العواف عليكم وهذا طبعا تماشيا مع لغة بعض الناس اللى هنا بما أنى بجضى يووووووووه قصدى بقضى أجازة العيد فى بلدنا ونسبة لفئة معينة مازالت بتتكلم بلغة غريبة عجيبة فكان لازمن ولابد عليا أكتب بنفس طريجتهم بجى
أمبارح وأنا جاعدة فى بيتنا المحندج الجميل دهوت وحاطة جدامى اللاب توب بتاعى ومندمجة معاه جداااااااااااا وكنت جاعدة فى وش باب البيت خبط لزج وباب البيت كالعادة مفتوح على مصراعية عادى جدااااااااااا أذا فجأة الاجى حاجة بتصوصو ولما أنتبهت لاجيت إيه بقى شغلوا مخكم معاااااااايا
لاجيت بالصلاة على النبى بنتين حوالى 4 و7 سنين كدهوه وفجأة وبدون مقدمات ما تفرجيييييييييييينا على الماتش مع التأكيد على تعطيش الجيم على قد ما تجدروا
طبعا أنا أفتكرت أنى سمعت غلط أو جالى طرش وقتى فقلت لهم نعم فيه حاجة عايزين حاجة وحصل الحوار التالى
فرجيييييييييييييييييييينا على الماتش بجى
نعم ماتش إيه
فرجيييييييييييينا على الماتش
ماتش إيه أنتوا عايزين إيه
عايزين نتفرج على الماتش
ماتش إيه منك ليها أنتوا عايزين إيه
مش ده قمبيووووووووتر برضك
لا مش كمبيوتر ده كنكة
نعم
آه كنكة تحبوا أعملكوا قهوة
الله بجى فرجييييييييييييينا على الماتش
يالا يا فوزية أنتى وهيا من هنا
فرجييييييييييييينا على الماتش بجى يالا بت ندخل عنديها
يالا يا ماما منك ليها أنتوا فاكرنى قاعدة فى قهوة
يالا يا بييييييييييييييييييييييييه ندخل نشوف الماتش بجى ( وفى خلال الجملة دى كانوا بيدخلوا برجلهم جوه البلكونة وشوية وهيدخلوا من باب البيت )
يالا يابنتى أنتى وهيا هنا مش قهوة
يوووووووووه بجى عايزين نشوف الماتش مش ده قمبيوتر ( ورجلهم عمالة تخطى وتقرب أكتر من الباب )
لا مش كمبيوتر ما قلت لكم ده كنكة تحبوا أعمل لكم حاجة تشربوها
ضحكة غريبة مش عارفة أكتبها أزاى طلعت منهم وأنا بدأت تجيلى كريزة ضحك من كلامهم وطريقتهم وردود أفعالهم
يالا بقى يا فوزية منك ليها مش فاضية ليكم
فوزية مين دى بجى
يعنى هيكون أسمكم إيه باللغة الغريبة اللى بتتكلموا بيها دى فوزية شوقية فتكات يالا يا ماما من هنا بقى
طيب فرجيييييييييييينا على الماتش بجى يالا يا بييييييييييييييييييييه تعالى ( وعمالين يقربوا ووصلوا للباب )
وفى اللحظة دى قمت من على الكرسى ورحت لباب البيت وقلت لهم يالا من هنا هو أنا قاعدة فى قهوة
الله بجى هو ده مش قمبيييييييوتر عايزين نشوف الماتش
يالا يابنتى من هناااااا مش فاضية ليكم إيه شغل الجنان ده
يالا يا بييييييييييييييه ندخل نشوف الماتش
يالا يا بنتى من هنا أنتوا شاربين حاجة
نفس الضحكة الغريبة العجيبة ومازالوا مصرين يشوفوا الماتش
وفجأة لاقتنى أتحركت ناحيتهم وكنت همد إيدى خلااااااص وعملت نفسى هجرى وراهم وكان فاضلى شوية وأقلع لهم الشبشب أه والله ما هو ما ينفعش معاهم غير كده ودول جريوا وهما معلقين على جملة فرجيييييييييييينا على الماتش مش ده قمبيييييييييييوتر فرجييييييييييينا بجى على الماتش مش ده قمبييييوتر يالا يا بيييييييييييييييه أجرررررررررررررررى
4 comments:
والله إنت ست مفترية
مش كفاية إن ربنا رزجك بقوووومبيييييييييوتر؟
ما تفرجيهم ع الماتش بجييييى؟!!!!!
ألا صحييييييييييح؟
هى بلدكوووووو
إييييييييييه؟
يااااااه
ربنا يقويكي يا بسمة :)
و يديكي الصحة !!
كل سنة و انتي طيبة
بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير
عيد سعيد على كل الناس الطيبين
Post a Comment