Monday, April 7, 2008

قوينى بيك

كتير بنشوف أن الواحد بيبقى جواه آحلام وطموحات كتيرة ونفسه يحققها وفى نفس الوقت مش لاقى دافع لده أو مش لاقى حد يشجعه ويقف جمبه ويفضل الواحد بيحاول فى حلمه وطموحه وبيحاول يقنع اللى حوالية باللى فى دماغة وفكره ويحاول يقربهم من حلمه علشان يساندوه ويكونوا معاه ويدوه شوية حماس ولكن كتير اللى حواليك بيحبطوك وبيبقى رد فعلهم على اللى أنت بتعمله محبط للغاية ولكن بتفضل عندك قدرة غريبة على التحدى وتخطى كل العقبات علشان توصل للى أنت عايزة ولكن بتكون من جواك مش سعيد بنسبة ميه فى الميه لأنك نفسك فى حد يفهمك ويشجعك بجد ويديك القوة اللى أنت محتاجها لأنك مهما كان عندك من قوة فى حالة أنه مفيش حد جمبك ولا حاسس بيك بتكون أضعف واحد ومهما حاولت تظهر بأنك غير كده
ولكن طموحك وحلمك دايما بيديك القوة والصلابة والشجاعة وبيخليك تتحدى كل حاجة وكل الناس وكل العقبات
لكن برضة بتكون مستنى حاجة تأثر فيك بقوة وتدفعك لقدام وتساندك وتقف معاك
وبتلاقى نفسك بتعمل حاجات كتير فى نفس الوقت وبتحاول تضاعف جهدك علشان تثبت ذاتك وبتكون فى تحدى كبير مع نفسك علشان تثبت للكل أنك تقدر تكون حاجة وتقدر تعمل حاجة
وبتوصل أكيد لحلمك ولطموحك وبتتحدى كل الناس وكل الظروف ولكن بتكون مستنى حاجة كمان تديك القوة اللى مش ممكن حد يديها ليك
الحاجة دى هيا الحب أيوة قوة الحب دى حاجة غريبة قوى بتديك دفعة لقدام بطريقة مش طبيعية بتخليك تعمل أضعاف أضعاف المجهود اللى كنت بتعمله علشان توصل لطموحك وحلمك وبتكون فى قمة سعادتك
بتلاقى جواك مشاعر حلوة قوى وبتلاقى نفسك بقيت أقوى بكتير
بتلاقى حد يفهمك ويقف جمبك ويساندك بكل ما عنده
حتى لو كانت مساندته عبارة عن كلمة أو موقف أو مشاعر حلوة بتخليك طاير فى السما
الحب هو أساس كل حاجة حلوة فى حياتنا
الحب بيخليك تدى كتيييييييييييير أكتر من الأول من غير ما تحس
بيخليك أقوى بكتير من الأول
بيخليك تتحدى أى حاجة وكل حاجة
بيديك دفعة لقدام ومن غير ما تحس هتلاقى نفسك بتتقدم خطوات كتيرة قوى
جميل قوى لما تلاقى نفسك بتتقدم خطوات كتير لقدام ولما تبص حواليك تشوف ايه اللى حصل تعرف أن فيه حد وجوده فى حياتك خلاك تتقدم كتير من غير ما تكون أنت متعمد أنك تتقدم ولا هو قاصد أنه يحصل كده ولكن دى حاجة طبيعية بتحصل بسبب المشاعر الحلوة اللى بتتولد جوانا بتخلينا حتى من غير ما نحس بنمشى لقدام وبنحقق آحلامنا سوا وبنعيش طموحاتنا ونتخيلها قدامنا واحدة واحدة
ومن غير ما تحس بتلاقى الأنسان ده بيكلمك عن حلمك وبيديك نصايح كتير علشان طموحك ده وبيدفعك بكلامه للتقدم خطوات كتيرة لقدام
ومن غير كلام بتلاقى المواقف نفسها بتحركك وبتحسسك بأن اللى قدامك عايزك تتقدم خطوات كتير وتوصل لحلمك وتعليه وتكبره
ومن غير مواقف بتلاقى النظرات كفيلة بنقل كل المشاعر دى
ومن غير نظرات الحب لوحده كفيل بكل ده وبيخليك لوحدك تعيش حياتك كأنك طاير فى السما وبتلاقى نفسك بكل تلقائية بتحاول تكون أحسن وأحسن وبتتقدم أكتر وأكتر
فى النهاية الحب له أثر كبير فى حياتنا والحب بكل أنواعه مش شرط حب الرجل للمرأة
فى النهاية لازم كلنا نقف جمب بعض ونحب بعض بجد ونحاول نساند بعض ونقف مع طموحاتنا وطموحات وآحلام غيرنا مش نفكر فى نفسنا بس

13 comments:

محمد صبرى said...

القوة هى الحب , و الحب هو القوة ,الحب طاقة بتوفر مجهود نفسى كبير جدا بيضطر يكابده اللى محروم منه و المدهش انه هو هو الحب اللى بيدى دفعة للانسان عشان يبذل أقصى مجهود ممكن فى خدمة أحلامه و طموحاته الخاصة و المشتركة بينه و بين حبيبه بيعمل ده و هو فى منتهى السعادة ..فعلا اللى بيلاقى الحب و يعيشه بيلاقى حياته و يعيشها ..






مش هنسى أقولك مبرووووووك تانى و ربنا يديمه عليكى :(

صاحب المضيفة said...

ربنا يزيدك سعادة وحب في طاعته يارب


كلملاك جميل ويعبر عن حالة جميلة من القرب والود الخالص


تحياتي

عاليا حليم said...

الأنسان لما بيقى بيقوام الريح لوحده بتبقى المهمة صعبة و المشوار صعب و مجهد لكن لما بتبقى فيه أيد بتسند بيهون كل شئ

تحياتى

عاليا حليم said...

على فكرة صحيح انا ملقتش ليكى موضوع فى مجلة كلمتنا العدد ده للأسف

bos bos said...

محمد صبرى

فعلا الحب هو القوة
وكل كلامك صح
وفى الصميم بالظبط

الله يبارك فيك وعقبالك لما تلاقى نصك التانى

تحياتى لك

bos bos said...

صاحب المضيفة

ربنا يخليك وشكرا على كلامك وسعيدة جدا ان معنى كلامى وصل بسهولة كده

تحياتى لك

bos bos said...

عاليا حليم

يا سلام عليكى لما بتجيبى كل اللى جوايا فى كلمات بسيطة

فهمانى دايما

bos bos said...

عاليا حليم

عرفت يا جميل لانى جبتها وشفت ومبروك على موضوعك الرائع مع تمنياتى بمزيد من النجاح

تحياتى لكى

شقاوة شعب said...

لأ بجد البوست ده اكتر من رائع

وواقعى جدا جدا
الانسان لما بيحب بيبقى فعلا عنده طاقة رهيبة لعمل اى شئ ولتحدى كل المعوقات

ده غير ان الحب بيدى الانسان ثقة فى نفسه كبيرة جدا فى التعامل مع الناس

الحب ده شئ جميييل جدا
وقوى جدا جدا

تحياتى
شيماء

bos bos said...

شقاوة شعب

فعلا عندك حق فى كل كلامك
الحب هو الحيااااااااااااااااااااااه

سعيدة بزيارتك لمدونتى وان البوست عجبك

تحياتى لكى

blue-wave said...

فعلا الحب هوا احلى شئ فى الوجود
ال ح حكايه حبنا ماحنا اتخلقنا لبعضنا
هانعيش حياتنا وفرحنا طول ما السعادة دى فى الإمكان
وال ب بدايه تضمنا ونعيش فى جنه لوحدنا
نحلم يادوب على قدنا ونعيش فى اى زمان ومكان
تحياتى

bos bos said...

blue-wave

اكيد الحب احلى شىء فى الوجود
وشكرا على المشاركة الجميلة دى
وعلى زيارتك

تحياتى لك

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影