Monday, August 30, 2010

27 سنه


تمر السنوات سريعة متلاحقة ولا ندرى أين ذهبت ومازلنا نريد أن نفعل الكثير والكثير ولكن هيهات للساعات والدقائق والثوانى التى تمر فالذى يذهب لا يعود ثانية

أحاول أن أنام بضع ساعات بل بضع دقائق حتى أركز فى ما أود فعله وما أنا تغمض جفونى الا وأرانى فى الآحلام أسير هنا وهناك منها آحلام سعيدة جميلة وأتمنى تحقيقها ومنها كوابيس ومنها الغريب الذى لا أفهم منه شيئا ولكن أعتقد أن بعضا منها من رواسب عقلى الباطن الذى لسع لسعانا لا مثيل له

فأظل أسير هنا وهناك من هذا الحلم لهذا الكابوس وهكذا وأستيقظ لأجد برأسى صداع لا مثيل له ودائما عندما أحلم حلم جمييييييييييييل يحدث شىء ما يوقظنى ولا أكمله


أنظر حولى لأجد الأيام تمر والأعوام تسير ولا تنتظر أحد مثلها مثل القطار الذى لا يهمه شىء

أحاول مراجعة حساباتى جيدا والوقوف على عدة أشياء مهمة منها ما هو جيد ومنها ما هو سيىء وأود التخلص من السيىء ومن كل مسبباته

أرى مجموعة آحلام وطموحات لا تترك عقلى ثانية وتستحلفنى لأنى أؤجلها كثيرا وأراوغ فيها


أرى فتاة غريبة الأطوار ليست هذه التى كنت أحبها ويحبها الآخرين وأصبح بها صفات وأشياء تراها خطيرة وتنفر من حولها فيها وأصبحت دائما فى صراع مع نفسها حتى تعود كما كانت


أرى شخصيات جميلة حولى وفى حياتى ( أمى ، أخواتى ، أصدقائى )

فأمى وأخواتى كل حياتى وخاصة الآن أمى تساوى حياتى تماما وبدونها أشعر بأنى ميتة

أخوتى ذاب قلبى من شوقى لهم وأتلهف لرؤيتهم والعن كل يوم من كان السبب فى غربتهم وغربة كل المغتربين فشعورى بنقصان مشاعر وأحاسيس كثيرة بسبب بعدهم لا يقدره ولا يعوضه مال الدنيا


أصدقائى يا من عاصرتوا معى كل لحظات حياتى فرحى وحزنى دموعى وأبتساماتى وتحملتونى فى أكثر الأوقات غباءا وعصبية وعنفا فبكم أكتملت حياتى

وعذرا لكل شىء غبى صدر منى سواء بقصد أو بدون فبدونكم ليس للحياة معنى


وقبل أن ابدأ عامى الجديد بعد منتصف ليل اليوم أود أن ابدأ صفحة جديدة مع الدنيا والناس وكل شىء


وفى النهاية لو فيه حد زعلان منى فى أى حاجة أو مضايق منى فى أى شىء يقولها وياريت نفتح صفحة جديدة لأنى هفتح صفحة جديدة فى حياتى وعايزة أفتحها وهيا بيضا وصافية


وكل سنه وأنا طيبة بقى وأطلعلوا بالهدايا بالذوق كدة مش عشان أنا قلت لكم بوءين حلوين هتستغلوا طيبتى يعنى

7 comments:

أسوور said...

كل سنة وانتى طيبة يا بسمة
واحنا صغيرين بنبقى مستعجلين وعايزين نكبر
لما نكبر نبقى خايفين نكبر تانى ونعجز
ولما نعجز نبقى خايفين ييجى وقت منقدرش نعتمد على نفسنا فى الحياة
ولما نعجز اكتر نخاف من الموت

استمتعى بكل لحظة فى حياتك يا بسمة وخليكى دايما عارفة ان اللحظة اللى بتعدى ما بترجعش وعلى قد تجاربك وذكرياتك هتبقى عشتى

الحياة رحلة واحد يطلعها ويفضل قاعد طول الرحلة ياكل و واحد قاعد يقرا .. و واحد قاعد يصلى ويستغفر... و واحد تانى يقعد يضايق زمايله ويعمل فيهم مقالب و واحد عمال يجرى ورا البنات طول الوقت .. حبيب يعنى ... و واحد يلعب كورة وصلح ... و آخر يشغل مزيكا ويديها رقص ... و غيره جايب ازازة وقاعد يسكر ... وهتلاقى برضه فى الرحلة اللى واخدها جد قوى ولا بيلعب ولا بيرقص ولا بيشرب ولا بيغلط

لكن هو دة نفسه غلطان لأن الحياة مش بس ابيض واسود ... الحياة ألوان كتير عشان كدة اكثر واحد هيحقق الهدف من الرحلة هو اللى هيجرب وكل حاجة وياخد اللى يناسبه ويبعد عن اللى مش مناسب ... هيلعب ويرقص ويقرا ويصلى وممكن كمان يحب ويشرب ويهزر شوية ويتكلم جد شوية وياخد من كل دول المناسب له

ربنا خلقنا بنى آدمين ... مش ملايكة ولا شياطين

لو عايزنا صح على طول كان اكتفى بالملائكة .. ولو عايزنا اشرار على طول كان اكتفر بالشياطين

انما احنا حاجة بين البينين كدة .... حد عنده مخ يجرب ويختار وافضل واحد هو اللى بيجرب ويختار الصح بعد كدة ... مش عشان حافظ .. لأ عشان فاهم

ألف تحية فى عيد ميلاد الصبية

dreams said...

اولا كل سنة وانت طيبة
ثانيا نن السابقون وانتم اللحقون
انا كمات ال 27 من 8 شهور وقتها مش عارفة ليه حسيت انى كبرت اوى وكانى نطيط 20 سنة مرة واحدة وحسيت ان رقم 27 كبير اوى عليا بس بعد كده تأقلمت ولقيت ان عامى السابع والعشرون كويس برده زى الستة وعشرين وبقينا اصحاب بس ياخسارة قرب يسبنى برده.... مش عارفة بيمشوا بسرعة ليه

Sameh Ezzat - (خواطر خاطر) said...

استحق اول تعليق بجسارة

Sameh Ezzat - (خواطر خاطر) said...

كل سنة انتي طيبه يا بسمه ويارب رمضانك يكون كله طاعة وعبادة وسعادة .. وربنا يحقق لك كل اللي تطلبيه منه يارب

محمود said...

كل سنة وانت طيبة

انا زعلااااااااااااااااان

فين الخمسين جنيييييييييه :D

Empress appy said...

كل سنه وانتى طيبه يا جميله

فاتيما said...

كل سنة و انتى طيبة
يا بسبوسة


عيد ميلاد سعيد
يا حبيبتى

بحبك

-------------------------
http://www.glitter-graphics.com/graphics/495707

-------------------------