Friday, September 14, 2007

بعد أول يوم رمضان أخباركم أيه


بعد أول يوم رمضان أخباركم أيه وعملتوا أيه وأحنا خلاص هنبدأ ثانى سحور ياترى كان يومكم عامل أزاى
صليتوا كل الصلوات فى أوقاتها؟
صلاه الفجر صليتوها فى ميعادها ؟
صلاه التراويح أخبارها أيه ؟
القراءن قريتوا فيه قد أيه ؟
الصدقة ؟
صلة الرحم؟
أفطار صائم؟
التسبيح ؟
الدعاء؟
والى نهاية كل الأشياء والعبادات عملتوا فيها أيه
وهل حسيتوا فعلا أن أول يوم رمضان مختلف عن الأيام اللى فاتت وعلمنا فيه حاجة جديدة
أهم حاجة ياريت ما تنسوش الدعاء لشيماء شيكو أون لاين رحمها الله
وياترى أكتسبتوا أى خلق جديد أو بدأتم تتحلوا بصفة جديدة يعنى مثلا زى العصبية هل قدرتوا تتحكموا فيها
الضيق والغيظ اللى بيصيب الناس واللى لما هنقدر نتحكم فى نفسنا هنتجازى عنه أخباره أيه
الى نهاية بقى كل الصفات والأخلاقيات اللى لازم نتحلى بيها فى رمضان
---------------------
فيه حاجة كمان حبيت أنبه عليها وهو كان أقتراح منى وياريت فعلا ننفذه ودى حاجة هناخد منها حسنات كتير إن شاء الله وهيا

أول حاجة طبعا معظمنا عنده موبايل ممكن يا جماعة ساعة السحور وصلاه الفجر نرن على صحابنا وقرايبنا علشان يصحوا وتخيلوا بقى لو كانوا فعلا نايمين وصحيوا من الرنة دى أعتقد أنك هتاخد ثواب كبير قوى


وثانى حاجة طبعا فى كتير مننا ما يقدروش يعملوا شنطة رمضان ممكن نعمل حاجة بسيطة وليها ثواب كبير قوى وهيا طبعا كلنا عارفين البلح ممكن نشترى كيلو أتنين ثلاثة على حسب مقدرة كل واحد فينا وساعة صلاة المغرب نخلى حد يقف بيه عند الجامع يوزعه على الصايمين أو فكرة تانية ممكن نوديه الجامع لأى حد مسؤل هناك يوزعه ساعة المغرب وأعتقد أنه ده هيدينا ثواب كبير قوى


ولأى أقتراحات تانية ياريت تراسلونى علشان أنشرها هنا وكلنا نشترك فيها

ويارب تقبل منا كل أعمالنا

rohbosbos@gmail.com

18 comments:

فى القلب said...

صباح جميل رائع ثانى يوم رمضان
ويا رب أمس كان أفطار شهى و صوم مقبول
يا صباح الذكر و العباده و الكلام ألى يشجع ألى ديماً متعوداه منكى
و هبعتلك عل أميلك رقم موبايلى عشان تصحينى الفجر يا قمر برناتك ألى مش زى أى رنات

غمض عينيك said...

صباح الخير والجمال عليكي يا بوس بوس
وربنا يكرمك ع البوست الجميل ده والاقتراحات دي
ربنا يهدينا ويرضى عنا ويقبل صومنا وعبادتنا في رمضان ويثبتنا عليها بعد رمضان
كل سنة وانتي طيبة
محمد سمير

الحلم العربي said...

كل عام و انت إلى الله أقرب
الحمد لله رمضان بيعمل تغيير و يا رب يكون تغيير للأحسن دايما و نقدر نستمر على الخير بعد رمضان لأن هو ده الثمرة فعلا
جزاك الله خير على التذكرة
تحياتي لك و رمضان كريم

gohayna said...

كل سنه وانتي بالف خير صحه وسلامه يا جميله

ويارب يعيد رمضان علينا اعوام عديده ويارب يتقبل كل طاعتنا وعباددتنا يا قمر

وجميل لحظه الوفاء الي شوفتها عندك يا جميله

ربنا يرحم اموتنا جميعا ويسكنهم فسيح جناته


كل سنه وانتي طيبه يا جميله

تحياتي

بسمه عبدالباسط said...

فى القلب

صباح الخير عليكى
نفسى فعلا تكون كلماتى دى بتشجع حد على عمل أى حاجة كويسة
وهكون سعيدة جدا وأيميلى هيكون أسعد لما يشوف رسالتك
وكل سنه وأنتى طيبة
تحياتى لكى

بسمه عبدالباسط said...

غمض عينيك

صباح النور عليك
ربنا يكرمنا كلنا ويجزى كل واحد على قد نيته يارب
وربنا يتقبل منا أعمالنا
وكل سنه وأنت طيب
تحياتى لك

بسمه عبدالباسط said...

الحلم العربى

وكل عام وأنتى كمان أقرب اللى الله
وربنا يتقبل منك كل أعمالك
وياريت فعلا نستمر على فعل كل حاجة كويسة بعد رمضان كمان
تحياتى لكى

بسمه عبدالباسط said...

gohayna

كل سنه وأنتى طيبة وربنا يتقبل منك كل أعمالك ويجازيكى كل خير
تعرفى أنا ماكنتش أعرف شيماء رحمها الله بس فعلا حبيت أعمل حاجة لها وتخيلت نفسى بعد ما أموت وأتمنيت أنى الاقى ناس تعملى كده
تحياتى لكى

momken said...

بارك الله فيكى واكثر من امثالك
البوست بتاعك منتهى الجمال
ومليان امر بالمعروف ونهى عن المنكر
اسلوبك حلو اوى وقري اوى من قلب المتلقى

ربنا يجعله فى ميزان حساناتك

الا صحيح يعنى ايه موبيل؟؟؟؟؟

تحياتى

بسمه عبدالباسط said...

momken

ربنا يتقبل منا ومنكم جميعا كل أعمالنا
ويهدينا لما فيه الخير

تحياتى لك

Young entrepreneur said...

يلا يا شباب مصر, تعالوا اعرفونا و نعرفكم
و أكيد هنعمل حاجة Trateesh Kalam

Unknown said...

كل سنة وانتى بالف خير

بس انا زعلانة ان رمضان فات منة 3 ايام
نفسى يفضل على طول

بسمه عبدالباسط said...

mohamed

أكيد هروح وأعرفكم
وأنا فعلا روجت وشفت المجلة رائعة جدا
ربنا يوفقكم

بسمه عبدالباسط said...

ايوية

كل سنه وإنتى طيبة وبكل خير
هو فعلا الواحد زعلان وحاسس أن الثلاث أيام عدوا بسرعة
بس هنعمل ايه
تحياتى لكى

الربان said...

تحياتي

كل عام وانت بخير ....و أشكرك علي التذكرة... ربنا يتقبل منا جميعا...و يعينا علي الصيام و القيام....


تحياتي

بسمه عبدالباسط said...

الربان

كل عا وأنت بخير
وربنا يتقبل منا جميعا جميع أعمالنا

غمض عينيك said...

انتي مش بتيجي تزوريني ليه؟

بسمه عبدالباسط said...

غمض عينيك

معلش والله غصب عنى
الوقت ضيق قوى وبالأضافة كمان الى أنى تعبانة شوية