واحد ترميم وصلحه والبحث عن السعادة

يااااااااااااه الواحد بقاله كتير ماجاش يلعب هنا ولا يكتب مع أنى كنت دايما بكتب وأكتب وأكتب مهما كنت مشغولة بس معرفش حصل إيه من فترة مش عارفة أكتب حاجة وعمالة أنشر فى القديم لييييييييييييييييه الأفكار مش عايزة تخرج من عقلى وتتكتب شىء فى علم الغيب

ولا يمكن عقلى المشغول بمليون أتنين مليون حاجة ده هو اللى مخلينى مش عارفة أكتب

بس ما علييييييييينا وبما أنى بقالى كام يوم واخدة أجازة من الترتيب والتوضيب واللذى منه قلت أجى أروق مدونتى بقى شوية ما هيا ليها حق عليا برضة ولازم أراعيها ما هى شايلانى وساكتة يا عينى وما بتنطقش

وبما أن عمو بلوجر ظبطنا بشوية أستايلات حلوين قعدت ألعب شوية لحد ما أستقريت على الأستايل ده ومحدش يقولى إيه معنى اللخبطة اللى فى خلفية الأستايل دى وأشمعنى أخترتها

لأن تقريبا عقلى الباطن وأهتماماتى الفلسفية النفسية الفسيولوجية بتخلينى أميل للحاجات المعقدة المركبة اللى ذات أبعاد فلسفية مبعدية بحتة عميقة ومتعمقة ومعقدة للغاية

وده بيوصل فى النهاية الى أنى كائن غريب الأطوار لا ينام الليل ولا النهار

تقريبا بينام الضهر شوية وغالبا الكائنات دى بتبقى كل حاجة فيها غريبة

وتقريبا فاضلى شوية وأرش مية قدام المدونة وأكتب عليها يا ناس يا شر كفاية قر

أو الغندورة والملك واللى يحبنا ما يضربش نار عندنا

وأفرجها علينا يارب ببوست جديد بقى من داخل أعماقى الجوانيه لأن حبس الأفكار ده بيحسسنى أنى صلاحيتى أنتهت من زمان وأن بنزين الكتابة عندى خلص

شىء لا يصدقة عقل فعلا

وفى النهاية مع أن الكلام لسة ما أنتهاش أحب أفكركم بحفل توقيع كتاب هل تبحث عن السعادة للمدون محمد غالية يوم السبت الجاى

التفاصيل هناااااااااااااااااااااا

هاااااااااا مين قال جاى ومين قال جاى برضة