Tuesday, January 8, 2008

كل سنه وأنتم طيبين

كل سنه وأنتم طيبين بمناسبة السنه الهجرية الجديدة 1429
وعام جديد سعيد عليكم إن شاء الله
وياريت زى ماكنا بنتكلم ساعة قدوم السنه الميلادية ونقول لازم نشوف عملنا أيه فى سنه فاتت ونفسنا نعمل أيه فى سنه جاية
لازم نقول نفس الكلام برضة ودلوقتى أحنا هنحتفل برأس السنه الهجرية يعنى كل واحد يشوف عمل أيه فى علاقته بربنا
قرب ولا بعد
أيه الطاعات اللى قصر فيها
أيه الطاعات اللى ماكانش بيعملها
وهكذا لنهاية كل حاجة
وطبعا هو لازم الواحد يحاسب نفسه على طول ومايستناش لما سنه تخلص وسنه تانية تيجى
وياريت ماتنسوش صيام اليوم التاسع والعاشر من محرم
فضل اليوم العاشر كالآتى
عن أبي قتادة رضي الله عنه قال : سُئل النبي صلى الله عليه وسلم عن صيام يوم عاشوراء ، فقال : إني أحتسب على الله أن يكفر السنة التي قبله . رواه مسلم
فيوم عاشوراء يوم يتقبل الله فيه الحسنات وترفع فيه الدرجات وتكثر فيه البركات
فيجب أن نكثر من الصدقات فى هذا اليوم ومن صلة الرحم ومن الدعوات ومن قراءة القراءن والذكر
وكان الرسول يصوم يوم العاشر من محرم وكان ينوى فى العام المقبل أن يصوم يوم التاسع أيضا ولكنه قد مات قبل هذا العام فالمستحب صيام يوم التاسع والعاشر

16 comments:

عصفور المدينة said...

كل عام وأنتم بخير

صاحب المضيفة said...

كل سنة وانتي طيبة

تذكرة طيبة ومدونة جميلة

دمت بخير

tota_fm said...

البوست الجديد جميل اوى وكل سنه وانتى طيبه ويارب تكون السنه الجديده سعيده وربنا يجزيكى عنا كل خير
وكل سنه والمدونه طيبه وبخير وعقبال عيدها 100 مليون
وكل سنه وانتى طيبه بمناسبه السنه الميلاديه ويارب ايامك كلها تبقي سعاده وهنا
ومعلش اتأخرت فى التهنئه اصل كان عندي امتحانات ومازالت مستمره وربنا يستر

غمض عينيك said...

كل سنة وانتي طيبة يا بوس بوس

بسمه عبدالباسط said...

عصفور المدينة

وأنت بكل خير وصحة

تحياتى لك

بسمه عبدالباسط said...

صاحب المضيفة

وأنت طيب وبكل خير
شكرا على كلامك

تحياتى لك

بسمه عبدالباسط said...

tota_fm

وانتى طيبة وبكل خير وسعيدة أن البوست عجبك
ويارب تكون سعيدة عليكى إنتى كمان
وعقبال عيد مدونتك المليون إنتى كمان
لا ولا يهمك مفيش تأخير ولا حاجة ربنا معاكى ويوفقك

تحياتى لكى

بسمه عبدالباسط said...

غمض عينيك

وانت طيب وبكل خير وصحة

تحياتى لك

Hadota ... حدوتة said...

كل سنة وانتى بالف خير

جزاكى الله عنا كل خير
ربنا يكرمك ياااارب ويحقق لك كل حاجة بتحلمى بيها

:)

تحياتى

بسمه عبدالباسط said...

حدوته

وانتى طيبة وبكل خير
ربنا يخليكى وتحققى كل شىء بتتمنيه فى السنه الجديدة

تحياتى لكى

Anonymous said...

كل سنه وانتى طيبه يا بوسبوسه
ويارب السنه دى تبقى سنه سعيده عليكى وفيها انجازات وخير كتييييييييير
سلامى يا جميل

عاشقة الوطن said...

السلام عليكم

ازيك يابسبس
نورتى مدونتك من تانى ياجميل

كل سنة وانتى طيبة وبخير يااارب
وكل سنة وكل الامة الاسلامية بخير يااارب


تحياتى

بسمه عبدالباسط said...

shayma

وانتى طيبة وبكل خير
وشكرا على أمنيتك اللى بتمناها ليكى أنا كمان

تحياتى لكى

بسمه عبدالباسط said...

عاشقة الوطن

وعليكم السلام
ازيك انتى يا جميل
ده نورك يا قمر
وكل سنه وانتى طيبة وبكل خير وصحة

تحياتى لكى

Anonymous said...

بسبوووووووووووسة حبيبتى عود احمد اولا ميرسى على كلامك الجميل دة حقيقى انا مليش مدونة عشان متتعبيش نفسك وتدورى ويمكن ربنا يسهل وابقى اطلع تصريح بمدونةهههههههههههههه المهم مقولتيش منين من الشرقية ويا ريت تعرفينا على باقى البلديات اللى هنا هتابعك ان شاء اللة وانتى بتكتبى وبكل قوة عام هجرى سعيد وملىء بالسعادة كل سنة وانتى اقرب الى اللة

بسمه عبدالباسط said...

شيكابالا

ازيك اخبارك ايه
العفو على ايه
وبعدين تصريح بأيه هو إنتى هتبنى عمارة يا ستى ما تحمليش هم أعملى إنتى بس المدونة وأحنا معاكى

ابعتيلى يا بنتى ميلك على ميلى ده
rohbosbos@gmail.com
ولما هتبعتيلى هبعتلك ميلى على الهوت او الياهو وهنتكلم وهعرفك أنا منين واعرف انتى منين
وباقى البلديات برضة هعرفك على الميل ما ينفعش علنى كده

وكل سنه وإنتى طيبة
وشكراااااااااااا على كلامك

تحياتى لكى