Friday, June 3, 2011

حملة التدوين ( التدوينة الثانية ) كفى نفسك واللي حواليك كمان

( ما إحنا لو ما سمعناش اللي حوالينا هايجى علينا يوم ومش هنلاقى حد يسمعنا خليك مستمع أكتر ما تكون متكلم هتكسب كتير قوووووووووووى )

فعلا ما هو مش من المنطقي أننا نطلب من الناس أنها تسمعنا وتبقى معانا في كل أحوالنا وظروف حياتنا وإحنا عمرنا ما كلفنا نفسنا وسمعناهم أو سمعنا أي حد

ابدأ بنفسك الأول وأسمع الناس

صدقني كل ما هتحس أنك ريحت حد لمجرد أنك سمعته هتحس أنك مرتاح من جواك حتى لو ما أتكلمتش وطلعت اللي جواك بس أكيد هايجى يوم وهتلاقى اللى يسمعك واللي بيطلب منك تتكلم وتطلع اللى جواك وممكن يكون حد مش متوقع أصلا


وهنروح لبعيد ليه قدامك الورقة والقلم طلع اللى جواك عليهم
قدامك السما بص لها وأتكلم

قدامك البحر أقف قدامه وأتكلم


بس في النهاية خليك مستمع جيد وريح اللى حواليك هتكسب كتير قوووووووووى

5 comments:

حَـبآيـۃْ.بـטּـدۉڷ said...

موآفقــاكِي جداً ..

كَمانْ مِشْ هَتخسرْ حاجَه !

بالعكسْ ممكنْ تكسبْ قلُوبْ .. أروآحْ .. أشخاصْ .. كتِير !

:)

البِـئرُ والظمّأْ said...

انا المشكله دي بعاني منها يا بسمة
اني مبلاقيش حد يسمع كويس
مشكلة مقرفة
في حين انا افضل مستمع ممكن يسمع اللي قدامه
بحس بكبتتتتتتت صراحة


تحياتي ليكي

قهوة بالفانيليا - شيماء علي said...

أكيد يا بسمة :)
إنتي صح

bos bos بسمه عبدالباسط said...

حَـبآيـۃْ.بـטּـدۉڷ

فعلا زى ما قولتى هنكسب قلوب وأرواح وأشخاص كتيرة جداااااااا
:))

----------------
البئر والظمأ
فعلا ما اتعودناش اننا نسمع اتعودنا نتكلم وبس وكل واحد عايز يتكلم وخلاص وما بيحطش نفسه مكان الطرف التانى مرة واحدة
بس لو حاولنا نغير من نفسنا ونسمع أكتر هنكسب كتير

-----------------
شيماء على

ربنا يخليكى يا جميل
:)

حواء اليوم said...

عندك حق وكمان علشان اللي بيشوف بلاوي الناس بتهون عليه بلوته