Sunday, July 1, 2012

ثامن خاطرة ( سؤال )


حاولت أنام معرفتش

سألت عينى مالك ؟
قالتلى محرومة من النوم عشان حبيبى واحشنى ونفسى أشوفه

سألت قلبى مالك ؟
قالى الحب والشوق والحنين واخدينى فى دنيا تانية ومش عارف أنام

سألت عقلى مالك ؟
قالى ما ينام إلا مرتاح البال وأنا بالى مشغول على حبيبى هنام أزاى

سألت إيدى مالك ؟
قالتلى محتارة أعمل إيه معاكى طول اليوم ماسكة التليفون تدورى على رسايل حبيبك تقرى فيها وتبتسمى ومش عارفة تكتبيله إيه ولا إيه

سألت شفايفى مالك ؟
قالتلى محتارة ومن كتر حبى ما بقتش عايزة أكلم حد غير حبيبى وعشان أهرب من سؤالهم مالك متغيرة كده ليه

سألت ساعتى مالك ؟
قالتلى تعبتينى معاكى من كتر لعبك فيا وبصك ليا وعمالة تحسبى فاضل قد إيه عشان تشوفى نور عيونك

سألت مرايتى مالك ؟
قالتلى انتى اللى مالك راحة جاية عليا تبصى فيا تكونيش لسه بتتعرفى عليا

سألت دولابى مالك ؟
قالى تعبتينى وجننتينى وكل شوية تقلبينى وفى الأخر تقفلينى

سألت نفسى مالك ؟
قالتلى تعبت ونفسى أنام وعماله أحسب الأيام بس خايفة أجى يوم ما أقابله أكون تعبت ومن الفرحة أنام وأنسى الميعاد

5 comments:

وجع البنفسج said...

حوار عائلي جميل

^_^

استمتعت بالقراءة واتمنى لكِ ولأعضاء جسمك النوم الهنيئ

موناليزا said...

اعملى تذكير على الموبايل ^_^

bos bos بسمه عبدالباسط said...

وجع البنفسج

ربنا يخليكى

يارب يارب :)

______________

موناليزا

من غير تذكير التذكير اللى فى عقلى مش هيسيبنى اصلا هههههههههههههه

شبكة الاصالة العربية said...

مدونة رائعة استمتعت بقرائتى لها

المتحدة لخدمات الإنترنت said...

نصك باهر وجميل واسلوبك رقيق وراقى