أحم أحم كان ما ياما كان فى سالف العصر والزمان أمبارح بالظبط اللى هو السبت 30 يناير 2009 صحيت بوسبوس من النوم أو بمعنى أدق بعد نوم ساعة واحدة بس وقررت تشد الرحال الى قاهرة المعز وتخطف بيبو صاحبتها ويهربوا على معرض الكتاب
وأذ فجأة لبست وهوب هوب خرجت وركبت الميكروبااااااااااااااااظ أيون الميكروباااااااظ وده لأنه ماكانش فيه مواصلات أصلا ولا حتى بيجو وقالت ميكروباظ ميكروباظ بس المهم نوصل أمااااااااااال إيه بس
وفى الطريق حب السواق يشغل الركاب شوية وشغل لهم الراديو وكل شوية ينقل من محطة لمحطة وأذ بودان بوسبوس تسمع كلام بقالها خمسين سنه بتسمعه
قال إيه لسة فيه برنامج على الراديو بيتكلموا عن كيفية الأرتقاء بدور المرأة فى المجتمع طيب هو أحنا مش هنبطل كلام وندخل بقى على الفعل
وبرنامج تانى بيخاطب الأطفال الصغننين اللى هما ما بقوش صغننين خالص عن خطورة الأكل اللى برة البيت وخاصة السلطة والحاجات دى صباح الخير يا بشر الكلام ده كان ممكن زماااااااان قبل الديلفيرى والتيك أواى ضحكتونى والله
وأذ فجأة بتقول لنفسها هو الكلام ده مش هيتغير ولا إيه
وتقريبا السواق حس بيها وقام مغير المحطة وجاب أف أم وشوية أغانى وجع قلب على حب وغرام على أى حاجة وفجأأأأأأأأأأأأأأأة قالوا حظك اليوم
أيون أيون فين البرج بتاعى أوباااااااااااااااااااااا خبر سعيد اليوم هيفرح قلبك
وبغض النظر عن السواق اللى كان حالف يعمل مليون حادثة ومصمم يبقى ماشى لازق فى أى عربية قدامه ومش عامل حسابة أن ممكن العربية دى تهدى لأى سبب ولا فى دماغه وكنت حاسة أنه عايز يخلى العربيات كلها تلزق فى بعضها وتعمل زى القطر كده
ههههههههههههههههههههههههههه
لا والكبيرة بقى شوية يقف يحط بنزين وشوية يقف يزود العجل شوية تقريبا كان ناقص ياخد العربية فومين وأحنا فى الطريق
ووصلت بحمدلله ونزلت متجهه الى محطة المترو والمترو اللى بتخنق منه جداااااااااااااا وكلمت بيبو يالا يا بنتى قابلينى ويادوب وصلت التحرير وشوية وجت بيبو وهاتنا أحضان أيوووووون بقالنا كتير ما شفناش بعض مستغربين ليه وخرجنا بقى متجهين الى المعرض وطول الطريق لوك لوك لوك لوك وتقريبا لحد ما روحنا واللوك لوك ده ما خلصش
المهم وصلنا المعرض بسلامة الله وكان هادى الحمدلله مش زحمة ولا حاجة ولفينا لفينا لفينا وأشترينا أشترينا أشترينا لما فلست وكنت هروح مشى
وأول حاجة جبتها كتب أصحابى المدونين
الضرب فى الميت
تعيش وتاخد غيرها
وظيفة ما تمت
أحبنى لتعرف من أنا
أغتراب
مع شوية حاجات تانية زى
بالنيابة عن جسدى
أبيض وأسود الرجل والمرأة
لا تكره نفسك
يوميات زوج طهقان
والتخلص من آدم
وشوية حاجات تانية بقى وقلت كفاية كده لأنى كنت على وشك أنى أفلس وقلت أكمل المرة الجاية إن شاء الله
وبجد كان يووووووووم لطيف ولفيت أنا وبدرية كتير وحكينا وأتكلمنا كتير قوى وأهم حاجة أن بيبو كانت خايفة للمكان يتفجر لية مش عارفة وطبعا أنا مش هقول لية هههههههههههههههه
تقريبا علشان أحنا كنا هناك نييييييييياها
وكل شوية نشوف ناس شبه أصحابنا كان يوم الشبه العالمى
وفعلا فعلا كنت محتاجة الخروجة دى واليوم ده واللف والكلام والرغى ده ولأن اليوم كله فرق معاااااايا جاااااااااامد مش عارفة يا بت يا بيبو فرق معاكى ولا لا
وفى نهاية المطاف قابلنا الضارب فى الميت أحمد الصباغ وأخدت منه توكيييييييع خصوصى على الكتاب
وكلمتين على الماشى معاه أنا وبيبو ومدونة أول مرة أشوفها أسمها إيناس ومش عارفة أوصل لمدونتها لحد دلوقتى وياريت لو وصلت هيا ليا هنا توصلنى لمدونتها
بس بجد يا أنوس أنا حسيتك رقيقة وهادية وبريئة قوى وحسيت أنى جمبك الشاويش عبدالعال وفرحت جدا أنى شفتك وعرفتك وبتمنى ما تكونش أخر مرة
اليوم بجد كان رااااااائع وخلاصة اللى شفتهم فيه خلوه أروع وهما بدرية الجميلة والصباغ اللى مالحقناش نقعد معاه كتير علشان كنت مستعجلة علشان السفر بس برضك كان يوم حلو
وأحلى حاجة الشيكولاتة اللى لسة ما دقتهاش هههههههههههههههههههههههههههه ومحطوطة جمبى أهى اللى داقوها بقى يقولولى رأيهم فيها نييييييييييييياها ضحكة شريرة
وأخيرا وصلت للبيجو وركبت وكنت خلاص مش قاردة فعلا واحدة ما نامتش غير ساعة ومقضياها سفر ولف ما هو لازم تموووووووت ههههههههههههههههههه وتقريبا السواقين فى اليوم ده كانوا متفقين عليا برضك السواق مش عاجبه يكون فيه عربية قدامه ومقضيها طول الطريق كلاكسات كأننا فى فرح كل ما تبقى فيه عربية قدامه ده شغال كلاكس علشان توسع وبعد ما يعديها يعمل كده مع التانية والثالثة كنت حاسة أنى بلعب جيم السيارات بتاعت الأتارى الأسود القديييييييييم فاكرينه لما نبقى عمالين نعدى من كل عربية ونخلص منها وندخل على اللى بعدها الراجل جننى بجد
بس الحمد لله وصلت بحمدلله الى مقر المدينة بتاعتى ودخلت البيت مش شايفة قدامى ولا حواليا على رأى الست اليسا بس ده من كتر التعب مش أكتر
وقضيتها نوم من أمبارح للنهاردة ههههههههههههههه
بس بجد كان يوووووووووووووم رااااااااااائع راااااااااااائع يعنى
وأسيبكم بقى علشان أقرأ الكتب اللى جبتها وأستعد للزيارة القادمة
كلام على جمب للأخ العبيط مش بقولك أنت عبيط أه والله عبيط وعلى فكرة الكتاب اللى حضرتك بتقولى أزاى أشترية ده ناوية أشترى منه تانى وأبعته لأخواتى وكمان أجيب لقرايبى منه
وفعلا فعلا ربنا يشفيك ويديك على قد نيتك وكفاية على قد نيتك دى أعتقد هتبقى مفيدة ليك
ملحوظة تانية مهمة معرفش لية التعليقات بقت فوق المواضيع مش تحت مع أنى ما لعبتش فيها فخدوا بالكم بقى
