Sunday, August 21, 2011

أعطنى مقالا وأخطبنى

بعد المقال العاطشفى اللى قطع قلوب فئة من الناس لاقيت بعض البنات يا عينى قلبهم رفرف والدمعة فرت من عيونهم وقطعوا قلبى بصراحة ببرائتهم الغريبة وأمنيتهم أنه يتكتب فيهم مقال زى ده !!!

على أعتبار أن الحب والرومانسية مقطعين بعضهم وهنلاقى الرجالة من كتر ما بيقولوا كلام حلو هيكتبوا كمان
انتوا مش عايشين فى الدنيا اللى أحنا عايشين فيها
على ما أعتقد أنهم أصلا يادوب بيقولوا كلمتين وحلو عليكى قوى كده ما تطمعيش قوى بقى وتعيشى الدور
ولنفترض أنك ارتبطتى بواحد ما بيعرفش يكتب هتبقى النتيجة إيه هتسيبه وتقولى له يا المقالة يا مفيش جوازة
وأكيد الفترة الجاية هنلاقى ناس دماغها على قدها هتعمل مليون مشكلة مع بعضهم عشان الموضوع ده وأسمعوا منى واتفرجوا بعد كده

فاكرين مسلسل نور ومهند لما الستات والبنات اتجننوا وكل واحدة تقول لجوزها شوف مهند بيعامل نور أزاى ما بتعاملنيش ليه كده

وقريبا هتبقى أحدث صيحات الجواز الواحد يبقى داخل بيت العروسة وفى إيده مقالة وكل ما يزيد عدد المقالات أنت الكسبان !!


ومش بعيدالأمثال وأغاني تتحول وتبقى كده

ضل مقال ولا ضل جريدة

ومقال فى اليد خير من عشرة على المجلة

يا واخد المقال على جماله بكرة يروح الجمال ويبقى المقال على حاله

يا ولاد بلدنا يوم الخميس هكتب مقالى وأبقى عريس والجريدة عامة وهتبقى لمه

فى النهاية أنا ضد التعدى على حرية أى حد طالما حريته دى ما ضرتش حد تانى وللأسف إحنا أتعودنا على التطفل والتدخل فى كل كبيرة وصغيرة فى حياة كل الناس خاصة لو كانوا معروفين ودايما بنخلى سوء النية هو اللى سابقنا
ليه ما نسيبش الناس فى حالها وكل واحد حر فى حياته

أنت حر وأعمل اللى يريحك طالما حريتك دى مش على حساب حد تانى



7 comments:

sony2000 said...

يختيييييي

هتقوليلي
كل بنت حست بالمشاعرفقلبها
وشويه والشباب يقولوا فيه ايه يابه
اجمدي شويييييييييييييه:)

يلا خير خير

أع ـقل مـ ج ـنـونــة said...

ههههههههههههههه
فكرتيني بشوطة نور ومهند
انا وقتها متفرجتش عليها
طاه تصدقي بالله
مؤخرا اتفرجت ع المسلسل دا
ولاقيت مهند دا أبرد خلق الله !
اي والله
ونور دي خنيقة
ولو كنت راجل كنت ادتها فوق دماغها
ولو كنت متجوزة مهند كنت دبحته وضربته بالقباقيب كل يوم !!!

يختي مصريين دماغهم فاضية :D :D

سيبك انتي
انتي عسل :*

عابدة الرحمن said...

حب ايه انا معاكى مفيش حاجة اسمها حب

تنقبى خير لكى من هذا الضلال

Ms3a_miso said...

:D :D
طب معلش يعني تأخذينيش في ديك السؤال
هو في راجل يكتب مقال عاطشفي بردو ؟؟؟
هو مقال واحد في الحياة عشان الخطوبة
وانسي بعد كده
اصلا انا بقى كمان مش رومانسي خالص بقا انا حتى في افتناعي اني مثلا لو حجيب ورد لخطيبتي ده
حجيبه بس عشان اكل عقلها .. بس انا مش حبقى مقتنع بيه حيبقى الموضوع تحصيل حاصل .. انا قمة السعادة بالنسبالي لما نروح ناكل برة بقا مثلا هو ده الكلام .. مش تقوليلي رومانسية ومقاله
:D :D :D :D
هيييه احبطتك :D

فساتين زفاف وسهرة said...

الراجل بيتجوز ويقول احمدي ربنا انك لقيتي راجل ما تطمعيش في اكثر من كده

مطبخ حواء said...

يلا ارزاق

king abdaoe said...

مشكوووووووووووووووووووووووور جدا جدا
وتسلم الايادى ياغالى
وارجو ان تقوم بزارة مدونتى المتواضعه
مزيكا4ماتش