اتكلم عن نفسك في 10 نقاط
الأول ) أسمى بسمه فى يوم 31/8 بأذن الله هبقى بقالى فى الحياه ربع قرن 25 سنه بالتمام والكمال ، ليسانس آداب فلسفة ، أشتغلت أخصائية مكتبة لمدة ثلاث سنين وما أدراكم ماذا حدث لى وقريبا هتلاقوا ذكرياتى وتجربتى مع هذا العمل ،حاليا محررة صحفية وعقبال عندكم مديرة تحرير مجلة على صوتك يعنى صوتنا عالى قوى فيه حد ما سمعش ولا الكل سمع وقريبا ان شاء الله هعمل حاجات تانية أدعولى أنتوا بس وربنا معانا ، مخطوبة وتمت الخطوبة يوم 28/3/2008 ياريت حد يسمعنا زغروطة أصلى لسة عايشة الجو وعقبال كل الناس
ثانيا ) طموحة جدااااااااااااااااااااااااا طموحى مالوش حدود وبحب شغلى جدا وأيا كان المكان اللى ببقى فيه بعمل كل اللى فى وسعى علشان أثبت نفسى يعنى لما كنت شغالة أخصائية مكتبة كنت بعمل شغل المفروض يعمله أتنين ثلاثة وكنت بحب كده وبفرح لما أعمل أى أنجاز وبتعب جدا من عدم الشغل
ثالثا ) بحب الناس والعلاقات الجميلة سواء كانت قرابة صداقة أى حاجة بس بحب أعمق علاقاتى بكل الناس ، أجتماعية جدااااااااااااااااااااااااااااااااااا وساعات أنطوائية ، ساعات أكون هادية وبحب الهدوء وساعات بحب الهيصة وببقى عاملة جو كلة هيصة بصراحة ، عصبية ،طيبة جدا بس مش لدرجة أن حد يستغلنى ،حنينة جداااااااااااا وبحب الحنان نفسه ، خدومة جدا رومانسية وبحب المشاعر الحلوة قووووووووووووى بس تكون مخلوطة بالعقل ،بحب قوى أسعد اللى حواليا وعندى قدرة غريبة وعجيبة أنى أدارى اللى جوايا ولو كنت شايلة هموم جبال محدش يحس بيها وبوصل للى قدامى أنى كويسة وسعيدة وبحاول أساعد وأسعد كل اللى حواليا وأقف معاهم فى كل ظروفهم واللى جوايا ما بيطلعش لأى حد ، ببان قدام الناس مرحة ودمى خفيف مع أن كتير بيكون اللى جوايا غير كده ، ساعات ببقى قاسية قوى ولكن مع نفسى وباجى على نفسى علشان خاطر اللى حواليا، مضحية جدا ممكن أضحى بحياتى علشان ناس كتير حواليا ، عندى أستعداد أشيل حمل بلد بحالها محدش عنده حاجة عايز يشيلها ليا ، ما بحبش الغرور والتكبر ، بحب أظهر قوية وأبقى قوية حتى لو أنا من جوايا ضعيفة ما بحبش حد يحس فى لحظة بضعفى لما بكون فى أى لحظة ضعيفة
رابعا ) بحاول أتقدم وأتعلم حاجات جديدة وأعرف كل حاجة حواليا
خامسا ) بحب النيل والبحر جداااااااااااااااااااا وبحب أقعد قدامهم وأبص ليهم وأرمى جواهم كل همومى وأعرفهم بكل أفراحى بحب منظرهم حتى لو مفيش أى حاجة جوايا بحس أنى زيهم زى النيل فى هدوءه وقلبة الكبير اللى شايل كتير وبرضة بيشيل حمل وهموم الناس وزى البحر فى ثورتة
سادسا ) خايفة من اللى جاى كل اللى جاى ، خايفة مقدرش عليه وخايفة أصحى من آحلامى على كوابيس
سابعا ) مبحبش أسيب حقى ولا أسيب حد يستغلنى مهما كلفنى ده مبحبش الضعف ولا الأستسلام
ثامنا ) بحب النقاش قوى فى كل حاجة حتى لوفى أمورى الشخصية أحب أتناقش مع اللى حواليا فى كل حاجة مابحبش القرارات اللى بتيجى من غير تفاهم ونقاش بين الناس
تاسعا ) بحب الصراحة والصدق قوى مهما كانت نتيجة ده بس ما بحبش أكون غير كده وما بحبش الظلم وممكن أقف مع أى حد مظلوم أو عنده مشكلة لحد ما ياخد حقة حتى لو وقعنى ده فى مشاكل كتيرة
عاشرا ) بحب خطيبى جدا وبحمد ربنا بجد على هديتة دى ليا ومن هنا هقول الصفات اللى خطيبى وصفنى بيها ولا أقول لكم هسيبة هو لما يجى يبقى يقول هو بنفسه ، وبجد كان نفسى طول عمرى أن شريك حياتى يكون زى أخويا الكبير والحمد لله ربنا رزقنى بواحد شبه أخويا فى حاجات كتيرة جدا ربنا يخليهم ليا
بصراحة انا لسة جوايا كتير وعندى كتير بس هسيبكم بقى تكتشفونى مع الأيام وأشوفكم مع تاج تانى قريباااااااااااااااااااااااااااااااااااااااااااااااااا
الحمد لله أنتهيت
اختار خمسة واهدي لهم التاج
لازم تبلغهم
طيب هبلغهم بس من غير ضرب
وانتوا بقى داخلين هتلاقوا مواضعيى اللى هيا ايه
إضراب إضراب بس نعيشناقصات عقل ودينحوار مع المدون محمد التهامىانا سعيدة جدا بالعدد كله وبكل حاجة فيه زادت سعادتى لما محمد التهامى نزل فى الجروب بتاعه لينك الحوار ومعاه كلام عنى وقالانا سعيد جدا اني عملت الحوار مع بسمة بجد محاوره صعبة اوي وشاطرة اويوعايزة أقول لمحمد أنى أنا اللى أسعد بالحوار ده وأنه فعلا شخصية مميزة ومختلفة ولو ماكانش هو كده ما كانش طلع الحوار بالشكل دهعلى صوتك قول علشان حلمك ما يموتش
يعنى ممكن ناس تضحى بحاجات كتير من أجل أسرتها ودول بيكونوا الناس الوحيدين اللى ممكن يضحوا علشانهم بحاجة
وطبعا فيه أنواع كتير للتضحية ومختلفة من شخص للتانى ولكن هل الأنسان جواه طبع التضحية ولا دى حاجة بيكتسبها
الأخت العزيزه صاحبة المدونه الجميله تحياتنا لك
اظهارا لأعجابنا ستكون مدونتك ضيفتنا فى حلقة برنامجنا الأذاعى وهو اول برنامج اذاعى عن النت فى العالم العربى ويذاع على البرنامج العام اى الأذاعه الرئيسيه لمصر يوم السبت 12-4-2008 الساعه التاسعه وعشر دقائق صباحا على موجة الأف ام107 وسته من عشره
وكافة التفاصيل فى موقعنا
والدعوه موجهه ايضا لكافة المعلقين زوار هذه المدونه للأشتراك بآرائهم فى البرنامج
مع تمنياتنا لكى بالتوفيق
وعنوان بريدنا
ويسرنا ان نستمع الى آرائكم فاكتبوا لنا
----------------------
أستاذ / صلاح حجازى
نشركم على منحكم هذه الثقة فينا
واحترامكم لافكارنا
ويسعدنا أن نلبي دعوتكممع خالص تحياتنا للجهد المبذول في البرنامج الذي حظى على إعجابنا فور الاستماع عليه
ونتمنى أن نكون عند حسن ظنكم
----------------------------
أخيرا وعلشان أسهل عليكم سماع البرنامج هكتب لكم لينك موقع بيشغل البرنامج العام اول ما تفتحوا هتشتغل على طول
------------------------
بجد أحنا بنشكر كل حد دخل المدونة وعلق تعليق شجعنا أكتر على الأستمرار فى فكرتنا ومدونتنا وأى حاجة وصلنا ليها كانت بسبب تشجعيكم لينا ووقوفكم جمبنا وجمب فكرتنا
--------------------------
ياريت أى حد يعرف يسجل الحلقة يسجلها
وفعلا كان يوم من أحلى أيام عمرى
الصور دى كانت فى البيت بعد الخطوبة وأنا اللى كنت بصورمحمود خطيبى لأننا جاتلنا حالة من التصوير غريبة فضلنا نصور بعض فرحانين بقى حد عنده مانع
ربنا يخليك ليا يا نور عينى ويقدرنى أسعدك زى ما أدتنى كل السعادة اللى أنا فيها دى ويارب ما نفترق ابدا
---------------------------------
بحبك يا حبيبى أكمنى بهواك وبحس أنك منى سامعنى ده أنا بروحى بغنى ده أنا بحكى لكل الدنيا عليك
-----------------------------------
بجد مش قادرة أوصف لكم مدى سعادتى أمبارح فعلا اليوم ده ماكانش يوم عادى وعمرة ما هيتنسى مهما عدى بيا العمر
-----------------------------
حبيبى ربنا يخليك ليا ويجمعنا على خير
-------------------------
تحديث
بما أن أنا اللى عملت مدونة خطيبى وبما أنه لسة ما دخلهاش فأنا عملت له مفاجأة تانية ونزلت صورة هناك مع اهداء منى لية
يالا أدخلوا هناك
-------------------------
تحديث للمرة التانية
صديقتى الجميلة والقريبة منى جدا واللى تبقى أول مدونة عرفتها وصاحبتها صاحبة مدونة آدى حال الدنيا عملتلى موضوع حلو قوى
ربنا يخليكى ليا ياقمر وعقبالك
بجد كل ده كتير عليا قوى فرحتينى والله مشاعركم دى عندى بالدنيا كلها
طوال يومى وأنا أشعر بضيق وأفكر فيك كثيرا وكان عقلى وقلبى يشعران بأنك فى ضيق أنت الآخر أو بك شيئا وظل الشعور مسيطر على عقلى وقلبى حتى تأكدت منه عند سماع صوتك ومع بعد المسافة بيننا ومع أنك لست أمامى ولكنى شعرت بك شعرت بما يدور بداخلك شعرت بضيقك
الآن أنت أنا وأنا أنت
يالا نبدأ
ثانى أحتفال عيد الأم بعد بكرة
أمى مش عارفة أكتب ولا أقول أيه بالظبط عنك غير ربنا يخليكى ليا مش لاقية كلام يوفيكى حقك ومهما قلت وكتبت مش هقدر أطلع اللى جوايا ناحيتك
أنا عارفة أن عيد الأم السنه دى أحسن عيد أم عدى عليكى بسبب فرحتك بخطوبتى وأنا حاسة بجد بفرحتك دى ومش عارفة أعمل لك أيه بجد علشان أرد لك جزء بسيط من كل الحاجات اللى قدمتيها ليا وعارفة أنى مهما عملت مش هقدر أوفيكى حقك ومهما كتبت مش هقدر أرد لك ولو جزء بسيط من كل شىء عملتيه ليا أنا وأخواتى
ربنا يخليكى ليا يارب وتكمل فرحتك بيا وتفرحى بأخواتى
ويارب تكون كل أيامك فرح وسعاده
---------------------------
كل سنه وكل الناس طيبة
فوجوده دفعنى أكثر للأمام ومهما قلت فكلامى قليل على أنسان مثله
لا أعلم هل أنا أمام بشر مثلى أم ملاك ، لا أعلم ماذا أفعل معه فقد منحنى الكثير والكثير فى وقت قصير ومازال عنده أكثر من هذا
كل شىء فيه يبهرنى أحب كلامنا ونقاشنا سويا فى أى شىء
أحب فيه الطيبة والحنان
أحب فيه كل طباعه ووفائه لكل من هم حوله
أحب فيه أخلاصة فى عمله وفى كل تصرفاته وحياته ومع كل الناس
أحب فيه صراحته التى جعلتنى أحترمه أكثر وأكثر
أحب فيه كل شىء ولا أستطيع الكلام عن كل شىء لأنه لا يكفيه مليون موضوع
فى النهاية سعيدة به وبما فعله ومنحه لى من سعادة
ربنا يخليك ليا
----------------------------
طبعا الكلام ده على خطيبى واللى أرتباطنا كان تقليدى جدا وله قصة حلوة قوى هبقى أحكيها ليكم مرة تانية
</
