Friday, August 29, 2008

أيام وأيام وعيد ميلاد ورمضان كريم

أيام كثيرة تمر بينا منها السعيد ومنها الحزين ومنها العادى ومنها اللى مش عادى
بنقابل ناس كتيرة منهم الكويس ومنهم الوحش ومنهم اللى بيلون وشة بميت لون وبيطلع كل لون على حسب كل وقت وظرف
اسوأ حاجة لما تقابل حد ويظهر قدامك بوش وشوية وتلاقى وش تانى وشوية كمان وتلاقى وش تالت وهكذا لحد ما تلاقى مليون وش قدامك
الفترة اللى فاتت أتعاملت مع ناس بمليون وش مليون أيه ده أكتر من مليون وش والحمد لله أنه ربنا خلصنى منهم على خير
بحمد ربنا على أنى عديت التجربة اللى فاتت على خير وأنى واقفة على رجلى زى ما أنا وان شاء الله مفيش حاجة تكسرنى ولا تهزمنى وهرجع لشغلى ولحياتى ولطبيعتى وبحمد ربنا على اللى أنا فيه وبحتسب كل ده عند ربنا
الحمد لله أنى أتحررت من القيد اللى كان مكتفنى ومقيدنى وضاغط على أعصابى ونفسيتى وحياتى
--------------------------------
كمان يومين بالظبط عيد ميلادى يمكن من فترة كنت بخطط لليوم ده وكنت شيفاه بشكل تانى لكن دلوقتى مش شايفة له أى ملامح
يوم الأحد 31/8
هتم 25 سنه يعنى بقالى ربع قرن فى الدنيا مش عارفة أقول أيه ولا أكتب أيه الكلام ضاع منى أصلا ومش قادرة أقول كل اللى جوايا
أهو سنه وهتعدى بس بتمنى تكون الجاية أحلى منها
------------------------------------
يوم الأتنين ان شاء الله رمضان كل سنه وأنتم طيبين
وياريت نهتم قوى بالطاعات والصلاة وبالتقرب من الله
رمضان فرصة كبيرة لينا كلنا ياريت محدش يضيعها
كل سنه وأنتم طيبين

22 comments:

blue-wave said...

كل سنه وانتى جميله وقمر ومنورة

AHMED SAMIR said...

مش عارف اقول لك ايه بصراحة
طبعا انا فاهم اللي حصل
بس عايز اقول لك ان دة عادي جدا وبيحصل لاحسن البنات
بس نصيحة بجد يا بس بس
مش معنى ان اي اتنين ما يتفقوش ان في واحد منهم وحش....بالعكس
ممكن الاتنين يكونوا كويسين جدا بس للاسف ما اتفقوش مع بعض
هوني على نفسك
كل سنة وانتي طيبة وعقبال عيد الميلاد رقم 250 مش بس رقم 25
تحياااتي واحتراماتي

سمر الشافعى said...

كل سنه وانتى طيبه اقمرايه عشان عيد ميلادك وعشان رمضان كمان ومين عارف مش يمكن رمضان يطلع الحد وتحتفلى بعيد ميلادك بعد الفطار

مـحـمـد مـفـيـد said...

كل سنه وانتي طيبه يا بسمه

bastokka طهقانة said...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

Anonymous said...

بسم الله

انا زي ما انتي عارفه وسب زورتيني في مدونتي وعرفتي اني تميت ال ربع قرن ده من اكثر من 20 يووووم ،

على العموم كل لحظة وانتي طيبة على كل المناسبات دي واولها الربع قرن اياه ههههههههه

Yasser Hussein said...

يوم ميلاد سعيد
:)
واللي جاي أن شاء الله أحسن من اللي فات

خالص تحياتي

truelove said...

بوس بوس روحي وحبيبتي ونورعيني كل سنة وانت طيبة كل ىسنة وانتي في قلبي ياقلبي والي جاي اكيد احسن بصي عاوزة ااقولك كلام كتير تعالي عندي هتلاقيه سلامي ياقلبي

nody said...

كل سنه وانتى طيبه
ورمضان كريم
انتى بكده تكونى اكبر منى باربع سنين ويوم
لان عيد ميلادى بكره
سعيده باول مرور ليه عندك

نهر الحب said...

كل سنه وانتم طيبين

يا ريت تتابعونا في رمضان في مدونه باسمك نحيا

Anonymous said...

blue-wave

وانت طيب وبكل خير

تحياتى

Anonymous said...

a.samir

الحمد لله على كل شىء يا أحمد

وانت طيب وبكل خير

تحياتى

Anonymous said...

سمر الشافعى

وانتى طيبة وبكل خير وصحة وسلامة

Anonymous said...

محمد مفيد

وانت طيب وبكل خير

تحياتى

Anonymous said...

طهقانة

اللهم أمييييييييييييييييين


تحياتى

Anonymous said...

متمو

شكرا ليك

وكلنا فى الربع سوا

تحياتى

Anonymous said...

ياسر حسين

شكرا ربنا يخليك

تحياتى

Anonymous said...

truelove

شكرا يا حبيبة على كل كلامك ده ربنا يخليكى ليا يارب

تحياتى

Anonymous said...

nody_1987

وانتى طيبة وبكل خير

وسعيدة جدا بمرورك

تحياتى

Anonymous said...

نهر الحب

وانتى طيبة وبكل خير

اكيد هتابعك

تحياتى

Anonymous said...

العزيزه بسمه
كل سنه وانت طيبه وعيد ميلاد سعيد
برنامج انت تسال والكمبيوتر يجيب
http://netonradio.blogspot.com
http://netonradio.f1.cc

بسمه عبدالباسط said...

برنامج أنت تسأل والكمبيوتر يجيب

وانت بكل خير ومتشكرة جدا ليك

تحياتى