Tuesday, December 15, 2009

ينسون أنى أنثى

ينسون أنى أنثى لها قلب ومشاعر وأحاسيس ويتخيلون من معاملتى الجافة لهم أنى لست امرأة وبأنى أنسان جاف المشاعر
يتخيلون أن مظهرى الطفولى لا يعكس غير تصرفات طفولية غير مسئولة ، ينسون أنى أنثى وبداخلى قلب به الكثير من المشاعر الراقية التى لا يعرفون عنها شيئا
يتخيلون أن معاملتى الجادة ما هى الا أنعكاسا لموت قلبى
لا قلبى لن يموت وسيظل ينبض لآخر يوم فى عمرى فبداخله شلال من المشاعر الجميلة ولكن لا يصح أظهارها هكذا
ينسون أننا نعيش فى مجتمع لا يرحم من تكتم مشاعرها ولا يرحم من تظهرها فكلهن فى نظرهم مجرمات خاطئات
مجتمع يعاقب كل أنثى لا لشىء الا لأنها أنثى فقط
ينسون أنى أنثى تتمنى أن تعيش أروع قصة حب فى العالم ويتهموننى بأنى لست رومانسية ولا أعرف شىء عنها
كيف لى أن أظهر مشاعرى وسط هذا الكم من الأنتقادات والأتهامات ليس لسبب الا لأننى أنثى
فأنا أعترف بأن لى قلب وبه الكثير من المشاعر والأحاسيس وبأنه من الممكن أن يكون أرق قلب فى الوجود ويتمنى أن يحب ويخرج كل ما بداخله من مشاعر ورومانسية ويعلنها أمام العالم كله
ولكن لمن سوف تخرج هذه المشاعر وهل سوف يتقبلها أم يوبخنى هو الآخر ويتهمنى بطفوليتى
كل ما أعلمه الآن أننى أنثى لها قلب رقيق جدا ليس من السهل الحصول والحفاظ عليه ولكن من السهل جرحه وإيذائه
ولكنى سوف أحتفظ بما داخل قلبى حتى يظهر من يستحق الحصول عليه
وكل هذا لأنى أنثى وكونى أنثى يمنعنى من البوح بما يحمله قلبى من مشاعر وأحاسيس
ومازلت أحلم بأن أعيش قصة حب أسطورية تجعلنى أخرج كل ما بداخلى من مشاعر وأحاسيس وتوقظ الأنثى النائمة بداخلى
امضاء أنثى تعيش فى مجتمع يلوم أى أنثى على أى شىء وكل شىء
من تأثير أقتراب يوم كلنا ليلى

6 comments:

صبرني يارب said...

نفسي كل انثى على وجه الارض الاول تعتق نفسها

يعنى تخلع نفسها من المجتمع اولا وافكاره وتحترم هى انوثتها اولا

وبعد كده تقول بصوت عالي ورايا

طززززززززززز فى اي مجتمع يتعارض مع الشرع اولا ومع حقوقي ثانيا

حقوقها الانسانيه والاجتماعيه والشرعيه

الى له حق لو ما كانش يقدر يدافع عنه حقه ما يستحقش الحق ده اصلا

لكل انثى حاسه ان حقها ضايع تاخد حقها بايدهااااااااا

بس يكون حقها مش استهبال
وفى نفس الوقت تادي هى كمان واجبتها

سواحة said...

بوسبوس
ايه ده كله
و الله حسيت بالى بيعانى لما يقرالى :-)) بوستات وراء بعض وراء بعض
:-) بس و ماله احكى يا شهرزاد
انثى و ستين انثى
مجتمع الرجال الى عايزنا اناث وقت ما تطلب معاه دلع و رجالة لما ميبقاش فاضلنا

لعلمك هما كمان بيعانوا
من مرادفات الرجولة عندنا :-))
كلنا بنعقد كلنا
:-)

كفاية البنى ادم عارف نفسة حواء و لا ادم
ست و لا راجل
انثى ام ذكر

الحمد لله لسه فى مجتمعنا الى عند البعض متخلف فيه فرق واضح
مشوفتوش و يارب متشوفوا النوع الثالث الى متعرفولوش وصف و بيبقى خليط ماسخ من الاثنين

هارياكى ردود معلش
بس انا وراء صبرنى فين ماتروحى
لاتحدف وصفة هنا و لا هناك تفوتنى :-))
صحيح اما اروح ارد عليها فى مدونتها
بس اعلق جملة ليها عجبنتى قوى

"الى له حق لو ما كانش يقدر يدافع عنه حقه ما يستحقش الحق ده اصلا"

صح و صح
حقى كانسان
حقى كانثى
حقى كبنت او اخت او زوجة او ام
حقى كمصرية
حقى المهنى
حقى التعليمى
حقى الصحى

صح
يارب اقدر ادافع و مسلمش

بسمه عبدالباسط said...

صبرنى يارب

انا معااااااااااكى فى كل كلامك ودايما بنادى وبعمل بيه
ولكن فى الموقف اللى حكيتة ده اللى خلاها تفتكر كل ده ان مشاعرها جواها هيا لوحدها والطرف التانى ولا هو هنا
فأكيد مش هينفع تعمل أى شىء ولأنها لو أعلنت عن مشاعرها فى الحالة دى
انتى عارفة كويس قوى هيحصل إيه

بسمه عبدالباسط said...

wanda

ههههههههههه
معلش يا بنتى أصلى بحالات يا أكتب كتير يا العكس أستحملينى بقى

:))

تمااااااااااام كل كلامك وأنا كنت فى مرة كتبت شوية حقوق فى مدونتى هنا ومدونة البنات ممكن ابقى أرجع أنشرهم تانى

Magi Mostafa said...

عارفه بت بوسبوس انا حسيت اوى بصدق البوست ده وده الى كلنا ليلى عبزاه ان لبلى تتكلم عن نفسها

بسمه عبدالباسط said...

ماجى

أنا فعلا بعد ما زهقت لاقيت أنه مفيش حل غير أنى أتكلم بلسانى وأن كل واحدة تتكلم بلسانها
وهو ده الطريق السليم