وشوش كتيرة أتغيرت وملامح كتيرة أتبدلت
ناس فرحتها أختفت وبتضحك من كتر همها
وشوش ضاعت وتاهت وجرحت وهانت
وشوش ظهرت كأنها ما ظهرتش
بقينا تايهين ما بين أه ولأ وحتى الأتنين ما بقوش مريحين
أحزان بتزيد وجراح بتوجع وآحلام بتموت
عايشين زى ما نكون مش عايشين
كل الملامح أتغيرت والوشوش أتبدلت
بقينا زى الأشباح ظاهرين ومش ظاهرين
عايشين لكننا مش عايشين
صاحيين لكنا لسة نايمين
عمالين نجرح ونأذى فى بعضنا
وياريتنا يوم فكرنا فى جرح الغير وأزاى وجعه ممكن يقتله
هموم بتزيد ودنيتنا عمالة تضيق
طيب أخرتها إيه يا دنيا وفى ناسك اللى مابقوش عايشين
مابقاش فاضل لنا غير شوية آحلام وأمال على أوهام
ولكن مش عارفين مين اللى هيكسب آحلامنا ولا أوهامنا
ولكن مابقاش فى إيدينا غير الأمل والصبر وكلمة يارب ودعوة فى عز الضيقة
وأكيد فيه أمل وحتى لو بعيد أدينا مستنين
يـــــــــــــــــــارب
1 comment:
انا هقف عند الجمله دى اللى انتى كتبتيها
"وياريتنا يوم فكرنا فى جرح الغير وأزاى وجعه ممكن يقتله"
هو فى حد بيحس اصلا ده انتى لو فكرتى تغلطى على اساس اننا ملايكه مش انسان يمسكولك الكرباج وفين يوجعك
الناس لا بقيت هى الناس ولا حتى قلوبهم بقيت قلبوب
بس مع كل ده لازم نتفائل ونعافر اصلا لا ضيق ولا شيل الهم هيصلح حاجه يبقى نتفاءل ونتضحك احسن حتى لو قلبنا بيتمزق
واتمنى انك تنورينى فى مدونتى
http://day-from-mylife.blogspot.com/2011/01/blog-post_16.html
Post a Comment