Wednesday, November 21, 2007

كيف تنجح فى عملك بالتجربة العملية ؟

لكى تنجح فى عملك وتتجنب المشاكل عليك بأتباع الآتى :-0

1- أذا جاءت لك الفرصة لكى تعمل بمفردك وتكون مسؤل عن كل شىء لا تتردد ابدا وتقول أن العمل سوف يكون كثير عليك فراحتك النفسية أهم بكثير من كثرة العمل فعند أشتراك مجموعة فى قسم واحد فهذا باب للمشاكل وأتكال شخص على آخر فى العمل وغيرها من المشاكل الكثيرة
لذلك عندما تأتى لك الفرصة أنتهزها ولا تتركها تضيع منك وسوف يعينك الله على عملك

2- يجب أن تعمل بكل ضمير وأخلاص ولا تنظر لمن حولك ماذا يفعلون فأفعل أنت ما عليك من أعمال ولكن أحذرك أن تتهاون مع أى شخص مقصر لأنه لا يوجد أحد يقدر تضحيتك أو شهامتك فعند وجود شخص لا يعمل ويفعل مشاكل فمن حقك تقديم شكوى أو مذكرة فيه ولا تأخذك الرأفة لأنك سوف تخسر فى النهاية لأن هذا الشخص لا يستحق هذا وسوف يفعل لك الكثير من المشاكل وأنت لم تشكيه بدون سبب ولكن لوجود أسباب

3- يجب عليك عدم الحديث عن حياتك الشخصية مع زملاءك فى العمل لأن زملاء العمل غير الأصدقاء وطبعاهم تتغير حسب مصالحهم فلا تترك فرصة لأى شخص لأستغلال مشاكلك أو حياتك فى الشخصية فى العمل فالعمل عمل

4- الضمير ثم الضمير ثم الضمير فأنت تعمل من أجل راحة ضميرك وأرضاء الله بغض النظر عن أى مقابل تأخذه سواء كان مادى أو معنوى

5- أذا جاءت لك فرصة لتساعد زملاءك فى العمل لا تتردد ولكن لا تترك فرصة لأحد لكى يستغلك كن مخلصا وفيا ومساعدا لهم ولكن بأرادتك وليس رغما عنك

6- أجعل دائما سيرتك العطرة تسبقك فضميرك وحبك للجميع ومساعدة الآخرين يجعل سيرتك لها معنى جميل ولكن حذارى من الطيبة الزائدة عن الحد لأنها من الممكن أن تسبب لك مشاكل

كل هذه النصائح عن تجربة شخصية
فمع عملى بمفردى لمده عامان ونصف ومسؤليتى عن كل شىء كنت فى راحة كبيرة جدا ولم يشتكى منى أحد يوما ما ولم تحدث مشاكل بينى وبين أى شخص وكان الله يعيننى على عمل كان من المفروض أن يقوم به أثنين أو ثلاثة وكنت فى غاية السعادة والراحة التى لم يتخيلها أحد
ولكن مع نقلى وأشتراكى فى عمل مع أشخاص آخرين وعدم أكتمال عام معهم بدأت المشاكل تظهر والأستغلال ولم تفلح معهم شهامتى ولا أخلاقى ولا قيامى بعملى وعملهم أحيانا كثيرة ومع تهاونهم وفعل المشاكل معى كان فى يدى تقديم شكاوى أكثر من مرة فيهم وكان معى شهود ولكن أخذتنى الشهامة والرأفة بهم وفى النهاية وقعت أنا فى مشكلة كبيرة جدا وأتهمت ظلما بأشياء كثيرة
ولكن عندى يقين فى الله بحل هذه المشكلة
لذلك أقدم هذه النصائح لكم لكى لا تقعوا فيها فنحن فى زمن غريب لا يقدر أحد أى شىء

23 comments:

عصفور المدينة said...

أوافقك الرأي جدا
ولكن بخصوص النقطة الأولى أحيانا كثيرة لا تكون متاحة لك هذه الفرصة فالحل في هذه الحالة أن تلتزمي التحديد دائما في كل التفاصيل المشتركة وتحديد المسئوليات مع الحرص الدائما على ألا يكون التقصير من جانبك

همسات ساكنه said...

كلامك صح ميه في الميه
بس زي ما قال مش كتير حيقدروا يشتغلوا لوحدهم لان فرص العمل زي ما انتي عارفه محدوده
ومش من السهل حد يلاقي شغل لواحده
لما حد بيصدق يلاقي شغل
بس اهم حاجه فعلا ان الواحد يخلي باله من شغله ويعمل بضمير وميخليش حد يستغله
اعمل بمزاجي اه واساعد برضه بمزاجي
لكن ميكونوش هما قاعدين ومبسوطين وانا اللي اشتغل وفي النهايه مش عاجبهم
ان شاء الله مشكلتك تتحل

لماضة said...

تمام كلامك يا بوس بوس
مع انى شايفه ان اهم نقطه ذكرتيها ان الواحد يخلى ضميره دايما موجود ويفتكر ان ربنا شايفه ولازم رزقه يكون من حلال
بحيكى يا قمر على الموضوع الجميل ده

زُمُرده said...

السلام عليكم

متفقه معاكي بس في نقطه
ممكن العمل مع مجموعه يؤدي الي شيء من اتنين
1 - اتكال البعض على الآخر
2-وجود تنافس بين العاملين قد يؤدي لإجادة العمل والإخلاص فيه اكتر او نتيجه عكسيه تحدث بين المتنافسين فيبدؤا يتضاربوا وييجي عكس مصلحة العمل

لكن اعتقد لو كل انسان راع الله في عمله وحكم ضميره لن يحدث غير انجاز العمل بشكل افضل وفي وقت اقصر وبجوده عاليه
ايا ما كان نوع العمل
وهيكون دائما تعاون وفايده اكبر
وجزاك الله خيرا على مجهودك ونصيحتك

وينكى said...

كان فين البقين دول من شهر واحد؟؟؟
اكتشفت دلوقتى انى تقريبا كنت باعمل العكس على طول
وماقولكيش كم المشاكل اللى انا فيها دلوقتى
كنتى فين من زمان ونصايحك دى ماطلعتش من بدرى ليه؟؟

A.SAMIR said...

اسمحي لي يا بس بس
الكلام اللي انتي كاتباه كنصائح في نقط كتير فيه فيها قسوة وتجني
مش ممكن يكون الناس علشان هم زملاء عمل يكونوا خونة واتكاليين وممكن يتصيدوا اخطائك
الخصال دي طباع شخصية ممكن تكون موجودة في الاصدقاء وممكن تكون موجودة في المعارف وممكن تكون موجودة في زملاء العمل
انا موافقك طبعا في كلامك عن الاخلاص والعمل بتفان
انما المح في كلامك كدة تحذير ضد زملاء العمل باعتبار ان مصالحهم متضاربة
اعتقد انها قاعدة لا يجب تعميمها...كم من علاقات عمل بين افراد انتهت بصداقة متينة وكم من صداقات انتهت نهايات كلها خسة وندالة
موضوع مميز
تحياتي ليكي

أنا حر said...

شكرا لمجهودك الرائع انا لو سمحتيلي سجلت الافكار دي على جهازي الشخصي
تحياتي

MAKSOFA said...

أحييك علي تلك النصائح والتي أظهرت أنك صاحب شخصيه ناضجه تستحق التقدير
----------
تحياتي

KING TOOOT said...

زميلتي العزيزة
نصائحك هايلة و مثالية و لكنها مع الأسف غير عملية ، فكل نصائحك تدور حول محاولة عزل نفسك عن من حولك سواء بالإبتعاد أو بوضع قواعد صارمة و حدود و في الحالتين الأمر غير عملي و هو أقرب للهروب منه لمواجهة المواقف
إسمحي لي أن اتقدم لكي بخبرة أربعة عشر عاما من العمل و أقول لكي ، الدنيا لن تخلوا من الشر ، فقط يجب أن يكون عندنا الشجاعة لنقاتل و نحصل على ما نريد طالما أن القتال شريفا
واجهي زملائك السيئين ، حاربي حاسدينك ، أضربي لاعنيكي بيد من حديد ، كوني قوية في وجه الحياة ، فالحياة لا تستسلم أبدا للضعفاء ، قوي نفسك بالإيمان و الأجتهاد و أيضا بالحيلة و الذكاء و حسن التصرف ، فالناس بشر ، و لن تجدي منهم ملاكا أو نبيا
_________________________
KING TOOOT

bos bos said...

عصفور المدينة

أكيد لازم كل واحد يحدد شغله بالظبط ويكون مسؤل عنه منعا للمشاكل وطبعا من غير تقصير ومراعاة الضمير فى كل حاجة

تحياتى لك

bos bos said...

همسات ساكنة

فعلا هيا الفرص مش متاحة ولو فعلا مفيش فرصة يبقى كل واحد يلتزم بشغله أحسن لان للأسف ما بقاش فيه ناس كتير بتقدر أى حاجة ممكن تعمليها
بس مش كل الناس كده فيه ناس برضة كويسة وبتقدر

تحياتى لكى

bos bos said...

لماضة

أكيد أهم حاجة الضمير لان من غيره حاجات كتير مش هتنفع حياتنا كلها ما تنفعش من غير ضمير بغض النظر بقى الناس اللى حوالينا عندهم ضمير ولا لا

تحياتى لكى وسعيدة جدا بزيارتك

bos bos said...

زمردة

أكيد لو كل المجموعة عندها ضمير هيكون فيه تنافس شريف وهيؤدى الى جودة فى العمل لكن لو فيه فرد أو أتنين ما عندهمش ضمير وعايزين يتكلوا على اللى حواليهم هتحصل مشاكل كتير

سعيدة جدا بزيارتك وبرأيك

تحياتى لكى

bos bos said...

وينكى

نصايحى طلعلت يا وينكى بعد كم المشاكل اللى وقعت فيها يالا أدينا بنتعلم ولازم نجرب علشان نتعلم

تحياتى لكى وربنا ينجيكى من أى مشاكل

bos bos said...

a.samir

أنا مش بقول أن كل زملاء العمل وحشين وبيتكلوا على اللى حواليهم ولكن بحاول أحذر الناس انها تاخد بالها الأول من اللى حواليها وأن كل واحد يلتزم بتحديد شغله من الأول لأن للأسف الناس بقت بتقدر تلون نفسها وماتقدرش بسهولة تحدد مين كويس ومين وحش الا بعد الصدام معهم

انا فى شغلى الأول طلعت بأصدقاء أوفياء جدا ومازالت علاقتنا موجودة وفى شغلى التانى برضة فيه ناس كتير كويسة ومش معنى أنه فيه واحد أو أتنين وحشين يبقى كل الناس وحشة
بس لازم الحذر
وكمان أهم شىء الضمير

تحياتى لك

bos bos said...

أنا حر

العفو على أيه
وأنا سعيدة جدا أنك سجلت النصايح على جهازك الشخصى ده شىء يسعدنى طبعا

تحياتى لك

bos bos said...

MAKSOFA

متشكرة جدا على كلامك ويارب أكون عند حسن ظنك
سعيدة جدا بزيارتك

تحياتى لكى

bos bos said...

KING TOOOT

سعيدة جدا بنصايحك الغالية

لكن أنا مش بدعو للعزلة عن زملاء العمل ولكن بدعو لمزيد من الحذر وتحديد المهام حتى لا تحدث المشاكل كما حدث معى

والنصايح بتاعتى دى بالطبع كانت نتيجة تجربة شخصية مريت بيها بنفسى وشفت أن أنسب حل أنه من الأول كل واحد يحدد شغله علشان ما نقعش فى مشاكل مالهاش نهاية وفى الأخر أطلع انا اللى غلطانة واللى مش عايزة تشتغل وماعنديش ضمير وصفات وأشياء كثيرة قيلت فى حقى بدون وجه حق

وعلشان كده حبيت أنصح الناس علشان ما يقعوش فى نفس غلطى
أيوة أكون كويسة مع الناس بس كل واحد يكون عارف شغله وحدوده

تحياتى لك

غمض عينيك said...

كلام جميل ومفيد يابوس بوس
متفق معاكي في كل النقاط عدا الاولي

للاسف ثقافة العمل الجماعى غايبة عننا اوي هنا في مصر
الراجل اللي هيعمل الشغل لوحده..مهما كان ومهما كانت كفاءته مش هيقدر ينجز عمل زي فريق او مجموعة اشخاص متناغمة وعارفة كويس معنى روح الفريق

بس للاسف احنا معندناش الموضوع ده...عشان كده دايما متفوقين في المجالات الفردية اكتر من الجماعية

ممكن اتفق معاكي في النقطة الاولى لو ضفتي ليها كلمة " في مصر"....سي يو

محمد سمير

bos bos said...

غمض عينيك

فعلا أحنا ماعندناش ثقافة العمل الجماعى
كل اللى الناس بتفكر فيه لما يكونوا مجموعة أنا أزاى كل واحد يتكل على الباقى ويرمى الشغل عليه

Anonymous said...
This comment has been removed by a blog administrator.
tamer said...

السلام عليكم ورحمة الله ..
انا اول مرة ادخل المكان ده .. لكن انا سعيد جواه ..
النصائح الموجودة عالية جداً وبجد مفيدة
ممكن اضيف كلمة رد علي التعليق اللي بيقول ان النصائح قاسية في التعامل مع الناس .. بالعكس الكلام ده مش صحيح لان الناس حالياً غالب عليهم الطمع ومعظهم يفتقد الي ضوابط اخلاقية او دينية في التعامل مع الاخرين ، وليس هذا دعوة مني للتعامل بالمثل قدر ماهو دعوة للاحتياط والحذر
الف شكر مرة اخري

زينه said...


من الطبيعي ان يقيّم الأشخاص عرض العمل قبل الموافقة عليه ولكن هل من الأساسي تقييم العمل بعد الحصول على الوظيفة؟ للمزيد http://goo.gl/L4uFu