Tuesday, October 9, 2007

عيد سعيد عليكم

كل سنه وأنتم طيبين بمناسبة عيد الفطر المبارك

ويارب يكون عيد سعيد عليكم كلكم

أنا ليه بقى بهنيكم بدرى

علشان هكون مسافرة فى العيد وقلت أحط البوست وأسيب المدونة وكل حاجة أمانة فى رقبتكم لحد ما أرجع
ما هو عيد وطالما عيد يبقى فيه لمة وزيارات وعيلة وطالما عيلة يبقى لازم أسافر لبلدى
كل سنه وأنتوا بكل خير ويارب تكونوا كلكم فى أحسن صحة وحال يارب


عايزة أتكلم فى شوية حاجات

أولا ياريت ما تنسوش صيام الست أيام البيض وقدامكم من ثانى يوم العيد لحد نهاية شهر شوال

ثانيا بقى ياريت ما نبطلش بقى كل حاجة يعنى اللى التزم بالصلاه فى مواعيدها فى رمضان ياريت يكمل على كده

واللى التزم بحاجات تانية كتير ياريت يحاول على قدر الأمكان يعملها

والقراءن ياريت ما نهجروش حتى لو قريت صفحة واحدة كل يوم

صفحة تخيلوا الصفحة هتاخد منكم وقت أد أيه بس هنكون عملنا حاجة كويسة وما هجرناش القراءن

فيه حاجات كتير بس بعد العيد بقى هنبدأ نتكلم فيها


أيه تانى يا بوس بوس أيه

أيوة أيوة

يا جماعة العدد الخامس من مجلة نفسنا نزل من يومين وأنا عارفة أن الناس كلها مشغولة بس بعد رمضان أعتقد هتكونوا فاضين بتمنى فعلا تزوروا المجلة وأعرف رأيكم


فيه بوست جديد فى مدونتى بنك الخير بوست مهم قوى أبقوا شوفوه


عيد مختلف


وكل سنه وأنتوا طيبين

أيوة أيوة فيه حاجة كمان شوفوا وصفتى فى مدونة مطبخنا وان شاء الله بعد العيد هتشوفوا وصفات كتير

وأكلات حلوة

الجلاش




22 comments:

همسات ساكنه said...

كل سنه وانتي طيبه يا بوس بوس
وعيد سعيد عليكي يارب
وان شاء الله تقضي اجازه سعيده
فعلا ياريت كلنا نحافظ على الحاجات الكويسه اللي كنا بنعملها في رمضان
ونزور قرايبنا
اهم حاجه كمان
نفتكر ان فيه فقير مجبش هدوم عيد .. فرحته بالعيد اننا نفرح معاه
منحسسهوش انه فقير
نحسسه انه انسان زيه زينا يقدر يفرح هو كمان بالعيد
فيه ناس كتير محتاجه على الاقل كلمه حلوه تسمعها
كبار السن واليتامى وغيرهم من الناس ياريتنا واحنا بنعيد نفتكر كل الناس دي معانا

ربنا يكرمك يا بوس بوس يارب وتقضي احلى اجازه ان شاء الله
وكل سنه وانتم طيبين

Mohamed Hamdy said...

كل سنه وانتى طيبه يا بس بس وإن شاء الله العيد الجاى تبقى احسن واحسن .. وتروحى وترجعى بالسلامه انبسطى وفرفشى كويس عشان لما ترجعى وتنشغلى يبقا عندك طاقه لكل دة

تحياتى

bos bos said...

همسات ساكنة

وانتى طيبة وعيد سعيد عليكى أنتى كمان ان شاء الله
فعلا كل اللى قلتيه لازم ناخد بالنا منه وربنا يهدى الجميع
يارب يكون أحلى عيد عليكى
تحياتى لكى

bos bos said...

mohamed hamdy

وانت طيب
ان شاء الله الناس كلها تكون أحسن كل عيد
الله يسلمك أكيد كل واحد مننا بيحتاج أجازة يريح فيها شوية ويغير جو ويشوف حاجات جديدة علشان يقدر يكمل حياتة وشغله
تحياتى لك

Soooo said...

كل سنه وانتي طيبه ويارب يعيد علينا الايام بخير وسعاده
اللهم تقبل صيامنا وقيامنا
اللهم بلغنا رمضان القادم
اللهم اغفرلنا بحق صيامنا وقيامنا
اللهم تقبل
اللهم امين


وكل سنه وانتي طيبه

nourhetler said...

كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره

تحياتى لكل عظيم وعظيمه

mesh2dra said...

السلام عليكم

كل سنة وانتي طيبة بوسي

وتروحي وترجعي بألف سلامة

عيد سعيد :))

سلاماتي

أحمد عيسي said...

كل سنة وانتي طيبة وان شاء الله يكون عيد سعيد عليكي
وتروحي وترجعي بالسلامة
وربنا يثبتنا بعد رمضان امين يارب

Human said...

كل سنة وانتم طيبين ...وعساكم من عوادة

حـريــة الــفـكــر والابــداع said...

كل عام وحضرتك بالف صحة وسلامة وسعادة وخير
عيد سعيد
تحياتى

bos bos said...

sooo

وانت طيب وربنا يتقبل منا جميعا
وكل سنه وانت طيب وبخير وبصحة وسعادة
تحياتى لك

bos bos said...

nourhetler

كل سنه وانت طيب وبخير
وربنا يحقق أمنيتك
تحياتى لك

bos bos said...

mesh2dra

وعليكم السلام
وكل سنه وانتى طيبة وبكل خير وصحة وسعادة
الله يسلمك يا جميل
تحياتى لكى

bos bos said...

أحمد عيسى

كل سنه وانت طيب وبكل خير وصحة
الله يسلمك
ربنا يتقبل منا أعمالنا
تحياتى لك

bos bos said...

Human

كل سنه وانت طيب
تحياتى لك

bos bos said...

حرية الفكر والأبداع

كل سنه وانت طيب وعيد سعيد عليك
تحياتى لك

sendbad said...

كل سنة وانتي طيبة عيد سعيد
تحياتي

bos bos said...

sendbad

وانت طيب
وعيد سعيد عليك
تحياتى لك

بيجاسوس المصرى said...

كل سنة وانتى طيبة و بخير دايما و السنة الجاية ربنا يحقق كل أمنياتك بأذن الله

و عيد سعيد عليكى

غمض عينيك said...

كل سنة وانتي طيبة يابوس بوس
وعيد سعيد واجازة سعيده
ويارب دايما العيد يبقى لمة وفرحة والايام كلها تبقى عيد

على رأيك عدى رمضان وربنا يثبتنا من بعده

تحياتي ليكي
محمد سمير

bos bos said...

بيجاسوس المصرى

وانت طيب
شكرا على كلامك وزيارتك
وربنا يوفقك

تحياتى لك

bos bos said...

غمض عينيك

كل سنه وانت طيب
وعيد سعيد عليك
يارب فعلا ربنا يثبتنا

تحياتى لك