Monday, September 3, 2007

رمضان من وجهة نظر أخرى

كل سنه وأنتم طيبين بمناسبة حلول شهر رمضان أعاده الله عليكم بالخير والبركات
طبعا كل الناس هتكتب مواضيع عن رمضان وفضل شهر رمضان وفضل الصيام
وفيه ناس بتطالب بعدم الكتابة فى المدونات علشان تضيع الوقت
وناس بتطالب بكثرة عمل أفعال الخير
وأنا مش معترضة طبعا عن حاجات من اللى فوق دى ولكن أنا عايزة أتكلم عن حاجة تانية خالص ومهمة جدا جدا
لية الناس بتلتزم بس فى رمضان وباقى الشهور لا
لية الناس بتشد على نفسها فى الصلاة فى الجوامع وحتى لو فى البيت تكون جماعة مع عيلتة فى رمضان وباقى الشهور لا
لية الناس بتكتر من الصدقات والأحسان والمعاملة الكويسة وصلة الرحم وقيام الليل وكل حاجة كويسة فى رمضان وباقى الشهور لا
سؤال مهم هو أحنا هنتحاسب عن شهر رمضان بس ومش هنتحاسب عن باقى شهور السنه
طبعا رمضان فيه فرص كتيرة وكنوز كتيرة ولازم كلنا نعمل ما فى وسعنا ولكن لية بعد رمضان بنسيب كل حاجة
بمعنى ما بنعملش أى حاجة خالص خالص
أنا مش بقول أننا المفروض نكون زى رمضان بس على الأقل نكون زى نصه أو ربعه
مش عارفة أيه النظرية بجد ياريت حد يفهمنى هو أحنا فعلا مش هنتحاسب غير عن الشهر ده
أحنا يا جماعة هنتحاسب عن السنه كلها بما فيها رمضان ولا أيه
ياريت ما ننساش ده أننا هنتحاسب عن السنه كلها مش رمضان بس ياريت تفوقوا قبل فوات الآوان
وطبعا عايزة أقول لكم حاجة كمان فيه ناس بتشد على نفسها قوى قوى وهو بالكتير أول كام يوم وأسبوع بالظبط وتلاقيهم بطلوا كل حاجة يا جماعة الأعتدال ابدأو واحدة واحدة علشان ما تبطلوش مرة واحدة
وحاولوا تكونوا كده السنه كلها
ياريت أعرف رأيكم بصراحة
-----------------------------
تحديث
وأنا بلف على المدونات لاقيت ناس عاملين مدونات لرمضان زى
-----------------------------
تحديث للمرة المليون
يا جماعة أنا مش قصدى من كلامى اللى فوق ده أن الناس تكون متكاسلة فى رمضان أو ما تشدش على نفسها لا بالعكس أنا عايزة الكل يعمل ما فى وسعه ولكن كل اللى كنت بقوله هو لية الناس بتلتزم بس فى رمضان وبعده ما بتعملش حاجة خالص وده كلام واقعى وكلكم عارفينه أن كل الناس بتعمل كل حاجة فى رمضان وبعده مفييييييييييييييييييش كل حاجة بتتنسى هو أحنا مش هنتحاسب غير عن رمضان بس
يا ريت أكون وصلت وجهة نظرى

58 comments:

غمض عينيك said...

رمضان فرصة كبيرة اوي ان كل واحد يعود نفسه على نظام حياه كامل اكثر التزاما لكن المشكلة زي مانتي قلتي كل واحد بيدخل في الموضوع مرة واحدة وبيكون عايز كل حاجة صلاة في الجامع وسنن وقران واذكار و و و وفي الاخر يتعب ويكسل ويقول كفاية ويومين وينسي وترجع ريما لعادتها القديمة

ربنا يهدينا ويبلغنا رمضان على خير ان شاء الله
كل سنة وانت دايما بخير وصحة وسعاده وهنا يا بوس بوس
محمد سمير

mesh2dra said...

السلام عليكم

عارفة ليه
عشان رمضان ده شهر المغفرة
ولو شديت حيلي شوية فيه ربنا
حيكرمنى وكمل باقي شهور السنة على نفس المنوال
لغاية ما رمضان بتاع السنة اللي بعدها ييجى
فأقوم شاحنة تانى البطارية اللي فضيت

:)كل سنة وانتى طيبة يا بسبس
ليكى التاج الاولانى

سلاماتى

بنوتة said...

انا على فكرة لما اكون مش قادرة اصلي او تعبانة بصلي الصالاة الى بعديها و الى قبليها على فكرة مش كل واحد او واحدة كده ولاهي بجد بجد

تامر حسين said...

ربنا يهدينا جميعا قادر يا كريم ويارب رمضان السنه دي يكون رحيم بينا مع الحر اللذيذ ده
تحياتي

عصفور المدينة said...

أكرمك الله ولكنها فرصة وكثيرون يكون بدايتهم معه
يعني نوع من التمرين
شدة زي مابيقولوا

Unknown said...

طبعا انا مع كل الكلام الى اتقال طبعا رمضان فرصة اننا نعود نفسنا على عادات كويسة بس المهم انها تستمر بعد رمضان
وربنا يهدينا كلنا ويعيد رمضان علينا بالخير يارب

دنـيـا محيراني(ايناس لطفي said...

و الله عندك حق يمكن عشان رمضان بتكون الناس في حاله واحده فالكل بيتلاحم و بعد رمضان العزيمه بتقل
و ممكن لا نجد احد يشجعنا ربنا يثبتنا في رمضان و بعد رمضان
كل سنه و انتي طيبه

بيجاسوس المصرى said...

اولا
كل سنة وانتى طيبة و بخير دايما
و ربنا يبلغنا شهر الصيام بأذن الله

المشكلة فى الموضوع ان الناس تفضل الشهر كله عباده و طاعه و اول يوم فى العيد تلاقى الحدوتة اتقلبت خالص

المهم مدونتك جميلة و اشكر بجد على لفته شيماء رحمها الله و مش عايزين ننسى اننا ندعى لشيماء فى رمضان

بيجاسوس المصرى said...

بالحق
ده البوست اللى اتكلمت فيه عن شيماء رحمها الله

http://pegasuselmasry.blogspot.com/2007/08/blog-post_08.html

مؤمنه said...

السلام عليكم ورحمة الله وبركاته
طبعا معاكى ايحنا هنتحاسب على السنه كلها بس رمضان بالذات ليها أفضليها عل باقى الشهور
عشان كده الرسول عليه الصلاة والسلام كان بيشد المأزر فى رمضان خاصه فى العشره الأواخر
وممكن نلاقى ناس طلعت من رمضان بفضله ربنا هاديها
ونتمنى ان ايحنا نكون دايما حالنا فى السنه كلها زى رمضان
نسأل الله
واللهم بغنا رمضان وأعنا عليه ونولنا فضله
دومتى بخير أختى الكريمه
والسلام عليكم ورحمة الله وبركاته
والسلام عليكم ورحمة الله وبركاته

س.حلم لا ينتهي said...

يمر الإنسان في دورة حياته عبر محطات لا إرادية تشكل وجدانه وتدفعه للبحث عن صيغة الوصول وخلال الرحلة يحتاج لبعض التأمل واستراحة روحية يستلقى بأشرعته على ميائها الهاديء فلا بأس أن تكون تغييرا عما تعود عليه من رتابة الرحلة وصعوبة صوت القطار

بسمه عبدالباسط said...

غمض عينيك

هو فعلا فرصة كبيرة بس نعرف أزاى نشتغل فيه ونحقق حاجات كتير والأهم من ده أننا نحاول نكون كويسين بعد رمضان يعنى مش رمضان يخلص ونرجع تانى لعاداتنا وكل حاجة وحشة كنا بنعلمها
وكل سنه وأنت طيب
تحياتى لك

بسمه عبدالباسط said...

mesh2dra

وعليكم السلام
أكيد طبعا أحنا عارفين أنه شهر المغفرة وكلنا لازم نعمل ما بوسعنا لكن مش معنى ده أننا بعده نسيب كل حاجة أنا والله بستغرب من منظر الناس فى رمضان ومنظرهم بعده وأكيد أنتى فهمانى
وكل سنه وأنتى طيبة
وشكرا على التاج يا جميل وأنا جاوبتة قبل كده وهاتلاقية فى المدونة تحت شوية
تحياتى لكى

بسمه عبدالباسط said...

بنوتة

أهلا بيكى يا جميل وسعيدة بزيارتك وبرأيك
وربنا يقوينا كلنا
وكل سنه وأنتى طيبة
تحياتى لكى

بسمه عبدالباسط said...

تامر حسين

يارب أهدينا كلنا هو فعلا الحر وحش قوى لكن ما تقلقش الساعة كمان هتتغير ولازم نتعود على الحر ده لأن كل سنه رمضان هيقدم شوية
كل سنه وأنت طيب
تحياتى لك

بسمه عبدالباسط said...

عصفور المدينة

طبعا رأيك له كل الأحترام وهو فعلا فرصة وساعات بيكون بداية لناس كتير
لكن ما نقدرش ننكر أن ناس كتير بتكون كويسة قوى فى رمضان وبعده بتنسى كل حاجة
كل سنه وأنت طيب
تحياتى لك

بسمه عبدالباسط said...

ايوية

يارب بجد تستمر بعده وده اللى بتمناه ونفسى فيه
وكل سنه وأنتى طيبة
تحياتى لكى

بسمه عبدالباسط said...

دنيا محيرانى

يارب ثبتنا فى رمضان وبعده وثبتنا فى حياتنا كلها
وكل سنه وأنتى طيبة
تحياتى لكى

بسمه عبدالباسط said...

بيجاسوس المصرى

وأنت طيب ويارب بلغنا رمضان وثبتنا على الأيمان
وكلامك صح الناس بتفضل كويسة لحد يوم العيد ماتعرفش أيه اللى بيحصل
وسعيدة أن المدونة عجبتك
وبخصوص موضوع شيماء لازم كلنا نفتكرها وندعى لها فى رمضان
تحياتى لك

بسمه عبدالباسط said...

بيجاسوس المصرى

شكرا على اللينك وأنا ضفته عندى
تحياتى لك

بسمه عبدالباسط said...

مؤمنه

وعليكم السلام ورحمه الله وبركاته
طبعا أنا عارفة فضل شهر رمضان بس ياريت نفضل مستمرين على الطاعة بعده كمان
وشكرا على رأيك
تحياتى لكى

بسمه عبدالباسط said...

س.حلم لا ينتهى

سعيدة بزيارتك وبتمنى ما تكونش الأخيرة
وسعيدة برأيك وكلامك
وكل سنه وأنت طيب
تحياتى لك

Anonymous said...

رمضان كريم علينا جميعا
ربنا يقوينا فيه وبعديه انشاءالله
الموضوع بفرق بعد رمضان بسبب الناس والصحبه
يعنى لو عندك همه عاليه وحواليكى ناس مش قوى بالتدريج هتهبطى
فالصحبه الحسنه هى الاساس
وربنا يقوينا جميعا

بسمه عبدالباسط said...

shayma

ربنا يقوينا جميعنا ونفضل زى ما أحنا بعد رمضان كمان مش لازم يعنى زيه نصه مثلا بس ما نسيبش كل حاجة
كل سنه وأنتى طيبة
تحياتى لكى

sherif gharib said...

بصى يا ستى انا معاكى فعلا ان احنا بقينا بنتعامل مع العباده على انها شهر رمضان بس فعلا
و ده بقى نتيجه ايقاع الحياه اللى بيلهى كل واحد طول الوت معاكى ان ده مش صح
بس ده فعلا بقى الواقع اللى بيحصل و علشان كده الناس بتبقى فى رمضان مستنيه الفرصه انها تكفر كتير قوى عن الاهمال فى العباده طول السنه
لانه بيحس انه شهر روحانى يعنى ضميره بيانبه انه يضيع حتى شهر العباده
تحياتى و ربنا يتقبل منا جميعا

حواء said...

عندك حق يا بسبس وخصوصا البنات اللى بتلبس الحجاب اما بتخرج وهى صايمة وبتشيله بعد رمضان او بعد الفطار كمان طبعا ده نفاق نفاق وبتضايق جدا منهم وبشوفهم كتير فى الشغل وبكلمهم ومش بيسمعوا .. ربنا يهدى

بسمه عبدالباسط said...

sherif gharib

أنا عارفة أن رأيك ده رأى كل الناس بس ما ينفعش خالص كده غلط وأنا مش بقول أننا لازم نكون زى رمضان بس على الأقل نتحلى بالأخلاق اللى بنحاول تكون فينا فى رمضان وكمان نحاول نعبد ربنا كويس مش لازم بقى طول اليوم بس نحاول أحنا بنضيع وقت كتير ومش عارفين ندى لربنا جزء من وقتنا
تحياتى لك

بسمه عبدالباسط said...

bocycat

فعلا النقطة دى بتضايقنى جدا جدا
بس هنعمل ايه
ربنا يهدى
تحياتى لكى

Unknown said...

و انتى طيبة يا بوس بوس
و الله يا بنتى سالت نفسى السؤال ده كتير ليه فعلا الواحد بيلتزم بس فى شهر رمضان و بقيت السنة عايش فى غيبوبة ما لقتش اجابة مش عارفة

بسمه عبدالباسط said...

عاليا حليم

هيا فعلا حاجة غريبة
ربنا يهدى كل الناس
تحياتى لكى

كلاكيت تانى وتانى said...

يا بس بس النهاردة كنت معدية ع المحكمة وسألت صاحب مكتبق قدامها
هو فية محاكم فرمضان
قاللى اة اال هتقفل سألتة هوة الناس لية مبتتقيش ربنا فبعضها فرمضان وغير رمضان ؟؟؟؟؟؟
ضحك وقاللى اصله بيحبوا المحامين يعملوا شغل رديت لا دول متفقين مع شياطينهم يكترولهم الشغل
ربنا يغفرلنا ذنوبنا ويبعد عنا شياطين الأنس والجن
تحياتى

يا مصر اكتب إليكي رسائلي said...

يسرني ان اتقدم بخالص التهاني وأطيب التمنيات
لكم والأسرة الكريمة والأصدقاء
بمناسبة حلول شهر رمضان المبارك ،
أعاده الله علينا وعليكم وعلى مصرنا الحبيبة
بالخير واليمن والبركات
تقبل الله وكل عام وانتم بخير

بسمه عبدالباسط said...

كلاكيت تانى وتانى

ربنا يهدينا كلنا مش عارفة بجد الناس حصل لها أيه
تحياتى لكى وشرفتينى بزيارتك الجميلة دى

بسمه عبدالباسط said...

يا مصر اكتب اليك رسائلى

كل سنه وأنت طيب وأعاده الله علينا بالخير واليمن والبركات
تحياتى لك

kafrawy said...

كل سنة وانتى طيبة

BaSsMa said...

على رأيك ياختي
:p
لا فعلا والله معاكي حق كلامك مية مية
بس ربنا يهدي
في معتقدات وعادات عجيبة عند البشر وطباع وتصرفات أعجب
المهم ياقمر
كل سنة وانتي طيبة ورمضان كريم وربنا يتقبل من الجميع
:)

بسمه عبدالباسط said...

kafrawy

وأنت طيب
تحياتى لك

بسمه عبدالباسط said...

bassma

وأنتى طيبة يا جميل وكل سنه وأنتى طيبة
تحياتى لكى

أحلى حيـــاة said...

كل عام وانت بخير

Anonymous said...

كل عام وحضرتك بخير
وربنا يتقبل منك

فى القلب said...

فعلا يا حبيبتى كلامك كله حقيقى
فعلا النفس بس هى ألى أوحت لنا أن أحنا أدام عملنا ألى علينا فى رمضان يبقى كده كله تمام
ونعمل ألى عايزنه خارج رمضان
فعلا أنتى نورتى لنا فكره غائبه عن كثير من الأذهان

مؤمنه said...

السلام عليكمورحمة الله وبركاته
مشتاقين للجديد يا قمر
دومت بكل خير
والسلام عليكم ورحمة الله وبركاته

بسمه عبدالباسط said...

أحلى حياه

وأنت بكل خير
تحياتى لك

بسمه عبدالباسط said...

حزين

وأنت بكل خير
وربنا يتقبل مننا جميعا
تحياتى لك

بسمه عبدالباسط said...

فى القلب

كلامك صح وأحنا فعلا بقينا بنسى حاجات كتير قوى وياريت نرجع تانى لكل حاجة نسيناها
كل سنه وإنتى طيبة
تحياتى لكى

بسمه عبدالباسط said...

مؤمنه

وعليكم السلام ورحمه الله وبركاته
متشكرة جدا على سؤالك ومعلش مشغولة شوية اليومين دول بالأضافة الى أنقطاع النت الدائم
بس بحضر لمفاجأة يارب تعجبكم
تحياتى لكى

سجدة said...

اولا فى رمضان بتكون الشياطين مش موجودة مع الإنسان
الإجماع على العبادة
يعنى الكل شغال فى العبادات طبعا دا دافع كبير على الطاعة
فدا طبعا عامل كبير بيخلى الانسان على فطرته بيحب الطاعة والعبودية لله
فدا من اكتر الحاجات اللى بتساعد على كثرة الطاعة فى رمضان
لكن باقى الشهور بيكون العبادات فى جهاد كبير مع الشيطان والنفس
فطبعا شوية بيخسر وشوية بيكسب
وافضل حاجة لما الواحد يعود نفسه على الطاعات طول السنة وفى رمضان بيزود
لكن طبعا الإيمان بيكثر وينقص
المهم ان تكون نية الإنسان فعلا انه يكون عباد لله
والله يغفر لنا التقصير

الزعيـمة said...

عزيزتي bos bos

كل سنة وانتى طيبة ورمضان كريم
وبشكرك لسؤالك عني فترة غيابي

اكيد مفهوم من كلامك اننا لازم نهتم فى كل الشهور بالطاعه وعمل الخير

وبكدا نخلى رزق وثواب وخير رمضان طول السنة وافضل الاعمال ادومها

بشكرك على ما كتبتية وكل سنة وانتى بخير

بسمه عبدالباسط said...

سجدة

كل سنه وأنتى طيبة وفعلا كل اللى قلتية صح وربنا يهدينا جميعا
تحياتى لكى

بسمه عبدالباسط said...

الزعيمة

كل سنه وإنتى طيبة وبكل خير
وبلاش تشكرينى على سؤالى ده واجب وياريت ترجعى تانى وتنورينا بمواضيعك
وشكرا على رأيك الجميل وياريت فعلا كل الناس تعمل بيه
تحياتى لكى

م said...

كل سنه وانتى طيبه

مؤمنه said...

السلام عليكم ورحمة الله وبركاته
مستنين المفاجأه وان شاء الله هتعجبنا
بس يارب تكون قبل رمضان
لأنى فى رمضان ما فتكرش انى هدخل نت وربنا يعنى على كده
دومت دوما بخير
والسلام عليكم ورحمة الله وبركاته

AHMED SAMIR said...

هو يعني يا بس بس مش التزام شهر احسن من عدم الالتزام اصلا؟
طبعا المفروض ان كل السنه يكون فيها التزام على طول انما لو دة مش ممكن في ظل مغريات الحياة وبلاويها الرهيبة اللي بتمر علينا دي يكون الالتزام في رمضان نعمة ربنا يتمها علينا
كل سنة وانتي طيبة ويارب تعذريني على التقصير ولكنه لظروف عائلية والله
تحياتي واحتراماتي

maioya said...

والله انتي عندك حق
انا قاعده مع واحده
وبقولها الواحد ناوي في رمضان
ده بقي نيه كويسه اوي
وناوي يقضيه رمضان رمضان
قالتلي اه والله بس هوا رمضان يعدي
وربنا يغفرلنا بعد كده نعمل ذنوب تاني
انا حقيقي استغربت اوي
بس هاقولك حاجه بالنسبه لان الناس بتشد في رمضان اوي
في ناس بتعبرها بدايه انها تحقق حاجه كبيره في علاقتها بربنا ورمضان فرصه طبعا
بس ده اللي هايطلع من رمضان ويكمل بقيه السنه علي نفس النظام بتاع رمضان
مش الناس اللي بتبقي شاده اوي فر رمضان وبعدمايعدي يرجعوا تاني
لنفس الحاجات اللي كانت بتتعمل قبله
لان اكيد ربنا عالم بنيه كل واحد فيها ايه وربنا يدي كل واحد علي اد نيته
ده اللي هاقوله يعني
كل سنه وانتي طيبه :)

بسمه عبدالباسط said...

محمد الهنداوى

كل سنه وأنت طيب وبكل خير
تحياتى لك

بسمه عبدالباسط said...

مؤمنه

كل سنه وإنتى طيبة
بس للأسف مش هلحق قبل رمضان ربنا يسهل وحاولى تدخلى ساعة كده تشوفينا
تحياتى لكى

بسمه عبدالباسط said...

a.samir

حمد الله على السلامة الأول
وكل سنه وأنت طيب
هو فعلا الحياه بتلهى كل الناس بس مش لازم نعمل زى رمضان على الأقل بس نعمل ربعه أى حاجة لكن مش نسيب كل حاجة
تحياتى لك

بسمه عبدالباسط said...

may

كل سنه وأنتى طيبة
وطبعا عندك حق فى كل كلامك
وربنا يهدينا كلنا يارب
تحياتى لكى