Thursday, August 27, 2009

عن القهر أتحدث

قدرنا أن نخلق بنات فى مجتمعات تتبع القهر أسلوبا فى حياتها فمنذ ولادة البنت ويكون القهر رفيقا لها فى حياتها حتى مماتها
فالقهر لا يعرف الفرق بين أسرة غنية أو فقيرة ، بين أسرة مستواها الأجتماعى عالى أو لا ، بين أسرة مثقفة أو لا ولكن القهر أسلوب حياه وتفكير وثقافة مجتمعات للأسف
منهج يتبعه الكبير والصغير وتتبعه أيضا النساء على بناتها وأى بنات تكون تحت سلطتها مع أن هؤلاء السيدات من الممكن أن يكونوا ذاقوا القهر كثيرا فى حياتهم ولكنهم لا يتعلموا أبدا مما حدث
فالقهر غير قاصر على الرجال ولكن على الرجال والنساء فكلهم يمارسون القهر على البنت أيا كانت صلتها بهم
بداية من أختيار دراستها وطريقة كلامها وأسلوبها فى الحياة وصولا الى أختيار عملها والتحكم فى طموحها وآحلامها وأخيرا التحكم فى أختيار شريك حياتها
ومع أنه يوجد فتيات أخذت حقها فى أختيار كل شىء يخصها بدون تدخل من أى شخص طالما ما تفعله صحيح وغير متعارض مع العادات والتقاليد ولا مع تعاليم ديننا نجد أيضا بنات تموت من القهر والظلم وعدم قدرتها على أختيار أبسط الأشياء فى حياتها

فهذه فتاه تجبر على دراسة شىء لا تحبه ويجبرها أهلها على الدخول الى القسم الأدبى فى الثانوية العامة مع أن ميولها علمية وهذا لأنهم يرون أنه لا فائدة من دخولها القسم العلمى فماذا سوف تفعل حتى لو حصلت على أعلى الدرجات فهى بنت ونهايتها بيت زوجها !! ؟

وآخرى تجبر على الدخول الى كلية لا تحبها ولا تريدها لأن رأى الآخرين أن باقى الكليات من تخصص الرجال وأنها لا تستطيع أن تدرس أو تتعلم هذه الأشياء !!؟

وآخرى تجبر على الجلوس فى المنزل بعد أنتهاء دراستها لأنها هكذا عملت ما يجب عليها عمله وعليها انتظار الزوج المنتظر !!؟

وآخرى يبحث لها أهلها على أى عمل لا تحبه ولا تريده ويجبروها على العمل به لأنه سهل على البنات ولأنهم لهم علاقات بناس كثيرة فيه وينسون ما تتمنى أو تطمح أو تحلم به مع أن عندها طموح وآحلام فى أتجاه آخر وناجحة فيه ولكنهم يريدون محو شخصيتها وطموحها وآحلامها وأجبارها على العمل فى شىء من وجهه نظرهم مناسب لها بغض النظر عن وجهه نظرها !!؟

وآخرى يجبرها أهلها على الزواج من أى شخص حتى لو كان غير مناسب لها حتى لا يفوتها قطر الزواج ولأن فلانة وفلانة وفلانة تزوجن وأصبح عندهم أطفال والنتيجة لهذا القهر حياه زوجيه تعيسة فاشلة أو طلاق !!؟

وآخرى أهلها يمنعوها من الخروج من المنزل تماما ولا السفر ولا فعل أى شىء بمفردها حتى لو كان الخروج والسفر نهارا وحتى لو كانت ما تود فعله صحيح وليس خطأ ولكن لا حياه لمن تنادى !!؟

وغيره وغيره من القهر فى كل شىء وأى شىء يخص أى بنت

واليكم نتيجة هذا القهر
نفسية مدمرة لأى بنت
عقدة تظل معها طوال حياتها ومن الممكن أن تؤثر عليها بعد ذلك فى تربية أبنائها

ومازال القهر موجود كثيرا وفى أماكن كثيرة جدا وتتعرض له البنات فى كل مكان لذلك يجب علينا فهم طبيعة الحياه والتعامل مع الفتيات فالقهر ليس وسيلة للتعامل ولأنها كائن مثلها مثل الرجل ولها عقل وطموح وآحلام وشخصية لماذا يريد الآخرين محوها ولأن نتيجة هذا القهر غير مرضية لأى شخص أيا كان وخصوصا أذا كانت ما تريده أى بنت شىء جيد وغير متعارض مع العادات والتقاليد ولا التعاليم الدينية فلماذا التحكم فيها وفى رغباتها بحجة أنها بنت ويجب الحفاظ عليها ولا يجب تركها تفعل ما تريد وتشاء !!؟


( موضوع جديد من الجزء الثانى من كتاب البنات عايزة إيه )

منتظرة رسايل من بنات وسيدات تعرضوا للقهر فى حياتهم لنشرها مع الموضوع فى الكتاب بدون ذكر بياناتهم لو كانوا مش عايزين كده
ومنتظرة كمان رسايل من ولاد وشباب ورجال يقولوا ليا ليه بيحصل كده ولية المجتمع والناس بتعمل كده وإيه هيا وجهه نظرهم فى الموضوع ده


راسلونى على
elbanatayzaea@gmail.com

16 comments:

Anonymous said...

المرأة لا يمارس ضدها اي وسيلة للقهر
والله هما اللي عاملين استحواذ
حتي في العالم كله
في خلفية اي حدث دائما مرأة

Anonymous said...

الرجالة
in her homes
بقئوا هما اللي بياخدوا اوردرز من زوجاتهم
حكومات بقئ وهي اللي بتمارس القمع ضد الرجال
المستضعفين

Anonymous said...

من اول كتاب قاسم امين
مرورا بالسيدة صفية زغلول
تم تدشين عصر جديد
اسمه
womens world

بسمه عبدالباسط said...

Anonymous

عاملين أستحواذ فين بس

أنا مش بتكلم على النماذج السيئة
أنا بتكلم عن النماذج اللى فعلا مظلومة

ايوة فيه ستات مش كويسة زى ما فيه رجالة مش كويسة ولكنى بتكلم عن المظلومين فعلاااااااااااااا

بسمه عبدالباسط said...

Anonymous

والله لو الرجالة فى بيوتهم بياخدوا أوامر من الستات يبقوا معلش وأسفة يعنى مش رجالة
الواحد اللى ياخد أوامر ونواهى من ست مايبقاش راجل وهو اللى عمل فى نفسه كده وما يلومش الست اللى عملت معاه كده

ولكن الراجل الطبيعى والست الطبيعية لا يمكن هيعملوا كده

بسمه عبدالباسط said...

Anonymous

قاسم أمين وصفية زغلول

دول كانوا فى عصر غيرنا أساسا وسواء أحنا معاهم ولا ضدهم
ده مالوش علاقة بكلامى أنا بتكلم عن العالم اللى أحنا فيه حاليا

وبعدين هو فين عالم المرأة ده تصدق ما شفتوش وما صادفنيش فى حياتى

Anonymous said...

حقها في التعليم موجود
اختيار شركها موجود
اختيار اصدقائها موجود
حتي في طريقة لبسها فيه حرية
الظلم هنا فين

Anonymous said...

لها جمعيات نسائية
حتي جمعيات سيدات اعمال
بتتقلد مناصب وزراية
بتمارس العمل السياسي

فشكووول said...

السلام عليكم بوسبوس العزيزه

تحياتى

الاول اعيد عليكى واقول ليك كل سنه وانت طيبه ورمضان كريم ويعيده الله عليك بالخير واليمن والبركات

هذه اول زيارة لهذه المدونه الرائعه

يا بنيتى لا احد من الآباء يوافق على قهر ابنائه او بناته ولكن ظروف الحياه هى التى تجبر الاهل على عمل حاجات هم فى الاصل لا يرضون عنها

ربما الانحلال المجتمعى هذه الايام
ربما الاخطار التى تحيق بالبنات وايضا الصبيان فى هذه الايام
ربما اشياء كثيره

ومحاولة قهر البنات ليست للقهر ولكنها لوقايتها من اشياء قد تعرض مستقبلها للخطر
هل تدركين ما اقول
لان البنت هى التى تتحمل كل شيئ فى النهايه والمجتمع يلقى عليها باللائمه دائما .. وهى التى تتحمل العواقب الفادحه ولا احد غيرها
لذلك نرى الاهل فى رعب على بناتهم واولادهم ايضا وليس بناتهم فقط
ولكن لا اوافق على كل القهر الذى ذكرتيه
القهر فى الدراسه لا اوافق عليه
والقهر فى الزواج لا اوافق عليه ..
والقهر فى المنزل لا اوافق عليه

نحن يا بنيتى فى مجتمع له عاداته وتقاليده الصارمه ابينا ام وافقنا هذا هو مجتمعنا الذى يحمل البنت فوق طاقتها ويعتبرها هى المسئوله عن اى شيئ
هذه غلطه مجتمعيه صحيح ولكن هذا هو المتاح لدينا

تحياتى وكل عام وانت بخير

Anonymous said...
This comment has been removed by a blog administrator.
فشكووول said...

وبعدين يا بسبوس الرجاله بياخدوا على دماغهم ومستحملين ومتهنيين ومبسوطين على الاخر والنساء بقوا اقوياء على الرجاله الغلابه خالص خالص خالص

بسمه عبدالباسط said...

Anonymous

على فكرة أنا ما أنكرتش أنه فيه بنات واخده حقها وقوى كمان ولكن من الواضح أن حضرتك ما خدتش بالك من جملتى اللى فى الموضوع اللى قلت فيها

ومع أنه يوجد فتيات أخذت حقها فى أختيار كل شىء يخصها بدون تدخل من أى شخص طالما ما تفعله صحيح وغير متعارض مع العادات والتقاليد ولا مع تعاليم ديننا نجد أيضا بنات تموت من القهر والظلم وعدم قدرتها على أختيار أبسط الأشياء فى حياتها

يعنى أنا ما قلتش أن كل المجتمع كده ولا كل البنات مقهورات وممكن ترجع تانى لموضوعى

وأعتقد أن الدليل أن مش كل البنات مقهورات أنى بكتب بحرية ولو كان عليا قهر ماكنتش بقيت هنا

يبقى ده معناه زى الجملة اللى نقلتها لحضرتك أن مش كل البنات مقهورات وفى الوقت مش كلهم واخدين حقهم

بسمه عبدالباسط said...

فشكوول

وعليكم السلام
أهلا بيك شرفتنى زيارتك وتعليقك عندى
وكل سنه وحضرتك طيب وبكل خير وصحة وسلامة

أكيد كلامك صحيح وعارفة أن مجتمعنا بيرمى كل التهم على البنت حتى لو ماكانتش غلطت فى حاجة
ولكنى ما بطلبش أى حاجة خارجة عن العادات والتقاليد ولا الدين

الحق فى التعليم والعمل والزواج الحاجات دى مش غلط وحضرتك وافقتنى فيها
أنا بتكلم عن الحاجات الصح اللى فيه بنات بتتمنع عنها فى أماكن كتيرة


ولو فعلا دى غلطة مجتمع وثقافة مجتمع وكلنا شايفين أنها غلط ليه ما نحاولش نتخلص منها ونعلم ولادنا الصح ونمشى عليه

لية نفضل نقول دى ثقافة مجتمع وغلطة مجتمع

سعيدة جدا بزيارة حضرتك وتعليقك وبتمنى تكررها تانى

بسمه عبدالباسط said...

فشكوول

هما مين دول اللى بياخدوا على دماغهم لا انتوا ظالمين الستات خالص معاكم

:)))

AHMED SAMIR said...

بس انا اعتقد يا بس بس
ان الصورة مش قاتمة قوي كدة
انا عن نفسي اتولدت و عشت و اتربيت في مجتمع لا يوجد اي قهر للمرأة على الاطلاق
هل يعقل ان في الزمن دة واحدة تتجوز غصب عنها او تدخل كلية ما غصب عنها....؟
لسه في كدة؟؟

بسمه عبدالباسط said...

أحمد

ايوة دلوقتى أحسن من زمااااان بكتير
بس صدقنى لسة فيه كده

لسة فيه بنات بتتجوز غصب عنها
وبنات بتدرس حاجات غصب عنها

صدقنى على قد ما فيه ناس كتيرة واخدة حريتها فيه برضة العكس بالظبط