فرحى أنا وبيبو فى يوووووووووووم واااااااااااااااااحد مبسوطة جداااااا

بدرية طه وبسمه عبدالباسط وبسمه ماسكة كتابهم وفرحانة بيه

بسمه بسمع كلام حد بيتكلم بس مين مش فاكرة بعدسة أحمد الصباغ

بسمه عبدالباسط بتوقع على كتابها بعدسة أحمد الصباغ

بدرية طه بتوقع على الكتاب بعدسة أحمد الصباغ

بسمه وبدرية بيوقعوا على الكتاب بعدسة أحمد الصباغ

بوسبوس بالأبيض والأسود بعدسة الصباغ عجبانى الصورة دى موووووووووووت

إيه مالكم فاتحين عنيكم ومستنين أقول إيه لا لا مش فرح بالمعنى اللى فى دماغكم هو أحسن ملييييييييييييييييييون مرة من أى فرح ممكن حد يتخيله

أبننا الصغير طلع للنور يا خبر هتفهموا غلط تانى قصدى مولودنا الأول يوووووووووووه برضة هتفهموا غلط قصدى كتابنا أنا وصديقتى الجميلة بدرية طه

كتاب البنات عايزة إيه

الزمان الخميس 26 فبراير 2009

المكان مكتبة البلد أمام الجامعة الأمريكية

الحدث ولادة مولودنا حبينا كتابنا اللى كنا مستنية من زمااااااااااااااااااااااااااان

بجد الحفلة كانت أكتر من راااااااااااااااااااااااااائعة وعلى الرغم من قلقى الشديد أنا وبدرية واللى كنا بنحاول ندارية عن الناس ألا أننا كنا فى قمة القلق والخوف من الحفل ومن وجودنا قدام الناس والحاجات اللى بتحصل دى ولكن وجود أمى الحبيبة جمبى كان مطمنى كتير

بالأضافة الى وجود أحمد الصباغ

اللى وقف معانا بجد وقفة رجالة بصحيح بداية من تهدئتة ليا أنا وبدرية وكان عمال يطمنا أن كل شىء هيكون تمام ويحاول بروحة المرحة أدخال البهجة علينا وعلى كل المكان وصولا الى كل مواقف الجدعنة اللى عملها معانا من تصويرة للحفل كله بالكامل فى كل حركة وهمسة وسكون وأى حاجة حتى وأحنا مبلمين طبعا هو كان بيلقط الصور على طول ومش عايزة أقولكم أنى عارفة مهارة أحمد واللى أكيد الصور بتاعته هتطلع أكتر من رااااااااااااائعة

وصولا كمان الى كلمتة اللى قالها فى الحفل وكانت بجد أجمل كلام سمعته عن المواضيع اللى كتبناها فى الكتاب ووقتها حسيت أن هدفنا وفكرتنا وصلت وفيه ناس فهمتنا خصوصا ان أحمد من أوائل الناس اللى كانوا متابعين المدونة

وصولا كمان لأصرار أحمد أن يوصلنا للموقف ويطمن أننا ركبنا أنا وماما ولما أصرينا أنه يركبنا التاكسى وبلاش يتعب نفسه ومع أنه كان رايح مع ناس صحابة لمكان الا انه راح وداهم ورجع لنا ونزل معانا لحد ما ركبنا التاكسى وأطمن كمان علينا بعد صولنا

ووصولا كمان لدعايتة لينا قبل الحفل

بجد مش عارفة أقول عنك إيه ولا إيه بس أنت بجد أخر جدعنة وراجل بمعنى الكلمة وماما بتشكرك جداااااااااااا وأستجدعتك جدا وما بطلتش كلام عن جدعنتك وشهامتك معانا

نوصل بقى للمفاجأة التانية وهيا وصول مامه بدرية للحفل والمفاجأة الجميلة اللى عملتها بحضورها بجد فرحت جدا من وجودها هيا وأمى وكان وجودهم سبب حقيقى فى نجاحنا النهاردة

كنت مبسوطة قوى بكل الناس اللى شفتهم بداية من أسماء رمضان الصحفية الجميلة اللى راحت المكتبة بدرى قوى

ومروة حسن وينكى الجميلة اللى كنت حاسة بفرحتها الكبيرة لينا جدا ومساعدتها ليا فى تصوير الحفل فيديو بموبايلى لانى كنت مشغولة وبجد الفيديو رااااااائع جدا وهنزله ليكم الموضوع الجاى

ونهال قاسم صديقتى الجميلة وزميلتى فى الشغل فى مجلة على صوتك بجد مبسوطة جدا من حضورك اللى بث جوايا روح الأمل وطمنى أكتر

وسحر غريب صديقتى الرائعة وجوزها الأستاذ طارق بجد ناس فى غاية الأحترام وحسيت بسعادتهم أكتر ما كنت حساها يوم حفل توقيع كتاب سحر كأن الكتاب بجد بتاعهم

وإيناس لطفى الجميلة اللى جت نورت الحفل وشرفتنى ونورتنى ودايما بتدينى أمل فى بكرة بنشاطها وحماسها

وأحمد مهنى اللى جه مخصوص لينا بعد شغله علشان يشاركنا فرحتنا وكنت حاسة بفرحته جدا مع إنى معرفتش أكلمه كلمتين على بعض سامحنى يا أحمد كنت ملخومة جدا وشكرا ليك جدا

ومحمد الغزالى اللى جه مخصوص برضة لينا وهنانى على الكتاب سعدت جدا بوجوده وحضوره ومستنية رأيك فى الكتاب زى ما وعدتنى

وزهرة الجنة الجميلة بجد متشكرة جدا انك جيتى زى ما وعدينى سعدت جدا بحضورك

وولاء البرى الصحفية الجميلة اللى عملت المستحيل علشان تحضر بجد شكرا ليييييييييييييييييييكى جدا نورتينى والله وكان نفسى أقعد معاكى أكتر من كده بس الوقت بقى انتى عارفة

وأحمد فيصل المدون ورفيق كفاح قديم من أيام منتدى الكرامة فعلا أنا أعرفه من زمان من أيام المنتدى بس ماكنتش أعرف أنه عنده مدونة وفرحت جدا لما لاقيتة النهاردة حسيت بروح الناس بتوع منتدى الكرامة اللى مفتدينة دلوقتى وأكيد هو فاهم كلامى

والصحفى ماجد ابراهيم اللى جه متأخر علشان شغله بس صمم يجى ويبارك لنا ويشاركنا فرحتنا بجد شكرا ليك

وشيرين أيامنا الحلوة بجد فرحت جدا أنى شفتك أخييييييييييييييرا وكنت حاسة بفرحتك وسعادتك قوى لينا

وحسام الهندى صحفى فى الدستور وعدنى انه يجى وبجد جه وحضر وكنت سعيدة بوجوده جدا وبأن الناس بتبان على حقيقتها فى الحاجات دى

إيمن فؤاد شاب جميل قوى ومجتهد ولذيذ خالص محدش يفهم غلط ده أصغر منى ياجدعان وزى أخويا بالظبط عرفته عن طريق الفيس بوك وكان فيه مشروع شغل بينا بس لسة ما بدأناش فيه طبعا الولد جه وكلمنى وفى الأول ماكنتش واخدة بالى مين ده يقولى أنا أيمن وأنا متنحة ومش واخدة بالى خالص وفين وفين عما ركزت وقلت له اه ايمن بتاع الفيس بوك بجد الولد صغنون خالص وحسيت انى فى عمر جدتة لا بجد هو فعلا أصغر منى بكتير بس فعلا حسيت أنى جمبة زى ما أكون جدته بالظبط وما تقلقش مش ناسية مشروعنا وأجهز أنت بس وربنا معانا

وكمان عسقول كان موجود بجد فرحت جدا لما شفتك وعرفتك وشكرا ليك على تشريفك لينا

وكان فيه كمان مدون صغير فى السن بس للأسف مش فاكرة أسمه ياريت لو دخلت هنا تفكرنى بنفسك ومعلش الذاكرة هنجت

وأمانى الجميلة بنت رقيقة وعسولة كده زى البسكوتة بس ياترى إنتى أمانى بتاعت جروب كلنا ليلى ولا واحدة تانية

والصحفية هند أمين فى مجلة كل الناس بجد سعيدة بمعرفتك وبوجودك معانا

مين تانى شفته معلش أعذرونى الزهايمر بقى ولما هفتكر حد هقول على طووووووووووول

وطبعا أنا أتعمل فيا فصل من بدرية بس أما أشوفك بس طبعا أنا كنت هموت من القلق وبطبعى خجولة جدا ومابقدرش أقعد قدام ناس كتير وأتكلم وكنت متفقة مع بدرية وياسمين ومنى المسؤلين عن دار النشر أن بدرية اللى هتتكلم ومحدش يهوب ناحيتى تقوم إيه البت بدرية أول ما ياسمين قالت لها قدمى الكتاب تقوم باصة ليا وتقول بسمه قولى أقول إيه يا بنتى حرام عليكى حططينى فى وضع هههههههههه وكل ده متسجل فى الفيديو

لن أنسى لكى هذا الموقف

بس بجد على قد ما الموقف كان مربك بس أستفدت منه كتييييييييير وخدت جرأة شوية أنى أقدر أتكلم ولاقيت الموضوع عادى ومفيهوش حاجة بس هو محتاج حد يتك ليا على الزرار وأنا مش هسكت وطبعا كنت وأنا بتكلم ببص لناس معينة أولهم أمى وبعدين ماما بدرية وأحمد الصباغ وأسماء رمضان ومروة حسن ونهال قاسم

وكنت متوقعة أنهم هيدونى أشارات لأى حاجة غلط عملتها هههههههههههههههههههه علشان الحق نفسى بس محدش عبرنى كانوا متنحين ليا على أعتبار أنى كنت بتكلم فى سر القنبلة الذرية

هههههههههههههههههه

سعيدة جدا بالنقاش الجميل اللى كان موجود حوالين الكتاب وأوعدكم المرة الجاية هتكلم أكتر وأكتر لحد ما تقولوا ليا أسكتى كفاية كده

فعلا وجود بدرية معايا فى الكتاب شجعنى من البداية أنى أفكر فى الموضوع ولولاها يمكن ماكنتش خدت الخطوة دى خااااااااالص

وطبعا مش قادرة أخبى عليكم أنى كنت عاملة زى فرقع لوز عامل أنط وأقوم وأخرج أشوف الناس وأسلم عليهم مش قاعدة راسية زى ما الناس بتعمل فى حفلات توقيعها وطبعا الشعنونة بتاعتى وضحت ههههههههههه

فعلا كان يوم جمييييييييييييييييييييييييل جدا وممتع جدا وسعييييييييييييييييدة بيه جدا وبعتبره شهادة ميلاد جديدة ليا أنا وبدرية

وبشكر جدا الناس اللى مقدرتش تيجى وأتصلت بيا منهم هبه القاضى صديقتى الغالية وبسمه صاحبة مدونة مش قادرة ورنا تيسير ربنا يخليكوا ليا

وأمبارح قبل الحفل بيوم فوجئت بأحلى تهنئة من خالى حبيبى ولأنه شاف كلامى على الميل بخصوص الحفل وأتصل بيا مخصوص يهنينى بالكتاب وأتمنالى مزيد من النجاح

بالأضافة الى تشجيع أخويا الكبير ليا دايما ومع أنه مسافر برة مصر الا أنه كان متابع كل حاجة خطوة بخطوة وسعيد جدا باللى عملته كان نفسى تبقى معايا قوى يا حبيبى فى اليوم ده وحشتنى جدا

بالأضافة كمان الى تهنئة خالتى وخالى وابن خالتى أكرم ليا على الكتاب وباقى قرايبى اللى عرفوا بجد سعدت جدا بكلامكم

وأخر الحفل كان حضن جميل منى لبدرية معرفش والله حسيت وقتها أنها زى بنتى وفرحانه بفرحها وبحضنها الحضن ده

وأوعدكم المرة الجاية هنزل ليكم الصور والفيديو وممكن على بكرة أحطها فى البوست ده بالمرة

ويارييييييت طلب خااااااص جدا ياريت أى حد كان موجود وصورنا يبعتلى الصور على الميل ده

rohbosbos@gmail.com

حفل غنائى لوينكى وعلى الألفى وحفل توقيع كتاب أنا أنثى

صديقتى الجميلة مروة حسن وينكى

بلغتنى أنها هتغنى فى حفلة مع على الألفى يوم الأتنين 2 مارس الساعة 8 ونص مساءا فى قاعة النهر بساقية الصاوى

وهتلاقوا تفاصيل أكتر على مدونتها هنا

http://winkywankoka.blogspot.com/2009/02/blog-post_16.html

--------------------------------------------

حفل توقيع العدد الثالث من سلسلة مدونات مصرية للجيب

كتاب " أنا انثى "

لمجموعة من المدوِّنات النساء

ضيفة شرف الحفل المدوِّنة : غادة عبد العال صاحبة كتاب عاوزة أتجوز

ومن المشاركات في كتاب ..أنا أنثى

نوارة نجم

اسر ياسر

ايناس لطفى

نرمين البحطيطى

شمس الدين

رشا عبد الرازق

بيلا شريف

مكسوفـــة

بسمة عبد الباسط

مريم الغنيمى

إيمان نادى

زهراء امير بسام

آية الفقى

مروة الســيد

أميرة محمد محمد محمد

فاتيما

مذكرات عانس

نرمين البحطيطى

سلمى أنور

انجى سمراء النيل

سارة ابراهيم على

سمر مجدى

مروة النجار

شيماء حسن

نسرين عبد النعيم

د.مرام محمود

ايناس لطفى

نجلاء الشربينى

محاسن صابر

يصاحب الحفل عرض فيلم روائى قصي

رالمكان المركز الثقافى الدولى

العنوان17 ش السد العالى ميدان فينى الدقى الشارع المقابل لشيراتون الجزيرة

اقرب محطة مترو انفاق محطة الاوبراالزمان يوم 3 مارس الساعه 4.30م

حفل توقيع كتاب البنات عايزة إيه مع مجموعة كتب آخرى

حفل التوقيع يوم الخميس 26 فبراير من الساعة 5 الى 7

فى مكتبة البلد

مكتبة البلد قدام الجامعة الأمريكية

بتنزل محطة مترو التحرير ( السادات ) وبتخرج من الباب اللى قدام الجامعة الأمريكية

هاتخرج من المترو اتجاه السهم اللي بيقول الجامعه الامريكيه اول ما تخرج هاتلاقي في وشك وواخد ناصيه كمان هارديز وامامه الجامعه الامريكيه تمشي مع اتجاه هاردز بعد خطوات هتلاقي ماكدولدز تمشي برضوه هتلاقي عماره تحتها كافية سلنترو هي ديه عماره المكتبه

الحفل هيكون للكتب الأتية

البنات عايزة إيه لـ بسمه عبدالباسط وبدرية طه

كلام فى الحب وأشياء آخرى هند السيد

ظل رجل هبه هانى

أشتغل وأنت فى البيت محمد التهامى

----------------------------

مستنينكم كلكم

حطام فتاه

كانت فتاه هادئة الطباع خجولة رقيقة أجتماعية نشيطة وطموحة جدا وطموحها ونشاطها ليس له حدود على الأطلاق وكانت دائما تتطلع للأفضل وكان كل من حولها من أقارب أو جيران أو أصدقاء أو زملاء يحبونها جدا وكانت مميزة دائما عند كل الناس وكانت خدومة لأبعد الحدود وتقف مع أى أنسان يحتاج لمساعدة أو يمر بمشكلة وكانت نعم العون لكل من تقف بجوارهم
أنهت دراستها الجامعية وكلها أمل فى غد أفضل وطموحها كان كبير جدا وكانت تتمنى وجود فرصة عمل فى أى مجال حتى تستطيع أثبات نفسها وبالفعل بعد شهور قليلة وجدت فرصة عمل وكانت بعيدة بعض الشىء عن دراستها ولكنها فرحت بها جدا لأن تحب تعلم كل شىء جديد وحتى تأخذ خبرة فى شىء جديد وبالفعل عملت وكانت نشيطة جدا لدرجة لفتت نظر كل من حولها لها بسبب كثرة نشاطها وحبها للعمل وأتقانها له وأيضا مساعدتها لزملائها فى عملهم وحتى عندما يمروا ببعض المشاكل فى العمل تسعى لإنهاء هذه المشاكل وكانت دائما تنهيها ببراعة وذكاء فأستطاعت فى فترة بسيطة تكوين علاقات صداقة وعلاقات أجتماعية قوية جدا وأصبح لها مكانة مميزة عند كل من حولها
ولكنها أيضا كان لها حلم طوال حياتها تتمنى أن تحققة فكانت تعشق الكتابة منذ نعومة أظافرها ولكنها لم تدرس شىء خاص بهذا الموضوع وعملت أيضا بشىء أخر بعيد عنه ولكن وجدت ما تريد بعد ما بدأت الدخول الى النت وعرفت أشياء كثيرة جدا جعلتها تعود لحلمها فى الكتابة مرة آخرى
وبالفعل تعرفت على عدد من المجلات التى أصبحت تكتب بها وعاد اليها حلمها وطموحها من جديد وأصبحت نشيطة جدا أيضا فى عملها على النت وكان كل من حولها يلاحظ هذا النشاط وأستطاعت بسرعة أثبات نفسها وأصبحت معروفة لعدد لا بأس به من المتابعين للمجلات التى تكتب بها
وفى خلال عملها الأساسى وعملها على النت وطموحها ونشاطها الزائد تعرضت لتجربة شخصية كانت تتوقع أنها سوف تعطيها دفعة للإمام ولكنها تركت بها أثر سىء وخرجت من هذه التجربة محطمة مكسورة وقل طموحها ونشاطها بصورة ملحوظة وتركت عملها الأساسى وحتى عملها على النت أصبحت غير مهتمة به وذلك بسبب تعب نفسيتها بصورة كبيرة
فأصبحت تخاف من كل شىء وأصبحت تستلذ بالجلوس فى البيت والنوم لفترات طويلة وأصبحت الحياه بلا معنى عندها وكل طموحها وعملها هى على وشك أن تضيعه من يديها وهذا بالطبع ليس بقصد منها ولكنها ليست واعية لما يحدث حولها فهى أصبحت مريضة طوال الوقت ومع كثرة ترددها على الأطباء ورأيهم بأن كل ما تعانى منه بسبب أزمة نفسية الا أنها لا تعرف كيف تخرج من أزمتها
فهى تريد العودة للحياه مرة آخرى ولكنها لا تعرف ماذا تفعل فكل شىء تحطم أمامها فحلمها وطموحها ونشاطها ماتوا جميعا
وأصبحت تحب العزلة والبعد عن الناس بطريقة غير طبيعية وعندما تعلم بموعد أى شىء مهم لها لكى تخرج تتعب قبله وتعتذر عن الموعد
أصبحت ذابلة شاحبه لا شهية لها لتناول الطعام
هل هذه هى تلك الفتاه التى كانت كلها نشاط وحيوية وتخرج كل يوم لعملها وتعود لتساعد أمها فى طهى الطعام وترتيب البيت ثم تتابع عملها على النت وتفعل أشياء كثيرة فى تفس الوقت
هل هذه هى تلك الفتاه المرحة التى كانت تساعد الجميع على حل مشاكلهم والوقوف بجوارهم دائما فهى الآن من تحتاج الى أى شخص يقف بجوارها
فهى الآن تشعر بأنها حطام فتاه وتشعر بعدم رغبة فى الحياه وتشعر بأنها تموت موتا بطيئا فحتى فى آحلامها أصبحت لا ترى الا أشخاصا ماتوا فى الواقع فحتى آحلامها تذكرها بالموت
فهى الآن تشعر أنها على حافة الموت
كل حياتها تدمرت ولا تعرف كيف تعود للحياه مرة آخرى

حب إيه اللى أنت جاى تقول عليه

تعبيرات كتيرة هنسمعها يوم 14 فبراير هابى فلانتين داى ، عيد حب سعيد وغيرها من كلمات الحب والغرام والهيام

واليوم يبقى كله أحمر فى أحمر وهدايا حمرا شوية دباديب على قلوب على أى حاجة تقابلك كله أحمر فى أحمر

والكل عمال يتنحنح ويوقع حنية وكلام حلو وجميل لا عمره قاله ولا عمل بيه أصلا

هو فيه إيه ؟ لا بجد فيه إيه حب إيه اللى أنت جاى تقول عليه أنت عارف معنى الحب إيه

أنا فى أعتقادى أن معظم الناس اللى بتحتفل بالبتاع ده مش عارفين أصلا يعنى أى حب ولا أساسا بيحبوا بعض وتسعة

وتسعين فى الميه منهم أصدقاء أو زمايل وماشين مع بعض من ورا أهلهم

اه

اه والله كلامى صح صدقونى وحتى المرتبطين سواء مخطوبين أو متجوزين تلاقيهم طول السنه عمالين يخبطوا فى بعض

وخناق مالوش أول من أخر وفجأة الدنيا بتبقى وردى وحب فى حب وهدايا وهبل معرفش جه منين

هيا الناس ماينفعش تحب بعض طول السنه ؟

هما أصلا بيحبوا بعض الناس اللى بتحتفل دى ؟

طيب لية ما بيفكروش يقولوا لبعض كلمة كويسة طول السنه ولا حد بيفكر يجيب للتانى حتى علبة مناديل أعتقد ده أكبر

دليل على أن حبهم مش صادق ولا فيه حب من أساسه أصل الحب مش محتاج يوم نبين فيه حبنا الحب موجود على طول

أيوة الناس مش هتقعد طول اليوم تحب فى بعضها ولا تقول كلام حلو

بس محدش يقنعنى أنهم طول اليوم وطول السنه خناق فى خناق وفجأة الحب ظهر وطلع والقلب بقى مولع بالحب ده

ومش قادرين من كتر الحب

أنا بجد بتغاظ جداااااااااااااااااااااااا من الناس دى واللى بيغيظنى أكتر الناس اللى أصلا مش مرتبطين يعنى لا مخطوبين

ولا متجوزين بمعنى تانى ماشين مع بعض سواء كانوا بيحبوا بجد ولا تسلية ولا أى حاجة

أصل معلش الصح معروف والغلط معروف يعنى إيه أتنين يمشوا مع بعض تحت مسمى الحب معلش اللى أعرفه أن اللى

يحب حد يدخل البيت من أبوابه وغير كده بعتبره بيتسلى أو بيضيع وقت

يعنى بدون أرتباطات جواز الصالونات ممكن عادى أى أتنين يعرفوا بعض سواء عن طريق الشغل أو الدراسة أو القرابة

أو أى صلة يتشدوا لبعض وكل واحد مثلا يعجب بشخصية التانى وبأى حاجة فيه ايا كانت وممكن فعلا يحبه

فى النقطة دى بقى الحل مش أنهم يكلموا بعض ويمشوا مع بعض هو ممكن يعبر لها عن مشاعره بأى طريقة يعنى ممكن

لو هو بيكلمها وفيه كلام بينهم أصلا يقول لها أنه عايز يتقدم لها ويشوف ردها أيه أو ممكن يوسط حد بينهم ويعرف رأيها

وبعدها يروح يتقدم لها ولكن حوارات بقى الكلام فى التليفون والخروج مع بعض ايام وشهور وسنين والكلام من ورا

الاهل مش بياكل معايا ويعتبر غلط مليون فى الميه

أيه المشكلة لما واحد يكون شافنى وأعجب بيا وممكن أكون أنا كمان أعجبت بيه ولكن ليه نمشى الطريق الغلط طالما الصح موجود

وهيكون أحسن مليون مرة وبعدين فيه حاجة أسمها خطوبة الاتنين بيعرفوا بعض أكتر وممكن لما ماكانوش متوافقين الخطوبة تتفسخ

عادى لكن حكاية صاحبى وبحبه وماشية معاه وصاحبتى وبحبها وماشى معاها ده أسمه تسلية مليون فى الميه والولد دايما بيحتقر

البنت اللى مشيت معاه وكلمته من ورا أهلها

وبعدين الصح واللى أتربينا عليه ودينا قال لنا عليه موجود لية نعمل الغلط

سبينا من النقطة دى وندخل فى نقطة تانية موضوع الأحتفال بعيد الحب أو الفالنتين داى

فى يوم من الأيام من كام يوم وأنا بقلب على التليفزيون خير اللهم أجعله خير لاقيت برنامج عن الفالنتين داى وبيحتفل بعيد الحب كأنه

العيد القومى المهم بقى البرنامج كان قايم على أن أى حد بيحب يتصل ويقول أنه بيحب للى بيحبه وفيه فى البرنامج مسابقة وأى حد

بيتصل بيكسب وكمان فيه بتاع أهبل كده من كلامك بيطلع مؤشر ويقولك نسبة حبك كام ربنا يشفى

المهم معظم اللى أتصلوا بنات ومعظهم بيحبوا صاحبهم ومفيش غير واحدة بس اللى قالت خطيبها والباقى صاحبها وكل واحدة بتتكلم

تفضل تتنحنح وتتدلع وتضحك ضحكة مالهاش غير وصف واحد بس مش مهم أقوله والمذيع يقول لها أسمك أيه تقوله أم الخلول ويقول

لها بتحبى مين تقوله صاحبى أبو جلامبو يقول لها وهو بيحبك تقوله اه يقول لها طيب قولى لأبو جلامبو أنك بتحبيه وأم الخلول تقول له

لا أنا هتكسف وفجأة وبكل بجاحة أنا بحبك يا أبو جلامبو يا حبيب عمرى يا حياتى بكل مياعة وتضحك الضحكة اياها

وبعدين يقوم المذيع يديها هدية ليها ولابو جلامبو ومؤشر الهبل قصدى الحب يقوم قايل لها نسبه حبها كام

نفسى أعرف أهل البنات دول فين ومش سامعينهم وهما بيتكلموا ويدلعوا فى التليفون كده وأزاى أصلا واحدة تطلع وتعمل كده وتقول

أسمها وتقول لأى واحد أنها بتحبه

ده الواحدة لما بتكون مخطوبة أو متجوزة بتتكسف تعمل كده ده على أعتبار الحياء اللى أنا أعرفه عن البنات وأنا عن نفسى لما أتخطب

أو أتجوز عمرى ما أقدر أعمل كده عمرى ما أقدر أتصل ببرنامج وأقول الكلام ده مهما كانت درجة حبى له هو مش فيه حاجة أسمها

حياء ولا ده مابقاش موجود

الغريب بقى أنى لاقيت واحدة عندها 14 سنه متصلة بتقول أنها بتحب صاحبها فى المدرسة من سنه وهو أكبر منها بسنتين وأن أهلها

عارفين عادى

هيا دى مش تعتبر طفلة برضة هو فيه إيه وأزاى أهلها سايبنها كده سبحان الله أنا كنت بسمع وبشد فى شعرى

وبعدين المذيع الظريف قال عادى فيه واحد عنده خمس سنين وبيحب قمت أنا معلقة وكان أخويا وماما سامعنى وقلت أه وفيه واحد

عنده شهر بيحب واحدة عندها يوم ما هو يادوب عليه

قام أخويا قايل لا بيحب واحدة لسة ما أتولدتش

ما هو صحيح يادوب عليه

وبجد بقيت متغاظة جدا من اللى بسمعه ومن المذيع الظريف اللى بيدعو الناس تقول أنها بتحب حتى لو كانت بتحب حد مفيش أى أرتباط

بينهم عادى تعبر عن حبها

يارب أرحمنا

هو فيه إيه والناس بقت بتفكر أزاى وهو لية ما بقاش فيه قيم ولا أخلاق يعنى إيه بحب واحد ومفيش بينا صلة وبكلمه وبمشى معاه

وأهلى مش عارفين لا ومن كتر البجاحة بتصل ببرنامج وبقول كده هو أهل الناس دى فين

أنا مش ضد الحب ابدا ولا أن الناس تحب ولكن فى الأطار الشرعى والصح مفيش مشكلة أن واحد عارفنى سواء عن طريق الشغل

الجيران العيلة أى مكان عارفنى منه وأعجب بيا وحبنى وممكن أكون أنا كمان حبيته ولكن عمر ما هيكون شكل العلاقة بينى وبينه أننا

نكلم بعض ونمشى مع بعض من غير أرتباط الصح أنه يقول لحد واسطة بينا على اللى جواه علشان يعرف رد فعلى وهل فعلا موافقة

أرتبط بيه ولا لأ ولو موافقة يتقدم لأهلى أو حتى يقولى هو لو كان فيه كلام بينا ويشوف ردى أيه ولكن موضوع أننا نمشى مع بعض

ونكلم بعض والحاجات دى لية هو خلاص ما بقاش فيه قيم ولا أخلاق ولا دين

ومعلش أنا عارفة أن كلامى هيزعل بنات وشباب كتير بيحبوا بعض وماشين مع بعض وبيعتبروا ده عادى بس معلش أنا مش هرضى

الناس على حساب دينى ولا القيم والأخلاق اللى أتربيت عليها

الصح صح والغلط غلط وأحنا اللى بنوقع نفسنا فى مشاكل مالهاش لازمة ونرجع نعيط بعد كده

وأنا مابدعوش الناس ما تحبش بعض لا عادى حبوا بعض وعيشوا وقولوا لبعض كلام حلو وهاتوا هدايا ولكن لازم يكون ده فى أطار

شرعى والناس كلها تعرف ومش لازم نفضل نضرب بعض طول السنه وفى يوم يظهر الحب

اللى بيحب حبه موجود على طول ما فيش حاجة أسمها نعمل يوم للحب ونحب فيه بعض ده أسمه هبل ومش حب ابدأ من وجهه نظرى

أنا كمان نفسى أحب وأسمع كلام حلو وأقول برضة كلام حلو بس فى أطار شرعى وصح مش بالطرق اللى بتحصل دى

ويالا كفاية كده وأبقى أكمل بعدين بس ياريت فى التعليقات بلاش ضرب هههههههههههههههه

مدونات جديدة

مدونات جديدة جدا بنتمنى تعجبكم

أولا مدونة أيتها الحموات الفاتنات الرحمة

خاصه بيا أنا وصديقتى بدرية طه

ودى هنتكلم فيها عن كل الحاجات اللى بتحصل وتعمل مشاكل بين الحماه وخطيبة أو زوج أبنها

وهنوضح فيها أمور كتير بتكون غايبة عن الحماه وبتعمل مشاكل كتيرة جدااااااااااااااااااااااااااااااااااااااااااااااا نفسنا تنتهى بجد

------------------------------------------------

ثانيا مدونة قرأت مؤخرا

اللى عملتها أنا والمدون أحمد سمير وأشترك معانا مدونين كمان بنتمنى تزورونا وتشاركونا فيها كمااااااااااااان

------------------------------------------------------

ما تنسوش بكرة تسمعوا حلقة برنامج أنت تسأل والكمبيوتر يجيب هيتكلموا عن كتابنا وكتب أصدقائنا

الساعة 9 وعشر دقائق على اذاعة البرنامج العام

وممكن تسمعوا الاذاعة من الموقع ده

http://www.kr-kr.com/tv/39/

ولمزيد من التفاصيل أدخلوا على مدونة البرنامج

http://netonradio.blogspot.com/

--------------------------------

سلامى ليكم كلكم وأستنوا أخبار جديدة وسعيدة منى قريبا ان شاء الله

أحاسيس بداخلى

أكتئــــــــــــــــــــــــــــــــــــــــــــــــــــــــــــــــــــــــــاب
أحبـــــــــــــــــــــــــــــــــــــــــــــــــــــــــــــــــــــــــــاط
حــــــــــــــــــــــــــــــــــــــــــــــــــــــــــــــــــــــــــــزن
يــــــــــــــــــــــــــــــــــــــــــــــــــــــــــــــــــــــــــــأس
صــــــــــــــــــــــــــــــــــــــــــــــــــــــــــــــــــــــــراع
دهشــــــــــــــــــــــــــــــــــــــــــــــــــــــــــــــــــــــــــة
غضـــــــــــــــــــــــــــــــــــــــــــــــــــــــــــــــــــــــــب
رهبــــــــــــــــــــــــــــــــــــــــــــــــــــــــــــــــــــــــــــه
خــــــــــــــــــــــــــــــــــــــــــــــــــــــــــــــــــــــــــــوف
صدمـــــــــــــــــــــــــــــــــــــــــــــــــــــــــــــــــــــــــــة
جـــــــــــــــــــــــــــــــــــــــــــــــــــــــــــــــــــــــــــــرح
فـــــــــــــــــــــــــــــــــــــــــــــــــــــــــــــــــــــــــــــراق
وداعــــــــــــــــــــــــــــــــــــــــــــــــــــــــــــــــــــــــــــــ
صمـــــــــــــــــــــــــــــــــــــــــــــــــــــــــــــــــــــــــــــت


كلها أحاسيس أشعر بها الآن وأشعر بأكثر منها

بداخلى صراع

هو فيه إيه ؟ وإيه اللى بيحصل بالظبط ؟ واللى بيحصل ده صح ولا غلط ولا ما بقاش حد عارف الصح من الغلط

مش قادرة أقول غير انى تعبت من الصراع على الصح والغلط وعلى الممكن والمش ممكن

وعلى إيه اللى لازم يحصل وإيه ما يحصلش

يمكن كلمة صراع بقت صغيرة وقليلة قوى على اللى بيحصل جوايا دلوقتى بس كل اللى أقدر أقوله انى تعبت بجد تعبت

حاجات كتيرة بتحصل فى مجتمعنا وحوالينا بتكون غلط ومش صح ولكنها بتحصل وهتفضل تحصل أصلها عادات وتقاليد متوارثة ومش هتخلص أبدا مهما حصل

وحاجات تانية كتيرة صح بيمنعونا نعملها مع أنها صح وبرضة دى بحكم العادات والتقاليد المتوارثة من الآخر

جوااااااااااااااااااايا صراع بس ياترى مين اللى هيكسب فى الصراع ده

الصح حتى لو كان متعارض مع العادات والتقاليد المتوارثة

ولا الغلط اللى بقى حوالينا فى كل مكان والناس مصرة تعمله

ولا هندفن راسنا فى الرمل زى أغلبية الناس علشان باقى الناس عايزة كده

ولا هنفضل نسيب الناس تتطفل وتدخل فى حياتنا ونقول يعنى هنعمل ليهم ليه هنقفل بابنا فى وشهم ولا نقول لهم ما تتكلموش

لا مانقفلش الباب ولا حاجة ولكن ما نفتحوش برضة على البحرى وتبقى حياتنا مشاع خصوصا فى قعدات النميمة المنتشرة فى مجتمعنا

طيب وبعدين نشتغل ونثبت نفسنا وطموحنا ولا نعمل زى الناس ونقعد نحط ايدينا على خدنا فى أنتظار المجهول أيا كان المجهول ده

لا طبعا أنا من رأيى نشتغل ونحقق نفسنا وطموحنا طالما ما بنعملش حاجة غلط وأكيد أكيد هنلاقى ناس كتيرة تعجزنا بتصرفاتها وكلامها وتريقتها أحيان كتيرة

ولكن بلاش نسمع لحد والحاجة الصح نعملها طالما مش متعارضة مع ديننا ومع عاداتنا وتقاليدنا الصح مش العادات والتقاليد الفالصو يبقى نعملها وربنا معانا

فى الأخر هيفضل الصراع موجود وعمره ما هينتهى وياريت محدش يتخيل أو يفتكر أنه هينتهى لأن طول ما فيه ناس وحياه هيفضل فيه صراع وكلام ونميمة وتريقة وحقد وحسد وتقليل من أى حاجة بنعملها وتعجيز وحاجات كتيرة ممكن تحطمنا لو ما أتمسكناش باللى أحنا عايزينة

يوم مميز فى حياتى

يوم الجمعة 30 يناير 2009

فعلا كان يوم مميز جدا بالنسبة ليا رحت معرض الكتاب وقابلت ناس كان نفسى أشوفهم من زمااااااااااااااااااااااااان وشفت ناس قابلتهم قبل كده وكان نفسى برضة أشوفهم تانى

وحضرت حفل توقيع كتاب حماتى ملاك لصديقتى الجميلة سحر غريب

وحفل توقيع رواية هيروبولس لمحمد التهامى

وقابلت ناس كتيرة منهم

صديقتى الجميلة وتؤأم روحى بدرية طه

صديقتى العزيزة سحر غريب

المدون والأخ العزيز أحمد الصباغ

المدونة العزيزة فاتيما

المدونة الجميلة سلوى رئيسة حزب الأحلام

الكاتب محمد التهامى

المدونة الجميلة رنا تيسير

الصحفى ماجد ابراهيم

المدون أحمد مهنى

خايفة أكون نسيت حد بس بجد كان يوم مميز جدااااااااااااااااااااااااااااااااااااااااااا وعمرى ما هنساه

أسيبكم بقى مع شوية صور

وبتمنى أشوفكم قريب فى حفل توقيع كتابى أنا وصديقتى

بدرية طه وبسمه عبدالباسط

بدرية طه وبسمه عبدالباسط وسحر غريب فى حفل توقيع كتابها

بسمه عبدالباسط وأحمد الصباغ وبدرية طه

سحر غريب وتوقيع كتابها حماتى ملاك

أحمد الصباغ وهو بيمارس هوايتة فى التصوير