Sunday, December 6, 2009

الرقم المجهول

أيها الرقم المجهول ياللى مستلمنى من شهور
بجد موبايلى أشتكى والخط جاله جنون
وباين عليك مش ناوى تجيبها التون
وفى كل مناسبة الاقيك ناططلى برسالة حلوة
طيب أخرتك إيه أيها المجنون
لو كنت عاقل أو مجنون
لو كنت أنت ولا أنتى
أرحمنى من رسايلك وكفاية كده على المحمول
الخط أشتكى وقرب يجيله جنون
وأنا من رسايلك زهقت وزهق معايا المحمول
كفاية كده عليا وأوعى تفتكر قلبى حنون
هيقع من كلمتين ويرد عليك بتون
ده قلبى ياما شرب وبقى أجمد من الكول تون
ورسايلك ما تاكلش معايا ولا حتى تعمل فون
ولو بعت مليون زيها ما هتحرك قلبى المشحون
ده أنا قلبى أجمد من الكول تون وعمره ما هيقع من مجرد فون
رسالة الى الرقم المجهول اللى مستلمنى من شهور
يارب أرحمنا

4 comments:

فاتيما said...

هيا صحيح حاجة تغيظ
و تفرس .. بس لطيفة
شهور طويلة
يعنى الراجل مهتم أهو
مش هزار
الله!!!
طب ما يتكلم
و يسمعنا صوته ؟!!
يا مسهل
صباحك رنات يا بسبوستى

خواطر شابة said...

عزيزتي التجاهل هو الحل وأكيد من يبعثها مادام لايجد ردا سيمل
هو صحيح في حالتك دي عنده طول نفس غريب مادام مستلمك من شهور فما عليك يا حبيبتي الا انك تفضلي عاملة أذن من طين وأذن من عجين لحد مايزهق
تحياتي لك

بسمه عبدالباسط said...

فاتيما

ههههههههههههه
فعلا تغيظ جداااااااا ده إيه ده
تخيلى من أمتى من شهر 4 اللى فات ههههههههه
وأنا ومطنشة ومكبرة خاااااااالص

لا واللى يغيظك فى أخر رسالة يقولى أدعيلى
طيب أدعى أقول إيه بالظبط وأدعى لمين للرقم المجهول
ههههههههههههه

يعنى الواحد لما بيدعى لحد بيقول أسمه أو حتى بيدعى لكل أصحابه وقرايبه ولكن حد مش عارفة هيقول إيه
بجد حاجة تكسف

بس سيبك عاااااااااادى ولا أكنى بشوف حاجة

صباحك سكر يا قمر

بسمه عبدالباسط said...

خواطر شابة

فعلا عندك حق التجاااااااااهل هو أفضل حل وده اللى بعمله فعلاااااااااا

تحياتى يا قمر