زغروطة نهارية

ليس مستبعدا أبدا أن تتغير كلمات الأغانى مثلما تتعدد طرق الزواج وكل يوم نخترع طريقة زواج جديدة وأخرها الزواج النهارى لتصبح الأغنية

زغروطة نهارية رنت فى بيتنا وحاسبوا من عين الناس عليا

وطبعا مع أختلاف طرق الزواج من الممكن أن يتحول لزواج العصارى أو المغربية وكله حسب الطلب

ولا بأس عزيزى الشاب وعزيزتى الشابة فالسوق الآن أصبح به كل ما ترغبون فيه

تريدون زواج موضة جديدة لأن الزواج العرفى وزواج الدم وغيره وغيره أصبح دقة قديمة فوصل اليكم الآن الزواج النهارى

وهو بأختصار تسهيل لعمليات الدعارة والضحك على ذقون البنات والشباب ممن كبر سنهم وظروفهم منيلة بستين نيلة ويودون أخذ ما حلله الله بطريقة قذرة وطريقة راااااااااائعة للرجال معدومى الذمة والضمير ويريدون فعل ما يريدونه نهارا أوقات عملهم بدون علم الزوجة وهو بهذا لا يرى أى خطأ ويضحك على عقل أى فتاة تحت مسمى الزاوج

يذهب لها نهارا كأنه يسرق فى أوقات عمله وبعد ذلك يذهب لمنزله ولزوجتة وأولاده كأن شىء لم يكن

وأتوقع خلال أيام أننا سوف نرى من يحللون هذا الزواج على القنوات الكثيرة المتخلفة والذين يرتدون كل ما هو غالى وأستايل ويلبسون ثوب التدين وقبل أن تطلون علينا بفتوى أن هذا الزواج صحيح وحلال

أين الأشهار يا سادة أليس من شروط الزواج الأشهار

أين حقوق هذه الفتاة وهل هذا يعد زواج أم طريقة جديدة لتحليل الدعارة ولتسهيل كل شىء على الأزاوج أصحاب النفوس الدنيئة والعين الزائغة

وقبل أن يطل علينا آخرين بدعوى أنه سوف يحل مشكلة العنوسة بالنسبة للطرفين وأهو ممكن كل طرف يفضل فى بيته ويتجوزوا بالنهار وبعد الضهر كل واحد يروح لحاله ياعالم أين عقولكم ولا أنتوا بتوفروا فى الكهرباء

فهذا الزواج ما هو الا تحليل لبعض الرجال ما يريدونه فى الخفاء من وراء زوجاتهم وبعد قليل سوف نجده أنتشر بين البنات والشباب إيمانا منهم أنه حلا لتأخر سن الزواج وأهو كله أسمه جواز

وليس مستبعدا أن نصل الى زواج التيك أواى أتنين يتقابلوا فى أى كافية يتعرفوا ياكلوا حاجة مع بعض يتجوزوا وعند أول كافية يدخلوا ويطلقوا وعيشى يا بلد

وفعلا دى هتبقى أبشع زغروطة ممكن حد يسمعها

لمزيد من التفاصيل عن الموضوع

http://www.moheet.com/show_news.aspx?nid=399221&pg=1

وكملوا بحث فى جوجل وعيشوا

ست بيت مستهبلة

لكل فعل رد فعل ........ بيسلموا على بعض دايما

وبما أن أستعمال الأطباق والشوك والسكانين والحلل والصوانى من الأمور الهامة جدا والغير قابلة لأى نقاش ولا أى تأخير فأنا أشهد وأنا بكامل قوايا العقلية أنى ست بيت مستهبلة وتشهد معى أمى بذلك

فمنذ سنوات طويلة عديدة وأنا أهوى السهر وأستعمال المطبخ والتفنن فى أى شىء وكل شىء وكل هذا لا مانع منه ولكن المشكلة تكمن فى أنى بعد نومى وأكل الأرز مع الملائكة تستيقظ أمى للذهاب لعملها وتدخل الى المطبخ لتجده ملىء بالأكواب والأطباق والملاعق وغيرها وغيرها وهيا غير نظيفة وأنا نائمة مثل القطة البريئة الرقيقة

وعندما تعود من العمل يتردد نفس الكلام ( هو أنا مفيش يوم أصحى فيه الا والاقى المطبخ مقلوب على أخره وكوبايات مرمية فى حتة وأطباق فى حتة وحلل فى حتة )

لينطق لسانى الذى ينقط شهد دائما ( ما أنتى عارفة أنى ما بحبش غسيل الأطباق ولا الحاجات دى كلها )

لترد قائلة ( شكلك هتفضحينا بعد كده أنا أول حاجة هجيبها ليكى فى جهازك غسالة أطباق )

ليتدخل أخى الأصغر فى الحوار ( أه وماله وبالمرة هاتيلها جهاز يعمل شغل البيت وينضف ويغسل ويطبخ عشان ما تتعبش نفسها وتعمل حاجة )

وكل فترة يتردد نفس الحوار ومع أنى أعترف أنى ست بيت مستهبلة دائما ولكنى كثيرا أغسل الأطباق عندما يستدعى الأمر لتدخلى أو تكون الظروف هكذا ولا يوجد من يغسلها

ولكنى أكره هذا الشىء المسمى غسيل الأطباق أكرهه مثل كرهى لأعدائى الذين أعرفهم ولا أعرفهم وكرهى لأيام الأمتحان الذى يهان فيه المرء أو يهان

والسؤال الذى يطرح نفسه الآن لماذا غسيل الأطباق من مهام النساء دائما وحتى لو أستعمل أى رجل كوب ماء يرميه فى مكانه ولا يكلف نفسه عناء وضعه فى مكانه المخصص له ( يكونش عليهم ندر مثلا لو واحد منهم غسل كوباية ولا طبق الندر يقع )

نصل الى قائمة الأستهبالات المنزلية فمنذ قليل وبعد أضرابى عن الطعام اليوم ولأنى لا أحب السمك المشوى وأكله مضطرة فى ظروف ما وعندما قرصنى الجوع ذهبت الى المطبخ لأصنع لى أى شىء أكله والسلام وبعدها خرجت من المطبخ أصوصو من الحر الشديد وتحاورت مع أمى وهزرنا كثيرا وقليلا وفى خلال حديثنا عن الحر خاصة قلت لها ( دلوقتى بقى هتطلع تقليعة جديدة فى جهاز البنات لما تيجى تتجوز وأنهم لازم يجيبوا تكييفات بدل المراوح )

لترد قائلة ( أيوة ما هما مش فالحين غير فى التقاليع مش برضة دلوقتى بقى فيه ناس لازم تجيب كمبيوتر فى الجهاز وريسيفر )

نظرت اليها وأنا أتمالك نفسى من الضحك الهستيرى على الناس التى من الممكن أن تبيع ملابسها من أجل التقاليع وتقليد الناس فأنا ولا أمى نمانع فى تجهيز البنت بالأشياء الضرورية والأساسية أذا كانت ظروف أهلها تسمح بذلك ولكننا نكره موضوع المنظرة على الفاضى

ووجدتها بعد ذلك تنظر لى وهيا مبتسمة وتضحك وتقول لى يعنى تبقى عروسة ومعاها كمبيوتر أنتى بقى هتبقى عروسة ومعاكى لاب توب وهذا عندما يصل لاب توبى الجديد من خارج البلاد بسلامة الله مع أخى

نييييييييييييييياها

وفى هذه الأثناء فوجئت بأعلان السكر ده هيطفش العريس لننفجر أنا وأمى من الضحك وأنتهى أنا من كتابة أستهبالاتى وأكتفى بهذا القدر المستهبل لحين أشعار أستهبالى آخر

ست بيت شبر ونص

( الطويلة تقضى حاجتها والقصيرة تنده جارتها )

مثل شعبى متعارف عليه جدا ولكنه فيه ظلم واضح لستات البيوت الشبر ونص مثلى

فأنا قصيرة أينعم

شبر ونص أينعم

ولكنى أعتمد على نفسى أعتمادا كاملا فكل شىء له حل

أينعم حلول ممكن أن تؤدى الى كوارث ولكنها حلول رااااااااائعة وتجعلنى مثل فرقع لوز يقفز وينط هنا وهناك وأشبع نزعة الطفولة المدفونة بداخلى لأنى أفعل كل هذا كأنى العب

فمثلا عندما أريد أن أحضر الشنط الموجودة فوق الدولاب ماذا أفعل أحضر كرسى وأقف عليه وأظل أشب أشب أشب مع حركات بهلوانية الى أن تصل يدى الى الشنط مسألة بسيطة جدا لا تدعو لأستدعاء أى جيران ولكنها تدعو لأستدعاء الأسعاف مثلا لأن هذه الحركات البهلوانية من الممكن أن تأخذنى أنا والكرسى والشنط وتقفز بنا على الأرض

ولو كان هناك أشياء كثيرة فوق بعضها على الدولاب لا يوجد عندى مانع من وضع بعض المخدات على الكرسى حتى أصل الى ما أريد ووقتها أتذكر أخى الأصغر والذى كان يقف على الأرض ويمد يده وبمنتهى السهولة يحضر أى شىء فوق الدولاب وأنا مازلت أنط وأقفز

أصل الى المطبخ الذى توجد معزة خاصة بينى وبينه وبداخلى سؤال مهم لماااااااااااااااذا يضعوا الأشياء كلها فى مستوى مرتفع ( إييييييييييه يعنى لما يحطوا السكر مثلا على الأرض النمل هيتلم إيه يعنى مش أحسن لما أفضل أشب عشان أوصل للسكر والشاى )

وعندما أريد الوصول للأطباق فى المطبقية أرفع يدى على أخرها كأنى أغرق وأستغيث وعندما أصل اليها أكون منهكة القوى ( إيه البواخة دى ما ينزلوا المطبقية تحت شوية إيه المشكلة لما يحطوها تحت الحوض لية حاطينها فوق الحوض مش يراعوا ظروفى )

وبسبب هذه المطبقية لا مانع أبدا من وقوع الأطباق والملاعق ويا حبذا لو كانت سكينة أو شوكة وتسقط على رأسى ( أنا عارفة هيموتونى قريب )

وبعد وقت ما أسمع الكل يا بسمه شغلى السخان يا بوسى شغلى السخان ( أشمعنى أنا مالاقوش حد يشغل السخان غيرى ومازال عندى نفس السؤال لية السخان محطوط عالى كده وينهد حيلى عما أشغله طيب ما هو ممكن نعلقه فى الدش وهو يبقى قريب والمية تنزل مباشرة منه للدش بدون تعب وغلب بقى )

نصل الى تنظيف وترتيب البيت ويا حبذا لو كان هذا التنظيف يتعلق بالسقف أو المراوح فأنظر لهم شذرا كأن بينى وبينهم تار ( هو حد قال لهم يعلقوا المراوح فى السقف المفروض يعلقوها فى الأرض وكمان السقف المفروض ينزل لتحت شوية )

لذلك قررت قرار هاااااااااااااام جدااااااااااا لو كان ليا عمر وبقى عندى بيت يعنى كل حاجة هتبقى أرضى أيووووووووووون محدش يناقشنى

فنصيحة منى لكل ست بيت لم يصل طولها الى 160 سم أن تجعل كل شىء أرضى أرضى وأهو عيشة الارض حلوة برضة

الدولاب لازم يكون له سلم علشان نعرف نطلع له بسهوله

تقفيلة المطبخ والمطبقية واللذى منه يتحطوا فى مستوى منخفض جدا ولو لزم الأمر نعمل ليهم حبل نشده ينزلوا لتحت ونعيش بقى

إيه لازمة المراوح التكييف حلو برضك ، والسخان يتعلق فى الدش

ولا عزاء للطوال وتعيش الشبر ونص

لا حالة

هل جربت يوما ما أن تشعر بأنك تعيش فى اللا حالة ؟؟

حالة تكون فيها لا سعيد ولا حزين لا تبكى ولا تضحك لا تتكلم ولا تصمت

تجد نفسك فى حالة وسطية تشعر بكل المشاعر ونقيضها فى نفس الوقت

حالة تتوه فيها كل المعانى

تجلس على حافة الكرسى تنظر وتترقب وتنتظر وترى ما يحدث حولك وأنت متعجب من كمية البشر التى ماتت عندهم المبادىء والأخلاق وكل شىء يمت بصلة لكل ما تربيت عليه

تعيش صراع ما بين مبادئك وأخلاقك وبين سرقة حقوقك ونهبها علنا وكيفية التوفيق بين إعادة حقوقك دون نسيان مبادئك ونزولك لمستوى أدنى فى الأخلاق لترد كرامتك وحقوقك

تكمل جلستك وأنت تنظر الى البشر التى مازال بداخلهم بقايا البنى آدمين وتتحسر على ما أصاب الناس من غباء وأنحطاط ونسيان للمبادىء والقيم وتنظر الى مبادئك وقيمك التى تربيت عليها وتعيش صراعا نفسيا رهيبا بين ما هو صحيح وما هو يجب فعله فى الأمر الواقع الذى وضعت فيه

تظل تنظر هنا وهناك أصدقاء كثيرة فى حالات غريبة عجيبة منهم من هو مريض ومنهم من هو مكتئب ومنهم من هو فى دوامة ولا يشعر بأى شىء

تكمل سيرك وأنت تحاول الحفاظ على أبتسامتك وهدوئك ومبادئك

تتذكر طموحك وآحلامك وتوعدها بأنك لن تتخلى عنها ولكنك تحتاج بعض الوقت لترتيب كل شىء

تنظر الى المسئوليات الكثيرة التى أصبحت ملقاه على عاتقك وعليك إتمامها على أكمل وجه وتحملها وعلى وجهك نفس الأبتسامة وإخفاء أى شىء وكل شىء يؤلمك بداخلك حتى عن أقرب الناس اليك

تصل الى نهاية ما أنت فيه وتعلو وجهك أبتسامة كبيرة يتعجب منها الآخرين ومن قدرتك على تخطى كل ما يحدث لك من أزمات ومشاكل وصدمات بكل قوة وثبات

وتود أن تشكر كل من كان له يد فى وصولك لهذه الحالة لأنها تزيدك مناعة لكل شىء مؤلم وغبى وجارح وصادم

تنهى جلستك بنفس هذه الأبتسامة وتحاول أن تنعم ببعض دقائق ليغمض لك جفن فيها بعد أن خاصمك النوم

عيد ميلاد الليلة مين

عيد ميلاد الليلة مين عيد ميلاد النونة أيون نونة هو أنتى عندك شك أننا لسة صغيرين
أوعى يكون عندك شك

وطبعا طبعا بما أنى مش عايزة حد يسبقنى ويهنيكى فقلت أجى جرى وأهنيكى بعيد ميلاااااااااااااااادك يا روح قلبى وتوأم روحى

بدرية القمر قلب ينبض بالحب
17 يوليو

أنا عارفة أنه مفيش كلام هيوصف اللى جوايا بس كل اللى متأكدة منه أنك حساه وعرفاااااااااااااااااه

كل سنة وأنتى جميلة زى ما أنتى ويارب تروح كل حاجة وحشة وتيجى كل حاجة حلوة وجميلة وأنتى نفسك فيها

يارب تحققى كل حاجة بتتمنيها وتفرحى وتعيشى متهنية طول عمرك

يارب تكبر صداقتنا يوم ورا يوم ويارب أشوفك بقى قريب الله بقى وحشتينى يا ستى إيه الرخامة دى

وبعدين بينى وبينك كده يعنى هو فيه توأم يبقى حد فيه طوووووووووووويل والتانى قصير كده
ههههههههههههههههههههههههه
أيون هو ده قفشتك بتضحكى أهو

أضحكى بقى خلى الدنيا تنور وإن شاء الله الجاى أحلى وأجمل يا روح قلبى وبكرة تقولى بوسبوس قالت

عايزة أشوفك بقى ولا ما وحشتكيش الفراخ البانية ومحشى ورق العنب
:))
اليوم ده كان ناقصه صورة يطلع فيها كل الفضايح
نيييييييييييييييياها

على فكرة بقى كده وحش أيوووووووووووون علشان أنتى وحشانى ومش عارفة أجى أشوفك
بس عامة بحبك بقى قوووووووووووووى
وكل سنة وأنتى طيبة يا أحلى بدرية

دى وصفة سهلة

كثيرا منا يعلم أننا نعيش بالكثير والكثير من الوصفات والخلطات الذكية والغبية أحيانا ونظل نتوارثها جيلا بعد جيل

وبما أن لكل شىء وصفة ما وبما أننا شعب مبتكر دائما فهذه وصفات غالية عليكم جميعا تجربيها أو لا فالأمر يعود اليكم

وأتركوا جانبا وصفات غلى رجل الفار وأم الخلول وأبو سحلول ووضعها على مكان الآلم وركزوا معى قليلا

أذا داهمتك صدمات كثيرة ومشاكل أكثر ورجع عقلك للذكريات الآليمة ومررت بتجارب مريرة فعليك النظر لها بعين الرضا والأبتسام وتطليع اللسان لها وأخذ الدش التمام ولبس الهدوم اللى على الحبل والخروج فى مكان واسع به خضرة وأذا لم تجد مكان واسع فتخيل أنك فى مكان واسع ومش عايزة أسمع حد يقولى مكان واسع إيه فى الزحمة دى تخيلوا تخيلوااااااااااا وعيشوا الحلم وبعدها قم بالتمشية فى هذا المكان وأذهب الى أقرب محل للأيس كريم وأطلب واحد شيكولاتة عشان أنا بحبه وبعدها كمل تمشية وأنت عمال تضحك ومحدش يقولى هضحك على إيه أضحك وخلاص ما هو المجانين فى نعيم أشمعنى أحنا يعنى

وبعدين عدى على أقرب واحد بتاع كشرى وأضربلك طبق أو خماشر حسب قدرتك وطبعا هسمع حد بيقولى مش المفروض الكشرى يبقى قبل الأيس الكريم

لا طبعا يا فالحين لازم نعمل كل حاجة غريبة وعجيبة علشان الوصفة تجيب نتيجة

وبعد الكشرى كمل تمشية عشان تهضم الكشرى وعدى على أقرب واحد بتاع تين شوكى وخدلك حبة حلوين كده وبعدها على أقرب محل سميات يووووووووه قصدى شندوشتات وخدلك شندوشتين كبدة مسممين والمهم يكونوا مسممين فاااااااااهمين الكلام

وبعدها كمل تمشية وأنت برضة بتضحك وأديها واحد أيس كريم تانى برضة بالشيكولاتة وبعده غزل البنات وياسلام لو لاقيت حد فى طريقك عنده حرنكش ودوم خدهم وكمل تمشية وكل وما تنساش تاخد معاك شوية حرنكش ودوم تتسلى بيهم لما تروح

وبعدين أقعد على النيل أو البحر المتاح ليك ساعتها وبص لنفسك فى المية بس أوعى ترمى نفسك وأفضل أحكى أحكى أحكى كل اللى مضايقك لحد ما تطلع كل اللى جواك ومفيش مانع تاخدلك صورتين مع البحر ولا النيل للذكرى برضه ما يضرش

وبعدها بص للسما وأفرد إيديك وكأنك هتطير وخليك على نفس الضحكة

وبعدها بص فى موبايلك وشوف بقالك قد إيه مشاغل الحياة خليتك تنسى صحابك وقرايبك وكلمهم

أرجع بيتك وأنت مازلت متفائل وهمومك خرجت برة معاك وعيش حياتك صح وأنسى أى حاجة تزعلك أو تضايقك وحاول من وقت للتانى تعمل تجديد وتخرج وتتفسح

ولا تنسى عزيزى القارىء لو أصابتك ضربة شمس بسبب كثرة التمشية أو تسمم بسبب الأكل فأنا غير مسئولة عنك لا من قريب ولا من بعيد

فهذه الوصفات من خزعبلاتى الشخصية والى اللقاء فى الوصفات القادمة

مات الكلام

لما تلاقى نفسك فقدت ثقتك فى الناس وفى أقربهم ليك ساعتها فيه كلام ممكن يتقال

لما تلاقى الندالة بقت طبع الناس اللى المفروض أنهم صحابك وقرايبك يبقى ساعتها هتلاقى حاجة تتقال

لما تلاقى مشاعرك بتتداس تحت الرجلين والكل بيتفرج عليك وبيطلع ليك لسانه وفرحانين قوى وشمتانين فيك ممكن حاجة تفوقهم وقتها

لما تهون أنت وحياتك ومشاعرك على القريب قبل الغريب هتحس بإيه

لما أقرب الناس ما يحسوش بيك يبقى مش غريب الناس البعيدة ما تعبركش

بعد كل ده أكيد ما بيبقاش فيه أى كلام لأنه بيبقى خلاص مااااااااااااااات وولا مليون كلمة ممكن توصف اللى جواك ولا تحرك الحجر اللى بقى جوه قلوب الناس

ووقتها بتتمنى أن قلبك هو كمان يموت عشان تبطل تحس عشان ما يفرقش معاك بعد كده أى حد قريب ولا غريب بقى مش مشكلة ولأن ساعتها هيبقى فعلا مات الكلام

بسمه زمااااااااااااان

الكبار يتسائلون والصغار ينظرون وكلهم يسألون هيا فين بسمه بتاعت زمان

ولا يمر الآن ثانية ولا دقيقة ولا ساعة ولا حتى نصف ساعة الا وأسمع نفس الجملة الا وهى ( فين بسمه زمااااااااااااااااااان )

فليست هذه بسمه التى كانت تشع سعادة وبهجة وتفرقها على كل من حولها وتجعل المكان كله سعيدا

ليست هذه التى كانت مليئة بالنشاط والحيوية وتذهب هنا وهناك وتفعل الكثير والكثير

ليست هذه الطموحة دائما وتتطلع للأفضل

ليست هذه التى أصبحت تستيقظ الآن أكثر مما تنام ولا يغمض لها جفن الا نادرا وقليلا وأصبح الأرق صديقها الصدوق والنوم عدوها اللدود

ولكن لا يعلم كل هؤلاء أنها نفس الفتاة

هى بكل ذكائها وغبائها

هى بكل طيبتها وشرها

هى بكل حنانها وقسوتها

هى بكل جدعتنها وندالتها

هى بكل هدوئها وعصبيتها

هى بكل جرأتها وخجلها

هى بكل صمتها وثرثرتها

هى بكل قوتها وضعفها

هى بكل حبها وكرهها

هى بكل نشاطها وكسلها

هى بكل شىء كان بها وأصبح بها

هى هى نفس الفتاة وتتمنى أن تعود بسمه زماااااااااااااان وتود أن تقتل بسمه دلوقتى بكل ما فيها

ولكنها تصر على أنها هى نفس الفتاة حتى لو تظهر بصورة مخالفة لحقيقتها فبداخلها بركان ثائر تخفيه بصمتها وهدوئها وعصبيتها الزائدة

فهى لن ولم تتغير يوما ما ولكنها مفتقدة لأشياء وأشخاص كثيرة هم بالنسبة لها المعنى الحقيقة للحياة والأمان الذى تشعر بفقدانة فى حياتها الحالية لذلك تحولت الى بسمه دلوقتى وأختفت بسمه زمان

ولكنى أستحلفها أن تعود

أرجوكى عودى لى يا بسمه زماااااااااااااااااااااااااااااااااااااااااااااااااااااااان

عايزة أهرب من نفسى

نفسى قوى أخد أجازة من نفسى وأهرب منها وأروح أى حتة بعيييييييييييييييد أعيد فيها ترتيب حياتى وكل حاجة فيها

نفسى فعلا نفسى تدينى فرصة كدة حتى لو خمس دقايق أرتاح فيها وبعدين أنا هرجع لها تانى لوحدى يعنى هروح فين منها

أصل الواحد ساعات من كتر ما بيبقى قوى وعمال يشيل ويشيل بيجى عليه وقت بقى وبيحس أنه خلاص هيقع ولازم ياخد فترة راااااااحة عشان يقدر يشيل أكتر وأكتر لأن مش مسموح له أصلا يبين ضعفه أو أحتياجه لحد يبقى معاااااااااااااه وأصلا اللى هو محتاجهم معاه بعيد عنه لأسباب كتيرة ومن كتر خوفنا عليهم ما بنحبش نشيلهم أكتر من اللى هما شايلينه

بالأضافة الى أن الواحد لما بيحتاج حد خاصة ويحاول يكلمه بأى طريقة وميعرفش برضة يوصل اللى جواه يبقى يسكت ويتهد بقى أحسن

ما هو فى الأخر لو اللى حوالينا ما حسوش بينا لوحدهم لو فضلنا نتكلم مليون سنه برضة مش هيحسونا ولا يحسوا باللى فينا

ولأن ساعات الواحد بيبقى محتاج أى حد يقوله مالك فيك إيه أتكلم قول اللى جواك ( طيب قول الو حتى أى حاجة )

ما علينا علشان أنا من عدم النوم بدأت أخرف شكلى كده

بس الأكيد أنى محتاجة أشحن بطارية نفسى تااااااااااااانى لأنها قربت تخلص ولأن لسة عندى حاجات كتيرة قووووووووووووووووى ما ينفعش معاها أى ضعف بقى ولا تعب ولا كلام من ده

ولأن اللى بيتعود يعيش فى دور عمره ما بيعرف يعيش غيره

عاااااااااااااادى إيه المشكلة أفضل برضة أضحك ومبتسمة فى وش كل الناس ومش مهم جوايا إيه هيا أول مرة يعنى

إيه يعنى أفضل أسمع لدول ولدول وأدادى وأطبطب وأنا مش لاقية حد يسمعنى ولا يطبطب عليا وبرضة لازم أفضل مبتسمة

أعتقد بقى كل ده عااااااااااااادى وأنا مش معترضة عليه خلاص بقى فات وقت الأعتراض أساسا

بس فعلا كل اللى محتاجاه أجازة طويلة بقى ولا قصيرة مش عارفة عايزة أجااااااااااااازة من كل حاجة حتى من نفسى وروحى اللى تاعبنى دول

بس المهم هاخد الأجازة وأروح فيييييييييييييييييين

نييييييييييييييييياها

ضحة شريرة كالعادة

وبرضة ضحكت وأنا مضايقة أهو عاجبكم كده

مفيش فايدة فيا أنا عارفة

بدون كلام

بدون كلام ده حالى وحالك وحال كل البشر

بدون كلام هنعيش فيه لحد ما يزول الملل

بدون كلام هنبدأ وبرضة هننتهى لحد ما يبدأ الكلام

أخويا ولا أبويا ولا صاحبى

لو حبيت أتكلم هتكلم عن إيه ولا إيه ولا إيه

طيب هتكلم عن الأخ ولا الأب ولا الصاحب ولا إيييييييييييييييييييه

ما أنت اللى عودتنى أنى الاقى كل دول معايا ومن نفس الشخص

ما أنت اللى عودتنى على حنانك وحبك وصداقتك وأبوتك

ماكنتش بس مجرد أخ لا ده أنت عشت معايا وحسستنى بكل دور لوحده شوية الأخ وشوية الأب وشوية الصاحب

طيب لو حبيت أوصف كل واحد لوحده هقول إيه ولا إيه

تفتكر فيه حاجة ممكن توصفك أصلا وتديك حقك صدقنى مفيييييييييش

كفاية أنى حاسة أنى بقيت يتيمة من يوم ما أنت سافرت

أيوة يتيمة مش أنت كنت أبويا برضة قبل ما تكون أخويا وصاحبى

مش أنت اللى عودتنى على حنانك ده وكنت أول ما تدخل من باب البيت ومهما كان فيك لازم تحط أيدك على كتفى وتبوسنى فى راسى وتقولى عاملة إيه يا بوسى

ده أنا بقيت بكره كلمة بوسى من أى حد غيرك

مش أنت اللى كنت لما تبصلى تعرف مالى من نظرة عنيا

مش أنت اللى كنت واقف معايا وجمبى وبتشجعنى وشايفنى بنت غير كل البنات

مش أنت اللى كنت شايفنى بريئة قوى وزى الملاك اللى نازل من السما وكنت بتخاف عليا من الهوا الطاير وما تسمحش لحد يكلمنى كلمة واحدة مش عشان أنا غير الناس أو فوق حد ولكن عشان أنت عارفنى وعارف أنى ما أستاهلش حد يعاملنى وحش أو يقولى كلمة وحشة عشان عمرى ماكنت وحشة مع حد حتى أكتر الناس اللى أساؤا ليا مبقدرش أبقى وحشة معاهم

مش أنت اللى علمتنى أتكلم وأقول وما أكتمش حاجة جوايا وما أسيبش حقى

مش أنت اللى شجعتنى أكتب وأبقى جريئة وقوية

مش أنت اللى كنت بتقف معايا فى وش أى حد عايز يلغينى أو يلغى شخصيتى أو يحبطنى ويشوف أنى عبيطة وبعمل حاجات المفروض ما أعملهاش وتكون كل أهتماماتى وتركيزى على حاجة واحدة وبس وطبعا أنت عارفها كويس

مش أنت اللى بتحس بيا حتى وأنت بعيد عنى وبتتصل بيا تقولى مالك حتى لو بخبى عليك

مش أنت اللى ماكانش بيهدى ليك بال لمجرد أنك تحس بس أنه حد مزعلنى أو مضايقنى أو أنى متغيره ومش زى عادتى وكنت تقوم الدنيا عشان تعرف حصل إيه

مش أنت اللى دايما كنت بتفرح قوى لما تلاقينى عارفة كويس أختار الناس اللى أعرفهم وكنت بتتبسط لما تلاقينى بعرفك على زمايلى فى شغلى أو بأى طريق وتلاقيهم فعلا ناس كويسة ومحترمين وجدعان

طيب إيه بقى أنا فى الثلاث سنين اللى فاتوا عرفت ناس كتير قوى مش هتيجى علشان أعرفك عليهم وتشوفنى لسة بعرف أختار الناس ولا لا

مش أنت اللى ماكنتش عايزنى أفضل ساكتة وبتحاول تخرجنى من هدوئى وأنى أتكلم وأتناقش وما أبقاش زى الكرسى اللى محطوط زى ما فيه ناس كتير فى مجتمعنا بيعملوا مع البنات

مش أنت اللى دايما بتتناقش معايا فى كل حاجة تخصك وتخصنى

طيب إيه بقى أنت وحشتنى قوى وصدقنى لو عدت عليا مليون سنة مش هقدر أتعود على بعدك

أنا أفتقدك الأمان من بعد سفرك أفتقدت معانى وحاجات حلوة قوى كنت بحسها معاك

أفتقدك حضنك وطبطبتك عليا وقت ما أبقى زعلانة أو سلامك وبوستك على راسى وأيدك على كتفى فى أى وقت وكل وقت

أفتقدت حتى خناقنا وزعيقنا ومصالحتك ليا بعد الخناقة بمفيش خمس دقايق وتيجى جرى تصالحنى

طيب تعالى وأتخانق معايا كل شوية مش هزعل منك صدقنى لأنى عمرى ما زعلت منك

لسة بتستغرب من صوتى فى التليفون ومن شكل عنيا لما بتكلمنى على الاسكاى بى ومن هروبى منك عشان ما تشوفش عنيا

معلش أصل أتكسرت كتير بعدك لحد ما بقيت قوية قوووووووووووووووووى

بس محتاجة وجودك ولو لساعة واحدة عشان أبقى أقوى

محتاجة حضنك أبكى بس فيه وصدقنى ساعتها هنسى كل حاجة حصلت ليا فى غيابك

هحس تانى بالأبوة والأخوة والصداقة الجميلة اللى كانت بينا

أنا بحبك بقى وأنت وحشتنى قوووووووووووووووى وبكرة 5 يوليو ثالث عيد ميلاد يعدى عليا وأنت مش معايا

كل سنه وأنت بخير يا عمرى ويا أغلى من عمرى كمااااااااااااااااااااان

عارفة أن أى حاجة هتبقى قليلة عليك وعلى كل اللى علمتوا ليا لأن بأختصار أنت اللى شكلت شخصيتى وحياتى

بس نسيت تعمل حاجة واحدة نسيت تعرفنى أزاى أتعود على بعدك

أنا عمالة بجهز نفسى وبجهز كل حاجة أستعداد لنزولك مصر وعلى قد ما أنا فرحانة بس زعلانة كمان لأن الأيام هتعدى بسرعة وخايفة قوووووووووووووى من لحظة وصولك وأن عينك تيجى فى عنيا ومن لحظة سفرك وعينى برضة فى عينيك

وحشتنى قوووووووووووووووووووووووووووووووووووى

وكل سنه وأنت زى ما أنت يا حبيب قلبى