Sunday, September 7, 2008

بعد أسبوع من رمضان

بعد ما عدى أسبوع من رمضان هاه أخباركم أيه عاملين أيه
ياترى يومكم عامل أزاى
صليتوا كل الصلوات فى أوقاتها؟
صلاه الفجر صليتوها فى ميعادها ؟
صلاه التراويح أخبارها أيه ؟
القراءن قريتوا فيه قد أيه ؟
الصدقة ؟
صلة الرحم؟
أفطار صائم؟
التسبيح ؟
الدعاء؟
والى نهاية كل الأشياء والعبادات عملتوا فيها أيه
وهل فعلا حسيتوا أن الأيام دى مختلفة عن غيرها وأنكم عملتوا حاجة جديدة
----------------------------------------------------
فيه حاجة كمان حبيت أنبه عليها وهو كان أقتراح منى وياريت فعلا ننفذه ودى حاجة هناخد منها حسنات كتير إن شاء الله وهيا
أول حاجة طبعا معظمنا عنده موبايل ممكن يا جماعة ساعة السحور وصلاه الفجر نرن على صحابنا وقرايبنا علشان يصحوا وتخيلوا بقى لو كانوا فعلا نايمين وصحيوا من الرنة دى أعتقد أنك هتاخد ثواب كبير قوى
وثانى حاجة طبعا فى كتير مننا ما يقدروش يعملوا شنطة رمضان ممكن نعمل حاجة بسيطة وليها ثواب كبير قوى وهيا طبعا كلنا عارفين البلح ممكن نشترى كيلو أتنين ثلاثة على حسب مقدرة كل واحد فينا وساعة صلاة المغرب نخلى حد يقف بيه عند الجامع يوزعه على الصايمين أو فكرة تانية ممكن نوديه الجامع لأى حد مسؤل هناك يوزعه ساعة المغرب وأعتقد أنه ده هيدينا ثواب كبير قوى
ولأى أقتراحات تانية ياريت تراسلونى علشان أنشرها هنا وكلنا نشترك فيها
ويارب تقبل منا كل أعمالنا
rohbosbos@gmail.com

وكل سنه وأنتم طيبين وربنا يتقبل كل أعمالنا

15 comments:

Rannon said...

والله يا بس بس الواحد مهما عمل في رمضان بيحس انه مقصر برضو

فعلا في ناس كتير بترنلي عالفجر
شكل اقتراحك وصل للناس كلها :D

جزاك الله خيرا ويارب يقدرنا على فعل الخير :)

أمل حمدي said...

ربنا يتقبل منا ومنك يا بوس بوس

انا عايزة اقول كمان ان المدارس داخلة والعيد والناس يمكن تكون محتاجة فلوس اكتر من الاكل
ياريت كل واحد منا يحاول يتصدق بدري ويخرج الزكاة بدري خصوصا للناس اللي عندها اولاد
وربنا يعيده عليكم بالخير
وجزاكي الله كل الخير يا بوس بوس

blue-wave said...

والله الواحد برضه حاسس انه مقصر
ربنا يعينا
واقتراحاتك هايله بجد
ربنا يكرمك

بسمه عبدالباسط said...

rannon

فعلا عندك حق الواحد حاسس انه مقصر جداااااااااااااااااااا

وجزاكى وجزانا الله كل خير

تحياتى

بسمه عبدالباسط said...

ماما أمولة

يارب يتقبل منا ومنك

فعلا عندك حق فى كلامك

وجزاكى وجزانا الله كل خير

تحياتى

بسمه عبدالباسط said...

blue-wave

فعلا الواحد حاسس انه مقصر جدا

ربنا يعينا

تحياتى

Anonymous said...

جزاكى الله خيرااا

افكار حلوه اوى

Coca said...

ازيك يا جميله كل سنه وانتي طيبه بعتلك ايميل شوفيه
مافيش فوانيس طيب اناعايزه فانوسي
هبعهم بعد رمضان

Anonymous said...

magn0lia

جزانا واياكم كل خير

تحياتى

Anonymous said...

coca

ازيك يا قمر انتى
وكل سنه وانتى طيبة
وخلاص انا شفت الميل الحمد لله كله تمام

للاسف مفيش فوانيس معلش بقى

تحياتى

فى القلب said...

كل رمضان وأنتى طيبه وربنا ما يحرمنا منك أبداًيا روحنا

وديماً تذكرينا وتعنينا على ألى ينفعنا

elsha3er said...

جزاكى الله خيرا عن هذا الموضوع الجميل

احمد الشاعر

Unknown said...

تغطية شاملة لمسار القوافل الإغاثية المتجهة لغزة

بسمه عبدالباسط said...

دارالعين

اهلا بيكم

شرفتنى زيارتكم

تحياتى

بسمه عبدالباسط said...

أنا أنسان

ماشى هاجى واشوف لتغطية
شكرا ليك

تحياتى