Sunday, August 19, 2007

غمض عينيك ( الجزء الثالث ) 0

طبعا الموضوع ده تكملة لموضوع غمض عينيك ويمكن أنا اتأخرت عما نزلته
وعلشان الناس تعرف أحنا بنتكلم عن أيه ياريت يشوفوا الجزء الأول والثانى من الموضوع
وبأكد لحد دلوقتى أن باب الحوار لسة مفتوح لأى حد يحب أعمل معاه حوار على الموضوع ده
وهندخل بقى على الجزء الثالث ونكمل الحوارات
--------------------
وهبدأ فيه بالحوار الثالث مع صاحبة مدونة مش قادرة
الأسم / مش قادرة
السن / 19 سنه
العمل / طالبة
أسم مدونتك / مش قادرة
سبب أختيارك لأسم المدونة
راجع بوست 1 (أول بوست خالص) بعنوان "أنا هنا ليه"
ندخل على موضوع حياه العين كلمينا عنها
من الممكن أن اقول عن هذه الحياة انها جزء من حياتي الاساسية..أو انها تتداخل معها وتشترك في عدة أشياء
وهى عبارة عن تغميض العين ومحاولة الانفصال عن الواقع الخارجي
مثلا
حدوث أحد المواقف على أرض الواقع..ولكن تصرفي في ذلك الموقف لم يرق لي..أو أنني كان من الممكن أن اتصرف بشكل أفضل..ويأتي هنا دور حياة العين..والتي فيها اتصرف كما كنت اريد أو كما يبدو لي انه الأفضل الذي لم اقم به في حياتي الواقعية
اغلب الاحيان تكون تلك القصص عن الحياة المثالية التي أبغى العيش فيها ..أو بمعنى أدق.. عن كوني أنا الفتاة المثالية وهو ما لا أقوم به على أرض الولقعايضا..يكون تخيل مواقف لم تحدث من الاصل.. وإذا حدثت كيف يكون رد فعلي..وهل هذا هو الرد المناسب أم أن هناك ما هو أفضل
ما هو رأيك فيها
بالطبع أحب هذه الحياة..حبا شديدا..ولن أبالغ إذا قلت اننى إذا شعرت بالضغوط على الجأ إلي تلك الحياة أو اهرب اليها بالمعنى الادق ..فقد تجدينني في فترة الضغوط تلك ألجأ الي النوم الكثير..وهو لا يعد بمثابة نوم وإنما محاولة مني للانفصال عن الواقع الخارجي
وبالتالي يمكن ان اقول انني احب هذه الحياة والجأ اليها بمحض إرادتي
وبشأن القصص إذا ما كانت حقيقية أو خيالية فكما قلت سابقا..فهى مزيج من الواقع على الخيال
------------------
نصل الى الحوار الرابع
وهو مع صاحبة مدونة قلوب حائرة
الأسم / بيبو
السن / 24 سنه
المؤهل /ليسانس آداب قسم قسم قسم هقولك اهو من غير ما تتخضي علم نفس
العمل / محررة صحفية ، أخصائية نفسية
أسم مدونتك/ قلوب حائرة
سبب أختيارك لهذا الأسم
اخترت الاسم ده لأني حبيت تكون ليها طابع رومانسي بعض الشي بالإضافة لبعض مواضيع التخصص
الآن وبعد أن تعرفنا عليك وبعد أن سمعنا رأيك في موضوع غمض عينيك أو حياه العين من خلال ردك على الموضوع نريد معرفة شكل هذه الحياة معك وبعد اعترافك أنك تقضى ساعات طوال دون نوم ، كلمينا عن هذه الحياة وما رأيك فيها وماذا تفعلى فيها كلمينا عنها وهل تحبي هذه الحياة أم لا
على الرغم من التعب الذي أعيشه في الساعات التي أحارب فيها من أجل النوم ، الاانني أجد فيها متعة كبيرة لأنه الوقت الوحيد اللي بختلي فيه بنفسي واقعد أحاسبها على اللي عملته وممكن كمان أضع في الوقت ده خطط مستقبلية واللي تستغربي ليه إن الوقت ده ممكن اطلع منه بفكرة خاصة بالشغل ، أو فكرة لتقرير أو ملف أو حل لمشكلة عندي في التخصص بتاعي وقت بيخرج منه أشياء لو خصصت ليه وقت ليها علشان اطلعها مش هتطلع ،في الأول مكنتش بحب الحياة دي دلوقتي بمووووت فيها ، لانه الوقت الوحيد اللي بتعامل فيه مع بيبو كشخصية بدون مسؤوليات وبدون أعباء بيبو وبس بيبو االخجولة ، الانسانة، المجنونة ، الحبوبة بيبو وبس من غير اى حاجة بيبو كأول يوم ولدت فيه
------------------
ودى كانت باقى الحوارات ولسة الباب مفتوح والموضوع مازال موجود وأى حد يحب أعمل معاه حوار يبعت ليا

--------------------

12 comments:

mesh2dra said...

السلام عليكم

شعلك جميل يا بنت
بس مكنتش اعرف
ان التسييح علني

فعلا
حياة الروح- هكذا تطلقين عليها
من امتع الاشياء للانتقال الي
عالم الخياااااااااااال
بالاضافة الي اننى اعيش القصة
واطلع اكتبها على الورق

جميلة الحلقات بسبوسة:)

سلاماتى وقبلاتى

سجدة said...

فكرة ممتازة ان الواحد يغمض عينه ويطلق لخياله العنان دون اى قيود او قواعد
لكن بقه فين الوقت دا انا يدوب بحط دماغى على السرير مش بلحق انطق حتى

DoMaLaYs said...

فكره جميله

و ضيف و مستضيف اروع

استمري في البرنامج

حـنــين said...

قلب لغــزة
هل تعرفون، ماذا يعني مدينة بلا كهرباء؟
غـزة منذ يومين بلا كهرباء
مستشفياتها، منازلها، مؤسساتها التعليمية والصناعية، متاجرها، شوارعها
غزة الجائعة تختنق في الظلام
أدعو الجميع
بوقفة أحتجاجية
بتعتيم المدونات ليوم واحد
الخميس
وعلى كل من يعرف اللغات الأجنبية
الإنجليزية والفرنسية والأسبانية والألمانية... وغيرها
رجاء ترجمة هذه الدعوات وإيصالها للمدونين الأوربيين
مع أرسال نسخة للأخرين لتوزيعها
ربما أستطعنا توصيل صوتنا لمن يشاركنا الحب والغضب في اوروبا

عاليا حليم said...

أنا اسفة جيت متأخر فمش فاهمة البوست اوى
بس حبيت اباركلك انتى و صاحبتك ع المولود السعيد ربنا يباركلها فيه :)
ابعتيلوا بوسة من طنط عاليا

Shreif fahmy said...

منتظر تعقيبك على البوست الجديد
http://sfahmy78.blogspot.com/

bos bos said...

mesh2dra

وعليكم السلام
هو فين التسييح ده بس أنا شيلت حاجات كتير من كلامك زى ما أتفقنا
سعدت بزيارتك جدا جدا
وسعيدة أن الموضوع عجبك
تحياتى لكى

bos bos said...

سجدة

سعدت بتشريفك وزيارتك
والفكرة فعلا حلوة واللى بيحس بيه الناس اللى عندهم أرق دايما
تحياتى لكى

bos bos said...

domalays

سعدت بزيارتك وبأعجابك بفكرة الموضوع
تحياتى لك

bos bos said...

حنين

هحاول أشارك لو كنت موجودة
بس أيه معنى تعتيم المدونات مش فاهمة ياريت توضيح أكتر
وصدقينى أنا نفسى أشارك بأى حاجة
تحياتى لكى

bos bos said...

عالياحليم

مفيش داعى للأسف وممكن تراجعى الجزء الأول من الموضوع وأنتى هتفهمية

الله يبارك فيكى وعقبالك يا جميل
وهوصل له البوسة ما تقلقيش
تحياتى لكى

bos bos said...

shreif fahmy

حاضر هاجى وهشوف الموضوع
تحياتى لك