكن مش هقدر أقول هما مين لأسباب كتيرة جدا وبتمنى ربنا يوفقهم ويحققوا كل اللى بيتمنوه وتبقى السنه الجاية وكل سنينهم الجاية أحلى من اللى فات بكتير ومازلت مش عارفة أنا كمان غالية عندهم ولا لا علشان كده هلتزم الصمت ومتأكده أن كلامى هيوصلهم ولا كلامى مش واصل ليكم !!؟؟

وبعد كده أخر يوم فى الشهر اللى هو عيد ميلادى وميلاد أخويا توأمى اللى مات بعدها بأربع أيام

ويمكن يوم ميلادى السنه دى مهم عندى لأسباب كتيرة قوى أكيد يومها هكتب موضوع خاص وهقول إيه هيا الأسباب لو كان ليا عمر إن شاء الله

كمان الشهر ده مؤثر جدا فى حياتى السنه اللى فاتت أتخلصت من كابوس دمر ليا حياتى كان زى الأيام دى بالظبط وكنا قبل عيد ميلادى بحوالى أسبوع

يمكن فيه حاجات كتيرة حصلت فى الشهر ده أو كانت بتحصل كل سنه وبتأثر فيا وفى حياتى عامة

ويمكن أنا بتمنى حاجات كتيرة قوى ونفسى تتحقق وهفضل أدعى ربنا أنها تتحقق وأشوفها حقيقة قدامى وأنا أملى فى ربنا كبير قوى ومالوش حدود

يارب حققلى اللى بتمناه منك

قولوا آميييييييييييين

--------------------------------------

ده أيفنت حملة سنحيا بالقرآن اللى أنا عملته على الفيس بوك بتمنى تشتركوا فيه وتبعتوه لكل أصحابكم وربنا يجعله فى ميزان حسناتنا كلنا إن شاء الله

http://www.facebook.com/event.php?eid=141623985907&ref=mf