بعد أول يوم رمضان أخباركم أيه وعملتوا أيه وأحنا خلاص هنبدأ ثانى سحور ياترى كان يومكم عامل أزاى
صليتوا كل الصلوات فى أوقاتها؟
صلاه الفجر صليتوها فى ميعادها ؟
صلاه التراويح أخبارها أيه ؟
القراءن قريتوا فيه قد أيه ؟
الصدقة ؟
صلة الرحم؟
أفطار صائم؟
التسبيح ؟
الدعاء؟
والى نهاية كل الأشياء والعبادات عملتوا فيها أيه
وهل حسيتوا فعلا أن أول يوم رمضان مختلف عن الأيام اللى فاتت وعلمنا فيه حاجة جديدة
أهم حاجة ياريت ما تنسوش الدعاء لشيماء شيكو أون لاين رحمها الله
وياترى أكتسبتوا أى خلق جديد أو بدأتم تتحلوا بصفة جديدة يعنى مثلا زى العصبية هل قدرتوا تتحكموا فيها
الضيق والغيظ اللى بيصيب الناس واللى لما هنقدر نتحكم فى نفسنا هنتجازى عنه أخباره أيه
الى نهاية بقى كل الصفات والأخلاقيات اللى لازم نتحلى بيها فى رمضان
---------------------
فيه حاجة كمان حبيت أنبه عليها وهو كان أقتراح منى وياريت فعلا ننفذه ودى حاجة هناخد منها حسنات كتير إن شاء الله وهيا
أول حاجة طبعا معظمنا عنده موبايل ممكن يا جماعة ساعة السحور وصلاه الفجر نرن على صحابنا وقرايبنا علشان يصحوا وتخيلوا بقى لو كانوا فعلا نايمين وصحيوا من الرنة دى أعتقد أنك هتاخد ثواب كبير قوى
وثانى حاجة طبعا فى كتير مننا ما يقدروش يعملوا شنطة رمضان ممكن نعمل حاجة بسيطة وليها ثواب كبير قوى وهيا طبعا كلنا عارفين البلح ممكن نشترى كيلو أتنين ثلاثة على حسب مقدرة كل واحد فينا وساعة صلاة المغرب نخلى حد يقف بيه عند الجامع يوزعه على الصايمين أو فكرة تانية ممكن نوديه الجامع لأى حد مسؤل هناك يوزعه ساعة المغرب وأعتقد أنه ده هيدينا ثواب كبير قوى
ولأى أقتراحات تانية ياريت تراسلونى علشان أنشرها هنا وكلنا نشترك فيهاويارب تقبل منا كل أعمالنا
18 comments:
صباح جميل رائع ثانى يوم رمضان
ويا رب أمس كان أفطار شهى و صوم مقبول
يا صباح الذكر و العباده و الكلام ألى يشجع ألى ديماً متعوداه منكى
و هبعتلك عل أميلك رقم موبايلى عشان تصحينى الفجر يا قمر برناتك ألى مش زى أى رنات
صباح الخير والجمال عليكي يا بوس بوس
وربنا يكرمك ع البوست الجميل ده والاقتراحات دي
ربنا يهدينا ويرضى عنا ويقبل صومنا وعبادتنا في رمضان ويثبتنا عليها بعد رمضان
كل سنة وانتي طيبة
محمد سمير
كل عام و انت إلى الله أقرب
الحمد لله رمضان بيعمل تغيير و يا رب يكون تغيير للأحسن دايما و نقدر نستمر على الخير بعد رمضان لأن هو ده الثمرة فعلا
جزاك الله خير على التذكرة
تحياتي لك و رمضان كريم
كل سنه وانتي بالف خير صحه وسلامه يا جميله
ويارب يعيد رمضان علينا اعوام عديده ويارب يتقبل كل طاعتنا وعباددتنا يا قمر
وجميل لحظه الوفاء الي شوفتها عندك يا جميله
ربنا يرحم اموتنا جميعا ويسكنهم فسيح جناته
كل سنه وانتي طيبه يا جميله
تحياتي
فى القلب
صباح الخير عليكى
نفسى فعلا تكون كلماتى دى بتشجع حد على عمل أى حاجة كويسة
وهكون سعيدة جدا وأيميلى هيكون أسعد لما يشوف رسالتك
وكل سنه وأنتى طيبة
تحياتى لكى
غمض عينيك
صباح النور عليك
ربنا يكرمنا كلنا ويجزى كل واحد على قد نيته يارب
وربنا يتقبل منا أعمالنا
وكل سنه وأنت طيب
تحياتى لك
الحلم العربى
وكل عام وأنتى كمان أقرب اللى الله
وربنا يتقبل منك كل أعمالك
وياريت فعلا نستمر على فعل كل حاجة كويسة بعد رمضان كمان
تحياتى لكى
gohayna
كل سنه وأنتى طيبة وربنا يتقبل منك كل أعمالك ويجازيكى كل خير
تعرفى أنا ماكنتش أعرف شيماء رحمها الله بس فعلا حبيت أعمل حاجة لها وتخيلت نفسى بعد ما أموت وأتمنيت أنى الاقى ناس تعملى كده
تحياتى لكى
بارك الله فيكى واكثر من امثالك
البوست بتاعك منتهى الجمال
ومليان امر بالمعروف ونهى عن المنكر
اسلوبك حلو اوى وقري اوى من قلب المتلقى
ربنا يجعله فى ميزان حساناتك
الا صحيح يعنى ايه موبيل؟؟؟؟؟
تحياتى
momken
ربنا يتقبل منا ومنكم جميعا كل أعمالنا
ويهدينا لما فيه الخير
تحياتى لك
يلا يا شباب مصر, تعالوا اعرفونا و نعرفكم
و أكيد هنعمل حاجة Trateesh Kalam
كل سنة وانتى بالف خير
بس انا زعلانة ان رمضان فات منة 3 ايام
نفسى يفضل على طول
mohamed
أكيد هروح وأعرفكم
وأنا فعلا روجت وشفت المجلة رائعة جدا
ربنا يوفقكم
ايوية
كل سنه وإنتى طيبة وبكل خير
هو فعلا الواحد زعلان وحاسس أن الثلاث أيام عدوا بسرعة
بس هنعمل ايه
تحياتى لكى
تحياتي
كل عام وانت بخير ....و أشكرك علي التذكرة... ربنا يتقبل منا جميعا...و يعينا علي الصيام و القيام....
تحياتي
الربان
كل عا وأنت بخير
وربنا يتقبل منا جميعا جميع أعمالنا
انتي مش بتيجي تزوريني ليه؟
غمض عينيك
معلش والله غصب عنى
الوقت ضيق قوى وبالأضافة كمان الى أنى تعبانة شوية
Post a Comment