كتب الكتاب

كلنا نسمع عن كتب كتاب فلان أو فلانة وتختلط مشاعرنا بين السعادة والبهجة والأمنيات ولكن عندما يأتى كتب كتاب أغلى أنسان لديك سوف تختلف مشاعرك كلية وتختلط الفرحة بالدمعة بكل شىء تتخيله

كانت أول مرة أحضر فيها كتب كتاب وأرى المأذون وأسمع الكلمات التى كنت أسمعها فى الأفلام والمسلسلات وحزنت عندما علمت أننى من الممكن أن لا أتابع أحداث كتب الكتاب لتجمع الرجال مع بعضهم فى مكان والنساء فى مكان ولا يصح لفتاة أن تدخل وسط الرجال هكذا وخاصة فى مكان ريفى

ولكن للصدف أنهم جاءوا بأنفسهم لمكان قريب من تجمعنا ووجود العروسة حتى تكون قريبة منهم وتستطيع سماع كتب كتابها وأن تمضى على القسيمة ووقتها سعدت جدا ووقفت مثل ( فرقع لوز ) لأتابع كل شىء وأصور كل شىء مثلما وصانى أخى

لا أخفيكم سرا أن الفرحة كان ينقصها وجود أخى ( العريس ) ولكن لظروف سفره أناب أبى عنه حتى يأتى أخى بالسلامة فى خلال شهور ونقيم الأفراح والليالى الملاح

كنت أتابع كتب الكتاب بلهفة شديدة وأسمع كل الكلام وأبى أمامى مكان أخى ويمسك بيد أخو العروسة وأنظر لهم وألقى نظرة على العروسة ووالدتى التى تمالكت نفسها حتى لا تنزل دموعها ولأنها كانت على وشك البكاء بسبب أفتقادها لوجود أخى فى أهم حدث فى حياتة وبرغم أنى كنت فى نفس حالتها الا أنى كنت أفعل تصرفات معها ومع العروسة وكل الموجودين تجعلهم ينفجرون من الضحك فأنا كنت أصبر نفسى وأصبر أمى والعروس

نعود لكتب الكتاب الذى تابعتة مثلما أتابع أى شىء مهم يحدث فى حياتى أنا وعائلتى ولكنه الى الآن أهم حدث فى حياتى فأخى الآن أصبح على الورق متزوج وعروسة لم تصبح خطيبتة فهى أصبحت زوجتة كما يقول الورق فأحساسى أختلف تجاهها كلية فأنا كنت أحبها جدا جدا ولكن بعد كتب الكتاب شعرت أنها قطعة منى وأنى لا أريد تركها وأود أخذها معى منزلنا حتى يعود أخى وأراهم فى الكوشة فهذا سوف يكون الحدث الأكبر سعادة فى حياتى

مر الوقت سريعا وأنتهت مراسم كتب الكتاب مع مجموعة زغاريط وأمنيات وأحضان وصور ( لزوم التحابيش ) وطوال الوقت وأنا بداخلى أحاسيس غريبة أول مرة أشعر بها

ولما لا فهذا كتب كتاب أغلى أنسان فى حياتى فهو ليس أخى فقط فهو بالنسبة لى أبى وأخى وصديقى وكل شىء فى هذه الدنيا

وأدعو له من كل قلبى هو وعروسة أن يوفقهم الله ويرزقهم بالذرية الصالحة

وأن يعيشوا فى تبات ونبات ويخلفوا صبيان وبنات

بكرة مسافرة وعندى حفلة وشفتى ورمت على غفلة

الواحد طول عمره بتحصل له مواقف غريبة عجيبة ولكن كله كوم وموقف الشفة ده كوم تانى

لا أبسلوتلى هخرج أنا أزاى كده

حاسة بأحساس اللمبى فى فيلم اللى بالى بالك لما عمل حادثة وصحى من النوم مش لاقى شفته

شفتوا كان مفزوع أزاى أنا تقريبا هيجيلى نقطة من الفزع

نمت فى أمان الله من كام يوم صحيت لاقيت شفتى فيها مجموعة حبوب ووارمة لوحدها كده

لا وكل يوم الورم بيزيد والحباية بتكبر وتنتشر

عااااااااااااااااا مش عارفة أكل ولا أشرب

وبغض النظر عن موضوع الأكل والشرب ده أنا بكرة مسافرة وعندى مناسبة وحاسة أنى هغنى أغنية

بكرة مسافرة وعندى حفلة وشفتى ورمت على غفلة

طيب والعيال اللى كانوا مستنين عمتو بسمه هيكون موقفهم إيه حاليا لما يشوفونى هيقولوا إيه يا ماما عفريت عفريت

ولا جيش التتار التانى اللى أنا مسافرة ليهم مخصوص علشان المناسبة ومستنين أبلة بسمه حاسة أنه هيغمن عليهم لما يشوفونى

والشفة واخدة موقف من كل حاجة بتتخانق مع الكوبايات والمعالق ولا كأن فيه بينهم تار طيب مش عارفة أشرب من الحنفية مباشرة الكوباية مالها تزقيها ليه يا شفة أنتى وتزعليها كده مضطهداها لية بس

والأكل بقى له طقوس مختلفة لازم أفتح بقى على الأخــــــــــــــــــــــــر وأرمى جواه الأكل وأجرى لأن الشفة هانم بتزق أى حاجة عايزة تدخل جوه بقى يعنى أصوم أنا ولا أعمل إيه شكلى بقى بشع وأنا باكل كأنى بفترس الأكل

لا وكله كوم وأنى المفروض أنتشر وأصور وأتصور لأنها مش أى مناسبة طيب والنبى هيبقى شكلى إيه فى الصور ولا لما أبعت الصور لأخواتى حاسة أنه هيحصل ليهم حاجة فعلا وبعدين ما ينفعش ما أتصورش فى المناسبة دى بالذات ولا ينفع أختفى وما أنتشرش

طيب أعمل إيه ينفع الاقى شفة تأجير مثلا لمدة يومين

وبعدين تحذير هاااااااااااام أياك حد يفكر يسلم عليا ويبوسنى البوس ممنوع أيوووووووووووووون مش ناقصة أنا بقى كفاية اللى أنا فيه السلام من بعيد لبعيد وبلاش حركات أمووووووووواه أموووووووووواه ووحشانى وخنقانى والكلام ده لأن عندى أحساس أن اللى جالى فى شفتى بسبب كمية الأموووووووووواه اللى أديتها مقابل الأموووووووووووهات الكتير اللى خدتها الأسبوع اللى فات

أنا هلغى الأموووووووووووووواه ده من قاموس حياتى ولقد أنذر من أعذر بقى فى أى بتنجان

لية يا شفتى كده ليييييييييييييييييييييييييية غدرتى بيا لية حرام عليكى عااااااااااااااااااااااااااااااااااااااااااا

كان بدرى عليكى عليكى بدرى وبقى شكلى عامل زى اللمبى

وبكرة مسافرة وعندى حفلة وشفتى ورمت على غفلة

وإيييييييييييييييييييييييييييييييييييييييييييييييييييه

كانت معكم ساسا أم خمسين شفة

من الهسهس العيالى

بما أنى طول عمرى بحب الأطفال جدا وحتى وأنا كنت لسة عيلة كام سنه وبمشى بالعافية كنت أقعد العب بالعيال وسبحان الله فيه شىء ما جوايا وجواهم بيجذبنا لبعض حتى لو ما كلمتهمش أو كلمونى أى مكان بيكون فيه أطفال بيحصل أى نوع من أنواع الأنجذاب حتى لو كان مجرد نظرات وضحك وشوية حركات هبل وعبط منى ومنهم

وفى مرة شفت فيها طفلة وكانت مامتها وجدتها سايبنها جوه عربية الأطفال فى وسط المحل ومشغولين بالشرا وأول ما لمحت البنت عجبتنى جدا بس قلت أحترم نفسى أحسن يفتكرونى هخطفها ولا حاجة

أذ فجأة سمعت حاجات بتصوصو ورايا ببص الاقى البت عمالة تلاغى فيا والبت عسولة وعنيها خضرا وهموت وأبوسها بس خفت يلبسونى قضية

المهم صوصوت أنا كمان ليها وشاورت بأيدى وبصيت قدامى تانى أشوف هشترى ايه مع ماما وأسمع حاجة بتصوصو تانى

الله بقى

بصيت على البنت لاقيتها مصرة تلاعبنى أممممممممممم طيب إيه الحل لية بس الأغراء ده وشوية والاقيها بتشاورلى وفضلت أضحك لها وأشاور ودى مدت أيدها وعايزانى أشيلها

ساعتها شريط عقلى سف ورجعت فلاش باك لورا شوية وأفتكرت الأفلام العربى القديمة وأنى أول ما همسك البت هلاقى مامتها وجدتها اللى رامينها أصلا ومش واخدين بالهم منها يقولوا أمسك حرامى هتخطف البنت ويقولوا ليا آآآآآه أصلك بقى محرومة هتعملى إيه غير كده

وأذ فجأة ماما فوقتنى من الفيلم العربى ده علشان نخلص ونمشى وأنا خارجة بقى قمت رميت ليها بوسة على الهوا كفاية كده قبل ما كنت البس قضية

وبما أن عيلتى كبيرة ومتشعبة ومتفرعة وفيها كل الأعمار وكل اللى تتخيلوه فمن زمان بقيت خالتو وعمتو لأطفال ولاد وبنات أعمامى وخالاتى وأخوالى

وبقى أسمى بيتدرج بتدرج الأجيال وبدأ ب ( بسه ) أيون بيشيلوا الميم كتر خيرهم برضك تعبوا

وبعدين بقى ( بسنه ) ثم ( بييييييييييييييه ) وأخيرا ( ساسا ) والأخير ده عاجبنى جدا بصراحة وبفكر أغير أسمى وأخليه ساسا

والظريف بقى أنهم بيعرفوا ينطقوا خالتو أو عمتو بسهولة ولكن أسمى هو اللى بيقف فى زورهم مش عارفة لية ههههههههه

وهكذا بيفضل أسمى يتأرجح من هنا وهناك وكل كام سنة يطلع ليا أسم جديد

وأكتر لحظة بحبها قووووووووى أول ما أروح البلد عندنا وأنزل من العربية والاقى التتار جاى عمتو بسمه جت هييييييييييييه والكل يجرى ويتشعبط فيا وبعد شوية يتخانقوا مين يقعد جمبى ولحد ما أفض الأشتباك ده بكون تقريبا شبه فصلت منهم ويبقى حد قاعد على يمينى وحد على شمالى وحد متشعلق فى رقبتى وحد مرمى على رجلى دى والتانى بيزق بيحاول يدخل ويلحق له مكان بين التتار ده

وشوية ويعملوا عليا مؤامرات زى بتاعت التتار وأول ما أختفى من قدامهم يفرقوا نفسهم ويبدأوا فى البحث عنى

يدخلوا البيت يقولوا لماما هيا عمتو بسمه هنا

لا دى نايمة

نايمة بجد

أيوة

وطبعا ما يصدقوش وغالبا لازم يدخلوا الأوضة وأحس أن فيه حاجة بتخبط زى الفار كده من ورا السرير وفجأة الاقى اللى نطوا على السرير علشان يتأكدوا أنى نايمة

وأول ما يبدأو يعملوا شقاوة تبدأ التهديدات ليهم من أى حد موجود مش هنخلى عمتو بسمه تلعب معاكم

بس عمتو بسمه نايمة

بس هتقوم تضربكم

وطبعا طبعا باخد البيت والشارع كله جرى وراهم بعد أى مصيبة مدبرة من اللى بيعملوها بالأتفاق مسبقا مع بعض

بس فعلا هما بيخرجونى من أى مود مش حلو وببقى معاهم فعلا بسه وبسنه وساسا وخاصة ساسا دى

كانت معكم ساسا قديما بوسبوس من جنينة الأطفال بتاعت أم محمد من وسط جيش التتار

عيدك أحلى الأعياد

يمر العام سريعا ويأتى الآخر ونأتى لعيدك أحلى الأعياد فى الوجود وأظل أفكر ماذا أفعل فى هذا اليوم وبماذا أهاديكى فكل هدايا الكون لا توافيكى جزء واحد من حقك وقدرك

ويزداد العبء أكثر على عاتقى بسبب عدم وجود أخوتى ولأن المفروض أن أفعل أشياء تعوض غيابهم

ولأن خطيبة أخى أزاحت جزء من العبء يوم أمس بهديتها لكى

مع أنى أعلم تمام العلم أن كل هدايا الكون لن توفيكى جزء واحد من حقك وقدرك عندى وعند أخوتى

وخاصة أنا التى تحملتى منى ما لا يتحمله بشر خاصة فى العامان الماضيان وفعلتى معى أكثر مما يتوقعة ويصدقه مخلوق على هذه الأرض ومهما فعلت لن أوفى جزء واحد من حقك

فلو كان فى مقدورى لكنت صنعت لكى تمثال يشعرك بمدى عرفانى وأمتنانى لكى وبأنى مازلت لا أقوى على رد كل ما تفعليه معى ليس لشىء الا لأن أى شىء مهما كان لا يأتى نقطة فى بحر مما فعلتى معى ومع أخوتى ومازلتى تفعلى

وبالطبع كل الكلمات الموجودة لا تستطيع وصف ما بداخلى وما أود قوله ولكنى سوف أدعوكى للجلوس بجوارى اليوم وسوف أفتح مدونتى وأجعلك تقرأى الموضوع بنفسك فكما تعرفى أنى فى هذه المواقف تضيع منى الكلمات وتتوه الحروف وأصبح مثل الغريق الذى يبحث عن قشة يتعلق بها مع أنى أعلم أن كلماتى هذه قليلة وغير مرتبة ولا منظمة ولكن أتمنى أن تشعرك بما داخلى

وأتمنى من كل قلبى أن يمد الله فى عمرك ويعطيكى الصحة والعافية ويرزقك دائما كل خير ويتمم لكى أمنيتك وتذهبى الى بيت الله ( وأنسى الدعوة التانية بقى بلاش توجعى قلبى وطبعا أنتى فاهمانى بتكلم على إيه )

وأتمنى أيضا أن تكتمل فرحتك بى وبأخوتى وأن ترينا جميعا فى الكوشة وإن شاء الله سوفى ترى أخى الأكبر فى الكوشة قريبا ( وأنا هقعد جمبه رخامة كأنى العروسة وأهو كده تبقى شوفتيه وشوفتينى فى الكوشة أى خدمة هههههههههههههه )

على فكرة أنا بحبك قوى بقى وما بقتش عارفة أكتب إيه ( وش مكسوف )

وكل سنه وأنتى طيبة ودايما عيدك أحلى الأعياد

فاصل من الضحك ونواصل

واحد غبى أتقدم لواحدة باباها قالة أسف يا بنى بنتى لسة فى المدرسة قام قايلة مش مهم هبقى أجى بالليل عما تكون رجعت



مسطول ماشى فى بيتهم خبط أمه قالتلة مش شايفنى قالها شفتك بس مش فاكر فين



كم سؤال حير الأقلام
كم أجابة صارت أشبه بالمحال
السؤال الذى عجز عقلى وقلبى أن يجد جوابه ؟


اليومين دول نلبس شتوى ولا صيفى



حكمة اليوم كل ما يزيد همك لطش فى اللى جمبك



الواحد لو زهق من الحياة يعمل إيه


؟


؟


؟


يقلب على دريم



2 مساطيل واحد بيقول للتانى قشطة عليك قاله ومستنى إيه طيب ما تشيلها



مين اللى حرر المصريين


أكيد


أكيد


أكيد


اللى قفل المروحة

عند الضياع

عند ضياع أهم أشياء فى حياتك وقتها يتساوى عندك كل شىء ولا يفرق معك الموت من الحياة


عند موت أغلى أشياء بداخلك وقتها سوف تموت كل مشاعرك مهما حدث وكان وسوف تعيش جسد بلا روح


عند هوانك على أقرب الأقربين لك وقتها لا يفرق الحزن من الفرح فكل مشاعرك سوف تتساوى لأنها قد ماتت

نقاش الحارة

نعيش الآن زمنا يشبه الى حد كبير شكل الحارة فى كل تفاصيلها وتقسيماتها ولأننا للأسف لا نعلم للنقاش أسلوبا ولا نعرف كيفية تقبل الرأى الآخر

ولكننا نعلم تمام العلم كيفية تأويل وتغيير معنى جملة أو كلمة قالها الآخر وفى لحظة نقيم عليه الحد ونصفه بأى شىء يأتى فى مخيلتنا وقتها ولا نعطى لنفسنا الفرصة لكى نفهم ما يقصد أو ما يشير اليه كلامه

فبعد رؤية الكثير من المشادات والمشاجرات على التعليقات هنا وهناك جائنى أحساس كأننى أقف فى حارة طويلة بها الكثير من السكان ويقفون كلهم مستعدين لأى حركة أو كلمة أو نفس يخرج من أحدهم فينطلق الآخرون فى مشادات وتقلب الترابيزات على الرؤوس

فهنا فلان يكتب رأيه بصورة ساخرة عن فكرة ما لتنطلق الأفواه صارخة فيه

( إيييييييييييييييه أنت بتستهبل ولا إيه أزاى تقول الكلام ده لو مغيرتوش هجيب السنجة وأشرحك )

ويأتى الآخر ليقول

( وحياتك عندى لو ما شلت الكلام ده لهقيم عليك الحد وهقوم عليك كل حارة الفيس بوك والمدونات وتويتر وكل ما كان له صفحة على النت هخليه يرفع عليك صفحتة )

( لا لا لا أبسلوتلى أنا أتصدمت فيك صدمة فظيعة مريرة شنيعة يا وحش أنت )

ونذهب الى الجهة الآخرى نجد فلانة تكتب رأيها فى فكرة آخرى لتنطلق الأفواه لاعنة وساخطة لها

( إيه يا بت أنتى صحيح مش لاقية حد يلمك من هنا وجاية تطلعى عقدك علينا )

( أنتى فاكرة نفسك بتعرفى تكتبى أصلا )

( إيه يا جميل قاعد لوحدك لية لو بتدورى على عريس أنا تحت أمرك وفى النهاية ضحكة محششين )

( شكلك مرفهة ومش لاقية حاجة تعمليها وجاية تخنقينا هنا أمشى يالا بدل ما أرش عليكى مية نار )

وفجأة نجد نقاشات تصل الى حد الضرب ونجد الكل يجرى هنا وهناك ويتكلم على الميل والشات

( الحقوا فلان بيتخانق هناك )

( الحقوا فلانة بتضرب هناك )

ليصلنى شعور بأنى أقف على باب الحارة وفى نهايتها تجمع الكل ليتشاجر أما مع أو ضد فلان

لأجد نفسى أدندن أغنية يا ولاد حارتنا توت توت أحنا فى معبد حتشبسوت لأستيقظ بعدها من النوم وأجد الخناقة مازالت قائمة والكرسى مازال فى الكلوب

عجبى

حاسب من الاحزان و حاســـــــب لها حاسب علي رقابيك من حبلـــــــــــها راح تنتهي و لابد راح تنتهــــــــــي مش انتهت أحزان من قبلهــــــــــا ؟

عجبي

حزن وصدمة مالهمش حدود

هو إيه اللى حصل فى الدنيا بالظبط
هو أحنا عايشين فى دنيا ولا غابة
أنا بيتهيألى أن الواحد لو راح وعاش فى غابة هيبقى أهون بكتير من تصرفات وحاجات المفروض أنها بتحصل بين البشر


فعلا مفيش كلام ممكن يتقال أكتر من أنى حاسة أنى عايشة فى غابة وياريت الغابة دى ليها قوانين زى قوانين غابة الحيوانات ولكن للأسف غابتنا كل واحد عايش فيها بدراعه وبمزاجة وبيفصل قوانينة حسب مصالحة هو وبس متبع مقولة أنا ومن بعدى الطوفان

بجد أنا حزينة بشكل بشع

بص وطل

موضوع مفاجأة ليا فى بص وطل شوفوه



هنا


:)

أمرى الى ربى

أمرى الى ربنا وهو لوحده قادر على كل شىء وقادر يطمن قلبى ويريحه ويسعده



توكلت عليك يا الله

قلبى ليس أرضا تدوسها بقدميك

نعم قلبى ليس أرضا تدوسها بقدميك ولا تبالى بما تفعل ولا يهمك ما به
قلبى ملكى وحدى وما بداخله ملكى أنا وليس لأى شخص دخل بما داخل قلبى
شئت أم أبيت فلن أترك مشاعرى لك تلعب بها كما تشاء حتى لو قادنى الأمر أن أقتل قلبى وأدوسه تحت قدمى
ولكن لن أتركك تدوس أنت قلبى وتنظر لى بكل سخرية وسعادة بما تشعره داخلى
فكما قلت لك ما داخل قلبى ملكى أنا فقط والمشاعر ليست حكرا ولا فسق ولا فجور
فالله وحده هو القادر أن يريح قلبى ويبعثه الطمأنينة والراحة والسعادة
وأنت معك الله وأتمنى لك كل خير سعادة ولكن أحذر من جرح القلوب والوقوف عليها بقدميك لأنك حتما سوف تشعر بجرم ما تفعل يوما ما ولكن وقتها من الممكن أن يكون فات الوقت ومات قلبى من كثرة الانتظار

لية دايما الفرحة ناقصة حتة

فعلا لية دايما الفرحة ناقصة حتة
لية ما بقيناش نفرح فرحة بجد

الكلمات الضائعة والفرحة المنتظرة

أين ذهبت كلماتك التى كانت تغرق الشاشة ولا تستطعين التوقف عن كتابتها ؟؟

سؤال تسأله لنفسها بعد توقفها عدة أشهر عن الكتابة ونشرها لأشياء كتبتها وكانت تحفظها عندها فمنذ عده أشهر ويدها لا تستطيع كتابة كلمة أو كلمتين على الأكثر مع أن بداخل عقلها ملايين الأفكار ولكن ما سبب عدم خروجها على هيئة كلمات سؤال محتاج لاجابة

فرحة وطرحة تتطاير حولها والكل ينظر لها ويقول نفس الكلمة عقبالك مع أضافة بعض النكهات التى تحتاجها هذه المواقف من نظرات حسرة على حظها السىء من وجهه نظرهم وعلى أصرارها على رفض الأرتباط بطريقة عروسة المولد والغباء البشرى المنتشر

وكل ما يمر الوقت وهى تصر على موقفها وتعاند أكثر وأكثر ولا يهمها السن والوقت الذى يمر فهى لن تفعل ثانية الا ما يرضيها ويريحها مهما واجهت من مشاكل وضغوط فيكن ما يكن فلن تعيش غير عمر واحد فلتعيشة كما تريد هى طالما لا تفعل شىء خطأ

ومازلت تحتفظ بكم أبتسامات بلهاء وردود فعل تغيظ من أمامها لتفرسهم فى مثل هذه المناسبات القادمة عليها مثل الطوفان كأن الكل تذكر مرة واحدة أنهم يريدون أكمال نصف دينهم

وتستعد بكمية ردود فعل غبية أحيانا تجاه من يتخيلون أنها من ورث العائلة والكل يريد أن يحتفظ بها لنفسه كأنها عروسة لعبة أو كمالة الورث الذى ورثوه منذ سنوات طويلة وكل شخص يريد أن يخطفها ويجرى

تشعر حاليا بشعور أم العروسة الفاضية والمشغولة وابو العريس الفاضى والمشغول هو الآخر ولأول مرة فى حياتها تشعر بهذا الشعور مع أمتزاج مشاعر الفرحة والخوف والترقب لأشياء كثيرة ولأنها تعلم أن الدور القادم عليها وسوف تفعل كما تعودت وتنهى المسرحية كما تشاء

مع أضافة كلمة على التتر تقول أنتهى الدرس يا حلوين واللى فى القلب فى القلب

لتانى مرة فى اليوم السابع

موضوع عن الجروب الجديد بتاعى فى اليوم السابع

شوفوه هنا

عدد مارس 2010

عدد مارس 2010 من جريدة أسرار الغد حاليا فى الأسواق

شغل صفحة أسرار النت والتدوين

إحتفالات المدونين بتوقيع كتبهم فى معرض الكتاب

إحتفالية عيد الإنتماء

أنت تسأل والكمبيوتر يجيب

إحنا فى زمن العادى

توهة ومولد وأشياء آخرى

فلسفة النوم

تقريبا بسبب دراستى للفلسفة ومن قبل حتى دراستى لها وأنا أدقق وأراقب كل شىء وأى شىء وزاد هذا الأمر دراستى للفلسفة التى جعلتنى أدقق فى كل الأشياء مهما كانت صغيرة

وبما أن النوم شىء مهم وضرورى جدا لنا ولى أنا شخصيا وهذا لمقاطعتة لى قررت أن أتكلم عن فلسفة هذا النوم من وجهه نظرى الشخصية طبعا

بداية عندما نبدأ فى الذهاب للسرير ونجد أنفسنا ننظر للسقف ونظل ساعات وساعات هكذا مع أن المكان يكون مظلم ولا نرى شيئا من الأساس ولكننا نظل ننظر وننظر حتى تولدت عندنا فلسفة ( البحلقة ) نعم فلسفة البحلقة والنظر الى شىء مجهول وغامض ونظل نبحث فى هذا الشىء علنا نصل لأى نتيجة وغالبا وبعد دقائق عند بعض الناس أو ساعة أو ساعات عندى أنا شخصيا نذهب للنوم وهذه هى فلسفة البحلقة ( وهى نتيجة لكمية التتنيح والبحلقة فتكون مبحلق وتكونى مبحلقة وياترى بعد البحلقة دى وصلتوا لإيه )

نذهب الى شىء آخر وهو عندما نغمض أعيننا ومازلنا مستيقظين ونظل نسبح فى هذا العالم الغريب ونفكر ونتخيل ونعيش ونحلم ومن الممكن أن نذهب الى آخر الأرض ونعود ثانية وهذه هى فلسفة التخيل والحلم ( وخلينا مقضينها حلم وتخيل كده ما نشوف أخرتها إيه )

التطور الطبيعى لبعد البحلقة والحلم والتخيل هو النوم وهذا لدى الناس الذين يعرفون معنى هذه الكلمة فأنا واحدة من الناس أتمنى من كل قلبى أنا أعرف معنى هذه الكلمة كاملا ( يعنى لا تجزئة ولا قطاعى )

أتمنى أن أضع رأسى على وسادتى لأنام بعد عدة دقائق أو ساعة مثلا لأنعم بعدد ساعات معقول ولكن هيهات وكلا البتة ( نوم إيه اللى أنت جاى تقول عليه )

فأنا يجب أن أظل ساعتين أو ثلاثة أو أكثر أنتظر النوم وعندما يحن على وأنام يأتى صديقى الجميل الأرق ليوقظنى كل نصف ساعة أو أكثر بقليل وأظل مثلهم مستيقظة وفى النهاية من الممكن أن أظل ثلاث أو أربع ساعات يتخللهم أكثر من نصفهم قلق وبعدها يصيبنى الملل وأقفز من على السرير مثل المجانين تماما وتكون براسى كمية صداع وأشياء لا يمكن وصفها وهذا يوميا ليس يوم ولا أثنان فقررت أن أفعل مثلما نصحنى به بعض المقربين أن أقرأ وسوف أجد نفسى ذهبت فى نوم عميق وكل يوم أمسك بكتاب ما فى يدى ومن الممكن أن أنهيه وأظل مستيقظة للفجر وأحايل فى النوم بلا فائدة وبعدها بساعتين تستيقظ أمى لتذهب لعملها لتجدنى أتقلب وأحارب مع النوم وبعدها بساعة أو ساعتين تجدنى أتصل بها لتحضر لى معها أى شىء مع أنها تظن أنى مازلت نائمة وهكذا تأكدت أن فى بيتها مجنونة ما لا تنام الا قليلا وأصبحت كائن نهارى وليلى وحياتى بلا نوم وقريبا سوف أغنى ( يا سارق من عينى النوم والله بس أما أشوفك )

فأنا أيقنت أن النوم نعمة وأن له فلسفة خاصة وياليتنى أعرف فلسفة هذا النوم

ملحوظة الكلام ده من أفتكاساتى الشخصية وتخيلاتى بعد حالة الجنان اللى جاتلى من عدم النوم ولو كان فيه حد مشترك معايا فى هذا اللسعان يا أهلا ومرحبا بيتكم ومطرحكم برضة

عدت سنه

عدت سنة بحلوها ومرها وبكرة هتكون السنة كملت مش قادرة أنسى لحظة وداعى ليك فى المطار ومش قادرة لحد دلوقتى اتأقلم على عدم وجودك أصلك ماكنتش ليا أخ صغير وبس أنت كنت حاجات كتيرة قوووووووووى لو فضلت أكتب مليون موضوع مش هقدر أقول اللى جوايا

ده أنا ماكنتش قادرة أتحمل سفر أخويا الكبير ولما جيت أنت كمان سافرت حسيت أنى فقدت كل حاجة

فقدت الأب والأخ والصديق والأبن وحاجات كتيرة قوى كنت بحسها معاكم

بجد وحشتونى قوى والغربة اللى بقيت بحس بيها أكتر من غربتكم بكتير يمكن غربتكم لأنكم فى مكان بعيد ولكن غربتى أشد وأقوى لأنى فى نفس مكانى ولكن أقرب ناس ليا مش هنا وده محسسنى بغربة بشعة

وأكتر حاجة بتهون عليا أنكم مع بعض

نفسى أشوفكم قووووووووووى

ونفسى تنتهى الغربة دى ونرجع تانى نتجمع

كل حاجة هنا مالهاش طعم من غيركم ومش قادرة أحس بطعم أى شىء

عمالة أعد الأيام ومستنية نزولكم مصر بجد ما بقتش قادرة أستحمل بقى

وحشتووووووووووووووووونى جداااااااااااااااااااااااااااااااااا وبجد اللى جوايا واللى حاسة بيه ما تقدرش كلمات الدنيا توصفه بس فعلا قلبى موجوع قوى من عدم وجودكم معايا ووجعه مخنوق جواه لأنى مضطرة أخبى الوجع ده حتى عن أقرب الناس ليا

أغنية سريعة ليكم بتفكرنى بيكم مش عارفة لية

خايفة لما تسافر على البلد الغريب تنسى أنك فايت فى بلدك حبيب مستنى بأشواق تعبان من الفراق قوم ولع لك شمعة نورها مستنيك وفى عيونه دمعة تمسحها بإيديك لما تجينى تانى من البلد الغريب

كان نفسى أكون جمبك حبيبة من بلدك تسهر على راحتك تفرح لك لفرحك وتقاسمك فى جرحك والهم تشيلة عنك

لما تجيبنىتانى من البلد الغريب

خايفة تلاقى وردة تحلو فى عينيك تنسانى وتميل تقطفها بإيديك تجرحك الأشواك وتتعذب هناك أقطفها بإيديها وما تجرحش إيديك سيب الجرح ليا خلى الفرح ليك بس أرجعلى تانى من البلد الغريب

ملحوظة سريعة عندى شوية مشاغل وسفريات ومشاكل فى النت والجهاز علشان كده مش عارفة أعلق على تعليقاتكم فى المواضيع اللى فاتت ولا عارفة أدخل أى مدونة بسبب النت