Tuesday, August 21, 2007

ماذا تفعل لو (2)0

اللى مش عارف حكاية الموضوع ده دى سلسة مواضيع بدأت أقدمها تحت عنوان ماذا تفعل لو وده ثانى موضوع فيه وممكن تشوفوا الجزء الأول علشان تعرفوا كان عن أيه ودلوقتى هدخل على الجزء الثانى
--------------------
ماذا تفعل لو كان عندك صديق وهو الوحيد الذى أصبح صديقا فى حياتك وكان كل شىء بالنسبة لك وكنت أيضا له كل شىء وكانت كل حياتكم مع بعض من بداية عمركم كله الى الآن ولكن فجأة تغير صديقك هذا وأصبح لا يهتم بك ولا يسأل عنك مع أنك لم تنقطع عن السؤال عنه ولم تنساه يوما وفعلت الكثير من أجله
بمعنى أنك فعلت كل شىء جميل ونبيل له وبعد ماكان هو مثلك معك فجأة تغير
ماذا تفعل فى هذا الوضع
مع العلم أن أجمل ذكريات عمرك وكل حلوها ومرها كانت معه
-------------------

11 comments:

mesh2dra said...

لو حصل ده
حسيبها

بمنتهى السهولة

بس مش من منطلق
انى بياعة
وأنى في اقرب محطة بسيبك
وانى مش بايقة على صداقتنا
وانى ماليش امان

لو حصل ده
أول خطوة
حسيبها
يوم 2 3 ممكن اسبوع
ممكن اكتر
الخطوة التانية
حفكرها باللي كان
وباللي هى بتعمله دلوقتى
وحكلمها بمنتهى الصراحة والوضوح
وانى شايفة انها اتغيرت واشياء من هذا القبيل
لو لقيت رد فعلها بارد
يبقى باي
لو لقيتها متلعثمة يبقى فيه إن

رد فعلها هنا هو اللي حيحدد

ومش حزعل لو سابتنى
اكيد فيه زعل
بس مش حموت نفسي يعنى
فيه غيرها
بالاضافة الي ان الخطوة دى
ماجاتش منى
جت منها هى
يبقى مفيش تأنيب ضمير من ناحيتي

حاجة على جمب
حاسة ان تعليقي اللي فوق ده
جامد وصادم وقاسي جدا وعقلانى
بدرجة بشعة
بس التصرف اللي فوق ده
حيكون رد الفعل الظاهري
يعنى انا من برة مش من جوه
مش عارفة قدرت اوصل وجهه نظرى ولا لأ

سلاماتى ليكى يا بسبسة
ولموضوعاتك

juliet said...

علي فكرة حصلت معايا بالضبط لسه من كام شهر وبجد كانت صعبه عليااوي وحاولت معاها كتير بس مفيش فايده الظاهر كده ان دي النهايه فخلاص سبتها براحتها
ياريت تزوريني وتقوليلي ايه رايك
سلامات

مؤمنه said...

السلام عليكم ورحمة الله وبركاته
لو أنا الى غلطانه هحاول أتفاهم معاها وأعتذر ولو ما فيش نتيجه انا عملت الى عليه وهى لو عايزانى وبتحبنى هتسامح الى بيحب بيسامح خصوصا ان انا اتأسفت واعتذرت
اما لو هى مع نفسها كده خلاص هى حره بس برده هحاول افهم عشان ما اظلمهاش
فى كلتا الحالتين هى مش عايزه تتصالح معايه يبقى هى الى خسرانه مش انا لأن هى الى باعت وانا الى اشتريت والاتنين عمرهم ما بيتساوا
طبعا هيكون شئ صعب عليه بس هتأقلم وبعد كده هيبقى الرجوع ليها بالنسبه ليه صعب مش البعاد عنها
ويا بخت من بات مظلوم ولا بات ظالم
بس سلام يا جميل
والسلام عليكم ورحمة الله وبركاته

أسوور said...

أولا هأسأل هذا الصديق عن سر تغيره
لو لم يكن هناك سبب واضح هأبعد
أيوة هأبعد
وطول ما احنا عايشين الذكريات ما بتنتهيش والناس ما بتخلصش والأصدقاء اللى عملناهم هنعمل غيرهم فى يوم من الأيام برضه

انا لما بأبص ورايا بلاقى ناس كتير وقعت وناس كتير دخلت حياتى

الصداقة علاقة متبادلة
زى الحب تمام
ماينفعش طرف يقرب بينما الطرف الآخر يبتعد
تحياتى

بسمه عبدالباسط said...

mesh2dra

طبعا قدرتى توصلى وجهة نظرك وبحييكى جدا عليها
تحياتى لكى

بسمه عبدالباسط said...

juliet

سعيدة بزيارتك وسعيدة بعرضط وجهه نظرك واللى كانت نتيجة عن تجربة مريتى بيها
تحياتى لكى

بسمه عبدالباسط said...

مؤمنة

وعليكم السلام ورحمه الله وبركاته
شكرا على زيارتك وعلى عرض وجهه نظرك
تحياتى لكى

بسمه عبدالباسط said...

4xmisr

مبروك على أفتتاح المدونات وأكيد هشوفهم
تحياتى لكم

بسمه عبدالباسط said...

ياسمين

وجودك فى مدونتى يسعدنى كثيرا
ورأيك له منى كل الأحترام
تحياتى لكى

safa7_karmooz said...

طب تعملوا ايه لما الصديق ده ...وناتيم وواكل وشارب معاكوا وكده...وهوا زى الاخ وقت الضيق يعنى

يطعنك من ورا وانت مش متوقع الضربة :D

بسمه عبدالباسط said...

safa7_karmooz

هيا فعلا حاجة صعبة جدا ومؤلمة وجارحة قوى
ولكن فى الأخر برضة هنختار أننا نبعد بعد كل ما محاولات الصلح ومعرفة أسباب اللى حصل ما تخلص وتلاقية مصر على كده أو ماتلاقيش أسباب مقنعة لكل ده
تحياتى لك