Sunday, July 19, 2009

محمد نبينا

محمد نبينا بنوره هدينا من مكة حبيبى نوره ساطع ع المدينة
من صلى صلاته واتحلى بصفاته يابخت اللى فى ضله ماشى يشفع له فى مماته
يا إمامنا يا أمين يا سند للمسلمين ياحبيبى يا محمد يا ابن عبد الله تمت الرسالات تمام والحبيب مسك الختام
طول حياتى وفى صلاتى بدعى أصلى وراه
محمد نبينا نوره هدينا من مكة حبيبى نوره ساطع ع المدينة
من صلى صلاته واتحلى بصفاته يابخت اللى فى ضله ماشى يشفع له فى مماته
من أول يوم فى عمرى سمعت أبويا وأمى بيصلو عليه - اللهم صلى عليه - حببنى فى الإيمان حسسنى بالأمان واتعلقت بيه
اللهم صلى وسلم وبارك عليه
اللهم صلى وسلم وبارك عليه
نفسى أشوفك فى المنام يا رسول الله وابكى على كتفك وانام ياحبيب الله
وانول شرف لقى صحبتك واخطى فى صفوف امتك واتحامى فيك
محمد نبينا بنوره هدينا من مكة حبيبى نوره ساطع ع المدينة
ياحبيبى يا طه يا نجاة من المتاهة غيرت الدنيا فى عنينا بين ليلة وضحاها
من صلى صلاته واتحلى بصفاته يابخت اللى فى ضله ماشى يشفع له فى مماته
---------------------------------------------
كل سنه وأنتم طيبين بمناسبة ذكرى الأسراء والمعراج
ويارب بلغنا رمضان وأهدينا وأصلح حالنا وأغفر لنا ذنوبنا جميعا وثبتنا على الطاعة والبعد عن المعاصى
يارب أغفرلى ولكل الناس ذنوبنا وأمتنا على الشهادة وأدخلنا فسيح جناتك
يارب توفقنا فى حياتنا وفى شغلنا وفى كل حاجة بنعملها وتكون فى رضاك وبعيدة عن أى حاجة تغضبك أو فيها معصية ليك
يارب وفق أخواتى وأهلى وأصحابى وقرايبى وكل الناس فى كل حياتهم وأرزقهم بالحلال وثبتهم على الطاعة والإيمان وبلغهم رمضان وأعنهم على صيام نهاره وقيام ليله وأنا معاهم يارب العالمين
يارب أغفرلى ذنوبى أنا وكل الناس وأبعدنا عن المعاصى صغيرها وكبيرها
يارب حققلى اللى بتمناه ووفقنى فى شغلى وفى كل حياتى وتكون حياتى كلها فى طاعتك والقرب منك ويارب اللى بتمناه يتحقق لو كان فيه خير ليا ولو كان شر ليا أنسى الحاجات دى تماما وأقدر على نفسى يارب ماليش غيرك
آمين يارب العالمين

4 comments:

Somaya Kamal El Din said...

كل سنة وانتى طيبة

momken said...

كل عام وحضرتك بخير


بارك الله لك فى رجب وشعبان وبلغك رمضاك
تحياتى

بسمه عبدالباسط said...

سمية

وانتى طيبة يا قمر وبكل خير

بسمه عبدالباسط said...

ممكن

وانت بكل خير

اللهم بلغنا رمضان