الخروج من البيضة

تفتكروا خروج الكتكوت من البيضة شىء سهل ولا صعب
تفتكروا إيه الأسهل الدخول جوه البيضة ولا الخروج منها
اللى قدرت أوصل له أن الدخول جواها مش سهل والخروج أصعب من الدخول بمراااااحل ومحتاج حاجات كتيرة قوى علشان تقدر تخرج منها

وطبعا المقصود بالبيضة هيا العزلة والوحدة والخوف ومشتقاتهم

هل حد جرب بقى يدخل جوه البيضة سواء بمزاجه أو غصب عنه وياترى عمل إيه لما دخل جواها
طيب جربتوا تخرجوا منها وهل فعلا قدرتوا تخرجوا ولا مازلتوا مش عارفين وكل ما تتقدموا خطوة تيجى حاجة ترجعكوا خطوات

اللى أكتشفتة أن الدخول جوه البيضة مش سهل أبداااااااااا والخروج بقى أصعب منه قوووووووووووووووى وبيحتاج حاجات كتيرة جداااااااااااااااا وأهمها أن الواحد يكون عنده أرادة وعزيمة وأنه يحب نفسه شوية ويطبطب عليها ويداديها ولأن أكتر حاجة تخليك مش عارف تخرج من البيضة أنك تكون كاره نفسك ومش فاهمها ومش عارف تسايسها ولا تتعامل معاها

بالأضافة الى أنك تبعد عن كل شىء كان سبب فى دخولك البيضة أو على الأقل تتجاهل الأسباب دى علشان تعرف تعيش

لازم يكون طموحك عاااااالى ودايما تحاول تكون أحسن ولأنك لو فضلت زى ما أنت ومش عايز تعمل حاجة هتفضل جوه البيضة كتييييييير ومش هتخرج منها ولا بالطبل البلدى


يعنى بعد كل الرغى ده واللى عندى أكتر منه بكتير فيه جملة واحدة تلخيص لكل اللى فات
أول خطوات خروجك من البيضة أنك تكون عايز تخرج ولأنك لو من جواك مش عايز عمرك ما هتخرج