![](https://blogger.googleusercontent.com/img/b/R29vZ2xl/AVvXsEjXlFxYWXNJiwTeZ7-XOhNnH7gpxoFU8RzJ-mBI31orJGznawyac0l-SUGvprliqa5TAIQVBqwJAI4SKPN4wUMrgBe-go-ClubZVNaHb3jd95oRaAYPTlItTTbNCYalAXCpl-IgNI-2M-yZ/s320/%D8%B6%D8%AD%D9%83%D8%A9.jpg)
لية دايما لما نحس أننا فرحانين ونشعر بشوية سعادة لازم نخاف ونقول خير اللهم أجعله خير ونفضل حاطين أيدينا على
قلبنا وخايفين لتحصل كارثة أو مصيبة كمان شوية وكأن السعادة شىء وحش ولا لازم يحصل بعدها كارثة
لية نضيع لحظات السعادة اللى فى عمرنا بسبب أننا فى الوقت ده بنفضل نفكر ياترى هيحصل لنا أيه وحش وياترى هو ده الهدوء اللى بيسبق العاصفة والعاصفة هتقلب المركب وأحنا راكبينه وكل حاجة هتتقلب
مش عارفة بجد فيه إيه ولية تفكيرنا كده ولية ما نعيش لحظات السعادة ونبطل بؤس وأكتئاب بقى دى اللحظة اللى بتعدى من عمرنا ما بترجعش تانى
ونرجع نعيط لما تحصل لنا مشكلة أو حاجة تضايقنا ونقول ياااااااه أنا لية ما فرحتش لما كان فيه حاجة مفرحانى وفضلت أفكر فى اللى جاى وقلقان وخايف أفرح
بصراحة الواحد أكتشف أننا شعب نكدى من الدرجة الأولى
بنخاف نفرح لا ما نعرفش نحزن
بنخاف نضحك لا ما نعرفش نعيط
بنخاف نبتسم لا مانعرفش نكشر تانى
ياعالم حرام عليكوا نفسكوا أفرحوا بقى شوية كفاية كل المشاكل والهموم اللى الناس فيها مش لازم كمان لما تيجى حاجة تفرحنا نزعل
ولا الظاهر دى ثقافة النكد بتاعتنا
أفرحوا بقى أبوس ايديكم
وبطلوا نكد شوية وعيشوا لحظات السعادة اللى فى حياتكم
وبطلوا تنكدوا على نفسكم بدون سبب وبطلوا تخافوا تضحكوا لا ما تعرفوش تعيطوا تانى ما تقلقوش والله هتعرفوا تعيطوا وتصرخوا وتشدوا فى شعركم كمان
4 comments:
التجربة علمتنا ان بعد كل فرحة بييجي ما يسرق هذه الفرحة
و هانروح بعيد ليه...يوم الخميس اللي فات مصر كلها كانت بتبكي من الفرح و النهاردة مصر كلها بتبكي حزنا و قهرا
العودتنا انها بتدى بأيد وتاخد بالأيد التانيهنبس ده ميمنعش انك على حق فعلا مانجرب و خلاص نفرح و نسيبها على الله ماكده كده الحزن جاى لا محاله يبقى نفرح لنا شويه
أحمد سمير
مش عارفة بس لية أحنا ما نحاولش نغير تفكيرنا ده ونحاول لما تكون فيه فرحه نعيشها بجد وما نفكرش فى حاجة تنكد علينا
بسنت
فعلا ياريت نعيش لحظة السعادة وما نضيعهاش لانها ما بقتش بتيجى كتير
Post a Comment