Saturday, February 13, 2010

الفالانتين الأفتراضى

مع أقتراب عيد الحب ( الفالانتين داى ) نجد كل شىء تغير وتبدل وليس فقط فى اللون الذى يتحول للأحمر فى كل شىء فتسير فى الشوارع
تجد كل شىء لونه أحمر الملابس والهدايا ومن الممكن أن تتعثر قدمك فتنظر لتجد دبدوب أو قلب أحمر بجوارك تظل تسير وتنظر حولك وكل شىء تحول لهذا اللون


تعود الى منزلك ويسيطر على عينيك اللون الأحمر تجلس على جهاز الكمبيوتر الخاص بك لتذهب الى العالم الأفتراضى وتصطدم كثيرا عندما تجده تحول هو الآخر الى هذا اللون
وفى جولة سريعة على المدونات وموقع الفيس بوك تجد كما هائلا من الورود والهدايا والأمنيات والآحلام وغالبا ومعظم من يرسلوا هذه الهدايا ويكتبون
الكلمات الجميلة يحتفلوا بهذا العيد بمفردهم ولكنهم يريدوا أن يشبعوا رغبتهم ويدخلوا بعض السرور الى قلبهم وقلوب من
حولهم فيبدأو فى أرسال الهدايا الحمراء بالبطبع وكتابة المواضيع على المدونات والفيس بوك أحتفالا بالحب


ولكن أى حب هذا الذى يحتفلون به ؟؟


فأغلبهم لا يجد قوت يومه ويجرى طوال حياته يبحث عن لقمة العيش وأبسط أحتياجاته الأساسية فالبطبع أشخاص كهؤلاء ليس معهم ما يؤهلهم للأرتباط أو التفكير حتى فى هذه الكلمة
وحتى لو وجدوا الحب سوف يكتموه بداخلهم لأنهم لا يملكون شىء يحولوا به هذه المشاعر الى أرتباط رسمى أمام كل العالم
ويظل كل طرف منهم يكتم مشاعره وحبه بداخله ولا يبوح به لأنه غير مسموح لهم حتى بالحب فحتى الحب الأفتراضى ممنوعون منه
وكم الهدايا والورود وخلافه

ما هى الا تعويضا عما يعانية آلاف الشباب والبنات الذين يكبر سنهم يوما وراء يوم ولا يجدوا سبيل للتعبير عن مشاعرهم المكبوتة
الا بأرسال التهانى والهدايا الافتراضية بالبطبع الى أصدقائهم وأقاربهم علهم يشعرون ببعض من التخفيف عن ما يعذبهم ويؤلمهم


ومن ناحية آخرى فالحب ليس بحاجة الى يوم واحد أو يومان فى السنة لأظهاره ولكن هى عادة تعود عليها الناس
وياليتهم بالفعل يشعروا بالحب الحقيقى ويعيشونه ولكن الواقع أن أغلب الموجودين يا فاقدين للحب يا غير قادرين على البوح بما فى داخل قلوبهم نسبة الى ظروف كثيرة تحيط بهم

وبعد جولة سريعة على المدونات والفيس بوك ورؤية كم الهدايا والورود وأيضا معها كم هائل من القلوب المحطمة التى تتمنى يوما أن تجد الحب
ونصفها الآخر فكرت فى أن أخترع يوما لأحتفل به أنا وأصدقائى وكل الناس سواء أعرفهم أو لا ممن مثلى (لا يعيشون قصة حب
أو بداخلهم حب )ويكتمونه مثل ملايين البشر وظللت أفكر فى أسم هذا اليوم وماذا سوف يكون رد فعل المحيطين بى عند رؤية كلماتى هذه
فأنا لا أجرب يوما ما شعور هذا الفالانتين وحتى يأتى اليوم الذى أعرف فيه ما هو هذا الشعور سوف أخطط لليوم الجديد وليكن أسمه مؤقتا اليوم العالمى للسناجل نسبة الى كلمة

single

أو عيد الحب السنجلاوى والى أن أستقر على مسمى معين لليوم وابدأ فى التخطيط له والترويج له عبر الوسائل المرئية واللامرئية والمسموعة والغير مسوعة


كل فالانتين وأنتوا بخير


وفالانتين إيه اللى أنتوا جايين تقولوا عليه أنتوا عارفين قلبى جواه إيه



مجرد رسالة منى لغرض ما فى نفسى ما قلت لغرض ما فى نفسى

16 comments:

نـــــــــــــور said...

ازيك يابسوم :)
كل سنه وانتى طيبه باى مناسبه حتى لو عيد العيد


شوفى يابسمه اولا انا ضدك فى حكايه ان الناس ملهيه ومش فاضيه تدور على كلمه حب حتى لان الحب مابيعطلش عن الاستمراريه فى المشغوليات والحياه بالعكس هو بيهونها
اما عن الناس اللى دافنه حبها عشان ظروفها ماتسمحش انه يكمل بالحلال فدول الغالبيه العظمى وربنا وحده المطلع على مافى قلوبهم وقادر يرزقهم بالرزق اللى يكملهم املهم

اما عن الناس اللى بتبعت هدايا عالفيس وتتكلم فى البلوجات فحتى لو بيسلوا وقتهم عشان يملوا فراغ عاطفى ف السؤال "why not?"
ليه لا يابوسبوس
الفراغ العاطفى حاله وحشه اوى من حقهم يتونسوا باى حد بيحبوه حتى لو مكنتش حبيب !!

كل سنه وانتى طيبه على اى حال والسنه الجايه ماتكونيش سنجل ابدا يارب :)

islamz said...

كل سنة وانتى طيبة .. وعيد حب سعيد عليكى :)

star in the sky said...

كل سنة وانتى طيبة بمناسبة عيد السنجلاوية

حلوة الفكرة دى وانا معاكى فيها

sony2000 said...

انا بقالي فتره بقرا مدونتك وانا حاليا عملت مدونه واول تعليق وباذن الله موش هيكون الاخير
يارب السنه الجايه موش تكوني سنجل ويكون في ارتباط رسمي وكفايه بجد الناس اللي حولينا وبيحبونا
تقبلي مروري وتحياتي

الشعب لابد له من حكومه تشكمه said...

والله انتى بتقولى كلام زى الفل كنت لسه بقوله:)

بقولك انا بدى صوتى لليوم العالمى للسناجل.

سنجلاوى دى تحسيها سماوى كده ههههههههههه
.

أبو حميد said...

عندك حق فى كلامك عن الزلانطين
أكتر اللى بيحتفلوا بيه ظروفههم مش سامحالهم يكملوا المشوار
وناس تانية كتير بتجيب هدايا تقضية واجب بدون مشاعر
تحياتى لك

قلب ينبض بالحب said...

عيد حب عليكي سعيد ياحبيبتي وكل سنة والحب مالي قلبنا ومنور حياتنا يارب هابي فلانتين

أميرة الأحلام said...

كل سنه وانتى طيبه والي بتحبيهم بخير يا حبيبتى يارب
وحلوه الفكره بتاعتك دى
ربنا يسعدك ياقمر يارب

bos bos بسمه عبدالباسط said...

نور

أزيك يا قمرة
وانتى طيبة يا قمر وبكل خير

ما هو المشكلة أن الناس بتفتكر أن الحب هو اللى هيعطلهم عن الأستمرار فى حياتهم ونجاحهم ودى مشكلة كبيرة بيواجهها أغلب الناس

ومن ناحية الناس اللى دافنة حبها فعلا ربنا معاهم ويرزقهم باللى يكمل ليهم حياتهم وأملهم

مش عارفة يا بنتى بقيت بحس أن الهدايا دى مالهاش طعم مش حساها مش عارفة لية حاسة أن حياتنا بقت كلها افتراضية

وكل سنه وانتى طيبة وبكل خير وصحة يارب

bos bos بسمه عبدالباسط said...

islamz

وأنت طيب وبكل خير

bos bos بسمه عبدالباسط said...

star in the sky

وانتى طيبة

هههههههههه

تممام كده بقينا شلة جامدة

:))

bos bos بسمه عبدالباسط said...

sony2000

أهلا بيكى يا جميل وبتمنى تكون مدونتى عجبتك

وسعيدة جدا بزيارتك للمدونة وبتعليقك ويارب تزورينى وتعجبك دايما

ربنا يخليكى يا قمرة ويوفقك

تحياتى

bos bos بسمه عبدالباسط said...

الشعب لابد له من حكومه تشكمه

هههههههههههههههه

سماوى يا خرابى هتطلع علينا سمعة وحشة كده

:))

bos bos بسمه عبدالباسط said...

أبو حميد

صح عندك حق وأهو بيطلعوا الفراغ العاطفى اللى جواهم بس ياريت يطلع فى أطار شرعى

تحياتى

bos bos بسمه عبدالباسط said...

قلب ينبض بالحب

عيد حب جميل عليكى ويارب دايما يمر علينا كل عيد بكل خير

bos bos بسمه عبدالباسط said...

أميرة الآحلام

وانتى طيبة يا قمرة وبكل خير وصحة وسعادة

أيون أيون فكرة زى الفل

:))