أمى

يارب أشفيها وأديها الصحة وخليها ليا

يارب أشفيها

أمييييييييييييييييييييييييين يارب العالمين

يارب أنا ماليش غيرها دلوقتى بعدك خليها ليا وبارك فى عمرها وجازيها كل خير على كل اللى بتعمله علشانى أنا وأخواتى

يارب ماليش غيرك

الصداقة الضائعة

عندما دققت النظر اليها وجدت أن هذه ليست صديقتها وتؤأم روحها التى قضوا سنوات عمرهم منذ مولدهم سويا حتى مر أثنان وعشرون عاما بها كل ذكرياتهم وهمساتهم وضحكاتهم ولعبهم ولكن بعدت عنها بعد زواجها وظلت الآخرى تتحمل وتحاول الحفاظ على الصداقة وعندما يأست وشعرت بضياع كل شىء بعدت هى الآخرى عنها وبعد مرور عدة سنوات أرادت الصديقة التى بدأت بالبعد العودة مرة آخرى

وعندما حاولت صديقتها لم تستطع العودة كما كانت وكلما تنظر اليها تشعر كأنها أنسانة آخرى لتتحسر على عمر صداقتها وعلى كل ذكرياتها الحلوة والمرة ولكن لسان حالها يقول أنها الطرف الأقوى وأنها التى كسبت عندما ظهر معدن الآخرى على حقيقتة

ولكن شبح صداقتهم التى ماتت وشبح صديقتها هم من يؤلموها الآن

بتحبنى لا أشك مين دول اللى على الفيس بوك

بتحبنى لا أشك مين دول اللى على الفيس بوك لو ما شلتيش العيال دى عليك هسك

مش أبن هانم ولا أبن لورد أتفضلى هاتى الباسبورد ده أنا أراجوز متربى فى سيرك

مع بساطة كلمات الأغنية دى ومع أعجابى الشديد بيها ولأنى كتير بتعجبنى الحاجات الغريبة اللى بالشكل ده بس لو ركزنا شوية مع فكرة الكلام ده هنلاقية صح مليون فى المية وبتعبر عن تفكير فئة كبيرة قوى من الرجالة وكلمة فئة دى مش بس خاصة بالناس اللى مش متعلمة ولا تفكيرها على قدها لا دى خاصة بكل الناس وكل الفئات و العمال والمستقلين ما يضرش برضة

ولكن الحقيقة المرة بتقول أن فيه رجالة فعلا بتفكر بالطريقة دى ( دة أن ماكانوش كلهم خلوها فى سركم بقى )

والأغنية خلتنى أسرح بخيالى لبعيد قوى قوى يعنى بما أنى على طول مقضياها خيال ما هى الحقيقة ماتتعاش أساسا ما علينا

تخيلت مثلا أن حواليا ناس بيفكروا التفكير ده وأذ فجأة وأنا قاعدة على جهاز الكمبيوتر الاقى أخويا داخل عليا وعلامات الشر ظاهرة عليه وأول ما يشوفنى فاتحة الفيس بوك يقوم قالبلى حواجبة ويشدنى من شعرى

ويقولى هاتى الباس ورد بتاعك يا بت أنتى

وأنا أقول له باس ورد إيه بالظبط

يقولى باس ورد الفيس بوك طبعا

لية يعنى

أهو مزاجى أنا الراجل هنا وأنا كنج كونج وماعندناش بنتة تقعد على الفيس توك توك دة تانى وحتى لو قعدتى لا يونكن أسيبك كده لازم يكون معايا الباس ورد أشوفك بتهببى إيه وأطمن أنتى بتكلمى مين ويومك أسود لو لاقيتك ضايفة ولاد ( وساعتها عليكى هسك )

أقوم أنا بكل براءة ولاد ولاد مين دول هما شكلهم إيه الولاد دول

يقوم باصص بصة تانية على الجهاز ويقولى إيه دة وكمان عندك ياهو وهوت ميل ليلتك سودا هاتى الباس ورد بتاعهم وأستنى وسعى كده ويقوم حادفنى لأخر الأوضة ويبص على الميل

إيه ده يا هانم أنتى كمان عندك ولاد على الميل نهارك زى وشك ووش اللى على الميل دول

ومين دة اللى بيقولك أزيك يا جميل ويعرفك منين دة وعرف منين أنك جميلة

وشوية والموبايل بتاعى يرن ويقوم حادفنى حدفة تانية لأخر الأوضة من الناحية التانية ويقولى مين فين لية مين أبو جلامبو اللى بيتصل بيكى دة ويقوم رادد عليه

ويقولة نعم عايز مين

يقول لة ممكن أكلم بسمه

يقوم أخويا يقول له بسمه مين ياض أنت والله لأجى أشدك من قفاك وأعلمك الأدب

وبعدين يقوم مغنى ويقولى بتحبنى لا أشك مين دول اللى على الفيس بوك لو ما شلتيش العيال دى عليك هسك

وفجأة الاقى ماما بتصحينى من الغيبوبة اللى كنت فيها وتقولى هو أنتى هتفضلى مقضياها نوم كده ما تقومى تشوفى النت بتاعك ولا تكلمى صحابك ولا تعملى حاجة أنتى هجرتى النت والكمبيوتر بقالك يجى شهرين لية حصل إيه

وأفوق من الخيال العلمى اللى كنت فيه ده

وأقول لها مين فين ليه هو أنا فين

وأذ فجأة أفتكرت أن أخويا عندى على الفيس بوك والميلات هو وولاد خالتى وأبن خالى وأقوم جرى أفتح الميل علشان أكلم أخويا وأرخم على ولاد خالتى على الفيس توك توك

بس على فكرة أحداث الفيلم اللى حكيته دة بيحصل فى أماكن كتيرة جداااااااااااااااااااااااااااااااااااااااا ولما حبيت أتخيل نفسى عايشة مع حد بالأسلوب ده والتفكير ده جاتلى صدمة عصبية أفقدتنى النطق لمدة ثانية ونص وقلت أقوم أنام أحسن وقعدت أغنى وأقول

بتحبنى لا لا أشك مين دول اللى على الفيس توك لو ماخدتنيش لفة معاك هبيع التوك توك

بالحب أعود

بالحب أعود الى نفسى والى العالم والحياة فأنا لا أستطيع العيش بدون حب

حبى لمن حولى وشعورى بحبهم لى بطريق مباشر أو غير مباشر يعطينى دفعة للأمام دائما

فأنا أكون أقوى بحبهم لى وبحبى لهم وبهم أعيش أجمل حياة

ولهم أقدم أجمل تحية حب وتقدير لهم وأجمل بوكية ورد أصنعه خصيصا لهم لكى يبقى معهم طوال حياتهم حتى يتذكرونى دائما مهما فرقت بنا الحياة والأيام أو بعدت وطالت المسافات

فاضية ومشغولة وشعنونة

العواف عليكم كيف أخباركم كده

آن آن آآآآآآآآآآآآآآآآآآآآآآآآآآآآآآآآآآآآآآآآآآآآآآآآآن طاخ طوووووووووووووووووووووووووخ

دى الأصوات اللى بسمعها حاليا وأنا متقمصة سخصية الخدامة الفلبينية اللى مش عايز يخلص ده ووارد جدا مرة أبقى مرمية تحت السرير بجيب حاجات أو بحط حاجات مش فارقة أو متشعبطة على الدولاب بحاول أوصل للحاجات اللى فوقه وده نسبة لطولى الشاهق طبعا واللى بيخلينى أجيب كرسى وكمان أفضل أشب وأعمل حركات بهلوانية وأحدف الحاجات لماما حاسة أنى فى السيرك القومى بالظبط

أو متشعلقة على المروحة بتهوى شوية ما هو الجو مع الحركة والشغل اللى مش بينتهى ده مش محتمل حاسة أنى بقيت زى طرزان فى الغابة وعمالة أتنطط وأتشقلب من هنا لهنا

وشوية أتقمص دور الخدامة بس مش الفلبينية تؤ تؤ الخدامة بتاعتنا بقى نيييييييييييييييييييياها وأربط دماغى بأى حاجة قدامى وأمسك المساحة والجردل والمية وأعيش بقى مع البلاط شوية حلوين كده ويتخللهم طبعا تنفيط هنا وهناك وعلى أخر اليوم أبص لنفسى فى المراية أتسرع على طول ما هو أساسى أول ما أبص للمراية ومن كتر الحركة والشغل والتنطيط والجرى شكلى بيبقى رائع وخاصة شعرى اللى بيبقى واقف بطريقة رائعة مفيش أحلى من كده طبعا وأساسى لازم أتسرع

وكله كوم والكتب اللى رايحة جاية بيها من أوضة لأوضة دى عما أظبط المكان بتاعهم وهما أخرهم إيه عود كبريت وأخلص عليهم علشان أخواتى يجوا من السفر يقتلونى فورااااااااااااااااااااااااااا

والكمبيوتر حاسة أنه قرب يشتمنى من كتر اللى بعمله فيه وكل شوية واخداه من هنا لهناك وبعامله معاملة العبيد لدرجة أنى أول ما جيت أفتحه ووصلت سلك الراوتر بوصلة التليفون ماكانش النت راضى يشتغل

والله كتر خيره ما أنا عملت فيه عمايل منيلة كويس أنه حن عليا وأشتغل بعد ما ظبطت السلك تانى أصل أنا عندى شوية ذكاء مع التكنولوجيا مش عاديين :)

وحاليا بقيت بطلة فى رفع الأثقال إإإإإإإإإإيه قصدى فى رفع العفش والكراسى والسراير والترابيزات

آآآآآآآآآآآآآآآآآه يا ضهرى

وبقى شعارى حاليا واللى عمالة أدندن بيه طول ما أنا رايحة وجاية أه يانى أه يانى مش هعمل كدة تاااااااااااانى وشربت حجرين على الشيشة مع دودو والسبع ومش عارفة مين

وحرمت يا بوجى حرمت

حرمت يا بابا عااااااااااااا

والظريف فى الموضوع أن رفع الأثقال والتوضيب مش بيقتصر على بيتنا هنا وخلاص لا ده كمان برفع أثقال وأنقلها لبيتنا فى البلد طيب أطفش أنا وأروح فين ولا أجى منين

والجميل كمان أن العيلة كلها فجأة أفتكروا أنهم عايزين يتجوزوا وكل شوية عندنا فرح وسفر ثلاث أربع أيام وكل ده وأحتمال كبير الشهرين الجايين يتخللهم فرح أخويا !!!!!! ؟؟؟؟؟؟؟؟؟؟؟؟

طيب أجيب وقت لده كله منين

طيب أجيب صحة لده كله منين

وأه يانى أه يانى مش هعمل كده تانى

وأهم حاجة فى الموضوع حاليا أن توضيب البيت لسة ما أنتهااااااش وأنا خلاص مطحون وهلكان هلكان والغريب فى الموضوع أن المفروض مع الشغل ده كله أعرف أنام ولكن الوضع الحالى بيقول أنى تقريبا ما بنامش ساعة فى اليوم ده لو نمتها

طيب فى الأول علشان ما كنتش بعمل حاجة والناس تقولى أتعبى نفسك هتنامى على طول

حاليا مش بتعب نفسى بس ده أنا بموت نفسى عايزة أنااااااااااااااااام نفسى أنااااااااااااااااااااااام

هو النوم ده شكله ولا طعمه إيه منكن حد يقولى

ونتيجة لكل ده ببقى عاملة دمااااااااااااااااااااغ عالية لا ودى مش أى دماغ وبغض النظر عن الحالات اللى بتجيلى وساعات بتبقى حالات أنشكاح وضحك هستيرى وهبل وعبط وتهييس وساعات بتبقى عصبية وزعيق وخبط ورزع بسبب عدم النوم والأرهاق والصداع اللى مش طبيعى اللى عاملى أحلى دماغ لدرجة أنه كان هيغمى عليا من يومين يادوب خارجة من باب الأوضة لاقيت نفسى بتطوح يمين وشمال زى اللى شارب حاجة ولولا ماما جت جرى ولحقتنى كنت وقعت على ترابيزة الأنترية وعملت دماغ أحلى من الدماغ الأولى

نييييييييييياها كان نفسى حد يصورنى وأنا بتطوح كدة هههههههههههههه

هااااااااااااااا دنيا هنعمل إيه بس

ويادوب كده لازم أجرى أنا أشوف دولاب أتشعلق عليه ولا سرير أترمى تحتة ولا أى حاجة علشان أنجز بقى أنا قلت بس أمسى على الناس الحلوين من بين الأنقاض اللى أنا فيها دى

وليا عودة مش عارف أمتى بالظبط وساعتها هحكى حكاية التوك توك بتاعت ضحى والناس الحلوين اللى كلمتهم وكلمونى وفرحونى جداااااااااااااااااااااااااااااااااااااااااااااااااااااااااااااااااااااااااااااااااا