الأنتظار أكيد كلنا نعرفه وجربناه
لكن ساعات بيكون الأنتظار ده شىء صعب قوى خصوصا لو كان أنتظار طويل جدا وأنتظار من غير أمل
وموضوع الأنتظار ده بيفكرنى بمسرحية فى أنتظار جودو واللى كان كل الناس مستنين جودو وفى النهاية جودو ماجاش
ياترى أنت من أى نوع
من النوع اللى بيفضل واقف مستسلم ومنتظر جودو وخلاص
ولا لما بتكون منتظر حاجة بتسعى أنت كمان ليها علشان تقرب منها
ياترى أنت بتفضل مستنى وخلاص ومنتظر ولا بتحاول توصل لهدفك
الأنتظار اللى من غير أمل ده أصعب أنتظار من وجهه نظرى
زية زى أنتظار جودو اللى ماجاش ومش هايجى
ياريت ما نحاولش نضيع عمرنا فى أنتظار حاجات أحنا عارفين أنها مش هتيجى
وياريت ماننتظرش جودو اللى عمره ما هايجى
8 comments:
والله منا عارفه انا من اى نوع
بس بيتهيالى انه على حسب الموقف
يعنى احيانا بكون ايجابيه وعمليه واحيانا بستنى جودو وكاراتيه وكل حاجه
:)))))
انا بقى كل الانواع دي
ساعات اقعد مستني جودو اللي عمره ما بيعبرني
وساعات اخرج بنفسي ادور على جودو
وساعات اجيب جودو من قفاه غصب عنه
مش نوع واحد على حسب جودو اللي انا مستنيه ماهو ساعات جودو دة يببقى سها انه يتجاب من قفاه
وساعات جودو دة لو قعدت 100 سنة قدام مش هييجي لوحده
تحياتي
السلام عليكم
الانتظار بلا هدف هو ضياع للوقت والعمر
لان الانسان دائما له هدف يجب عليه ان يسعبي اليه ولا ينتظر تحقيفه
صدقتي والله
بس المشكلة بأه إننا يكون عندنا أمل في حاجة أو بنحب حاجو نفسنا تحصل ونقعد ننتظر أو نعمل المستحيل وننتظر النتائج واحنا على أقرب ثقة أن من الممكن لا يحدث ما نريد
بدون لف ودوران زيي كده بحب واحدة وأهلها مش موافقين بحاول أعمل المستحيل بس ياترى هأوصل ف الآخر لحاجة
يارب
كل ودي
shayma
على رأيك هيا بتكون على حسب الموقف
نورتينى
تحياتى
a.samir
فعلا عندك حق
تحياتى
sons egypt
وعليكم السلام
هو اكيد كلامك صح
بس ساعات فيه حاجات ما بيكونش فى ايدينا حاجة ناحيتها ومابيبقاش فيه غير الأنتظار
تحياتى
كاتب مصرى
ان شاء الله توصل بس أنت حاول
تحياتى
Post a Comment